އިންޑިއާގެ ބިލިއަނަރު މުކޭޝް އަމްބާނީގެ ހަގު ފިރިހެން ދަރިފުޅު އާނަންތު އަމްބާނީ އާއި އޭނާގެ އަންހެނުން ރާދިކާ މާޗަންޓު ޗުއްޓީ ހޭދަކުރަން އަނެއްކާވެސް ރާއްޖެ އަތުވެއްޖެ އެވެ.
ޓޫރިޒަމް އިންޑަސްޓްރީގެ ހަބަރުތައް ގެނެސްދޭ ހޮޓެލިއާ މޯލްޑިވްސް އިން ބުނި ގޮތުގައި އެ ދެމަފިރިން ރާއްޖެއަށް އައީ މިދިޔަ ހޮނިހިރު ދުވަހެވެ. އެ ނޫހުން ރިޕޯޓްކޮށްފައިވާ ގޮތުން އާނަންތާއި ރާދިކާ ޗުއްޓީ ހޭދަކުރަން މިފަހަރު ދިޔައީ ވޯލްޑޯފް އެސްޓޯރިއާ މޯލްޑިވްސް އިތާފުށްޓަށެވެ.
އެ ދެމަފިރިން ރާއްޖެ އައިއިރު ސަލާމަތީ ކަންތައްތައް ބަލަހައްޓަން 50 މީހުން ގެނައި ކަމަށާއި ރިސޯޓްގައި ދެ ސީޕްލޭން އަބަދުވެސް ސްޓޭންޑްބައި ގައި ބާއްވާފައިވާ ކަމަށް ވެސް ހޮޓެލިއާގެ ހަބަރުގައި ވެ އެވެ.
އަމްބާނީ އާއިލާގެ އެކި މެމްބަރުން މީގެ ކުރިން ވެސް ރާއްޖޭގައި ޗުއްޓީ ހޭދަކޮށްފައި ވެ އެވެ. މިދިޔަ އަހަރު ވެސް އާ އަހަރުގެ ޗުއްޓީ ހޭދަކުރަން އެއާއިލާގެ ބައެއް މެންބަރުން އިތާފުށްޓަށް އައެވެ.
އޭގެ ކުރިން 2024 ވަނަ އަހަރުގެ ނޮވެމްބަރު މަހު އާނަންތު ރާއްޖެއަށް ކުރި ދަތުރުގައި ހދ. މަކުނުުދުއަށް ޒިޔާރަތްކޮށް ކުކުޅަކާއި މުސަޅެއް ގަނެގެން އިންޑިއާއަށް ގެންދިޔަ އެވެ. އާނަންތުގެ ދެމަފރިން އެފަހަރު ޗުއްޓީ ހޭދަކުރީ މަކުނުދޫ ފަޅުގައި އޮންނަ ސޮނެވާ ސީކްރެޓް ރިސޯޓްގަ އެވެ.