ކުރިއަށް އޮތް ރޯދަ މަހަށް ހާއްސަ ކޮށްގެން މޯލްޑިވްސް އިސްލާމިކް ބޭންކު (އެމްއައިބީ) އިން އަޒަރުބައިޖާން ދަތުރެއް ލިބޭ ޕްރޮމޯޝަނެއް ފަށައިފި އެވެ.
މާޗު 28 ވަނަ ދުވަހުގެ ނިޔަލަށް ކުރިއަށް ގެންދާ އެ ޕްރޮމޯޝަންގައި ބައިވެރިވެވޭނީ އެމްއައިބީގެ ކާޑާއި ފައިސާވެއާ ޓެގް ނުވަތަ ފައިސާވެއާ އަނގޮޓިން އެމްއައިބީ ޕީއޯއެސް ނުވަތަ ގްލޯބަލް ޕޭ މެދުވެރިކޮށް ފައިސާ ދައްކާ ކަސްޓަމަރުންނަށެވެ.
އަޒަރުބައިޖާން ދަތުރެއް ލިބުމުގެ އިތުރުން ކޮންމެ ހަފުތާއަކު ވެސް ނަސީބުވެރި 10 މީހަކަށް މި ޕްރޮމޯޝަންގައި ކޭޝްބެކް ލިބޭނެ އެވެ. ކޭޝްބެކް ލިބޭނީ ހަފުތާއަކު މަދުވެގެން ފަސް ޓްރާންސެކްޝަން ހަދާ ކަސްޓަމަރުންގެ ތެރެއިން ގުރުއަތުން ހޮވޭ ކަސްޓަމަރުންނަށެވެ.
މިއީ ރާއްޖޭގެ ހުރިހާ ސަރަހައްދުތަކެއްގައި ދިރިއުޅޭ އެމްއައިބީ ކަސްޓަމަރުންނަށް ބައިވެރިވެވޭނެ ޕްރޮމޯޝަނެއް ކަމަށް އެ ބޭންކުން ބުންޏެވެ.
އެމްއައިބީ އިން ކޮންމެ އަހަރަކު ވެސް ރޯދަ މަހަށް ހާއްސަކޮށް މިފަދަ އެކި ޕްރޮމޯޝަންތައް ކުރިއަށް ގެންދެ އެވެ.
އެ ބޭންކުން ވަނީ ރާއްޖޭގެ އާބާދީ ބޮޑު އެކި ރަށްރަށުގައި 1،600 އަށް ވުރެ ގިނަ ޕީއޯއެސް މެޝިން ބަހައްޓައިފަ އެވެ. އަދި ރާއްޖޭގެ ބޮޑެތި އެކި ވިޔަފާރިތަކަށް އެމްއައިބީގެ ގްލޯބަލް ޕޭ މެދުވެރިކޮށް ފައިސާ ދެއްކޭނެ އެވެ.
އެމްއައިބީއަކީ ބޭންކަށް ނުގޮސް ވަގުތުން އެކައުންޓު ހުޅުވޭ ބޭންކެކެވެ. އެ ބޭންކުގެ "އެޕްލައިނައު" ޕޯޓްލް މެދުވެރިކޮށް ދުނިޔޭގެ ކޮންމެ ތަނެއްގައި ހުރި ނަމަވަސް އެކައުންޓު ހުޅުވޭނެ އެވެ. އަދި އެމްއައިބީގެ ކޮންމެ ބްރާންޗަކަށް ގޮސް ގެން ވެސް ވަގުތުން ލިބޭ އިންސްޓަންޓް ކާޑު ވެސް ހެއްދޭނެ އެވެ.