އުއްތަމަ ފަނޑިޔާރު ކަމަށް ޑރ. ޑީޑީ، ސުޕްރީމް ކޯޓަށް އަބްދުﷲ ދީދީ އާއި ޣަނީ އައްޔަން ކުރަން ލަފާ ދީފި
ފަނޑިޔާރު ޑރ. އަހުމަދު އަބްދުﷲ ދީދީ(މ)، ފަނޑިޔާރު އަބްދުﷲ ދީދީ(ކ) އަދި އަބްދުލް ޣަނީ.: އުއްތަމަ ފަނޑިޔާރު ކަމަށް ޑރ. ޑީޑީ އައްޔަން ކުރަން ޖޭއެސްސީން ވަނީ ލަފާ ދީފައި -..ފޮޓޯ/މިހާރު
26 ޖޫން 2018 - 15:58
31 comments
އުއްތަމަ ފަނޑިޔާރަކަށް ސުޕްރީމް ކޯޓުގެ ފަނޑިޔާރު ޑރ. އަހުމަދު އަބްދުﷲ ދީދީ އައްޔަން ކުރުމަށާއި ސުޕްރީމް ކޯޓުގެ ބެންޗުން ހުސްވެފައިވާ އޮތް ދެ މަގާމަށް ހައި ކޯޓުގެ އިސް ފަނޑިޔާރު އަބްދުﷲ ދީދީ އާއި އެ ކޯޓުގެ ފަނޑިޔާރު އަބްދުލްޣަނީ މުހައްމަދު އައްޔަން ކުރަން ޖުޑިޝަލް ސާވިސް ކޮމިޝަން (ޖޭއެސްސީ) އިން ރައީސް އަބްދުﷲ ޔާމީނަށް މިއަދު ލަފާ އަރުވައިފި އެވެ.
އުއްތަމަ ފަނޑިޔާރަކަށް ހުންނެވި އަބްދުﷲ ސައީދާއި ސުޕްރީމް ކޯޓުގެ ފަނޑިޔާރަކަށް ހުންނެވި އަލީ ހަމީދަށް ކުށެއް ސާބިތުވެ، އިސްތިއުނާފް މަރުހަލާ ނިމުމާ އެކު، މިދިޔަ ހަފުތާގައި އެ ދެ ބޭފުޅުންގެ މަގާމު ވަނީ ގެއްލިފަ އެވެ. ގާނޫނުއަސާސީ ބުނާގޮތުން ސުޕްރީމް ކޯޓަށް ފަނޑިޔާރުން އައްޔަން ކުރާނީ ޖޭއެސްސީގެ ލަފާގެ މަތިން ރައީސުލް ޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާ ނަންތަކުގެ ތެރެއިން އެ މަޖިލީހުން ކަނޑައަޅާ ބޭފުޅުންނެވެ.
ޖޭއެސްސީން މިއަދު ލަފާ ދިނީ އުއްތަމަ ފަނޑިޔާރު ކަމަށް ފަނޑިޔާރު ޑރ. އަހުމަދު އަބްދުﷲ ދީދީ އައްޔަން ކުރުމަށާއި ސުޕްރީމް ކޯޓުގެ ފަނޑިޔާރު ކަމަށް ހައި ކޯޓުގެ މިހާރުގެ އިސް ފަނޑިޔާރު އަބްދުﷲ ދީދީ އާއި ހައި ކޯޓުގެ ފަނޑިޔާރު އަބްދުލްޣަނީ މުހައްމަދު އައްޔަން ކުރުމަށެވެ.
ފަނޑިޔާރު ޑރ. އަހުމަދު އަބްދުﷲ ދީދީ އަކީ 2010 ވަނަ އަހަރު ދާއިމީ ސުޕްރީމް ކޯޓު އެކުލަވާލިއިރު، އެ ކޯޓުގެ ބެންޗަށް އައްޔަން ކުރެއްވި ބޭފުޅެކެވެ. ޑރ. ޑީޑީ އަކީ ރާއްޖޭގައި މިހާރު ތިއްބެވި ފަނޑިޔާރުންގެ ތެރެއިން ޕީއެޗްޑީ ހާސިލް ކުރައްވައިގެން ހުންނެވި ހަމައެކަނި ބޭފުޅާ އެވެ.
ހައި ކޯޓުގެ އިސް ފަނޑިޔާރު އަބްދުﷲ ދީދީ އަކީ ކުރިން ޖިނާއީ ކޯޓުގައި މަސައްކަތެއް ކުރެއްވުމަށް ފަހު، 2015 ގައި ހައި ކޯޓަށް އައްޔަން ކުރި ފަނޑިޔާރެކެވެ. ފަނޑިޔާރު ޣަނީ އަކީ 2004 ވަނަ އަހަރުން ފެށިގެން ހައި ކޯޓުގެ ފަނޑިޔާރު ކަމުގައި ހުންނެވި ބޭފުޅެކެވެ.
އުއްތަމަ ފަނޑިޔާރު ކަމާއި ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރަން ވަކި ޚާއްސަ އަޣުލަބިއްޔަތެއް ގާނޫނުއަސާސީގައި ނޯވެ އެވެ. އެހެންވެ، މަދުވެގެން 21 މެމްބަރުން ބައިވެރިވާ ޖަލްސާއެއްގައި ވޯޓު ދޭ މެމްބަރުންގެ އަޣުލަބިއްޔަތުން ސުޕްރީމް ކޯޓަށް ފަނޑިޔާރުން އައްޔަން ކުރެވޭނެ އެވެ.
އުއްތަމަ ފަނޑިޔާރަށް މުސާރަ އާއި އިނާޔަތްތަކާ އެކު މަހަކު 72،000ރ. ލިބޭ އިރު، ސުޕްރީމް ކޯޓުގެ ކޮންމެ ފަނޑިޔާރަކަށް 70،000ރ. ލިބެ އެވެ.
މިއީ 2010 ގައި އިންތިގާލީ މަރުހަލާ ނިމި، ދާއިމީ ސުޕްރީމް ކޯޓު އެކުލަވައިލި ފަހުން އައްޔަން ކުރާ ތިން ވަނަ އުއްތަމަ ފަނޑިޔާރެވެ. ދާއިމީ ސުޕްރީމް ކޯޓުގެ ފުރަތަމަ އުއްތަމަ ފަނޑިޔާރަކަށް ހުންނެވި އަހުމަދު ފާއިޒް ހުސައިން 2014 ގައި މަގާމުން ވަކިކުރީ ކޯޓުތަކުގެ ގާނޫނަށް ގެނައި އިސްލާހެއްގެ ދަށުން ސުޕްރީމް ކޯޓުގެ ބެންޗުން ކުޑަ ކުރުމުގެ ގޮތުންނެވެ. އޭގެ ފަހުން، އުއްތަމަ ފަނޑިޔާރަކަށް ހުންނެވީ އެންމެ ފަހުން އެ މަގާމުގައި ހުންނެވި އަބްދުﷲ ސައީދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާން
28 June 2018
މިމީހުން ކޯޓުތަކުން އުއްތަމަ ފަޑިޔާރު ބޭރުކުރި ބޭނުން މިއީ
ރަބަރު
27 June 2018
ނަޒާހަތްތެރިން. މީގެކުރިން ޢަބްދު ﷲ ސަޢީދުވެސް ޢަލީ ޙަމީދު ވެސް ނަޒާހަތްތެރި.
ޢިބޫ
27 June 2018
ޑޮކްޓަރ ޑީޑީ ޑޮކްޓަރ ނުކިޔަންޏާ ދީދީ މީވަރައް ހެއްވާކަމެއް
ނެޝަނަލިސްޓް
27 June 2018
ސުޕްރީމް ކޯޓަށް ލާން ވާނީ އެ މަގާމު އަދާ ކުރުމުގެ ތައުލީމީ، ތަޖުރިބާ ހުރި ނަޒާހަތްތެރި ނީހެއް! ތިޔަ ލިސްޓުގައި އެފަދަ މީހުނެއް ނެތް!
ކުޑައަލީ
27 June 2018
އެންމެ ފަހުބަސްބުނާ ކޯޓްގެ ފަނޑިޔާރުންނަކީ މިކަހަލަ ސިޔާސީ ވާދަވެރި ދަނޑިވަޅުގައި ސަރުކާރުން ފޮނުވާ މައްސަލަތަކުގައި އާންމުމީހާއަށް ކިރިޔާވެސް ސަލާމަތް ވެވޭނެ ޝަރުއީ އަދި ގާނޫނީ ހަމައެއް އޮތިއްޔާ އެކަމަށް މަގުފަހިކޮށް ދޭންޖެހޭ ފަރާތްކަމުގައި އަބަދުވެސް ހަނދުމަ ބަހައްޓަވަންވާނެ. އެހެން ނޫނީ ކޮންމެ ފަދަ މީހަކަށްވެސް ސިއްރުން ހެކިދީގެން ދައުވާ ލިބޭފަރާތަށް ހައްގުނޫން އަނިޔާއެއް ދެވިދާނެ. އެހެންވީމާ އެބުނަނީ ވަކަރުގަނޑާ މާވަޑިޔާއާ ހިތެކޭ.
ވޯޓު
26 June 2018
ޔާމީން
އަލްއިސްލާމް
26 June 2018
ސްޕްރީމްކޯޓްމެދުވެރިކޮށް ޢިންތިޚާބް ކާމިޔާބްކުރަން ތައްޔާރުވަނީ
ދިރާސާ ކުރަން އެއްވަނަ
26 June 2018
އުއްތަމަ ފަނޑިޔާރު ކަމަށް އަޅުގަޑަށް އެއްމެ ކަމުދާ ބޭފުޅަކީ ނިލަންދޫ އަބުދުއްﷲ ދީދީ އެވެ.
ކޯނަރ
27 June 2018
އަޅުގަނޑުވެސް ތާއީދެވެ. ސަބަބަކީ، އެންމެ ބަސްއަހާނީ އޭނާއެވެ.
އަލިބެއްޔާ، އެކުވެރިސުވައިދީބް
26 June 2018
ހުރިހާ ބޭފުޅުން ވެސް ލިބުނު ފުރުސަތު ހެޔޮ ގޮތުގައި ބޭނުން ކުރާނެކަމައް އުއްމީދު ކުރަމެވެ. ﷲ ސުބުހާނަހޫ ވަތަޢާލާ އަށާއި އާޚިރަތައް ބިރުވެތިވާ ހާލު ކަންކަން ނިންމަވާނީ ބާއްޖަވެރިންނެވެ. މާޒީން ޢިބްރަތް ހާސިލު ކުރުމަކީ ބުއްދިވެރިންގެ ސިފައެކެވެ. ދިވެހި ޤައުމު ކުރިޔައް - އަދުލު އިންސާފު ކުރިޔައް
ކައްދަ
26 June 2018
ބަޣާވާތުގެ އަޑީގައި ހުރި ޑރ.ޑީޑީއަށް އުއްތަމަ ފަޑިޔާރުކަމުގެ މަގާމް ލިބުމުން ދެން ދާނީ ކުރީގައި ފަޑިޔާރުގެއިން ކޮއްފައިވާ ހުކުމްތަށް ބާތިލްކުރަމުން. ތިފަޑިޔާރުގެ ނިމުންވެސް ފެންނާނެ އިރާދަފުޅުން.