65 އަހަރުން މަތީގެ މީހުުންނަށް ކުރިމަތިލެވޭ ގޮތް ހެދުމާ މެދު އިދިކޮޅުގައި އޮތީ ޚިޔާލު ތަފާތުވެފައި: ރައީސް
ރައީސް ޔާމީން ކެމްޕެއިނަށް މިއަދު ފ. ނިލަންދު އަށް ވަޑައިގަތުމުން މަރުހަބާ ކިޔަން ދިޔަ ބައެއް މީހުންނާ ސަލާމް ކުރައްވަނީ.---ފޮޓޯ: ރައީސް އޮފީސް
25 އޯގަސްޓް 2018 - 23:51
69 comments
އުމުރުން 65 އަހަރުވީ މީހުންނަށް ރައީސް ކަމަށް ކުރިމަތިނުލެވޭ އިސްލާހު އުވާލަން ޖުމްހޫރީ ޕާޓީން ބޭނުން ވިޔަސް، އެކަމަށް އެމްޑީޕީން ދެކޮޅު ހަދާ ކަމަށާއި އިދިކޮޅުގައި މުޅިން އޮތީ ޚިޔާލު ތަފާތުވުންތައް ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.
އަންނަ މަހުގެ 23 ގައި ބާއްވާ މި އަހަރުގެ ރިޔާސީ އިންތިޚާބަށް ޕީޕީއެމުން ކުރިމަތިލައްވާފައިވާ ކެންޑިޑޭޓް ރައީސް ޔާމީންގެ ފުރަތަމަ ކެމްޕެއިން ދަތުރުފުޅުގައި ފ. ނިލަންދު އަށް ވަޑައިގެން ބޭއްވި ޖަލްސާގައި ވާހަކަފުޅު ދައްކަވަމުން ވިދާޅުވީ އިދިކޮޅު ކޯލިޝަން މިވަގުތު ވެސް އޮތީ ޚިޔާލު ތަފާތުވުންތަކެއްގެ ތެރޭގައި ކަމަށެވެ.
އުމުރުން 65 އަހަރުވީ މީހުންނަށް ރައީސް ކަމަށް ކުރިމަތި ނުލެވޭ ގޮތަށާއި ބޭރުގެ ފަރާތްތަކަށް ރާއްޖޭގެ ބިން ވިއްކޭ ގޮތަށް ގާނޫނުއަސާސީ އަށް ގެނެސްފައިވާ އިސްލާހު އުވާލަން ޖުމްހޫރީ ޕާޓީން ބޭނުންވާއިރު، އެކަމަށް އެމްޑީޕީން ދެކޮޅު ހަދާ ކަމަށް ރައީސް ޔާމީން ވިދާޅުވި އެވެ. އެ އިސްލާހުތައް ގެނެސްފައި ވަނީ އިދިކޮޅު ކޯލިޝަންގެ މެމްބަރުންތަކެއްގެ ވޯޓު ވެސް ސަރުކާރާ އެއްކޮޅަށް ލިބިގެން ކަން ފާހަގަ ކުރައްވައި، ރައީސް ވަނީ އެ އިސްލާހު އުވައިލަން ޖުމްހޫރީ ޕާޓީން މިހާރު ބޭނުންވާ ސަބަބާ ބެހޭގޮތުން ސުވާލު އުފައްދަވައިފަ އެވެ.
"އެމްޑީޕީން އެއްބަހެއް ނުވޭ މިކަން ކުރާކަށް. އެމްޑީޕީއަށް އެބަ އިނގޭ 65 އަހަރުން މަތީގެ މީހުންނަށް ކުރިމަތިލެވޭ ގޮތަަށް އެ މީހުން ތާއީދާ އެކީ މިކަން ކޮށްފިއްޔާ އެ މީހުންނަށް ހަތަރު އުދަރެސް ފެތުނީ ކަން. އެ ހިސާބުން ޖޭޕީން ރިޔާސީ އިންތިޚާބަށް ކުރިމަތިލާނެ މީހަކު ނިކުންނަން ބޭނުންވާނެ. އެމްޑީޕީގެ ރިޔާސީ ކެންޑިޑޭޓަށް ހުންނެވި ބޭފުޅަަކަށް ވެރިކަން ލިބުނަސް އެއީ ނުރައްކާތެެރި ކަމަކަށް ވާނެ ކަމަކަށް،" ރައީސް ޔާމީންގެ ފުރަތަމަ ކެމްޕެއިން ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވި އެވެ.
"އުފެދުމުގެ ހަމަނުޖެހުންތަކާއި އުފެދުމުގެ ތަޅާފޮޅުންތަކުގައި މިހާރު ވެސް އެ އޮތީ. މިހެން އޮތީ އެންމެ ކަމެއް ދެ ކަމެއް ނޫން އިނގޭތޯ. މިހެން އެބަހުރި ބައިވަރު ކަންކަން."
ރައީސް ވިދާޅުވި ގޮތުގައި އިދިކޮޅު ކޯލިޝަންގެ ޕާޓީތަކުން އެއްގަލަށް އަރައި ތިބީ ކޯލިޝަންގެ ވެރިކަމެއްގައި އިދިކޮޅު ހަތަރު ލީޑަރުން މިނިވަންވާނެ ކަމަށް ގަބޫލު ކުރާތީ އެ މަގްސަދުގަ އެވެ. ސަބަބަކީ މި ސަރުކާރަކީ ވަކި މީހެއްގެ މޫނަށް ބެލުމެއް ނެތި، ގާނޫނު ތަންފީޒުކުރާ ސަރުކާރަކަށް ވާތީ ކަމަށް އެމަނިކުފާނު ވިދާޅުވި އެވެ.
ރައީސް ޔާމީން ކެމްޕެއިނަށް މިއަދު ފ. ނިލަންދު އަށް ވަޑައިގަތުމުން މަރުހަބާ ކިޔަން ދިޔަ ބައެއް މީހުންނާ ސަލާމް ކުރައްވަނީ.---ފޮޓޯ: ރައީސް އޮފީސް
"މި ބޭފުޅުން ކުރައްވާފައި ހުރި ހުރިހާ ކަންތައްތަކުން އެ ބޭފުޅުންނަށް ސަލާމަތްކަން އޮތީ ސަރުކާރު ބަދަލުވީމަ އެ ވިދާޅުވާ ގޮތަށް ކަންކަން ކުރެވިދާނެ. އޭރުން އަނެއްކާވެސް އުފެދިގެން އެ ދަނީ އެކި ކަހަލަ ވިޔާނުދާ ކަންކަން މަގު ހުޅުވިގެން މި ދަނީ،" ރައީސް ވިދާޅުވި އެވެ.
ކޯލިޝަން ސަރުކާރެއް ނުހިންގޭނެ ކަމަށް އެންމެ ފުރަތަމަ ވިދާޅުވީ ކުރީގެ ރައީސް މުހައްމަދު ނަޝީދު ކަމަށާއި އެމްޑީޕީގެ ވެރިކަމުގެ ފުރަތަމަ އެއް މަސް ދުވަސް ތެރޭގައި ވެސް އެކަން ފެނިގެން ގޮސްފައިވާ ކަމަށް ރައީސް ޔާމީން ވިދާޅުވި އެވެ. ކޯލިޝަން ސަރުކާރެއް ހިންގާނެ ކަމަށް މިހާރު ބުނަމުންދަނީ ހުރިހާ ޕާޓީތަކުގެ ލީޑަރުން ވެސް ގޮތްތަކެއް ހޯދުމަށް އެހީތެރިކަން ހޯދުމަށް ކަމަށް ރައީސް ވިދާޅުވި އެވެ.
"އެ ތިބީ ރުހުމުގައި ނުވަތަ ނުރުހުމުގައި ނަމަވެސް އޮޑިއަކަށް އަރާ. އޮޑީގެ ކައްޕިއާ އެކީގައި ދަތުރު ކުރުން ނޫން ގޮތެއް ޖޭޕީއަކަށް ވެސް ނެތް. އަދި އެހެން ޕާޓީއަކަށް ވެސް ނެތް." ރައީސް ވިދާޅުވި އެވެ.
މި ސަރުކާރު ވެސް އުފެދުނީ ކޯލިޝަނެއްގެ ތެރެއިން ކަން ފާހަގަ ކުރައްވައި، ރައީސް ޔާމީން ވިދާޅުވި ގޮތުގައި އެމްޑީއޭ މިހާރު ވެސް އޮތީ ޕީޕީއެމާ އެކު ވަރަށް ބަދަހިކޮށެވެ. އެއްބާރުލުން ދޭންޖެހޭ ކަންކަމުގައި އެއްވެސް ޝަރުތެއް ނެތި، އެ ޕާޓީގެ އެއްބާރުލުން ލިބޭ ކަމަށް ވިދާޅުވި އެވެ. އެކަމަކު ސަރުކާރު ކޯލިޝަންގައި ޖުމްހޫރީ ޕާޓީ އޮތްއިރު، އެ ޕާޓީގެ ތާއީދު ހޯދުމަށްޓަކައި "ވަރަށް ގިނަ ދަތުރުތަކެއް ކޮށް، ވަރަށް ތަފާތު ކަންތައް" ކުރަން ޖެހުނު ކަމަށް އެމަނިކުފާނު ވިދާޅުވި އެވެ.
"އޭގެ ތެރެއިން ކުރަން ޖެހުނު ކަންތައްތަކަކީ ޚުދު ރައީސުލް ޖުމްހޫރިއްޔާ އަށް ވެސް އެނގިގެން ކުރައްވާފައި ހުރި ކަންތައްތަކެއް ނޫން. އަދި އަޅުގަނޑުމެންގެ ބަންޑާރަ ނައިބަށް ވެސް އެނގިގެން ހިނގާފައި ހުރި ކަންތައްތަކެއް ނޫން. އާޚިރުގައި ވެގެން ދިޔައީ ދެވިފައި ހުރި ފަޅުތަކާއި މިކަހަލަ އެތައް ކަމެއް އަނބުރާ ހޯދުމަށް ސަރުކާރުން މަސައްކަތްތަކެއް ކުރީ." ޖުމްހޫރީ ޕާޓީގެ ފައުންޑަރު އަދި އެ ޕާޓީގެ ކުރީގެ ލީޑަރު ގާސިމް އިބްރާހިމްގެ ވިލާ ކުންފުންޏަށް ދޫކުރި ރަށްތަކާއި ފަޅުތަކުގެ މައްސަލައަށް އިޝާރާތް ކުރައްވައި، ރައީސް ވިދާޅުވި އެވެ.
ރައީސް ޔާމީން ވިދާޅުވި ގޮތުގައި އިދިކޮޅު ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ( އަކީ ކުރިން ރައީސްގެ މަގާމު އަދާ ކުރައްވާފައިވާ ބޭފުޅަކަށް ނުވުމަކީ ތަޖްރިބާ ކޮށްލުމަށްޓަކައި ފުރުސަތު ދޭންޖެހޭ ސަބަބެއް ނޫނެވެ. ރައީސް ކަން ނުކުރެއްވިޔަސް، އިބޫ އަކީ މަޖިލިސް މެމްބަރެއްގެ ހައިސިއްޔަތުން އަދި އެމްޑީޕީގެ ޕާލިމެންޓްރީ ގްރޫޕްގެ ލީޑަރުގެ ހައިސިއްޔަތުން ގިނަ މުއްދަތުތަކެއް ވަންދެން މަސައްކަތް ކުރެއްވި ބޭފުޅެއް ކަމަށް ވިދާޅުވެ، ރައީސް ވިދާޅުވީ އެ ޒިންމާތައް ވެސް އަދާ އިބޫ އަށް އަދާކުރެއްވިފައި ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމާންޑަރ
26 August 2018
ރައީސް ޔާމީނުކަހަލަ އަމިއްލަ އެދުމުން ތަތްތެޅިފަ ތިބި ބައެއްނޫން އިދިކޮޅުގައިތިބީކީއެއް! ތިމާގެ އަމިއްލަ އެދުމައްޓަކައި އެއްބަފާ ބޭބެ ޖަލައްލާ ތަޅުވާ ލަކުވާހަދަނީ! ކޮބާލަދުހަޔާތް؟ އަދިވެސް ޤައުމީ މަންހަޖުދޯ އިސްލާހުކުރަންވީ؟ އިދިކޮޅު މީހުންތިބީ 65 އަހަރެއްނޫން 85 އަހަރުވެސް ފާސްކުރާގޮތަށް !!!!
ޓަޓަސް
26 August 2018
ބެޔަސް ނުބެޔަސް ކޮންމެ މަސްވެރިއަކަށް ދޭންބުނި 10 ހާސް ރުފިޔާ އާއި ކޮންމެ ދަނޑުވެރިއަކަށް ދޭންބުނި 8 ހާސް ރުފިޔާ އާއި އަލަތު ކައިވަނޭގެ ފުލެޓައި ރިސޯޓް މުވައްޒަފުންނަށް ރިސޯޓް ހިއްސާ،ދިނުގަ ޚިޔާލުތަފާތު ނުވޭތޯ ؟
ހައިއްޓޭ
26 August 2018
އިދިކޮޅުގަ ތިބީ މުޅިންވެސް ވެރިކަމާހެދި ބޫތު ކައިފަތިބި ބައެއް. ފަސްދޮޅަސްފަހެއް ސާޅިހެއްނެއް ހުސް ވެރިކަމާހެދި އުޅޭބައިގަނޑެއްތީ. ގައުމަށް ހެޔޮއެދިގެން އުޅޭއެކަކުވެސް ތިތާގަ ނެއް. އެމްޑީޕީން ގާސިމަށް ދޯކާދޭނެ. އެއި މާޒީގަ ކަންހިގާފައިވާ ހަޤީގަތް. ދެންވެސް ދޭނީ ދޯކާ
ޒުހުރީ
26 August 2018
ކިތައްމެ ޚިޔާލު ތަފާތަސް އެއްކަމެއްގައި ޚިޔާލު އެއްގޮތް. އެއީ ޔާމީނު ވެރިކަމުން ދުރުކުރުން. އިރާދަ ކުރެއްވިއްޔާ އެކަން ވާނެ.
ވައުދު
26 August 2018
މަނިކުފާނުވެސް ވެރިކަމަށް އައީ ކޯލިޝަނަކުން އެކަމަކު ވެރިކަން ކުރަންނޭންގުނީ ގާނޫނުތައް ކޮށާމުގުރީވެސް އެހެންމީހުނަށް ފުރުޞަތުނެދޭންވެގެން އަމިއްލަ އެދުން ބޮޑުކަމުން އެން ކޮންރިޅިއެއް އެމްޑީޕީދެކެ އަންނަންތޯ އެމްޑީޕީން ކުރާނެކަމެއްނެތް ހުރިހާ ބާރެއް މުށުތެރެއަށް ލައިގެންވެސް ވެރިކަންނުކުރެވުނީ ހަމަ ވެރިކަންކުރުމުގެ ގާބިލުކަންނެތީމާ އެހުނަރުވެސް ނެތީ ލީޑަރޝިޕް ކޮލިޓީވެސް ނެތީ
ހަސަން 18
26 August 2018
އިދިކޮޅަކީ ކޮކް ޓެއިލް ގަނޑެއް .. މިއަދު ވެސް ވާނެ ގޮތެއް ނޭން ގޭނެ ...
ސާއިދު
26 August 2018
ދިވެހި ރާއްޖެގެ ގިނަރައްއިތުން ބޭނުންވަނީ ރައިސް ޔަމިން ހޮވަން.
ސާއިދު
26 August 2018
ރައީސުލްޖުމްހޫރިއްޔާގެ ތަރައްޤީގެ މެނިފެސްޓޯ އެއޮތީ ވަރަށް ސާފުކޮށް ފެންނަން.
ސިއްދީޤު
26 August 2018
މެނިފެސްތޯގައި ވާނީ އިދިކޮޅު އިއްޓިޙާދުގެ ކޯލިޝަން ރޫޅޭނެއެވެ. ލީޑަރުން އެއްގަލަކަށް ނުވާނެއެވެ. ޙުރިހާ ރަނގަޅަށް ކުރާ ކެޕެއިން ދަތުރު ތަކުގައި އެ ގެންދަނީ މި މެނުފެސްތޯ ވިކަމުންނެވެ.
ތާދާ ޚިޔާލް
26 August 2018
އިދިކޮޅުގެ ވަރުގަދަ އިއްތިޙާދާ ބެހޭގޮތުން ޔާމީނު ވެސް އޭނާގެ ރަނިންމޭޓަށްވެސް ދައްކަން އިތުރު ވާހަކަވެސް ނެތްތާއެވެ؟ ކޮންމެ ތަނަކަށް ގޮސްވެސް މިދައްކަނީ އެއްވާހަކައެކެވެ. އަބަދު މިކިޔާނީ އެކައްޗެކެވެ. ޚޯލިޝަން ޜޫޅޭނެޔޯލައެވެ ގިނަ ލީޑަރންތަކަކަށް ވެރިކަމެއް ނުކުރެވޭނެޔޯލައެވެ. ޚިޔާލް ތަފާތުވާނެޔޯލައެވެ. ކޯލިޝަން ގައި ހިމެނޭ ލީޑަރުންގެ ޚިޔާލް ތަފާތުވިއްޔާ ޔާމީނާއި އޭނާގެ ރަނިން މޭޓަކާ ކީކީ ހެއްޔެވެ؟ މިކޯލިޝަނުގައި ބައިވެރިވާން އާދޭސް ކުރަމުން އެ ދެމީހުން ފަހަތަކުން ރައްޔިތުން ދުވާކަށް ނެތީމެވެ.
ކުޑަ ދޮންބެ
26 August 2018
ރައީސަށް ވެދުން ސަލާމަށްފަހު ދަންނަވަމެވެ. އިންތިހާބު ބާއްވާ ދުވަސް ޖެހުމުގެ ކުރިން މަނިކުފާނުގެ މެނިފެސްޓޯގެ ޞަފުހާއެއް ނަމަވެސް އަޅުގަނޑަށް ދައްކާލަދެއްވުން އެދެން.
falaku ain
26 August 2018
ފުރަތަމަ ސަފުހާ. ކޯލިޝަން ވެރިކަމަށް އަންނާނެ ކަންޔަގީން. ދެވަނަ ސަފްހާ. ލިބިފައި ހުރިއެއްޗެއް ހިފައިގެން ފިލުން. ތިންވަނަ ސަފްހާ. އިބޫ ރައްޔިތުންނަށް ޖަވާބުދޭންޖެހޭނެ. ހަތަރުވަނަ ސަފްހާ: ގިނަމީހުންނާ މަޝްވަރާ ކުރުން ރަނގަޅެއްނޫން. ހަވަނަ ސަފްހާ: ހުޅުމާލޭ ބުރިޖް ނުނިންމޭނެ. ހަތްވަނަ ސަފްހާ: ފްލެޓް އަޅަންނޭގޭނެ. އަށްވަނަ ސަފްހާ:ވޯޓު އޮޅުވާލާނަން. ނުވަނަ ސަފްޙާ؛ ވޯޓު ނުގުނާނަން. ދިހަވަނަ ސަފްހާ: އިދިކޮޅަށް ލިބޭ ވޯޓުވެސް މަގޭ ވޯޓެއްކަމުގައި ގުނާނަން. އެގާރަވަނަ ސަފްހާ: ރަސްކަމަކަށް ބަދަލުކުރާނަން. ބާރަވަނަ ސަފްހާ: މިރާއްޖޭގައި ނުވިއްކާ އެއްރަށްވެސް ނުބާއްވާނަން. 13 ވަނަ ޞަފްހާ: ބަޣާވާތްކޮށްގެންވިޔަސް މަނޫންވެރިޔަކު ވެރިކަމުގައި ނުބަހައްޓާނަން.