ކޮލަމާފުށިން ހައްޔަރުކުރި 18 މީހުން މިނިވަންކޮށްފި

ޕީޕީއެމްގެ ޖަގަހައަށް ހަމަލާ ދިން ކަމުގެ ތުހުމަތުގައި ކޮލަމާފުށިން ހައްޔަރު ކުރި މީހުން--- ފޮޓޯ: އެމްޑީޕީ

މުހައްމަދު ޔާމީން، މިހާރު

25 ސެޕްޓެމްބަރ 2018 - 12:55

ޕީޕީއެމްގެ ޖަގަހައަކަށް ގެއްލުން ދިން ކަމުގެ ތުހުމަތުގައި ރިޔާސީ އިންތިޚާބުގެ ކެމްޕެއިންގެ ދުވަސްވަރު ގއ. ކޮލަމާފުުށިން ހައްޔަރުކުރި 18 މީހުން މިއަދު ދޫކޮށްލައިފި އެވެ.

އެ ކެމްޕޭނުގައި، އެމްޑީޕީ އަދި ޕީޕީއެމްގެ ސަޕޯޓަރުންގެ މެދުގައި ޖެހުނު މައްސަލައިގެ ތެރޭގައި ޕީޕީއެމްގެ ދިދަ ފޮތިތައް ކަނޑައި ޖަގަހައަށް ގެއްލުން ދިން ކަމަށް ބުނެ އެމްޑީޕީގެ 18 އެކްޓިވިސްޓުން ހައްޔަރު ކުރީ މިދިޔަ މަހުގެ 30 ވަނަ ދުވަހު އެވެ. ޓެރަރިޒަމްގެ ތުހުމަތުކުރާ އެ އެންމެންގެ ބަންދުގެ މުއްދަތު ދެ ފަހަރެއްގެ މަތިން ގއ. ވިލިނގިލީ ކޯޓުން އިތުރު ވެސް ކުރި އެވެ.

އެމްޑީޕީ އެކްޓިވިސްޓުންގެ ގާނޫނީ ވަކީލުންގެ ޓީމުން ބުނި ގޮތުގައި، އެމީހުން ދޫކޮށްލީ ބަންދުން ދޫކޮށްދިނުމަށް އެދި ފުލުހުންނަށް ފޮނުވި ސިޓީއަކާ ގުޅިގެންނެވެ.

އެމީހުން ދޫކޮށްލީ، ބަންދުގައި ބަހައްޓަން އެންމެ ފަހުން ކޯޓުން ދިން މުއްދަތު ހަމަ ނުވަނީހެވެ.

ކޮލަމާފުށީގައި ޕީޕީއެމާއި އެމްޑީޕީގެ ސަޕޯޓަރުންނާ ދެމެދު ހިނގި ހަމަނުޖެހުންތަކާ ގުޅިގެން ހަމައެކަނި އެމްޑީޕީ މީހުން ހައްޔަރުކޮށް އަދަބު ދެމުން ގެންދާތީ އެ ޕާޓީން ދަނީ ކަންބޮޑުވުން ފާޅު ކުރަމުންނެވެ. އެއީ ފުލުހުންގެ ތެރެ އަށް ސިޔާސީ ނުފޫޒު ފޯރާފައިވާ މިންވަރު ކަމަށް އެމްޑީޕީން ބުނެ އެވެ.

ޕީޕީއެމްގެ ޖަގަހައަކަށް ގެއްލުން ދިން މައްސަލައެއްގައި ޓެރަރިޒަމްގެ ތުހުމަތުކޮށް، ކޮލަމާފުށިން ހައްޔަރުކުރި 18 މީހުން ހިންގި ކަމަށް ބުނާ އަމަލުތައް ޓެރަރިޒަމަށް ނުފެތޭ ކަމަށް އެ މީހުންގެ ގާނޫނީ ވަކީލުން ވަނީ ވިދާޅުވެފަ އެވެ. އަދި އެއީ އެ މީހުން ހައްޔަރުކޮށް، ދެ ފަހަރަށް ބަންދުގެ މުއްދަތު އިތުރު ކުރަންޖެހޭ ސަބަބެއް ކަމަށް ގަބޫލު ނުކުރެއްވޭ ކަމަށް ވެސް ވަކީލުން ބުންޏެވެ.

ކުށްކުރުން އެމްޑީޕީ ފުލުހުން ޓެރަރިޒަމް އިދިކޮޅު ފަރާތްތައް ގއ. އަތޮޅު ޕީޕީއެމް ގއ. ކޮލަމާފުށި އިދިކޮޅު އިއްތިހާދު

5 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަމީނާ

25 September 2018

އިބޫ. ކޮބާ އަހަރެމެން ނިކަމެތިންގެ އަޑު އަހާލަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

25 September 2018

އަނިޔާވެރިން އަބަދުވެސް ބޭޒާރުވެއެވެ، ވިސްނާ ފިކުރުކުރާ ބަޔަކަށް މިކަންކަން އިބުރަތަކަށް އަޅެނުވޭހެއްޔެވެ، ޔާމީން އަތުގައި ބާރުއޮތް އިރު މިއެންމެން ތިބެންޖެހުނީ ކުއްވެރިންގެ ގޮތުގައެވެ، އަޑުހަރުކޮށް ގޮވަމުން ދިޔައީ ކުއްކުރީމާ އަދަބު ލިބެންޖެހެއެވެ، ތިމަންނާ ކުރާނެ ކަމެއްނޯންނާނެ ކަމަށެވެ، ތިމަންނާއަކީ ސަރިޔަތަށް އަތްބާނާ މީހެއްނޫންކަމަށެވެ، އެކަމަު މިއަދުވެސް އަދި ވެރިކަމުގައި ހުރީ ޔާމީންއެވެ، ނެތް އެއްޗަކީ އެއްކަލަ ބާރުވެރިކަމެވެ، ވިސްނާށެވެ.