ރެއިންބޯ "އިޔާ އެންޑް ސޭލް 2018" ގެ ނަސީބުވެރިން ހޮވައިފި އެވެ.
ރެއިންބޯއިން މިދިޔަ އަހަރުގެ ފަހުކޮޅު ބޭއްވި ޕްރޮމޯޝަން ބާއްވާފައި ވަނީ ޑިސެމްބަރު އެކަކުން ފެށިގެން ޖެނުއަރީ 10 ވަނަ ދުވަހުގެ ނިޔަލަށެވެ. ލަކީ ޑްރޯ ކޫޕަން ހުށަހެޅުމަށް ކަނޑައެޅި އެންމެ ފަހު ތާރީހަކީ، މިދިޔަ މަހުގެ 17 ވަނަ ދުވަހެވެ.
ރެއިންބޯގެ މި ޕްރޮމޯޝަންގައި ކޮންމެ 200 ރުފިޔާގެ ވިޔަފާރިއަކަށް ކޫޕަނެއް ލިބުނެވެ. މި ޕްރޮމޯޝަންގައި އެ ފިހާރާގައި މަސައްކަތް ކުރާ މުވައްޒަފުންނަށް ނުވަތަ އާއިލާ މީހަކަށް ބައިވެރިނުވެވެ އެވެ. ނަސީބުވެރިން ހޮވާފައި ވަނީ މިދިޔަ މަހުގެ 31 ވަނަ ދުވަހު އެވެ.
ނަސީބުވެރިން އިއުލާނުކުރާތާ ތިން މަސް ދުވަހުގެ ތެރޭގައި އިނާމާ ހަވާލުވާން ޖެހޭނެ ކަމަށް ރެއިންބޯއިން ބުނެ އެވެ. ގުރުއަތުން ހޮވުނު ތިން ފަރާތަށް އައިފޯން ޓެން އެސް މެކްސް އެއް ލިބިފައިވެ އެވެ.
ރެއިންބޯ އެންޓަޕްރައިޒަސްގެ ފަރާތުން ހިންގި ރެއިންބޯ ލިވިންގް މޯލް، ރެއިންބޯ ބިލްޑްވެއާ، ރެއިންބޯ އޮފީސް ސިސްޓަމް، ރެއިންބޯ އޮންލައިން ސްޓޯރުގެ އިތުރުން ރެއިންބޯ ތިނަދޫގައި ވެސް މި ސޭލް ކުރިޔަށްދިޔަ އެވެ.