މަޖިލީހުގެ ރައީސް ނަޝީދު، މިދިޔަ މަހު ކޮވިޑް-19 އަށް ޓެސްޓު ކުރައްވަނީ: އެ މަނިކުފާނުގެ ނަތީޖާ ވަނީ ނެގެޓިވް ވެފައި.---ފޮޓޯ: މަޖިލިހުގެ އިދާރާ
25 މެއި 2020 - 21:21
259 comments
މާލޭ ސަރަހައްދުގެ ލޮކްޑައުން ހަތަރުވަނަ ފަހަރަށް ދަންމާލި މުއްދަތު ހަމަވާން އެންމެ ދެ ދުވަހަށް ވެފައި އޮތަސް މާލަމުގައި މަޖިލިހުގެ ޖަލްސާލަތައް ނުބާއްވަވާ ހުންނެވެން ނެތް ކަމަށް، މަޖިލިހުގެ ރައީސް މުހައްމަދު ނަޝީދު، ޑިރެކްޓަ ޖެނެރަލް އޮފް ޕަބްލިކް ހެލްތު، މައިމޫނާ އަބޫބަކުރަށް އަންގަވައިފި އެވެ.
އާންމު ސިއްހަތުގެ ރައްކާތެރިކަމަށް، ކަމާ ބެހޭ ތަޖުރިބާކާރުންގެ ލަފަޔާ އެއްގޮތަށް އިއުލާންކޮށްފައިވާ ލޮކްޑައުންއާ ދެކޮޅަށް މަޖިލިހުގެ ރައީސް ކުއްލިއަކަށް އެފަދަ ނިންމެވުމެއް ނިންމެވުމުން، މަޖިލިހުގެ ބައެއް މެމްބަރުންނަށް ލިބިވަޑައިގަތި ހައިރާންކަމެވެ. ނަމަވެސް އެކަމާ ބެހޭ ގޮތުން ވަކި އެއްޗެއް ވިދާޅުވާކަށް އެ މެމްބަރުން ބޭނުމެއް ނުވެ އެވެ.
މިއީ ރާއްޖޭގައި ގާނޫނެއްގެ ދަށުން ސަރުކާރުން އަޅާފައިވާ ރައްކާތެރިކަމުގެ ފިޔަވަޅަކާ ދެކޮޅަށް ރައްޔިތުންގެ މަޖިލިހުގެ ރައީސަކު އެހާ ފާޅުގައި ގޮންޖެއްސެވި ފުރަތަމަ ފަހަރެވެ.
ކޮވިޑް-19 އިން ރައްކާތެރިވުމުގެ ފިޔަވަޅެއްގެ ގޮތުން މާޗް 12 ގައި ސިއްހީ ނުރައްކަލުގެ ކުއްލި ހާލަތު ހެލްތު މިނިސްޓަރު އަބްދުﷲ އަމީން އިއުލާން ކުރެއްވުމާ ގުޅިގެން މަޖިލިހުގެ ޖަލްސާތައް މެދުކަނޑައިލި އެވެ. އެކަމަކު މާޗު ފަހު ހަފުތާގައި މެމްބަރުން ގޭގައި ތިއްބަވައިގެން، އޮންލައިންކޮށް ޖަލްސާތައް އަލުން ފަށައި، މިހާ ހިސާބަށް އައީ އެގޮތަށެވެ.
ނަމަވެސް މަޖިލީހުގެ ރައީސް ނަޝީދު މިހާރު ނިންމަވާފައި ވަނީ ލޮކްޑައުންއާ މެދު ސަރުކާރުން ގޮތެއް ކޮންމެ ގޮތެއް ނިންމިޔަސް އަދި ސިއްހީ ނުރައްކަލުގެ ކުއްލި ހާލަތު އުވާނުލިޔަސް މާލަމުގައި ޖަލްސާތައް ބާއްވަވާށެވެ. އެގޮތުން ޚާއްސަ އުސޫލެއް ކަނޑައަޅައި މާދަމާ ޖަލްސާތައް ފަށާނެ އެވެ.
ރައްޔިތުންގެ މަޖިލީހުގެ މެމްބަރުން ތިއްބަވާ ވަޓްސްއެޕް ގުރޫޕްގައި ނަޝީދު ވިދާޅުވީ، ލޮކްޑައުންއާ މެދު އެޗްޕީއޭ އިން އަންނަ ބުރާސްފަތި ދުވަހު ގޮތެއް ނިންމަންދެން މަޑުކުރެއްވެން ނެތް ވާހަކަ ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރަށް އަަންގަވާފައިވާނެ ކަމަށެވެ.
ސިއްހީ ނުރައްކަލުގެ ކުއްލި ހާލަތާ އެކު ސަރުކާރާއި ދައުލަތުގެ އެހެން މުއައްސަސާތައް ވެސް ވަނީ ބަންދުކޮށްފަ އެވެ. މަސައްކަތް ކުރަނީ މުވައްޒަފުން ގޭގައި ތިބެގެންނެވެ. މިސްކިތްތަކުގައި ޖަމާއަތުގައި ނަމާދު ކުރުން މެދުކަނޑާލުމާއި ހޮޓާ/ރެސްޓޯރެންޓް/ކެފޭތަކަށް މީހުން ވައްދައިގެން ހިދުމަތް ދިނުން ވެސް ވަނީ ހުއްޓާލައިފަ އެވެ. ލޮކްޑައުންގައި ހާއްސަ ހުއްދައެއް ނެތި އެއްވެސް މީހަކަށް ގެއިން ބޭރަކަށް ނުނިކުމެވެ އެވެ.
މި ހާލަތުގައި ރައްޔިތުން ކިޔަމަންވެގެން ތިއްބާ ރައްޔިތުންގެ މަޖިލިހުގެ ރައީސް މި ނިންމެވި ނިންމެވުމުން އާންމުންނަށް ވެސް ލިބުނީ ހައިރާންކަމެކެވެ.
ރައްޔިތުންގެ މަޖިލީހުގެ މެމްބަރުންގެ ވަޓްސްއެޕް ގުރޫޕްގައި ނަޝީދު ވިދާޅުވީ ލޮކްޑައުންއާ މެދު އެޗްޕީއޭ އިން އަންނަ ބުރާސްފަތި ދުވަހު ގޮތެއް ނިންމަންދެން މަޑުކުރެއްވެން ނެތް ވާހަކަ މައިމޫނާއަށް އަަންގަވާފައިވާނެ ކަމަށެވެ.
ސަރުކާރުން ބުނެފައި ވަނީ ލޮކްޑައުންގެ މުއްދަތު ހަމަވުމުން ލުއިތަކެއް ދޭން ނިންމާފައިވާ ކަމަށެވެ. އެކަމަކު އޭގެ ތަފުސީލެއް އަދި އާންމެއް ނުކުރެ އެވެ.
ދައުލަތުގެ އެއްބާރުން މި ގޮތަށް ނިންމިއިރު، އެޗްޕީއޭ އާއި ސަރުކާރުން އެންގި ގޮތަށް ސަރުކާރުގެ އޮފީސްތަކުގެ މުވައްޒަފުން ގޭގައި އޮންލައިންކޮށް މަސައްކަތް ކުރާތާ އެތައް ދުވަހެއް ވެއްޖެ އެވެ. ކޮވިޑް-19 އިން ރައްކާތެރިވުމުގެ ފިޔަވަޅު އެޅުމަށްޓަކައި އާންމުން ކައިރީގައި ގެއިން ނުނިކުމެ ތިބުމަށް ސަރުކާރުންނާއި ސިއްހީ މާހިރުން އެންގުމުން އާންމުން ވެސް ތިބީ ގޭގައި މަޑުކޮށްގެންނެވެ.
ނަޝީދުގެ ނިންމެވުން މިއައީ ކައުންސިލްތަކުގެ ދައުރު ދަންމާލަން، ގާނޫނު އަސާސީއަށް ސަރުކާރުން ހުށައެޅި އިސްލާހުގެ މަސައްކަތާ ދިމާކޮށެވެ. ވަޓްސްއެޕް ގުރޫޕްގައި އެމަނިކުފާނު ވިދާޅުވީ މާލަމުގައި މެމްބަރުން ހާޒިރުވެ ތިއްބަވައިގެން ނޫން ގޮތަކަށް ގާނޫނުއަސާސީ އަށް ބަދަލެއް ގެނައުން ރަނގަޅު ނޫން ކަމަށެވެ. ކުރިން ވެސް ނަޝީދު އެގޮތަށް ވާހަކަފުޅު ދެއްކެވި އެވެ.
އެމަނިކުފާނު ވިދާޅުވި ގޮތުގައި އެކަމާ މެދު މެމްބަރުންގެ ވިސްނުން ހުރި ގޮތް ބެއްލެވި އެވެ. އަދި ގިނަ މެމްބަރުންނަށް ފެނިވަޑައިގަތީ ވެސް މާލަމުގައި ޖަލްސާތައް ފަށަން ކަމަށް ވިދާޅުވި އެވެ.
ޖަލްސާތައް ބާއްވަނީ ގައި ދުރުމިން ހިމެނޭ ގޮތަށް، އެއް ފަހަރާ ވަކި އަދަދަކަށް މެމްބަރުން ތިއްބަވައިގެންނެވެ. އެގޮތުން އެއްފަހަރާ ތިއްބަވާނީ 42 މެމްބަރުންނެވެ. އަދި މާލަމުގެ އެއް މޭޒެއްގައި ދެ މެމްބަރުންނެއް ނުތިއްބަވާނެ އެވެ.
ގާނޫނު އަސާސީއަށް ސަރުކާރުން ހުށައެޅި އިސްލާހު އެޖެންޑާ މިކުރީ، މުޅިން އެހެން އުޒުރުތަކެއް ދައްކަވައިގެން އެ ބިލް އެތައް ދުވަހަކު ބޭއްވުމަށް ފަހު އެވެ. އެމްޑީޕީގެ ސުޕަ މެޖޯރިޓީ އޮތް މަޖިލިހުގައި ބަހުސް ކުރިއަށް ގެންދިޔައީ، ގާނޫނަކުން ކައުންސިލަރުންގެ ދައުރު ދަންމާލާ ގޮތަށެވެ. އެކަމަކު އެއީ ގާނޫނު އަސާސީއާ ހިލާފު ކަމެއް ކަމަށް، ގާނޫނީ ތަޖުރިބާކާރުން ގެންދަނީ ބުނަމުންނެވެ.
އެންމެ ފަހުން ގާނޫނުގެ ބިލް ބާއްވާފައި، ގާނޫނު އަސާސީއަށް އިސްލާހު ގެންނަ ބިލް މިހާރު އެ އޮތީ ކުރިއަށް ނެރެފަ އެވެ. ޖޫން 1 ގެ ކުރިން އެ ބަދަލު ގެންނަން ޖެހެ އެވެ. އެހެންކަމުން މަޖިލިހުގެ ޖަލްސާތައް، އީދު ބަންދުގައި ވެސް ކުރިއަށް ގެންދަން މަޖިލިހުގެ ނިންމި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
27 May 2020
މީނާއަކީ އަބަދުވެސް އޮންނަ ގޮތް ނޫން ގޮތައް އުޅެން ބޭނުންވާ މީހެއް. ބަޔަކު ހަމަޖެހިލައިގެން ތިބެންޏާ މީނާއަށް ބޮޑުކަމަކަށް ވަނީ ތޯއްޗެއް
ދެއްވަދޫ
27 May 2020
އައްނި އާއި ޖާބިރާއި ޓްރަމްޕު ގެ ބޭނުމަކީ ނޫސްތަކުގެ ހެޑްލައިނުން ޖާގަ ހޯދުން
ހައިވް
26 May 2020
ރައީސް ނަޝީދު ލޮކްޑައުންނައް ގޮންޖެއްސެވީކީނޫން އެކަން އެހެންގޮތަކަށް ބަދަލު ކުރައްވަން ދެންނެވީ! ރައީސް ނަޝީދަކީ ރައްޔިތުންގެ މަޖިލީހުގެ ރައީސް! ކަމެއްނުކިއްސަރު ވެއްޖެނަމަ ރައްޔިތުންގެ ފަރާތުން ކަންކަން ހަމަޔަކަށް އެޅުވުމަށް އާންމު ރައްޔިތަކަށްވުރެ މަޖިލީސް ރައީސްގެ މައްޗަށް އައުލާކަންމާބޮޑު..
ahmed
26 May 2020
ބަސްމަގު ހުރީ ގޮންޖަހާ ގޮތަށް. އެހެން ބުނުމުގެ ބަދަލުގައި، ޚާއްސަ ފިޔަވަޅުތަކާއެކު މަޖިލީސް ކުރިއަށް ގެންދިއުމަށް ނިންމައި ކަމާބެހޭ ފަރާތްތަކަށް އެކަން ހިއްސާކޮށްފައިވާނެއޭ ވެސް ބުނެވުނީސް.
ވާނެނުވާނެ
26 May 2020
ކުރީގެ މަޖްލިހުގެ ރިޔާސަތުގަ އިންނެވި ބޭފުޅާ މަޝްހޫރުވީ ގަވައިދުތަކާ ޚިލާފަށް ދާކަމަށް. ބޭނުން ގޮތަކަށް މަޖްލިސް ހިންގާކަމަށް. އެބޭފުޅާއަށްވުރެ ކުރިއަށް އެހުރިހާ ކަމެއްގައި ދާން ނަޝީދު އެއުޅެނީ. އޭރުގެ ކަންކަން ނުބައިކޮށް ވާހަކަ ދެއްކި މީހުން މިއަދު ހަމަ އެގޮތަށް ކަންކަން ކުރަން އުޅުމަކީ ހައިރާނެއްލިބޭ ކަމެއް ނޫން. މިއަށް ކިޔާނީ ކަމެއް އަރާހަމަކުރުން.
ހަޑިގިއްލާ
26 May 2020
ތަޅުމުގައި ޖަލްސާ ބޭއްވުމަކީ މައްސަލައެއްްނޫން. ރައްޔެތުންގެ މަޖިލިސްގެ ވާހަކަ މިދައްކަނީ
77777
26 May 2020
ގާނޫނާއި ޚިލާފުވެއްޖެ. އެޗްޕީއޭގެ ޑީޖީ އަށް ބިރު ދައްކައިފި. މައްސަލަ ބަލާ
ނިން
26 May 2020
އަފީފް ދީދީ މީދެން ކާކު މާ އޮނަރަބަލް ވެގެން ހިތުން މޮޅު ކޮމެންޓް ކުރަނީ... މީ ކާކުތޯ މިހާރު ނޫހުން ބަލާބަލަ! ބޮޑު ރޯނު އެދުރު!... ކިތައްމެ އަފީފު ދީދީ ވެގެން ފާޑު ފާޑު ގެ ކޮމެންޓް ކުރިޔަސް ތިޔައީ މޮޔައެއް...ބޮޑު ރޯނު އެދުރެއް.. ރަގަޅަން ވިއްޔާ އައްޑޫ މަގުތަކުގަ އުޅޭ އާވާރާ އެއް... ކެކެ
ހޭބުޅާ1
26 May 2020
ތަޅުމުގައި ޖަލްސާ ބޭއްވުމުން އާންމު ސިއްހަތަށް ކިހާވަރެއްގެ ނުރައްކަލެއް އެބައޮތްތޯއެވެ. . ޖަވާބަކީ ތަޅުމުގައި ޖަލްސާ ބޭއްވުމުން އާންމު ސިއްހަތަށް ނުރައްކަލެއް އެބައޮތެވެ. ތަޅުމުގައި ނޫނަސް ޖަލްސާ ބޭއްވެން އެބައޮތެވެ. ދެން ރަގަޅީ ކޮންގޮތެއްތޯ ރަށްޔިތުން ނިންމާށެވެ. އެއްވެސް މީހަކު މަޖިލީހުގެ ޖަލްސާތައް ނުކުރާކަށް ނާންގައެވެ. ގިނަބަޔަކު އެއްތަނަކަށް އެއްވެ އުޅުމަކީ މިއަދުގެ ހާލަތު ހުރިގޮތުން ސިއްހީ ނުރައްކަލަކަށް ވެގެން އުޅެނީއެވެ.
އޮޓޯ
26 May 2020
ގާނޫނީ ހުސްކަމެއްގެ ތެރެއަށް ގައުމު ދާނެ ޖޫން ހަތަރަކަށް ކައުންސިލަރުންގެ ކަންކަން ގާނޫނަކުން ހަމަނުޖެހިއްޖިއްޔާ. އެކަން އެހެން އޮތީމަ ރައީސް ނަޝީދު އެހާވަރަކުން ޖަލްސާ ބާއްވަން އެ އުޅެނީ. ގާނޫނު އަސާސީ އިސްލާހެއް ނުކުރެވޭނެ ގޭގަ ތިބެގެން ވޯޓްދީގެނެއް. އެކަން ކުރެވޭނީ މަޖިލީހަށް ހާޟިރުވެ ދޭވޯޓަކުން.
އާޕިސް
26 May 2020
ކިތައްމެ ގިނަބަޔަކު އެއްކޮޅުގަތިއްބަސް މިމަނިކުފާނު އަބަދުވެސް ފެންނަނީމިހެން. ނިކަމެތި މީހާގެ ފާވާނައް އަރާނީ. އަޅާފައިވާ ލޮކުޑައުން މުގުރާލަންވީ ވަގުތު. މަރުވުމުގެ ނިސްބަތް 2% ހުރިބައްޔެއްގަ ބަޔަކު ހަނާކުރަމުން ދާއިރު ބަލަންނުހުނާނެކަން މިއެގުނީ. ސަރުކާރައްނުވިސްނޭ ތަންކޮޅަކީ ލޮކުޑައުން ދަމަހައްޓަން އުޅެނީ ސަރުކާރު ފޭލިއާދިމާއަށް ގެންދަން ބޭނުންވާ ބަޔަކުކަން' ދައުރުގެ ބޮޑުބައެއް ބޭކާރު ގޮތުގާ ގެއްލުވާލަންބޭނުންވާ ބަޔަކު އިސްސަފުގަ ތިބިކަން.
މަރުލޮޖީ
26 May 2020
މަރުގެ ނިސްބަތަކީ 2% އެއް ނޫން. މަރުގެ ނިސްބަތަކީ ރަނގަޅުވާ ކޮންމެ މީހަކަށް އެކަކު މަރުވަނީ. އެއީ ނިމިފައިވާ ކޭސްތަކުން 13 ޕަސެންޓް. މިހާރު އެމެރިކާ ފަދަ ގައުމުތަކުން އެދަނީ މަރުވާ ރޭޓްތައް އޮޅުވާލަމުން. އެހެންވީމާ ރޭޓް ކުރީގެ 25% އަށްވުރެ ދަށްވީ. ހަގީގީރޭޓް އަސްލު އުޅެނީ އަދިވެސް 25 ފަސެންޓްގައި.