14 ޑިސެމްބަރ 2020 - 13:26
2 comments
އާބިޓްރޭޝަންގެ ހިދުމަތްތައް މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުން ދޭން ފަށައިފި އެވެ.
އާބިޓްރޭޝަން ސެންޓަރުން ނެރުނު ބަޔާނުގައި ބުނީ މިއަދުން ފެށިގެން، ގާނޫނުގައިވާ ގޮތުގެ މަތިން އާބިޓްރޭޝަންގެ ކަންކަމާ ގުޅުންހުރި ހިދުމަތްތައް އެ ސެންޓަރުން ރަސްމީކޮށް ދޭން ފަށާފައިވާ ކަމަށެވެ. މިހާރު ސެންޓަރުގެ ވެބްސައިޓް މެދުވެރިކޮށް މައްސަލަ ހުށަހެޅޭނެ ކަމަށް ބަޔާނުގައިވެ އެވެ.
އެ ސެންޓަރުން ބުނި ގޮތުގައި ސެންޓަރުން ވަނީ ވާޗުއަލް ހިދުމަތްތައް ވެސް ތައާރަފްކޮށްފަ އެވެ. ވާޗުއަލް ހިދުމަތްތަކާއެކު އާބިޓްރަލް ޕްރޮސީޑިން ކުރިއަށް ގެންދިއުމުގެ އިހްތިޔާރު މައްސަލައިގައި ހިމެނޭ ފަރާތްތަކަށް ލިބޭނެ ކަމަށް އެތަނުން ބުންޏެެވެ.
އާބިޓްރޭޝަން ސެންޓަރަކީ ރާއްޖޭގައި އާބިޓްރޭޝަން ކުރިއަރުވައި، އެކަމަށް މަގުފަހިކޮށް ދިނުމާއި އެކަމާ ބެހޭ އުސޫލުތައް ކަނޑައަޅާ ސެންޓަރެވެ. ރާއްޖޭގައި އާބިޓްރޭޝަންގެ ގާނޫނު ތަސްދީގުކުރީ 2013 ގަ އެވެ. ރާއްޖޭގައި އާބިޓްރޭޝަން ސެންްޓަރެއް ހުޅުވައި އަމަލީ މަަސައްކަތް ފެށީ 2019 އޭޕްރިލް ގަ އެވެ.
އާބިޓްރޭޝަން ސެންޓަރުގެ ބޯޑަށް ތިން ބޭފުޅަކު ރައީސް އިބްރާހިމް މުހައްމަދު ސޯލިހް ވަނީ އައްޔަން ކުރައްވައިފަ އެވެ. އެ ބޯޑުގެ ޗެއާމަނަކީ ވަކީލް ޝަހުދީ އަންވަރެވެ. ބޯޑުގެ މެމްބަރަކަށް ވަކީލް ހުސައިން ސިރާޖާއި ސަފާ ޝަރީފް ވަނީ ހަމަޖައްސަވައިފަ އެވެ. އަދި ސެންޓަރުގެ ސީއޯއޯ އަކަށް ހުންނަވަނީ ލޯކަލް ގަވަމެންޓް އޮތޯރިޓީ (އެލްޖީއޭ) ގެ ޑިރެކްޓަރުގެ މަގާމު ފަސް އަހަރު ވަންދެން ފުރުއްވާފައިވާ މަމްދޫހާ އަލީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުބްލާ1234
15 December 2020
ހުސް އެމްޑީޕީ ފިކުރުގެ މީހުން ތިތަނަށް ލާފަ ތިތިބީ. ކިހާ ވަރަކުން ދާނެބާ؟ ބަދަލު ދިނުމުގެ ސަރުކާރުން އެތައް ބަޔަކަށް މިތަން މެދުވެރިކޮށް "ބަދަލު" ހޯދަދޭނެހެން ވަރަށް ބޮޑަށް ހީވޭ.
ކޮއްކަލެ ފުތާ
15 December 2020
ލޯ ބިޒްނާސް ޕާޓްނާސް ، ސްޕްރީމް ކޯޓަށްވެސް އެނގޭނެ ކަރުދާގަ ނެތަސް. ނަޒާހަތްތެރިކަން ޓު ދަ މެކްސް. ޒީރޯ ޓޮލެރެންސް އިން އަޅި ބުރަނީ. ... އިންޓަނޭޝަނަލް ބެސްޓް ޕްރެކްޓިސް ހަނި ދޭތެރެއެއްގަ.