އެޑިއުކޭޝަން މިނިސްޓްރީން މީގެ ކުރިން ބޭއްވި ޕްރެސް ބްރީފިންގައި ޑެޕިއުޓީ މިނިސްޓަރު އިހުސާން ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
03 މެއި 2021 - 00:43
6 comments
ލީކްވި އޭ ލެވެލްގެ ފިޒިކްސް އަދި ބަޔޮލޮޖީ ޕޭޕަރާ މެދު ރާއްޖޭގެ މައިގަނޑު ހުށަހެޅުމަކީ ދަރިވަރުންނަށް އަލުން އިމްތިހާނު ދިނުން ކަމަށް އެޑިއުކޭޝަން މިނިސްޓްރީން މިރޭ ބުނެފި އެވެ.
ރާއްޖެޓީވީގެ "ފަލަ ސުރުހީ" ޕްރޮގްރާމުގައި ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) ހިންގުމާ ހަވާލުވެވަޑައިގެން ހުންނެވި މުހައްމަދު އިހުސާން ވިދާޅުވީ ފިޒިކްސް އަދި ބަޔޮލޮޖީ ޕޭޕަރު ލީކުވި މައްސަލައިގައި އެޑެކްސެލްއާ މަޝްވަރާކުރަމުން އަންނަ ކަމަށެވެ. އެކަމާ ގުޅިގެން އަމަލުކުރާނެ ގޮތެއް ވަރަށް އަވަހަށް ނިންމާނެ ކަމަށް ވެސް އިހުސާން ވިދާޅުވި އެވެ.
ރާއްޖޭގައި އިމްތިހާނު ފެށުމުގެ ގަޑިއިރެއްވަރު ކުރިން މިދިޔަ ހަފުތާގައި ވަނީ ބަޔޮލޮޖީ އަދި ފިޒިކްސް ޕޭޕަރު ލީކްވެފަ އެވެ. އެ ޕޭޕަރުތައް ލީކްވީ ބޭރުގެ ގައުމަކުން ކަމަށް ވާތީ، އެ ގައުމުތަކާއި ރާއްޖޭގައި އިމްތިހާނު ހަދާ ވަގުތުގައި ތަފާތުތަކެއް ހުރުމުން ބައެއް ދަރިވަރުންނަށް ކުރިން ސުވާލު ކަރުދާސް ފެނިފައި ވެ އެވެ. އެކަމާ ގުޅިގެން ދަރިވަރުންނާއި ބެލެނިވެރިން ދަނީ ކަންބޮޑުވުން ފާޅުކުރަމުންނެވެ.
އިހުސާން ވިދާޅުވީ އެކަމުގައި "ޑީޕީއީގެ މައިގަނޑު ހުށަހެޅުމަކީ ދަރިވަރުންނަށް އަލުން އިމްތިހާނު ދެވޭ ކަހަލަ ގޮތެއް ވުން" ކަމަށެވެ.
"މިހާރު ލީކުވެފައިވާ ޕޭޕަރާ ދޭތެރޭ އަމަލުކުރާނެ ގޮތަކާ ބެހޭގޮތުން އަޅުގަނޑުމެން އިރާދަކުރެއްވިއްޔާ މާ ލަސްތަކެއް ނުވެ ގޮތެއް ނިމިގެންދާނެ. މިހާރު އެޑެކްސެލްއާއެކު ހަމަ ވާހަކަދެކެވެމުން ދަނީ. އެހެން ނަމަވެސް މިއަދު އެޑެކްސެލް އިން ޔަގީންކަން ދެއްވައިފި މާދަމާގެ އިމްތިހާނުން ފެށިގެން އެއްވެސް ވަރަކަށް އިމްތިހާނުގެ ސުވާލު ކަރުދާސް ލީކުވުމުގެ ފުރުސަތު ވަރަށް ކުޑަވާނެ،" އިހުސާން ވިދާޅުވި އެވެ.
އޭ ލެވެލްގައި ދަރިވަރުން ހަދަނީ ބައިނަލްއަގުވާމީ އިމްތިހާނަކަށް ވުމުން އެންމެ ފަހުގެ ނިންމުން ނިންމުމުގައި ރާއްޖެއަށް ބާރެއް ނޯންނަ ކަމަށް ވިދާޅުވި އެވެ.
ދަރިވަރުންގެ ހައްގުގައި އެޑެކްސެލްއާއެކު މަޝްވަރާކުރަމުން އަންނަކަމަށާއި މާ ލަސްތަކެއް ނުވެ އެކަމުގައި ހައްލަކާ ހަމައަށް އާދެވޭނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
03 May 2021
އެއްކަލަ، ދުޔޭން 1 ވަނަ އަށް އަނަނަ އެގްޒޭމް ދޯ
މޮހަދާ
03 May 2021
ޑީ،ޕީ،އީ ގެ މިހާރުގެ އުސޫލު އޮންނަ ގޮތުން އިމްތިހާނު ފެށުމުގެ 1ގަޑި އިރުކުރިން ސުވާލު ކަރުދާސް އިމްތިހާނު ސެންޓަރު ތަކަށް އީމެއިލް ކުރަނީ. ދެން އެ ސެންޓަރު ތަކުން އެ ކަރުދާސް ޗާޕުކޮށް ގަޑިއަށް އިމްތިހާނު ހޯލް ތަކަށް ގެންދަނީ. ޕޭޕަރު ލީކުވެގެން އުޅެނީ މެއިލް ކުރުމުގެ ތެރެއިން. މިކަމެއް ހިގައިގެން އުޅެނީ މި ރާއްޖޭގައި. އެކަން ފޮރުވުމަށް އެހެން ގައުމެއްގެ ބޮލުގައި އެޅުވުމަކީ ދެރަކަމެއް.
ނާޒިލް
03 May 2021
ބޭފުޅާއައް މާބޮޑައް އިނގެނީ. އެއީ ވާގޮތަކީ.
ޢަހު
03 May 2021
ބަލަގަ އަމިއްލަ މަންހަޖެއްގަ ބޭރުގެ ބައެއްގެ އިމްތިހާން ހަދާތަ؟ މީ ބޮޑު ޖޯކެއްނު. ޚޮބާ އެން އައިއީގެ ނިއުމޢ؟ ޢެއީ ނިކަން މަންހަޖު ވެފަ ހުނަވާ ބެކަނބަލެއް.
ޕުހް
03 May 2021
އެއްޗެއް އިނގިގެން އަނގަހާވަބަލަ ރާއްޖޭގަ އަމިއްލަމަންހަޖެއް އޮންނަނީ ދިވެހިއިސްލާމަށްއެކަނިގަމާރާ
އަހު
03 May 2021
ކަލޭވެސް ތިވީ ގަމާރަކަށް، ރާއްޖޭގެ އަމިއްލަ މަންޙާޖު އަސްލު އޮންނަނީ ގްރޭޑް 6 އަށް. އެއަށްފަހު އޮންނަނީ ބޭރުގެ މަންހަޖަކުން ތަންތަންކޮޅު ނަގައިގެން ހަދާފައި އޮންނަ މަންހަޖެއް. އެއީ ގްރޭޑް 7 އަދި 8. އެއްކޮށް ބޭރުގެ މަންހަޖަށް ބަދަލުވަނީ 9 އިން ފެށިގެނ މައްޗަށް. އިމްތިހާނު ހަދަނީ 10 އަދި 11 އަދި 12ގައި. އެހެމްވީމަ ބޭރުގެ އިމްތިޙާނު ހަދަންޖެހެނީ. މީ އަނެއްކާ ދިވެހި އިސްލާމް ނުހިމަނާ. އެއީ އަހަރެމްންގެ އިމްތިހާނު ހަދާ މާއްދާ ހުރިހާ ގްރޭޑެއްގަވެސް.