ވެރިކަން ވައްޓައިލުމަށް ފަހު އަމީން ދީދީ އަށް ކުރި ހުކުމް ބާތިލުކޮށްދޭން އެދިއްޖެ

ކުރީގެ ރައީސް މުހައްމަދު އަމީން ދީދީ ދަރިކަނބަލުންނާ އެކު ނަންގަވާފައިވާ ފޮޓޯއެއް. އެމަނިކުފާނަށް ކުރި ހުކުމް ބާތިލުކޮށްްދޭން އިންތިގާލީ އިންސާފުގެ އޮމްބަޑްސްމަންގެ އޮފީހަށް ވަނީ ހުށަހަޅާފައި.

މުހައްމަދު ނަސީމް، މިހާރު

12 ސެޕްޓެމްބަރ 2021 - 15:29

40 comments

ރާއްޖޭގެ ފުރަތަމަ ޖުމްހޫރިއްޔާގެ ރައީސް މުހައްމަދު އަމީން ދީދީގެ ވެރިކަން 1953 ގައި ވައްޓައިލުމަށް ފަހު، އެ މަނިކުފާނަށް ކުރި ހުކުމް ބާތިލުކޮށްދޭން އެދި އިންތިގާލީ އިންސާފުގެ އޮމްބަޑްސްޕާސަންގެ އޮފީހަށް ހުށަހަޅައިފި އެވެ.

ރައްޔިތުންގެ މަޖިލީހުގެ މާފަންނު މެދު ދާއިރާގެ އެމްޑީޕީގެ މެމްބަރު އިބްރާހީމް ރަޝީދު (ބޮންޑޭ) ހުށަހެޅުއްވި އެ މައްސަލައިގަައި ވިދާޅުވީ އަމީން ދީދީ އަށް އަނިޔާކުރުމަށް ފަހު، ފައްޖެހި އެނދަކަަށް ލަައިގެން މާލެ ގެނެސް "ބިރުވެރި ޝަރީއަތެއް" ހިންގާފައިވާ ކަމަށާއި އެކަން ހިނގައި ދިޔަ ގޮތް ދައުލަތުން ސާފުކޮށްދޭން އެދިވަޑައިގަންނަވާ ކަަމަށެވެ. އަމީން ދީދީގެ ވެރިކަން ވެއްޓުމަށް ފަހު، އެ މަނިކުފާނާ މެދު ހިނގައިދިޔަ އަނިޔާވެރި ކަންތައްތައް ޝަކުވާއެއްގެ ގޮތުގައި ހުށަހަޅުއްވައި އޭގެ "ފަރުވާއެއް" ގެ ގޮތުގައި ބޮންޑޭ ހުށަހެޅުއްވީ އޭރު ކުރި ހުކުމް ބާތިލު ކޮޮށްދިނުމަށެވެ.

"އަޅުގަނޑުމެން އެދޭ ފަރުވާއަކީ އަލް މަރްހޫމް މުހައްމަދު އަމީންއާ ބެހޭ ގޮތުން ދެކެވޭ ވާހަކަތަކުގެ ހަގީގަތަކީ ކޮބައިކަން ސާފުކޮށްދިނުމާއި ޚާއިނެއް ކަމަށް ބުނެ އެ ބޭފުޅާގެ މައްޗަށް ކޮށްފައިވާ ހުކުމް ބާތިލުކުރުމެވެ،" އިންތިގާލީ އިންސާފުގެ އޮފީހަށް މައްސަަލަ ހުށަހެޅުއްވި ފޯމުގައި ބޮންޑޭ ލިއުއްވާފައި ވެ އެވެ.

އަމީނުގެ ވެރިކަން ވައްޓަައިލުމަށް ފަހު، އޭނާ އަށް ކުރި ހުކުމް، ރަސްމީ އެއްވެސް ލިޔެކިއުމަކުން ފެންނަން ނެތް ކަމަށް ވިދާޅުވެ، އެކަން ސާފުކޮށްދޭން ވެސް ބޮންޑޭ ހުށަހެޅުއްވި އެވެ. ނަމަވެސް ތާރީހު ދިރާސާކުރާ ފަރާތްތަކުން ބުނާ ގޮތުގައި ރަސްމީ ލިޔެކިއުންތަކުން އެ ހުކުމް ފެންނަން އެބައޮތެވެ.

ކުރީގެ ރައީސް މުހައްމަދު އަމީނަށް ކުރި ހުކުމް ބާތިލުކޮށްދޭން އެދިވަޑައިގެން، މެމްބަރު އިބްރާހީމް ރަޝީދު އިންތިގާލީ އިންސާފުގެ އޮފީހަށް މައްސަލަ ހުށަހަޅުއްވަނީ.

އަމީން ދީދީ އަށް ވިހަމަނާފުށީގައި [މިހާރުގެ ކުރުނބާ މޯލްޑިވްސް ހިންގާ ރަށުގައި] އަނިޔާކުރި ކަމަށް ބައެއް ފަރާތްތަކުން ބުނަމުންދާ ކަމަށާއި އަމީން ދީދީ ހަވަރަށް ދިނީ ކޮން ބައެއްކަން އެނގިވަޑައިގަންނަވަން ބޭނުންވާ ކަމަށް ބޮންޑޭ ވިދާޅުވި އެވެ. އަމީނަށް އަނިޔާކުރި މީހުންނަށް އަދުލު އިންސާފުގެ ތެރެއިން ނިޔާއެއް ކަނޑައަޅަން އެދިވަޑައިގަންނަވާ ކަމަށް ވެސް ބޮންޑޭ ވިދާޅުވި އެވެ.

މިދިޔަ އަހަރު ފާސްކޮށް، އަމަލުކުރަމުން އަންނަ އިންތިގާލީ އިންސާފުގެ ގާނޫނުގައި އޮތް ގޮތުން އެ ގާނޫނުގެ ދަށުން އިންސާފު ހޯދޭނީ ޖެނުއަރީ 1، 1953 އިން ނޮވެމްބަރު 17، 2018 އާ ހަމައަށް ހިނގާފައިވާ ކަންކަމަށެވެ.

ރައީސް މުހައްމަދު އަމީން މެމްބަރު އިބްރާހިމް ރަޝީދު (މާފަންނު މެދު) އިންތިގާލީ އިންސާފުގެ އޮފީސް

40 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

14 September 2021

މުހައްމަދު އަމީނަށް ވެރިކަން އިއާދަވާން ޖެހޭނެ. މަރުވެފައިވާތީ ދަރި އަމީނާއަށް ވެރިކަން ލިބެން ޖެހޭނީ. އޭނަ ވެސް މަރުވެފައިވާތީ އަމީން ފައިސަލަށް ވެރިކަން ލިބެން ޖެހޭނީ. ޖުމްހޫރިއްޔަތު އުވާލައި އަލުން ރަސްކަން އިއާދަވެސް ކުރަންވާނެ. ދުންފަތާއި އެހެނިހެން ފަތް ވެސް މަނާވާން ޖެހޭނެ. އަލުން ދިވެހިން އުޅެންވާނީ 2 ވަނަ ބޮޑު ހަނގުރާމައިގެ ތެރޭގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންް

14 September 2021

މިއީ އަޖައިބެއްކަހަލަ ބައެއް. ތިމީހުން ކައިރީގަ ބުނެބަލަ އަމީން ދީދީ އަލުން ދިރުވަބަލާށޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮނޑާ

13 September 2021

އަލި ރަސްގެފާނު ޝަހީދު ކޮށްލެވިފައިވާތީ، އެކަން ހިނގާދިޔަ ގޮތެއް ބަލައި ޕޯޯޗުގީޒުންގެ ފަރާތުން ބަދަލު ނަގައި ދިނުމަށް ތިޔަ ތަނަށް ހުށަހަޅަން ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

13 September 2021

މިކަމުގެ އަޑީގައި އޮތީ ކޮންކަމެއްބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

13 September 2021

އަމީން ދީނިއަށް ލިބުނު އަނިޔާގެ ބަދަލު ލިބުން މހިންމު.. އެކަމަކު މަ މި ބުނަނީ ބޮންޑާ އާ އަމީންދީދީ އާ ކީކީހޭ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

13 September 2021

އެހެންވިއްޔާ އެ ބޭފުޅާ ދިވެހި ގައުމަށާއި ދިވެހި ރއްޔިތުންނަށް ޖެއްސި އުނދަގުލަށްވެސް ޒއްމާވާނެޖެހޭނެ! ކޮންމެ ކަމެއްގަ އެއްކޮޅެއް ނޫން އޮންނާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުނީނީ

13 September 2021

އިއްލިބެ އާ އަދި މާލޭ މުނިސިޕަޓީގެ ރައީސް ކަން ކުރި މީހުން މާލެއިން ދަމަގަނެފައި ބިންތައް ދައުލަތައް ނަގާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުލޫޓު މާސްޓާ

13 September 2021

ކޮބާ މިސޮރުގެ ވެރިކަމުގަ ފަންޑިތަ ހަދައިފިއޭ ކިޔައިގެން ރުއްގަހުގަ ބަނދެގެން ބަޑިޖަހާ މެރިމީހުންގެ އިންސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަދާ ސިީދާ

13 September 2021

ބަޔަކަށް މިއީ މޮޔަ ކޮސްކަމެއް ކަމަށް ފެނިދާނެ. އެކަމަކު މިއީ ޕްލޭން ކުރެވިގެން ހިންގާ ނުރައްކާތެރި ކަމެއް. މިމައްސަލަ ހިނގާ، އޭގެ ޙުކުމް ތަކެއް އައިސްފިނަމަ، އެވެގެންދާނީ ކޯޓް ގެ ޕްރެސިޑެންސަކަށް. ނަތީޖާތޯ؟ "އަމީން" ނަމުގެ ފަހަތަށް ތިބި ކާފަ "ބޭކަލުން" ދެން ސުޕްރީމް ކޯޓަށް ވައްދާނީ އަމީންގެ ޙުކުމް ބާޠިލުވެފައިވާތީ ގެއްލުނު ގޯތި އަނބުރާ ހޯދަން. ނާސިރުގެ ކުދިން ގެ ވެލާނާގެއާއި ހިލާލީގެ އެކުދިން ހޯދަން. މިއީ ޖޯކެއްނޫން. މިއީ ބޭފުޅިޒަމް ކްރައިމް!