ކީޕަރު ނާޖީގެ ދިފާއުގައި ކެޕްޓަން އަކުރަމް ވާހަކަދައްކައިފި

ގައުމީ ޓީމުގެ ކެޕްޓަން އަކުރަމް (ކ) އާއި ގޯލްކީޕަރު އަލީ ނާޖިހް މެޗަށް ނުކުންނަނީ: ނާޖީގެ ދިފާއުގައި އަކުރަމް --- ފޮޓޯ: އެފްއޭއެމް

ހުސެއިން ހަބީބް، މިހާރު

15 ނޮވެމްބަރ 2021 - 17:53

15 comments

މަހިންދަ ރާޖަޕަކްސަ ފުޓްބޯޅަ މުބާރާތުގައި ބަންގްލަދޭޝްއާ ދެކޮޅަށް ރާއްޖެ ކުޅުނު މެޗަށް ފަހު ފާޑުކިޔުން އަމާޒުވި، ގައުމީ ކީޕަރު އަލީ ނާޖިހްގެ ދިފާއުގައި ކެޕްޓަން އަކުރަމް އަބްދުލް ގަނީ ނުކުމެއްޖެ އެވެ.

މިދިޔަ ހޮނިހިރު ދުވަހު ރާއްޖެއާ ދެކޮޅަށް ބަންގްލަދޭޝް ކުޅުނު މެޗުގައި އެ ޓީމަށް ލިބުނު ޕެނަލްޓީ އަކީ ކީޕަރު ނާޖީ ކުރިއަށް ނުކުމެ ބަންގްލަދޭޝްގެ ޖުވެލް ރާނާ އަތުން ބޯޅަ ހޯދަން އުޅުމުގެ ތެރޭގައި އޭނާގެ ގައިގައި ޖެހި ރާނާ ވެއްޓުމުން ދިން ޕެނަލްޓީއެކެވެ. މި ޕެނަލްޓީން ބަންގްލަދޭޝްގެ ޑިފެންޑަރު ޓޯޕޫ ބާމަން ގޯލް ޖަހައި ރާއްޖެ ބަލިކުރީ އެވެ.

އެ މެޗަށް ފަހު ބައެއް މީހުން ވަނީ ނާޖީ އަށް ވަރަށް ބޮޑަށް ފާޑު ކިޔައިފަ އެވެ. ނާޖީ އަށް ފާޑު ކިޔުން އަމާޒުވީ އޭނާ އަރަން ނުޖެހޭ ބޯޅައަކަށް އެރިކަމަށް ބުނެ އެވެ. އެކަމަކު މިއަދު އަކުރަމް ބުނީ ނާޖީ ކުށްވެރި ކުރެވޭނެ އެއްވެސް ހާލަތެއް އެތަނުގައި ނެތް ކަމަށެވެ.

"އެއީ އަޅުގަނޑުގެ ފަރާތުން އައި މިސްޓޭކެއްގެ ސަބަބުން ދިޔަ ބޯޅައެއް. އޭގެ ޒިންމާ އަޅުގަނޑު ނަގަން. ނާޖީއާ ދިމާލަށް އެއްވެސް ބޭފުޅަކު އެއްވެސް އެއްޗެކޭ ނުބުނާށޭ. އޭނާ އަކީ ޒުވާން ކުޅުންތެރިޔެއް އަދި ގައުމީ ޓީމަށް މުޅިން އަލަށް ފަށައިގެން އެ އުޅެނީ،" ސީނިއާ ޓީމަށް އަލަށް ކުޅެން ފެށި ކީޕަރާ ބެހޭގޮތުން އަކުރަމް ބުންޏެވެ.

"އެ ގޯލްގެ ޒިންމާ އަޅުގަނޑު ނަގަން. އެކަމަކު މި ބުނަނީކީ އަޅުގަނޑުމެން އަރަނީ އަމިއްލަ ޓީމު ބަލިކުރާކަށް ނޫނޭ. އެހެން ވެގެންނޭ މިހެންވެގެންނޭ ބަލިވީ ބުނެވޭކަށް ނެތޭ."

އަކުރަމް ބުނީ މިހާރުގެ ކޯޗް ފްރެންޗެސްކޯ މޮރިއޭރޯގެ ޕްލޭނަށް މަސައްކަތް ކުރަން އެކަށީގެންވާ ވަގުތު ލިބުނު ނަމަ ހާލަތު ތަފާތު ވާނެ ކަމަށެވެ. ރާއްޖޭގެ ޓީމު މެޗު ވޯމްއަޕަށް ނުކުންނަ ގަޑި ލަސްވުމުން އެކަން ފާހަގަ ކުރުމުން އަކުރަމް ބުނީ ކުޅުންތެރިން މަސައްކަތް ކުރަނީ ކޯޗު ބޭނުންވާ ގޮތަށް ކަމަށެވެ.

"މި ޓީމުގައި ނެތް އެއްވެސް މައްސަލައެއް. ވޯމްއަޕަށް ނުކުންނަން ޖެހޭ ގަޑި ނިންމާނީ ކޯޗް. މި އުޅެނީ ޓީމުގައި ރޫހް ނެތިގެންނެއް ނޫން،" މާދަމާ ސީޝެލްސްއާ ދެކޮޅަށް ކުޅޭ މެޗުގެ ކުރިން އަކުރަމް ބުންޏެވެ.

"ކަންދިމާކުރި ގޮތުން މި އުޅެނީ އަޅުގަނޑުމެން ބޭނުންވާ ނަތީޖާ ވެސް ނައިސް ގެނޭ އަޅުގަނޑުމެން ބޭނުންވާ ގޭމް ވެސް ޓީމަށް ނުކުޅެވިގެންނޭ މި އުޅެނީ. މީގެ ތެރޭގައި ނެތޭ އެއްވެސް މައްސަލައެއް."

އޭނާ ބުނީ މާދަމާގެ މެޗު ކާމިޔާބުކޮށްގެން ފައިނަލަށް ދިއުމުގެ ރޫހު ޓީމުގައި އެބައޮތް ކަމަށެވެ. ކުޅުންތެރިންގެ ފަރާތުން ދޭން ޖެހޭ 100 ޕަސެންޓް ނެރެވިއްޖެ ނަމަ މެޗު ކާމިޔާބު ކުރެވޭނެ ކަމަށް އޭނާ ބުންޏެވެ.

ގައުމީ ފުޓްބޯޅަ ޓީމް މަހިންދަ ރާޖަޕަކްސަ ޓްރޮފީ

15 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިޔާފް

16 November 2021

އެންމެ ގިނަ މިސްޓޭކް ހަދާ މީހަކީ އަކުރަމް. ލަންކާ މެޗުގައި ވެސް 3 ލަނޑުވަނީ އަކުރަމް ވާނުވާގައި ހުއްޓާ. ދަގަނޑޭއަށް އެންމެ މީހެއްގެ ގައިން ނައްޓާނުލެވޭ. ސުޒޭން އިރުޝާދުދެނީ މޮޅުވެފައި އޮންނައިރު. މުހިންމު ވަގުތތަކުގައި އިންނަނީ އެނގޭކަމަށް ވެސް ހަދާނުލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުލާނާ މުއްލާ މުހައްމާ

16 November 2021

ހުރިހާ ކުޅުންތެރީން އަކުރަމާ އަޝްފާގުގޮތަށް ބަދަލުވީމާ ދެން ޓީމު މޮޅުވާނެ. މިއީ ކަންދަހާރުގެ އެންމެ ފަހުބަސް. ޑރ ބުނިދޯ ސޯޓު މުންޑަކަށް ބަދަލުކުރާން ވެސް.. ބޯޅަ ކޮންޓްރޯލް ސަޅި ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

16 November 2021

މީތި ކަޑަ ބްރޯ.ސޯޓު މުންޑަކަށް ހަދައިގެން ދޯ އިރާނުން ރާއްޖެކޮޅަށް 17 ލަނޑު ޖެހީ!! ކަލޭގެ ލަދު ކޮބާ؟؟/

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްސެ

15 November 2021

މުޅި ގައުމީޓީމުގަ ހުރި އެންމެގިނަ ގޯސްހަދާމީހަކީ އަކުރަމް ލަންކާ މެޗްގަވެސް ލަންކާމީހުން ލަނޑެއްޖެހީމަވެސް ޓީމެއްގެ ކެޕްޓަނެއްގެފަރާތުންފެންނަންޖެހޭއެއްވެސްކަމެއް ނުފެނޭ ޓީމް ހަމަޔަކަށް އަޅުވަން އެއްވެސްމަސައްކަތެއް ކުރިތަނެއް ނުފެނޭ އަދި ކޮންމެ މެޗެއްގަވެސް އެހާގިނަ މިސްޓޭކް ހަދާފަ އެބަހުރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްރު

15 November 2021

އަކުރަމަކީ ވަރަށްގިނަ މިސް ޕާސް ދޭ ކުޅުން ތެރިޔެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޯމޭން

15 November 2021

ނާޖީގެ ކުޅުން މުޅިއަކުން ގޯހެއްނޫން. ނާޖީއަކީ އަސްލު ޕޮޓެންޝަލް ހުރި މޮޅު ކުޅުންތެރިއެއް. ކެއޮޅުން އަތުން ބުޅިކެނޑޭނީވެސް. ބުޅިނުކެނޑިއެއް ދަހެއްވެސް ނުވާނެ. ބޮޑެތި މިސްޓޭކްސްގަ ލިބޭ ފިލާވަޅުވެސް ބޮޑުވާނެ. ކަމެއް ނުކޮށް ގޭގަ އެއްވެސް ކަމަކާ ކުރިމަތިނުލާ ތިބޭ ބަޔަކަށް ނޭނގޭނެ ތިއީ ކިހާވަރައެއްގެ ކަމެއް ކަމެއް. އަދި އިރާދަކުރެއްވިއްޔާ ރަނގަޅުވާނެ. ކުރިޔަށް އޮތްތާ ރަނގަޅުކޮށްލާތި. ތިވެސް މިވެސް ހަމަ ދިވެހިން. ބަލިވިޔަސް ދިވެހިޓީމާއެކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންމޮހޮނު

15 November 2021

ރަނގަޅައް ތައްޔާރު ނުވެވެނީ.. ތަޖުރިބާ ހޯދަންވެސް މި ކުޅެނީ މޮޅުވާންވެގެން ބަލި ޓީމުތަކާ، މޮޅެތި ޓީމުތަކާ ކުޅެ ބަލިވެދާނެތީ އެމީހުނާ ކުޅޭކަށް ނުކެރެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

15 November 2021

100% ކީޕަރު ގެ ސަބަބުން އެދުވަހު ޓީމް ބަލިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑއިރީ

15 November 2021

ނާޖިހް ދިފާއުގާ އަކުރަމް، އަކުރަމް ދިފާއުގާ އަޑުބަރޭ، އަޑުބަރޭ ދިފާއުގާ ސުޒޭން، ސުޒޭން ދިފާއުގާ ފުލެމިންގޯ، މިހެންވެޔޭ މިޔައް ކިޔަނީ ފުޓުބޯޅަ އާއިލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރަބެ

15 November 2021

މީގަ އޮތީ ކީޕަރުގެ މައްސަލައެއް ނޫނެވެ. މައްސަލަ އޮތީ ކީޕަރު މެޗަށް އެރުވި މީހުންގެއެވެ. މައްސަލަ އޮތީ ސާފް ޗެމްޕިއަންޝިޕް ގައި ޕްރެޝަރު މެޗެއްގައި ކީޕަރު ޝަފީއު މޮޅުކުޅުމެއް ދައްކާފައި އޮއްވާ ކީޕަރު ފައިސަލް އިންޖަރީގައި ހުއްޓާ އެރުވި މީހުންގެއެވެ. ވާއެއްޗެއް ބަލަންވެސް ގައުމީ ޓީމުގެ ގޯލު ކީޕަރު ޝަފީއު އާއި ހަވާލުކޮށްބަލާށެވެ.