ފްލައިން ސްކޫލު ގާއިމުކުރަން އެމްއެންޔޫ އިން ދެ މިލިއަން ޑޮލަރު ހަރަދުކުރަނީ

ފްލައިން ސްކޫލު ހިންގުމުގެ ޖޮއިންޓު ވެންޗާ ކުންފުނި އުފެއްދުމުގެ އެއްބަސްވުމުގައި މިދިޔަ މަހު ސޮއިކުރެއްވުމަށްފަހު، އައިލެންޑު އޭވިއޭޝަންގެ އެމްޑީ މިހާދު (ކ-2) އާއި އެމްއެންޔޫގެ ވައިސް ޗާންސެލާ ޑރ. ޝަރީފު (ވ-2) އަދި އެ ދެ ތަނުގެ އިސްވެރިން ފޮޓޯއަކަށް ހުއްޓިވަޑައިގެން.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

17 ނޮވެމްބަރ 2021 - 11:36

9 comments

އައްޑޫގައި ފްލައިން ސްކޫލެއް ހިންގުމަށް ދެ މިލިއަން ޑޮލަރު (30 މިލިއަން ރުފިޔާ) ހަރަދު ކުރާނެ ކަމަށް މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) އިން އިއްޔެ ބުނެފި އެވެ.

އެ ޔުނިވާސިޓީގެ ވައިސް ޗާންސެލަރު ޑރ. މުހައްމަދު ޝަރީފް، ރައްޔިތުންގެ މަޖިލީހުގެ ބަޖެޓު ކޮމިޓީގައި ވިދާޅުވީ، ފްލައިން ސްކޫލަށް އިންވެސްޓް ކުރަނީ ގައުމީ ޔުނިވާސިޓީން އެކަނި ކަމަށެވެ. އެކަން ކުރާއިރު ރިސްކު އެސެސްމަންޓެއް ހަދާނެ ކަމަށް އޭނާ ވިދާޅުވި އެވެ.

ފްލައިން ސްކޫލު ހިންގުމަށް އެމްއެންޔޫ އާއި ސަރުކާރުގެ ގައުމީ އެއާލައިން ހިންގާ އައިލެންޑް އޭވިއޭޝަން ގުޅިގެން އުފައްދާ ޖޮއިންޓު ވެންޗާ ކުންފުންޏެއް އުފެއްދުމަށް މިދިޔަ މަހު ވަނީ ސޮއިކޮށްފަ އެވެ. އެ ތަން ހިންގާނީ ޗެކް ރިޕަބްލިކްގެ ފްލައިން އެކަޑަމީންނެވެ.

އޭގެ ފަހުން، މޯލްޑިވިއަން އިން ވަނީ ތިން އަހަރަށް ވަސީލަތްތައް ކުއްޔަށް ހިފުމަށް ގަން އެއާޕޯޓާއެކު ސޮއިކޮށްފަ އެވެ.

ޑރ. ޝަރީފް ވިދާޅުވީ ފްލައިން ސްކޫލުގެ އެއްބަސްވުމުގެ ކަންކަން ރަނގަޅަށް ކުރިއަށް ދާ ނަމަ އެއީ ރަނގަޅު ވެންޗާއެއް ކަމަށް ގަބޫލު ކުރައްވާ ކަމަށެވެ. ނަމަވެސް ފައިދާވާނެ ކަމަށް ބެލެވެނީ 3-4 އަހަރު ފަހުން ކަމަށް އޭނާ ވިދާޅުވި އެވެ.

"އަޅުގަނޑުމެންގެ ނިސްބަތުން ވަރަށް ބޮޑު އިންވެސްޓްމަންޓެއް. ދެ މިލިއަން ޑޮލަރު ވިޔަސް ބޮޑު އެއްޗަކަށް ޔުނިވާސިޓީން ބަލަނީ. އޭގެ ރިކަވަރީ ފުރަތަމަ ކޮޅުގައި އުނދަގޫވާނެ ދެއްތޯ. ފަހުން ރަނގަޅުވާނެ ކަމަށް ގަބޫލުކުރަނީ،" ޑރ. ޝަރީފު ވިދާޅުވި އެވެ.

އައްޑޫ ގަން އެއާޕޯޓުގައި ފާއިތުވި 10 އަހަރު ފްލައިން ސްކޫލު ހިންގަމުން ދިޔައީ ސްރީ ލަންކާގެ އޭޝިއަން އެކަޑެމީ އޮފް އެއޮރޮނޯޓިކްސް (އޭއޭއޭ) އެވެ. ނަމަވެސް، އެ ތަން ހިންގަމުން ދިޔަ ގޮތާއި ތަފާތު އެކި މައްސަލަތަކާ ހެދި، އެއްބަސްވުމުގެ މުއްދަތު އިތުރު ނުކުރަން އެ އެއާޕޯޓު ހިންގާ ކުންފުނިން ނިންމީ އެވެ. އާ ފްލައިން ސްކޫލުގައި އަންނަ މަހުގެ ތެރޭގައި ކިޔަވައިދެން ފަށާނެ ކަމަށް ކުރިން ވަނީ ބުނެފަ އެވެ. އާއްމުކޮށް ހުޅުވާލައިގެން ފަށާ ފުރަތަމަ ބެޗުން 30 ދަރިވަރުންނަށް ޖާގަ ދޭނެ އެވެ.

ދިވެހި ގައުމީ ޔުނިވަސިޓީ އައިލެންޑް އޭވިއޭޝަން ސިވިލް އޭވިއޭޝަން އައްޑޫ ފްލައިން ސްކޫލް

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

18 November 2021

ދިވެހިރާއްޖޭގެ (ކ.އަތޮޅު މާލޭ) ސަރަޙައްދު ތަކުގައި އޮތް ފަތުރުވެރިކަން މިރީޖަނުގައި ބާއްވާނީ ހުވަދޫ އަތޮޅުގައި ކަމަށާއި، އައްޑޫ ވެގެންދާނީ އެއަރ އަދި ސީޕޯޓް ބައިނަލް އަޤުވާމީ ހަބެއްގެ ގޮތަށްކަމަށް އައްޑޫ މީހުން ޤަބޫލު ކުރޭ. # އަދި އައްޑުއަކީ މުޅިން އަލަށް ތައާރަފުކުރެވޭ އެޑިއު ޓްއަރިޒަމާއި، Medical Tourism ފުޅާ ދާއިރާއެއްގައި ތަރައްޤީކޮށް ހިންގާނެ ތަނެއް ކަމަށް އޮތް އިރު ފްލައިންގ ސުކޫލު ވެގެންދާނީ މިކަމުގެ މުހިންމު ފިޔަވަޅަކަށް ކަން ޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންދަގީ

17 November 2021

އާއިލީ ވެރިކަން؟؟ ނަންވާނީ މައުމޫނު.. ތަސްވީރު ބުނާނީ އެއްހާސް ބަސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 November 2021

ތިތަންހިންގާންވާނީ ސައްތައިން ސައްތަ MNU ގެ ތަނެއްގެ ގޮތުގައި. އަދި ހަމައެކަނި ފްލައިންގ ސްކޫލެއްގެބަދަލުގައި ތިއީ އެމްއެންޔޫ އިން ހިންގާ އެވިއޭޝަން ދާއިރާއަށްބޭނުންވާ ފައިލެޓުންނާއި، އިންޖިނީއަރުން، ކެބިން ކުރޫ ފަދަ ހުރިހާ ފަންނެއްގެ މީހުން ތަމްރީނު ކުރާ ބައިނަލް އަޢުވާމީ އިންސްޓިއުޝަނެއްގެ ގޮތުގައި ތަރައްޤީ ކުރާންޖެހޭތަނެއް. # ބަޤުރޫޓްވުމުގެ މަރުޙަލާގައި 30މ ރުފިޔާގެ ދަރަނި ބޮލުގައި އޮތް ބައެއްގެ އަތުގައި ހިފައިގެން ތިކަން ކުރެވޭނީ ކިހިނެއް؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 November 2021

މިއީ ރަނގަޅު މަންފާއެއްލިބި ދުނިޔޭގެ ނިސްބަތުންވެސް މަޤުބޫލު ތަނަކަށް ހަދާނެ ފުރުސަތުއޮތް ރަނގަޅުކަމެއް. އަދި އައްޑުއަކީ މިކަމަށް ވަރަށްރަނގަޅު ކޯސްހަދާން އަންނަ ބިދޭސީ ސުޓޫޑަންޓުންނަށްވެސް ކަމުދާ ހިތްފަސޭހަ ތަނަކަށްވާނެ. # އެމްއެންޔޫ އިން ގޭންއެއަރޕޯޓަށް ޙިއްސާނުދީ މޯލްޑިވިއަން އަށް ޙިއްސާދީގެން މޯލްޑިވިއަން އާއިގުޅިގެން މިކަންކުރާން ޖެހުނީކީއްވެ؟! ރަނގަޅަށްއިގޭތީ މިބުނަނީ ޗެކްރިޕަބްލިކްގެ ކުންފުންޏަކީ މޯލްޑިވިއަނުން ހޯދިބައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިޔަބު.

17 November 2021

އައްޑޫގައި ހަދާ ތަނެއް ވީމަ ދޯ ފައިދާ ވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލީނާ

17 November 2021

ދިވެހިރާއްޖޭގެ ޤައުމީ ޔުނިވަރސިޓީން މި އުޅެނީ ދެ މިލިއަން ޑޮލަރު ބޮޑުވެގެން. އޭގެން ހިންގާލަން މި އުޅެނީ ފްލައިންގ ސްކޫލެއް. ބައެއް މީހުންގެ އެކައުންޓަށް އެހެރަ ވަންނަ އަދަދުތަކަކީ ބޮޑު އެއްޗަކަށް ވާކަމަކަށް މިހާރު ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

17 November 2021

އެވަރަށް ދައުލަތުން ޔުނިވަސިޓީއަށް ރުފިޔާ ދޭއިރުވެސް ހިދުމަތުގެ ފެންވަރު ދެވޭ ތައުލީމުގެ ފެނަވަރު ހަމަ ސުމެކޭ! އެވިޑެކޭ، މައިކޮލެޖޭކޭ، ވިލާއެކޭ، ޔުނިވާސިތީއެކޭ ވަނީ ހަމައެއްވަރު...