އަރަބިއްޔާ ސްކޫލު: އެ އިމާރާތުގައި ހުރީ ވަރަށް ބޮޑަށް ރެނދުލާފައި.-- ފޮޓޯ: ފަޔާޒު މޫސާ/ މިހާރު
16 ޑިސެމްބަރ 2021 - 21:56
17 comments
އަރަބިއްޔާ ސްކޫލުގައި މިހާރު ކިޔަވަމުން އަންނަ ދަރިވަރުން، ވަގުތީގޮތުން އިއްޒުއްދީން ސްކޫލަށް ބަދަލުކުރަން އެޑިއުކޭޝަން މިނިސްޓްރީން ނިންމައިފި އެވެ.
މީގެ އަށް އަހަރުކުރިން ބޭނުންކުރަން ފެށި އަރަބިއްޔާގެ އާ އިމާރާތުގައި ވަރަށް ބޮޑަށް ރެނދުލާފައި ހުރުމުން އެ ތަނަށް ދަރިވަރުން ފޮނުވުމަށް ބެލެނިވެރިން ދަނީ ފަސްޖެހުމުންނެވެ. އެކަމަށް ދާއިމީ ހައްލެއް ހޯދައިދިނުމަށް އެތައް ފަހަރަކު ސަރުކާރުގައި އެދިފައިވެ އެވެ.
އެކަމާ ގުޅިގެން އެ މިނިސްޓްރީން މިރޭ ނެރުނު ބަޔާނުގައި ބުނީ އަރަބިއްޔާ ސްކޫލް އިމާރާތުގެ ހާލަތު ހުރިގޮތުން އެ ތަނުގައި ދަރިވަރުުންނަށް ކިޔަވައި ދިނުން އެންމެ ރައްކާތެރި ނޫން ކަމަށެވެ. ނަމަވެސް އިމާރާތަށް ދިމާވެފައިވާ މައްސަލަ ބަލައި ހައްލުކުރުމަށް އިތުރު ވަގުތު ބޭނުންވިޔަސް މިނިސްޓްރީން މަސައްކަތް ކުރަމުން އަންނަނީ ގެއްލުންތަކަށް ވީހާ ވެސް ހައްލެއް ހޯދައިދިނުމަށް ކަމަށް ބުންޏެވެ.
"މިފަދަ ހައްލެއް ހޯދެންދެން ވެސް ދަރިވަރުންގެ ކިޔެވުން މެދުނުކެނޑި ކުރިއަށް ގެންދިއުމަކީ އަޅުގަނޑުމެންގެ އެންމެންގެ މައްޗަށް ލާޒިމުކަމެކެވެ. ހަތްސަތޭކައަށްވުރެ ގިނަ ދަރިވަރުންގެ ކިޔެވުން ކުރިއަށް ގެންދެވޭނީ ސްކޫލެއް ހިންގުމަށް އިމާރާތްކޮށްފައި ހުރި ތަނެއްގަ އެވެ،" ބަޔާނުގައި ވެ އެވެ.
އެ ކަންކަމަށް ރިއާޔަތްކޮށް ނިންމާފައިވަނީ އަރަބިއްޔާ ސްކޫލުގެ ދަރިވަރުން ވަގުތީ ގޮތުން އިއްޒުއްދީން ސްކޫލަށް ބަދަލުކުރުމަށާއި މިހާރު ހުޅުމާލޭގައި އިމާރާތްކުރަމުން އަންނަ ސްކޫލުތަކުގެ ތެރެއިން އެއް ސްކޫލް އަރަބި މީޑިއަމަށް ހާއްސަކުރުމަށާއި ސްޓްރަކްޗަރަލް އެސެސްމަންޓްގެ ރިކޮމެންޑޭޝަނާ އެއްގޮތަށް އެ އިމާރާތަށް ދިމާވެފައިވާ މައްސަލަތައް ހައްލުކުރުމެވެ.
މިދިޔަ އަހަރު އަލަށް ކިޔަވައިދޭން ފެށި އިއްޒުއްދީން ސްކޫލު.--ފައިލް ފޮޓޯ: މިހާރު
"މި އިމާރާތް [މިހާރު ސްކޫލު ހިންގާ ތަން] ހުންނާނީ އަބަދުވެސް އަރަބިއްޔާއަށް ހާއްސަ ކުރެވިފައި ކަމުގައި ދަންނަވަމެވެ،" މިނިސްޓްރީން ބުންޏެވެ.
އަރަބިއްޔާގެ ދަރިވަރުން ވަގުތީ ގޮތުން އިއްޒުއްދީން ސްކޫލަށް ބަދަލުކުރަން ނިންމި ނަމަވެސް، އެކަމާ ބެލެނިވެރިން ދިޔައީ ދެކޮޅު ހަދަމުންނެވެ. އެ މީހުންގެ އެންމެ ބޮޑު ޝަކުވާއަކީ، ދެ މީޑިއަމަކަށް ކިޔަވައިދޭ ސްކޫލެއް އެއް ތަނެއްގައި ހިންގުމަށް ދަތިވާނެ ކަމެވެ.
މިނިސްޓްރީގެ މި ނިންމުން އިތުރަށް ތަފްސީލު ކޮށްދެއްވަމުން އެޑިއުކޭޝަންގެ ސްޓޭޓް މިނިސްޓަރު އަހުމަދު ރިޔާޒު "މިހާރު" އަށް ވިދާޅުވީ އިއްޒުއްދީންގެ އެންމެ މަތީ ކްލާސްތަކުގައި ހެނދުނު 9:00 ން މެންދުރު 12:00 އަށް ކިޔަވައިދޭނީ އަރަބިއްޔާއަށް ހެނދުނު ދާ ދަރިވަރުންނަށެވެ.
މެންދުރު ފަހު ދަންފަޅި ހާއްސަކޮށްފައިވަނީ ހަމައެކަނި އަރަބިއްޔާގެ ދަރިވަރުންނަށެވެ.
"މި ގޮތަށް ބަދަލުކުރީމަ ދެ ސްކޫލު ވެސް އެކަމޮޑޭޓް ކުރެވޭނެ،" ރިޔާޒު ވިދާޅުވި އެވެ.
ހުޅުމާލެ ދެެ ވަނަ ފިޔަވަހީގައި ކޮންޓްރެކްޓާ ފައިނޭންސް އުސޫލުން މިހާރު އަންނަނީ ދެ ސްކޫލެއް އަޅަމުންނެވެ. އެ ތަނުން އެއް ސްކޫލު ހަމަޖައްސާފައިވަނީ އަރަބި މީޑިއަމަށް ކިޔަވައިދޭށެވެ.
އިއްޒުއްދީން ސްކޫލް މިހާރު ހިންގަމުން އަންނަނީ ކުރީގެ އެމްއީއެސް އަދި ފަހުން މަންދު ކޮލެޖް ހިންގި އިމާރާތުގަ އެވެ. އެ ތަން ސަރުކާރުގެ ސްކޫލަކަށް ބަދަލުކޮށް ކިޔަވައިދޭން ފެށީ މިދިޔަ އަހަރުގެ ދިރާސީ އާ އަހަރާއެކުގަ އެވެ. އެ ސްކޫލުގައި މި ވަގުތު ކިޔަވަމުން އަންނަނީ ގްރޭޑު 1-6 އަށް، 200 ވަރަކަށް ދަރިވަރުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއުނިމާ
19 December 2021
ޕްރައިވެޓް ކުންފުނިތަކުން ސުކޫލުތައް އަުލަންވީ، ބިލަބޮންގ، ގިޔާސުއްދީން، ކެންގަރޫ ކިޑްސް... މިއީ ދީފަހުރި ކިތައް ސްކޫލްސް!
ހައިރަާން
17 December 2021
އަޅެ، މިނިސްޓްރީގެ އިސް ބޭފުޅުންނަށް އިނގި ނުލައްވާތޯ ޢަރަބިއްޔާގެ މަތީގުރޭޑު ތަކުގެ ކުދިން ސަތާރަ އަށާރަ މާއްދާ ކިޔަވާކަން. ހެނދުނު ނުވައަކުން ބާރަޔަށް އެކުދިން ސްކޫލަށް ގެންގޮސްގެން ކިހިނެއްތޯ ފަރުޖެހެނީ ހިތައް އަރާ. މިއީތޯ ކުދިންގެ މެދުގާ ތަފާތު ނުކުރުމުގެ މިންގަނޑު ކަނޑަ އަޅާގޮތަކީ؟؟؟؟؟.
ހާމިދު ޝާހިދު
17 December 2021
ތިޔައީ ދެން ކިހާ ދެރަކަމެއް. ކިހެނެއް އެއް އިމާރާތެއްގައި 2 ސްކޫޅް ހިިންގާނީ. އިއްޒުއްދީނަކީ ނަމޫނާ ސްކޫލް ކަމަށް އަޑު އަރުވާފައި، ރައީސް އިބްރާހިމް ސްލޯލިހް ހުޅުއްވައިދެއްވި ތަނެއް. އެތަނުގައި 1 ދަންފަޅި އޮންނާނެޔޭ، ސްކޫލަށް ގެންދާނީ އޮފީހަށްދަމުން ލާފައި އޮފީހުން ނިމިގެން ދަމުން ނަގާގޮތަށޭ. މިހާރު އެ ސްކޫލުން އެބައޮތް ބެލެނިވެރިންނަށް އަންގާފައި އާދީއްތަ ދުވަހުންފެށީގެން ސެޝަން 11:30 ގައި ނިމޭކަމަށް. ހުރިހާ ގެއްލުމެއް މިލިބެނީ ދަރިވަރުންނަށް.
ކައުންސެލަރު
17 December 2021
ތިޔަތަން ޢިމާރާތްކުރަން ހަވާލުކުރީ ކޮންއިރަކުކަން ރައްޔިތުންނަކަށްނޯޅޭ. މިބުނީ ނަމުން ހެޔޮވެރިކަމުގެ ވާހަކަ. ކަންކޮށްފަ އޮތްގޮތް ތިޔައޮތީ ފެންނަން. ބަނޑަށް އެޅިވަރެއް ދެނެވޮޑިގެންވާ ފަރާތަށް އެއެޅިވަރެއްވެސް ވަންހަނާއެއްނުވޭ. ރައްޔިތުން ހޭއަރަނީ ކޮންއިރަކުން؟
އުދުހޭ
17 December 2021
މި އެޑިއުކޭޝަން މިނިސްޓަރަކީ ވަކިވަކިން 100 ފަހަރު އިސްތިއުފާ ދޭންޖެހިފައިވާ ކަނބަލެއް.
ނަންބި
17 December 2021
100 ޕަސަންޓު ތާއިދު.
ވަރަށް ކަންބޮޑު
17 December 2021
ރާއްޖޭގެ ހުރިހާ ސްކޫލެއްގައި އަރަބި ކިޔަވައިދޭންވީ. އަދި ސްޓްރީމެއްގޮތަށް ގުރުުާނާއި ސުންނަތާއި ފިގުހުފަދަ ބައިތައް ތަޢާރިފް ކުރަންވީ. ތިއަރަބިއްޔާ އުވާލާފައި މިގޮތަށް ހެދުމުން ވަކި ގަބީލާއެއްކަމަށް ތިބަޔަކު ދެކެމުން އަންނަ ދުށުމަށް ނިމުމެއް އަންނާނެ. މިހާރު ތިތާގައި ކިޔަވާކުދިންވެސް ދެކެނީ އެހެންސްކޫލްތަކަކީ ކިޔަވަން ކަމުނުދާ އަދި އުޅެން ކަމުނުދާ ތަންތަން ކަމަށް.
ދެރަ
17 December 2021
ރަގަޅު ވާހަކައެއް
ހާމިދު ޝާހިދު
17 December 2021
މިވާހަކައަށް ކޮންމެވެސްވަރަކަށް ތާއީދު ކުރިނަމަވެސް މުޅިން އެއްބަސް ނުވެވޭނެ. އަރަބި މީޑިއަމަށް ކިޔަވާދޭ ސަރުކާރުގެ ސްކޫލެއް ހުރިނަމަވެސް، އެތަނެކޭ އެހެން ސްކޫލްތަކަކޭ ތަފާތެއް ނުކުރެވޭނެ. މިއުޒިކާއި ލަވައާއި، އެހެނިހެން ކުޅިވަރުތަކާއި ދަރިވަރުންގެ ހުނަރުތައް ދައްކާލެވެން ޖެހޭނެ އަރަބިއްޔާއެއްކަމަކު. މިސުރުގައި ނޫންތޯ "ސެސިމިސްޓްރީޓް" އަރަބިބަހުން ހެދީ. މުޅިން އިސްލާމީ ތަރުބިއްޔަތު އެކަނި ދޭތަނަކަށް އެތަން ނުހަދާ އޯލެވެސް އިންގްލިޝް ވެސް ކިޔަވާދީ
އެމްނެ ރަގަޅު ވާނީ
17 December 2021
ކެރެންޏާ ވަޤުތީގޮތުން އިއްޒުއްދީން ހިންގާ އެމްއީއެސް އިމާރާތަށް 700 ކުދިން ކިޔަވާ ގިޔާސުއްދީންލާބަލަ، ބިލަބޮންގވެސް އެއުޅެނީ އީޕީއެސް ހިންގި ޢިމާރާތުގަ، ޤިޔާސުއްދީންގަ ގިނަވާނީ މާލޭގެ :ބޮޑުންގެ ދަރިން. އެކަމަކު އަަރަބިއްޔާއާއި އިއްޒުއްދީން އެއްޢިމާރާތެއްގަވިއްޔާ ހަމަޖެހިގެން ކިޔެވޭނެ މި ނީނުން ތަނެއް ނެތް ކަން ޔަޤީން
ޖޭވާމީހާއަށް
17 December 2021
ގިޔާސުއްދީނަކީ އިންޑިއާއާ ގުޅިފަ އޮތްތަނެއް. އެތަނުގަ މިސަރުކާރަކުން އަތެއްނުލާނެ ކިތަންމެ ވަރެއްވިއަސް.
ާގިޔާސުއްދީނަށް އެމްއީއެސް ދޭންވީ
17 December 2021
ހެނދުނު މިފެންނަމަންޒަރަކުން ޤައުމުގައިވާ ތަފާތުކުރުން އިޙްސާސްވޭ. އީޕީއެސްގެ އާދައިގެ އިމާރާތެއްގައި އިންޓަނޭޝަނަލްސްކުލެއް އެބަހިންގާ، ނަމަވެސް މެޖޯރިޓީ ސަރުކާރާ، ސަރުކާރުގެ ކުންފުނި ތަކުގެބޮޑުންނާ ކުރީސަރުކާރުތަކުގެވެސްޚާންދާން މަތިވެރި ބޮޑުންގެ، ގާތްގަޑަކަށް 700 އެއްހާ ކުދިންނަށް ކިޔަވައިމިދެނި މާލޭގެ އެންމެބޮޑު ސްކޫލްޢިމާރާތުގަ އިންޓަނޭޝަނަލްހަދާލައިގެން. އެއްސަރަހައްދެއްގަ މިއާބާދީބޮޑު މާލޭގަ ޖޭއެސް، އަހްމަދިއްޔާ ތަންތަނުގަ ހަމަނޭވާނުލެވެ.
ޙަލީ
17 December 2021
ޓަސްލާފަ އިމާރާތަކީ ދަރިވަރުންނަށް ގެއްލުން ހުރި އިމާރާތަކަށްވީ؟ އާސްތު ކީކޭތަ ތިކިޔަނީ؟ ބެލެނިވެރިންނަށް ޖެއްސުން ކުރުން ހަމަ.
ދޮހުއްތު ބެ
16 December 2021
ދެން ޢިއްޒުއްދީން ސްކޫލް ގެ ކުދިންނޯ؟.