ހުޅުމާލޭގައި 4،000 ފްލެޓްގެ މަސައްކަތް ފަށަން 34 މިލިއަން ޑޮލަރު އިންޑިއާގެ އެގްޒިމް ބޭންކުން ދޫކޮށްފި
ހުޅުމާލޭގެ ފޭސް ދެއަކަށް ދާން އޮންނަ ބްރިޖު-- -ފޮޓޯ:ނިޝާން އަލީ/މިހާރު
17 ޑިސެމްބަރ 2021 - 09:58
16 comments
ހުޅުމާލޭ ފޭސް ދޭއްގައި ހިންގާ ބޯހިޔާވަހިކަމުގެ މަޝްރޫއުތަކަށް 34 މިލިއަން ޑޮލަރު (524 މިލިއަން ރުފިޔާ) އިންޑިއާގެ އެގްޒިމް ބޭންކުން ދޫކޮށްފި އެވެ.
އެގްޒިމް ބޭންކުން ވަނީ ހުޅުމާލޭގައި 4،000 ހައުސިން ޔުނިޓް އިމާރާތްކުރަން 228 މިލިއަން ޑޮލަރު، ބަޔާޒް ކްރެޑިޓްގެ ގޮތުގައި އިތުރުކޮށް ފަހި ދިރިއުޅުން ކޯޕަރޭޝަނާ އެކު އެއްބަސްވުމަކަށް އައިސްފަ އެވެ. މި ފައިސާގެ ތެރެއިން ދޫކުރި 34 މިލިއަން ޑޮލަރަކީ މަޝްރޫގެ އަމަލީ މަސައްކަތް ފެށުމުގެ ގޮތުން ދޫކުރި ފައިސާ އެވެ.
އިންޑިއާ ހައި ކޮމިޝަނުން ބުނީ ފްލެޓްތަކުގެ މަސައްކަތް ކުރާނީ އިންޑިއާގެ ނެޝަނަލް ބިލްޑިންގްސް ކޮންސްރަކްޝަން ކޮމްޕެނީ (އެންބީސީސީ) އަދި ޖޭއެމްސީ ޕްރޮޖެކްޓްސް (އިންޑިއާ) ލިމިޓެޑް އިން ކަމަށެވެ. މިއީ ރިއަލް އެސްޓޭޓާއި ސިވިލް ކޮންސްޓަރަކްޝަން ޕްރޮޖެކްޓްތައް އިންޑިއާ އާއި އެހެން ގައުމުތަކުގައި ހިންގާ ތަޖުރިބާހުރި ކުންފުނިތަކެއް ކަމަށް ވެސް އެތަނުން ބުންޏެވެ.
ހައި ކޮމިޝަނުން ބުނި ގޮތުގައި، ފްލެޓްތައް އެޅުމަށް ބޭނުންވާ ސައިޓް މިހާރު ކޮންޓްރެކްޓަރުންނާ ހަވާލުކޮށްފައިވާ ކަމަށާއި މިވަގުތު ކުރިއަށް ދަނީ އިމާރާތްތަކުގެ ޑިޒައިންގެ ތަފްސީލީ ކުރެހުންތައް ދިވެހި ސަރުކާރާ އެކު ފައިނަލައިޒް ކުރުމެވެ.
މި ދެ ޕްރޮޖެކްޓްގެ ދަށުން 900 އަކަފޫޓުގެ ތިން ކޮޓަރި އާއި ތިން ފާހާނާގެ 2،800 ޔުނިޓާއި 650 އަކަފޫޓުގެ ދެ ކޮޓަރި، ދެ ފާހާނާގެ 1،200 ޔުނިޓް އިމާރާތްކުރާނެ އެވެ.
ހައި ކޮމިޝަނުން ބުނީ އަތްފޯރާއި އަގެއްގައި ގެދޮރު ފޯރުކޮށްދިނުމަކީ ރައީސް އިބްރާޙީމް މުހައްމަދު ސޯލިހުގެ ވައުދަކަށް ވާއިރު މާލޭގެ ތޮއްޖެހުމުގެ މައްސަލަ ހައްލުކޮށް ހެޔޮ އަގެއްގައި ބޯހިޔާވަހިކަން ދޭން މި ސަރުކާރުން ކުރާ މަސައްކަތަށް އެހީ ވުމަކީ އިންޑިއާ އަށް ލިބޭ އުފަލެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަފީރު
18 December 2021
މީ ހާދަ އަގުހެޔޮ ފުލެޓް ތަކެކޭވާ. ފުލެޓަކަށް އެރެޖުކޮށް ޚަރަދުވަނީ 131070.00 ރުފިޔާ. ޔޯ. ކޮންކަހަލަ އަގުކުރުމެއްތަ
ކައުންސެލަރު
17 December 2021
އިންޑިޔާ ނޫން އެއަށްވުރެ ރަނގަޅުގޮތެއް އޮތަސް މިމީހުންނަކަށް ނުފެންނާނެ. އެއަށްރެ ގިނައިން ޖީބަށް އަޅާފަހުރީ. ކޮންފަދަ ބަލާ މުސީބާތެއް ދިވެހިންނަށް ލައިގަނެފަ މިއޮތީ؟ އިންޑިޔާ އައުޓު
ކަންވާރު
17 December 2021
ނުވާނެ ތިކަމެއް. ތީ ހުސްދޮގު. ނުލިބޭ ފައިސާއެއް.
ބްރިޖް
17 December 2021
ބްރިޖްގެ ވަންވޭ އިން އިދިކޮޅަށް ފައިބާ މީހާ ފެނުނީ ކިތައް މީހުންނަށް؟
ދިއްދޫމީހާ
17 December 2021
ހައުސިން މިނިސްޓްރީ ހިންގަނީ އިންޑިޔާ ހައިކޮމިޝަނުންތޯ؟؟ އަނެއްކާ އިންޑިޔާ އެމްބަސީދަށަ ހައުސިން މިނިސްޓްރީ ބަދަކްކުރީތޯ؟؟ ނޭގޭތީ ހަމަ އަހާލީ،،
ދައުރުން ބަނަކަށް
17 December 2021
އެމްޑީޕީގެ މި ދައުރުގަ އެއްވެސް ފްލެޓެއް ރައްޔިތަކަށް ދިނުމުގެ އުއްމީދެއް ނެތް އެކަމަށް މުއްދަތެއް ނެތް ދިމާވި ގޮތް ދޯ ޚިދުމަތް ކުރަން ނޫޅެންޏާ ވާނީ އެހެން
ގައިސް
17 December 2021
ދެން އެވަރުކަމެއްތަ އެއީ. ދެންއެވީ މިނިވަންކަން ވެދުނަށް އަރުވަން ދޯ. ބޯހަލާކު
ބިންދަގީ
17 December 2021
ތިޔާ ވަރަށް ފްލެޓު އެޅިއެޅީނުންގޮސް ބޮޑެތި އިންޓްރަސްޓުގަ ބޮޑެތި ލޯނުނަގައިގެން ގެދޮރުހެދި މޮޔައިން އިނދަދެހިދާނެ.. މާލޭބޭފުޅުންގެ ބިންތައް، އިމާރާތްކޮށް ބޮޑުއަގުގަ ކުއްޔަދީގެން މިތިބީ މަމެން ރަށްފުށުމީހުން.. ހުރިހާ ކޮޅުކެއްސެއް އަނެއްކާވެސް މަމެންނަށް.. އިމާރާތް ލިބޭނީ ބޭފުޅާއަށް، ލޯނާ ހަވާލުވުން މަމެންނަށްއޮތީ..
ދޮންބެއަލީ
17 December 2021
އެއްވެސް ޤައުމެއްގެ ހައިކޮމިޝަން ތައްމީ އެހެން ޤައުމުތަކުގެ ބޯހިޔާވެހިކަމުގެ ސިޔާސަތުތައް ރާވާބައެއްބާ...ނަމުގައި ސޯސަލް ހައުސިން އަގު 2.5 މިލިޔަށް އެއްފަހަރާ 4 ލައްކަ ދެއްކީމާ 20 އަހަރު ވަންދެއް 20000 ހާސް ރުފިޔާ މަހުކުލި. ލޯނު ނިމޭއިރު 7 މިލިޔަން ނިކަމެތި ރައްޔިތު މީހާ ދައްކަން ޖެހޭ....އެހެންވީމަ ރަގަޅު ސޯސަލް ހައުސިން މީ..
ވާހަކަ
17 December 2021
އިންޑިޔާއިން ލޯނު ނަގަންޔާ މަސައްކަތް ހަވާލުކުރަން ޖެހެނީވެސް އިންޑިޔާގެ ކުންފުންޔަކާ. އޭގެން އެންމެ ލޯ ލާރިއެއްވެސް މިގައުމަކަށް ނުވަދޭ. ނުވިތާކަަށް އިމާރާތް ނިމެނީކިވެސްނޫން.
ކުޗީ
17 December 2021
ޗައިނާ ވެސް ހެދީ އެހެން ... ދެން ތިބި ގައުމުތަށްވެސް ހަދާނީ އެހެން.