އިންޓަނޭޝަނަލް މޮނިޓަރީ ފަންޑު. އައިއެމްއެފުން ބުނީ ދަރަނި ދެއްކުމުގައި ކުދި ގައުމުތަކަށް ބޮޑެތި ގޮންޖެހުންތައް އެބަހުރި ކަމަށް--ފޮޓޯ:މިހާރު
22 ޑިސެމްބަރ 2021 - 15:01
23 comments
ދަރަނި އިންތިހާ އަށް ބޮޑުވަމުން އަންނަ ކުދި ގައުމުތަކުގެ އިގްތިސާދުތައް ފުނޑުމުގެ ބިރު ބޮޑުވެފައިވާ ކަމަށް އައިއެމްއެފުން ބުނެފި އެވެ.
އައިއެމްއެފް މެނޭޖިން ޑިރެކްޓަރުގެ ބްލޮގްގައި ބުނީ، ދަރަނި އަދާކުރުމުގައި ކުދި ގައުމުތަކަށް ބޮޑު ގޮންޖެހުމަކާ ކުރިމަތިވެފައިވާ ކަމަށެވެ. އެ އިދާރާއިން ވަނީ ޖީ20 ގެ ގައުމުތަކަށް ދަރަނި ދެއްކުމުގައި ކުދި ގައުމުތަކަށް ލުއި ގޮތްތައް ހަމަޖައްސައިދޭން އެދިފަ އެވެ.
އައިއެމްއެފުން ބުނީ 60 ޕަސެންޓް ކުދި އަދި ފަގީރު ގައުމުތައް މި ވަގުތު އޮތީ އިންތިހާ އަށް ދަރަނި ބޮޑުވެ، އިނދަޖެހިފައި ކަމަށެވެ. އައިއެމްއެފުން ބުނީ އެ އިދާރާއިން ހެދި ދިރާސާއިން ހާމަވާ ގޮތުގައި 2015 ވަނަ އަހަރަށް ވުރެ މިހާރު ކުދި ގައުމުތަކުން ނެގި ދަރަނި ދެގުނަ އިތުރުވެފައިވާ ކަމަށެވެ.
ކޮވިޑާ ގުޅިގެން ޖީ20 ގައުމުތަކުން ވަނީ އެ ގައުމުތަކުން ނެގި ލޯނުތައް ދެއްކުން ފަސްކޮށްދީފަ އެވެ. އެހެން ނަމަވެސް މި އަހަރު ނިމުމުން އަނެއްކާ ވެސް ކުދި ގައުމުތަކުން ދަރަނިތައް އަނބުރާ ދައްކަން ފަށަން ޖެހޭނެ އެވެ.
އައިއެމްއެފްގެ މެނޭޖިން ޑިރެކްޓާ ކްރިސްޓެލީނާ ޖޯޖީވާ ވިދާޅުވީ ކުދި ގައުމުތަކާއި އާމްދަނީ އެންމެ މަދުން ލިބޭ ގައުމުތަކަށް ދަރަނި އަދާ ކުރުމުގައި ބޮޑެތި އުނދަގޫތައް އެބަހުރި ކަމަށެވެ. ބޮޑެތި ގައުމުތަކުން ދަރަނި އަދާ ކުރުމުގައި ލުއިތައް ނުދީފި ނަމަ ކުދި އިގްތިސާދުތައް ފުނޑުމުގެ ފުރުސަތު ބޮޑު ކަމަށް އޭނާ ވިދާޅުވި އެވެ.
ކޮވިޑާ ގުޅިގެން އެންމެ ފަގީރު ގައުމުތަކުގެ އިގްތިސާދު އޮތީ ރެސެޝަނެއްގަ އެވެ. އަދި ދުނިޔޭގައި ފަގީރުންގެ އާބާދީ ވަނީ 100 މިލިއަނަށް އިތުރުވެފަ އެވެ. އަނެއްކާ ވެސް ކޮޮވިޑްގެ އާ ވޭރިއެންޓް އޮމިކްރޯނާ އެކު ކޮވިޑްގެ ބިރުވެރިކަން ބޮޑުވެ ގައުމުތަކުން އަންނަނީ ހަރުކަށި ފިޔަވަޅުތައް އަޅަމުންނެވެ. މިއާ އެކު އަނެއްކާ ވެސް އިގްތިސާދީ އިތުރު އުނދަގޫތައް ކުރިމަތިވާނެ ކަމަށް މާލީ އިދާރާތަކުން ލަފާކުރެ އެވެ.
މި ވަގުތު ދަރަނި ބޮޑުވެ އެންމެ ނުރައްކާތެރި ހާލަތުގައި އޮތް ގައުމުތަކުގެ ގޮތުގައި ވޯލްޑް ބޭންކުން އާންމުކޮށްފައިވާ ލިސްޓުގައި ރާއްޖެ ވެސް ހިމެނެ އެވެ. ސޮވެރިން ގެރެންޓީ ހިމަނައިގެން، ދައުލަތުގެ ދަރަނި އަންނަ އަހަރު ނިމޭއިރު 103 ބިލިއަން ރުފިޔާ އަށް އަރާނެ ކަމަށް އެމްއެމްއޭ އިން ލަފާކުރެ އެވެ.
ރާއްޖޭގެ އިތުރުން ދެން ހިމެނެނީ ޕަޕުއާ ނިއު ގިނީ، ކިރިބަތި، ޓޮންގާ، ޓުވާލޫ، ހެއިޓީ ފަދަ ޖަޒީރާ ގައުމުތައް ހިމެނެ އެވެ. އެފްރިކާގެ ބައެއް ގައުމުތައް ކަމުގައިވާ ކެމަރޫން، އިތިއޯޕިއާ، ޗާޑް، ގާނާ، ގިނި ބިސާއު، ސިއެއަ ލިއޯން، ޓޯގޯ ފަދަ ގައުމުތައް ހިމެނެ އެވެ. އޭޝިއާގެ ގައުމުތަކުގެ ތެރޭގައި އަފްގާނިސްތާނާއި ލާއޯސް އާއި ތަޒިކިސްތާން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަނދުވަރު މަނިކު
23 December 2021
ރާއްޖެއަކީ މީގެ އެއް ތަނެއް
ކޮރަލް
22 December 2021
ސޮވެރިން ގެރެންޓީ ހިމަނައިގެން، ދައުލަތުގެ ދަރަނި އަންނަ އަހަރު ނިމޭއިރު 103 ބިލިއަން ރުފިޔާ އަށް އަރާނެ ކަމަށް އެމްއެމްއޭ އިން ލަފާކުރެ އެވެ. އެތައް ބިލިއަނެއްގެ ލޯން ނަގާފަ ބޮޑު ބައެއް ޖީބައް ލަނީ އެވެ. މިވަގުތު ބޮޑެތި ލޯން ތައް ނުނަގަން ވީ އެވެ. ބްރިޖް ވެސް ދެތިން އަހަރަށް ފަސް ކޮށްލަން ވީ އެވެ.
މުޑަހަންޖާ
22 December 2021
ހެހެހެ، އެމެރިކާގެ ދަރަނިހުރީ 21 ޓްރިލިއަން ޑޮލަރުގަ، އިނގިރޭސިވިލާތުގެ 3 ޓްރިލިއަން ޑޮލަރުގަ، އިންޑިއާގެ 2.3 ޓްރިލިއަން ޑޮލަރުގަ. އެކަމަކު މިމީހުން މިއުޅެނީ ރާއްޖޭގެ ދޮޅަހަކަށް ބިލިއަން ރުފިޔާގެ ދަރަންޏެއް އޮވެގެން އެކަމާ.
ގުލްޒާރު
22 December 2021
ޗައިނާ 7 ޓުރިލިޔަން، ޖަޕާނު 12 ޓުރިލިޔަން.
ބޯޓުދެލި
22 December 2021
ތިޔަ އައިއެމްއެފަކީ ހުދުމީހުން ދުނިޔޭގެ ފަގީރުގައުުމުތައް އަޅުވެތިކުރަން ގެންގުޅޭތަނެއް، ދަރަނިދަންތުރައިގަ ގައުމުތައް ޖައްސައިގެންތިބެ ފަހަކަށްއައިސް ކުރާކަމަކީ ޒާތްޒާތުގެ ބިރުވެރި ޕުރޮޕެގެންޑާ ފެތުރުން. ރާއްޖެވެސް އޮތީ ތިބައިގަނޑުގެ ދަންތުރައިގަ ޖައްސާފަ، ދެން އަންނާނީ އިނގިރޭސިން އަޑީގަތިބެގެން އަތޮޅުތައް އަތުލަން.
ޝޮކްތެރެޕީ
22 December 2021
އިންޑިޔާގެ ހީލައްތެރި މަކަރުން ރާއްޖެ ފުނޑާލަނީ
ބޮޑުމީހާ
22 December 2021
ދަރަނީގެ ބޮޑުބައި ސިޔާސީ މީހާގެ ޖީބަށް. ދެތިން އަހަރު ސިޔާސީ ދާއިރާގަ އުޅޭއިރަށް ބޮޑެތި މަހުޖަނުންނަށްވޭ. ނުހައްގު މުއްސަދިކަން ހޯދާ މީހުން ހިފާ ހައްޔަރުކޮށް މުދާ ދައުލަތަށް ނަގަންނުވޭތަ.
އެނަލިސިސް
22 December 2021
2020 އަހަރު ފަހުކޮޅު އިކޮނޮމިކް ބޫމްއެއް އަންނާނޭ ކިޔާފައި ގައުމުގައި ހުރި ފައިސާކޮޅު މިލިއަނުން ބަދަލުދީ، ވެންޓިލޭޓަރު ގަންނާށޭ ކިޔާފައި ގާނޫނާ ގަވައިދާ ޚިލާފަށް އެތަށް މިލިއަން ދިންބަޔަކަށް ދީ، ބޭނުންނެތް އެތަށް ސަތޭކަ ސިޔާސީ މަގާމުއުފައްދާފައި ފައިސާ އިސްރާފުކޮށް، މީހަކު ބްރިޖް އެޅީތީ އެއްގަމުން ކަނޑު މެދަށް ވާކަހަލަ ގޮތަކަށް ބޭނުމެއް ނެތް ބްރިޖެއް 400،000،000.00 ޑޮލަރުގެ ދަރަނި ދަންތުރައެއްގައި ރައްޔިތުންޖައްސާ، ދެ ހާހެއްހާ މީހުންގެ ވޯޓުން މަޖްލިހަށް ވަދެވުނު މީހަކުގެ ރައްކަލަށޭ ކިޔާފައި ގާތް ރަހުމަތްތެރިޔާ އަށް ވީތީ މަދު މަސްކޮޅެއްގައި އެތަށް މިލިއަށް ރުފިޔާ ރައްޔިތުގެ ފައިސާ ތަޅާ ބުރުއްސާ ހުސްކުރި މީހުން ރައްޔިތުންގެ ހައްގުގައި ދެން އަންނަ ސަރުކާރަކުން ޖަވާބުދާރީކުރުވާނެކަމަށް އުންމީދުކުރަމެވެ.
ނަސީ
22 December 2021
އައިއެމްއެޕް އުން ތިވާކަ ނުޖެހިޔަސް އަހަރުން ނައް ތިކަން އިނގޭ މިދިޔަހަރު 2018 އިބޫ ވެރިކަމައް އިމާ މިގައުމް އިދަޖެހޭނެކަން އަދި ނުވިތާކައް ގައުމްވެސް ދެން އަތަކުނުޖެހޭނެކަން ނަސީބެއް ޔާމިން ކޯޓްތަކުން ދޫކޮއްލިކަން ޔާމިން އައް ދެން މިކަންކުރެވޭނީ
ރަދީފްއޮފިޝިއަލް
22 December 2021
އެބުނާ ލިސްޓްގައިވާ ގައުމުތަކުގަ ކުރަނީ ކޮންކަހަލަ ވެރިކަމެއް ތޯ ކިޔުންތެރިން ބެލުމަށްފަހު ރާއްޖޭގެ ހާލަތުވެސް ތަރާދުން ކިރާލައްޗޭ.ހެހެހެހެހެ
ދޮންބެއަލީ
22 December 2021
ދިވެހި ވެރިން ދިރިއުޅުން ހުރީ ބިމުން ތެޔޮނަގާ އަރަބިންހެން ހައި ސެކިޔުރިޓީ . ފުރީ އިންސުވަރެންސް .800 ކޯޑިނޭޓަރުން ހަމަ އެކަނި ޓުވީޓްކުރަން އުޑެއް ބުޑެއްނޭގޭ...103 ބިލިޔަން ދަރަނިވެރި ކޮށްފި...ޤައުމުވަނީ ދުނިޔޭގެ އެންމެ ދަރަނިބޮޑު ގައުމުތަކުގެ ލިސްޓްގައި .މޮޅުވާހަކަ ދައްކަނީ ހަރާން ވާކަމެއް..
ސޯލާކަރަންޓު
22 December 2021
ތިއަށްވުރެ ވަކި ކުޑައެއްނޫނޭ މިއުޅޭ "ކުރީގެ" އޭތިމީތިނަންނަމުގަ އަތުންފައިން ކަމެއްނުކޮށް ރައްޔިތުންނަށް ބަލަދު އަރައިގެން މިއުޅޭ ގުރޫޕުވެސް. ކޮންމެ ގޯޅިގަނޑެއްގަ ކުރީގެ ރައީހެއް، ކުރީގެ ނައިބުރައިހެއް، ކުރީގެ މެންބަރެއް، ކުރީގެ ގާޒީއެއް، ކުރީގެ ވަޒީރެއް، މިހެންގޮސް މިކަހަލަ ދެތިންގޮލާ އެބައުޅޭ.