ފުރަތަމަ ޓޫރިސްޓުގެ ގްރޫޕްގައި ބޭރުގެ ދެމަފިރިއަކާއި އދ. އިން ރާއްޖެ ކަނޑައަޅާފައިވާ މަންދޫބު ކެތުރިން ހެސްވެލް ވެސް ހިމެނިވަޑައިގަންނަވާ
01 ޖެނުއަރީ 2022 - 17:30
15 comments
ރާއްޖޭގައި ހޯމް ސްޓޭ ޓޫރިޒަމް މިއަދު ފަށައިފި އެވެ.
ޓޫރިޒަމްގެ މި އާ ކޮންސެޕްޓް ފަށައި، އެންމެ ފުރަތަމަ ހޯމް ސްޓޭގެ ޓޫރިސްޓުންނަށް ވޯޓާ ސެލިއުޓާއި ސަގާފީ ހަރަކާތްތަކާ އެކު މި ރަށުން ހޫނު މަރުހަބާއެއް ކިޔާފައިވެ އެެވެ.
ފުރަތަމަ ޓޫރިސްޓުގެ ގްރޫޕްގައި ބޭރުގެ ދެމަފިރިއަކާއި އދ. އިން ރާއްޖެ ކަނޑައަޅާފައިވާ މަންދޫބު ކެތުރިން ހެސްވެލް ވެސް ހިމެނިވަޑައިގަންނަވަ އެވެ.
މި ރަސްމިއްޔާތުގައި ޓޫރިޒަމް މިނިސްޓަރު ޑރ. އަބްދުﷲ މައުސޫމާއި ގެސްޓްހައުސް އެސޯސިއޭޝަންގެ ރައީސް އަބްދުﷲ ނަޝީދާއި މަޓާޓޯގެ ރައީސް އަބްދުﷲ ސުއޫދު ބައިވެރިވެވަޑައިގެންނެވި އެވެ.
ހޯމް ސްޓޭ ފެށުމަށް އެންމެ ފުރަތަމަ ރަޖިސްޓްރީކޮށްފައި ވަނީ މ. ދިއްގަރުގެ "މޫރިތި" ގެ އެވެ. އެ ގޭގެ ތިން ކޮޓަރީގައި ޓޫރިސްޓުން ބޭތިއްބުމުގެ ލައިސެންސް، ޑރ. މައުސޫމް ވަނީ އެ ގޭގެ ވެރިފަރާތާ ހަވާލުކޮށްފަ އެވެ.
މި ރަށުގެ ކައުންސިލްގެ ރައީސްގެ އަހުމަދު ނިޝާން "މިހާރު" އަށް އިއްޔެ ވިދާޅުވީ ހޯމް ސްޓޭ ފެށިއަސް އެެކަން ކުރިއަށްގެންދަން ގޮންޖެހުންތަކެއް އެބަހުރި ކަމަށެވެ. ނަމަވެސް ކާމިޔާބުކަމާ އެކު ޓޫރިޒަމްގެ އާ ކޮންސެޕްޓް ގެންދެވޭނެ ކަމުގެ ފުރިހަމަ ޔަގީންކަން އޭނާ އަށް އެބައޮތެވެ.
"ވަރަށް ގިނަ ޒުވާނުން ބޭނުންވޭ ރަށުގައި، އާއިލާ ކައިރީގައި އެ ހިދުމަތް ދެވޭނެ ފުރުސަތު ފަހިވެގެން ދިއުން. މި ފުރުސަތާއެކީ އެ ބޭފުޅުންނަށް އެކަން ފަހިވެގެން ދިޔައީމަ އުއްމީދުކުރަން ފެށިގެން ދާނީ ވަރަށް ފުރިހަމައަށް އަދި ކުރިއަށް އޮތް ތަނުގައި ދެމެހެއްޓެނިވި ގޮތެއްގައި މިކަން ކުރެވިގެންދާނެ ކަމަށް،" އޭނާ ވިދާޅުވި އެވެ.
މީގެ 12 އަހަރު ކުރިން ރާއްޖޭގައި ޓޫރިޒަމް ހިންގަމުން ދިޔައީ "ވަން އައިލެންޑް-ވަން ރިސޯޓު" ކޮންސެޕްޓަށެވެ. ކުރީގެ ރައީސް މުހައްމަދު ނަޝީދުގެ ވެރިކަމުގައި މީހުން ދިރިއުޅޭ ރަށްރަށުގައި ޓޫރިޒަމް ފެށުމުގެ ހުއްދަ ދިނުމާ އެކު، އެ ދާއިރާއަށް ބޮޑު ބަދަލެއް އަ އެވެ.
ހޯމް ސްޓޭއާ އެކު ރާއްްޖޭގެ ޓޫރިޒަމް އިތުރު ހަރުފަތަކަށް ގެންގޮސްދޭނެ ކަމަށް ޓޫރިޒަމް މިނިސްޓްރީން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަޠަނީލޯބި
04 January 2022
ކުރިޔަށް މިއޮތް 5 ވަރަކަށް އަހަރުތެރޭ، ހޯމްސްޓޭގެ ހިތި ނަތީޖާ ފެނުމަކީ އެކަށީގެންވާ ކަމެއް. ދަރިންގެ ސިކުނޑި ދޮވެލާތަން ފެނުމަކީ ދުރުކަމެއްނޫން. ކުދިންގެ ކުރިމަތީގައި ގައިގޯޅިކޮށް އުޅުމާ، ކުޑަ ފޮތިކޮޅަކުން ނިވައިވެގެން އުޅުމާއި، ގޭތެރޭގައި އެމީހުންގެ އަޅުކަމާ، އަނބި ފިރިން ގެއްލުންފަދަ ކަންކަން ފެނުމަކީ ވެސް ވެދާނެ ކަންކަން.
ރަދީފްއޮފިޝިއަލް
02 January 2022
މަރުހަބާ ދިއްގަރު ރައްޔަތުން.ދިއްގަރުގެ ހުރިހާ ރައްޔަތުންގެ ޖީބުތައް ޑޮލަރުން ފުރި ބާރުވެގެން ދާނެކަމަށް އިއްޔެގެ ހަފްލާގަ ވާހަކަ ދެއްކި ހުރިހާ ބޭފުޅުން ބުނި.
ބޮރިކ
02 January 2022
ދިވެހިން އަމިއްލަ މަސައްކަތުން ޑޮލަރު ހޯދަން ރަގަޅު ފުރުސަތެއް.
މާދަމާ ދެކޭ މީހާ
03 January 2022
ދިވެހިން ނައް މިހާރަކައް އައިސް މިޖެހުނު ބައްޔަކީ ކައިރި މުސްތަގް ބަލެއްގަ ދީނާއި ގައުމު ގެއްލިގެން ދިއުމުގެ ފެށުން، އެންމެ ފުރުތަމަ ޓުއަރިޒަމް ރާއްޖޭގައި ފެށުމުން ވެސް ކޮންމެސް ބަޔަކު ދީނާ ދުރުވި،ދެން އޭގެ ފަހުން ޓުއަރިޒަމް އިޟްތިހާރު ކުރަން ފެށމުން ވެސް އިތުރު ބަޔަކު ދީނާ ދުރައް ދިޔަ، އޭގެފަހުން ސުމައިލް ކެމްޕެއިން (ގެސްޓަކު ކޮންމެ ކަމެއް ކުރިޔަސް ހެވިފަ ހުރުން)
އަރި
01 January 2022
ހޯމްސްޓޭ ކުރިންވެސް އޮތް. ނަޝީދު ގެ ސަރުކާރުން މަނާކުރީ. މިހާރު އެކަމަކު ރެގިއުލޭޓްކޮށްގެން ކުރާކަމަކަށް އޮތީމަ އެއީ ޕްލަސް ޕޮއިންޓެއް. އެކަމަކު ރެގިއުލޭޓްކުރެވޭނީ ކިހާވަރަކަށްބާ؟ އުކުޅަހުގެ ގެސްޓްަހައުސެއް ހިންގާފަރާތެއް ވިދާޅުވި ބައެއް ޓުއަރިސްޓުންނަށް ނޭގެއޭ މިއީ މުސްލިމުގައުމެއް ކަންވެސް. އަދި އެމީހުންނަށް ނޭގެއޭ މީހުން އުޅޭ ރަށްރަށުގަ ރާ ނުވިއްކާކަންވެސް.
މާލެއިން މަރުހަބާ ފޮނުވަން
01 January 2022
ދިއްގަރު މޫރިތިގޭ ގެ އަޚުންނާއި އުޚްތުންނަށް ވަރަށް ހޫނު މަރުހަބާއެއް ފޮނުވަމެވެ! ތިކަމުން މޫރިތިގެ އަށާއި، ދިއްގަރަށް އަދި ހުރިހާ ރަށަކަށް މަންފާ އިތުރުވުމަށް އެދެމެވެ.
ދަންނަސޮރު
01 January 2022
ގޭގައި ހުރީ 3 ކޮޓަރި 3 ކޮޓަރީގައި ވެސް ޓޫރިސްޓުން. ދެން އެއީ ގެސްޓް ހައުސް އަކަށް ނުވާނެގޮތަކީ އަޅެފަހެކޮބައިތަ؟ އެގޭގައި އެގޭ މީހުން ދިރިއުޅެމުން 1 ކޮޓަރި ނުވަތަ 2 ކޮޓަރީގައި ގެސްޓުން ނިންދަވާނަމަ ތިޔަކިޔާ "ހޯމްސްޓޭ" އެކޭ ކީދާނެ. ގެސްޓްހައުސް ހިންގާ "ގަވާއިދުގެ ބޭރުން" ކަންތައްތަކެއް ކުރެވިގެން މިދަނީ. ފަޅުގައި އޮންނަ އޮޑީގައިވެސް ގެސްޓުން ނިންދަވާފަ "އޮޑިސްޓޭ" އޭވެސް ކީދާނެ. ސަފާރީ ތަކުން ތުންދަމައިގެން ތިބެންޖެހޭނީ.
ދުމައިން
01 January 2022
ޖަވާބުދީބަލަ ނިކަން. މިއީ ކިހިނެއް ލިބުނު ބުކިން އެއް؟ ކޯއްޗެއް ފެނިގެން މިތަންބުކް ކުރީ؟ ކީއްވެ ޔޫއެންގެ މަންދޫބު ބައިވެރިވީ؟ ޖަވާބު: މިއީ ޚާއްސަކޮށް ބަޔަކަށް ދައުވަތުދީގެން ޖެއްސި ޝޯއެއް. ޔޫއެން އިން ބައިވެރިވީ އެމީހުން މިގައުމު އެހެންދީންތަކަށް ހުޅުވައި ނުލެވިގެން އުޅޭތާ ލައްކަދުވަސް. އޭގެ ތެރެެއިން ގެސްޓުހައުސް ގެނެސް، ދިވެހިން ދަހިކުރީ ޑޮލަރަށް.. އޭގެ އަވައިގަ، ދެވިހިފާ ދީނަކީ ބެނުން ނޫން އެއްޗަކަށް ވަނީ. yU ަ
ސަލީމް
02 January 2022
މީ ޔޫއެނުން ކުރި ކަމެއްނަމަ ޔޫއެނަށް ޝުކުރު ހައްގު...
ލައްޓި
03 January 2022
މަށަށް އަޅައިގަތީ އެތާ ތިބި މުސްލިމް ދެމަފިރިން
ފާހާނާ
01 January 2022
ޅަދަރިންގެ ސިކުނޑިތަކާއި ކުޅެލަން ތީކީ މާތާހިރު ކަމެއްނޫން.
އަންނަނީ
01 January 2022
އަމިއްލަ ނިދާ ކޮޓަރިންވެސް ޓެކްސް
އަފުން
01 January 2022
ލާރިލިބެންޏާ ކޮންމެ ކަމެއްވެސް މިހާރު މިއޮތީ އޯކޭވެފަ. މާއްދިއްޔަތައް ހުސްވީމަ ވާނީ މިހެން.