ކްރޮސްރޯޑްސް މެރީނާ: އެ ސަރަހައްދުގައި މިހާރު ވެސް ދެ ރިސޯޓު ވަނީ ހުޅުވާފައި--
19 ޖެނުއަރީ 2022 - 15:45
9 comments
އެނބޫދޫ ފަޅުގައި ހިއްކި ކްރޮސްރޯޑްސްގެ ރަށްތަކުގެ ތެރެއިން ފަސް ރަށެއް ވިއްކާލަން އިއުލާން ކޮށްފި އެވެ.
މި ރަށްތައް ވިއްކާލަން އިއުލާން ކުރީ ސިންގަޕޫރުގެ ރިއަލް އެސްޓޭޓް ކުންފުނި ޖޭއެލްއެލް ހޮޓެލްސް އެންޑް ހޮސްޕިޓަލިޓީ ގްރޫޕުންނެވެ. މި ރަށްތަކަކީ އަދި އެއްކޮށް ތަރައްގީކޮށް ނުނިމި ހުރި ރަށްތަކެކެވެ.
ޖޭއެލްއެލް އިން ކޮށްފައިވާ އިއުލާނުގައި ބުނެފައިވާ ގޮތުގައި އިންވެސްޓަރުންނަށް ރިސޯޓުތައް ހަދަން އެއް ރަށަށްވުރެ ގިނަ ރަށްތަކަށް ވެސް ކުރިމަތިލެވޭނެ އެވެ. މިއީ ރާއްޖޭގައި އިންވެސްޓް ކުރަން ބޭނުންވާ ފަރާތްތަކަށް ލިބޭ ރަނުގެ ފުރުސަތެއް ކަމަށް ވެސް އެ ކުންފުނިން ވަނީ ފާހަގަ ކޮށްފަ އެވެ.
މި ރަށްތައް ގަންނަ ކުންފުނިތަކަށް ކްރޮސްރޯޑްސް މަޝްރޫއު ހިންގި ތައިލެންޑުގެ ސިންހާ އެސްޓޭޓާ ގުޅިގެން ރަށް ތަރައްގީ ކުރުމުގެ ފުރުސަތު ވެސް ވަނީ ހުޅުވާލައިފަ އެވެ.
ޖޭއެލްއެލް އިން ރަށްތައް ވިއްކާލަން އިއުލާން ކުރި ނަމަވެސް ވިއްކާ އަގުތަކެއް އިއުލާނެއް ނުކުރެ އެވެ.
ކްރޮސްރޯޑްސް އަކީ ނުވަ ރަށެއް ހިއްކައިގެން އިންޓަގްރޭޓެޑް ޓޫރިޒަމް ޕްރޮޖެކްޓުގެ ދަށުން ތަރައްގީ ކުރާ ތަނެކެވެ. މި ހުރިހާ ރަށެއް ތަރައްގީކޮށް ނިމުމުން ކްރޮސްރޯޑްސް މެރީނާއާ ގުޅުވާލާނެ އެވެ. މިހާރު ވެސް ދެ ރަށެއްގައި ރިސޯޓު ވަނީ ހުޅުވައިފަ އެވެ. އެއީ ހާޑްރޮކް އާއި ސާއީ ލެގޫނެވެ.
ޓޫރިޒަމް މިނިސްޓްރީން މި ރަށްތައް ދޫކޮށްފައިވަނީ 50 އަހަރުގެ ލީސް އެގްރީމަންޓެއްގެ ދަށުންނެވެ. ލީސް ހަމަވާނީ 2066 ވަނަ އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބް
20 January 2022
ޖޭއެލްއެލް އިން ކްރޮސްރޯޑްސް ހިންގަން ފެށީ ކޮން އިރަކު؟
އެލް
19 January 2022
ޖޭއެލްއެލް އިން މިތަން ހިންގަން ފެށީ ކޮންއިރަކު ކަން ލިޔުންތެރިޔާއަށް ކޮންމެވެސް މީހަކު ސާފުކޮށްދީބަލަ..
ޝުޖާއު
19 January 2022
އަހަރެން މި ރިސޯރޓްތައް ގަންނަން ލޯނެއް ދޭނެމީހަކު ބޭނުން 10 އަހަރުފަހުން %100 އިންޓަރެސްޓާ އެކީ ލޯނު އަބުރާ އެއްފަހަރާ ޕޭކޮށްދޭނަން
އޮނަރަބްލް އަފީފު ދީދީ.
19 January 2022
ރާއްޖޭގެ ރަށްތައް ފަންސާހާއި 80 އާއި ދެމެދު މުއްދަތަކަށް ލީޒް ކުރުމަކީ ޙިޔާނާތުގެ ފަސާދަ އެކުލެވޭ ކަމެއް. މި ރިސޯޓަކީ 50 އަހަރުން އިންވެސްޓްމަންޓްގެ އަދު 4 ގުނަ ނުކުރެވޭނެ ތަންތަނެއްނޫން. ގިނަ ރިސޯޓްތަކުގެ އިންވެސްޓްމަންޓްލިބި 10 އަހަރުން ފައިދާވޭ. # ރިސޯޓް ތަރައްޤީކުރާ ރަށްތައްދޫކުރަންވީ އެމްޓީޑީސީ ފަދަ ދައުލަތާއި ރައްޔައްޔަތް ޙިއްސާވާ ކުންފުންޏަކަށް އަދި އެކުންފުނިން މިފަދަ ފަރާތް ތަކަށް ކުއްޔަށްދޭނީ ލީޒްހަމަވުމުން ރަށް ހަވާލު ކުރާގޮތަށް.
އޮނަރަބްލް އަފީފު ދީދީ.
19 January 2022
ސަތޭކައާއި 300 އާއި ދެމެދުގެ ކޮޓަރި ހިމެނޭ ލަޤްޒަރީ ރިސޯޓެއްހެދުމަށް ހޭދަވާނީ ގާތްގަނޑަކަށް 80 - 200މ ޑޮލަރު ކަމުގައިވޭ. # ވޯލްޑްބެސްޓް ޓްއަރިސްޓް ޑެސްޓިނޭޝަންގެ ގޮތުގައިއޮތް ދިވެހިރާއްޖެއަކީ ދުނިޔޭގެ އެންމެމަތީފަންތީގެ މަހުޖަނުންނާއި މަޝްހޫރު ކުޅިވަރުކުޅުންތެރިންނާއި ސެލަބަރޭޓުންގެ ޗުއްޓީއާއި ހަނީނޫން ކްރިސްމަސް އާއި ނިއުއިޔާރ ގެ ދަތުރުތަކަށް އެންމެމަޤުބޫލު މަންޒިލް. 50 އަހަރަށްވުރެން ދިގުމުައްދަތަކަށް ރިސޯޓް ލީޒްކުރުމަކީ ސަރުކާރުގެ ޖަރީމާއެއް.
ޢެޑްމުންޑޯ
19 January 2022
ފައިސާގެ ދަތިކަން ފޯރީ ‘ ނުވިއްކާ ކުރާނެ އެއްކަމެއްވެސް ނެތް ‘’
އަލީ އަލީ
19 January 2022
ލާރި ހުސްވީ ދެއްތޯ
ރޯޑްސް
19 January 2022
ކްރޮސްރޯޑްސް ހިންގަނީ ސިންގަޕޫރުގެ ރިއަލް އެސްޓޭޓް ކުންފުނި ޖޭއެލްއެލް ހޮޓެލްސް އެންޑް ހޮސްޕިޓަލިޓީ ގްރޫޕުންތަ؟
ބުރުގާ
19 January 2022
އިންވެސްޓުމަންޓު އެއްކޮއް ފުރިހަމަކޮއް ނުނިމެނީސް ފުލޮޕްވީ. ވަރައް ފީކަޅާކޮއް ހިންގިތަނެއް. އިމާރާތް ކޮއްފަހުރި ބޮޑު ފަޅުރަށެއް. އެއްކޮއް ދަރާ ނުވިކެނީސް ވިއްކާލަނީ. އެއްވެސް ދިރުމެއް ނެތް. ތިތަނުގެ ފިހާރަތަކާ ރެސްޓޯރަންޓްތަކުގަ ލިބެންހުންނަ ތަކެތި އިންތިހާ އަގުބޮޑު. ދެން ކިތަންމެވަރައް މާލެއާ ކްރޮސްރޯޑާ ދެމެދު ފެރީ ބޭއްވިއަސް، ކިތައް މީހުނައްތޯ ތިތަނައް ދާންކެރޭނީ....