ޖުމްހޫރީ މައިދާން ކައިރީ މީހަކު ދެ ކުއްޖަކު ގޮވައިގެން ހިނގާލަން ނިކުމެ.-- ފޮޓޯ: އަހުމަދު އަވްޝަން /މިހާރު
24 ޖެނުއަރީ 2022 - 10:14
10 comments
އުމުރުން ފަސް އަހަރާއި 11 އަހަރާ ދެމެދުގެ ކުދިންނަށް ވެކްސިން ދިނުމަށް ބޭނުންވާ ވެކްސިން ހޯދުމުގެ މަސައްކަތް ކުރަމުން އަންނަ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
ރާއްޖޭގައި ކޮވިޑްގެ ހާލަތާ ބެހޭ އެންމެ ފަހުގެ މައުލޫމާތު ދިނުމަށް އިއްޔެ ބޭއްވި ނޫސްވެރިންގެ ބައްދަލުވުމުގައި އެޗްޕީއޭގެ އިމިއުނައިޒޭޝަން ޕްރޮގްރާމު ހެޑް ނާޝިޔާ އަބްދުއްގަފޫރު ވިދާޅުވީ 5 އަހަރާއި 11 އަހަރުން ދަށުގެ ކުދިންނަށް ކޮވިޑް ވެކްސިން ފެށުމަށް ޕްލޭން ކުރަމުން އަންނަ ކަމަށެވެ.
"މިހާރު ކިހިނެއްތޯ ރޯލްއައުޓް ކުރާނީ އަދި ކުދިންގެ ޖުމްލަ އަދަދުތައް އެކި ފަރާތްތަކުން އަޅުގަނޑުމެން އެއްކޮށްފިން. އަޅުގަނޑުމެންގެ ފަރާތުން ވާންޖެހޭ ތައްޔާރީތައް މިހާރު މި ތިބީ،" ނާޝިޔާ ވިދާޅުވި އެވެ.
އެ އުމުރުފުރާގެ ކުދިންނަށް ބޭނުންވާ ވެކްސިން ރާއްޖެއަށް ގެނައުމާ ގުޅޭ ނިންމުންތައް ނިމުމާ އެކު ރާއްޖޭގައި ވެކްސިން ޕްރޮގްރާމް ފަށާނެ ކަމަށް އޭނާ ވިދާޅުވި އެވެ.
ރާއްޖޭގައި މިހާރު 12 އަހަރުން މަތީގެ އެންމެންނަށް އަންނަނީ ވެކްސިން ދެމުންނެވެ. އޭގެ ތެރެއިން 12-17 އަހަރާ ދެމެދުގެ ކުދިންނަށް ވެކްސިން ދެނީ ސްކޫލުތަކާ ގުޅިގެންނެވެ.
ނާޝިޔާ ވިދާޅުވީ 12-17 އަހަރާ ދެމެދުގެ 84 ޕަސެންޓް ކުދިން ކޮވިޑް ވެކްސިންގެ ދެ ޑޯޒް ފުރިހަމަކޮށްފައިވާ ކަމަށެވެ. އެ ކުދިންނަށް ދެނީ ފައިޒާ ވެކްސިނެވެ.
ރާއްޖޭގެ އާބާދީގެ ބޮޑު ބަޔަކަށް ވެކްސިން ދިނުމަށް ސަރުކާރުން ކުރިއަށް ގެންދާ ޕްރޮގްރާމުގެ ދަށުން މިހާތަނަށް 369،151 މީހަކު ވެކްސިންގެ ދެ ޑޯޒް ފުރިހަމަކޮށްފައިވެ އެވެ. އަދި ވެކްސިން ފުރިހަމަކުރި ފަހުން ހަ މަސް ވެފައިވާ މީހުންނަށް މިހާރު ރާއްޖޭގައި ބޫސްޓާ ޑޯޒް ދެމުން އަންނައިރު މިހާތަނަށް 49،142 މީހަކު ބޫސްޓާ ޑޯޒް ޖަހާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެންޓޮ އެންޓޮ ވެކްސް
25 January 2022
ދަރިންނަށް ވެލްސިން ޖަހަން ބޭނުންނުވަންޏާ އެކަން ކުރަން ނުދިޔައިމަވީ. ޢެހެންމީހުންގެ ގަޔަށް ބޮލަށް އަރައި އޭތި މީތި ގޮވާ ވައްވައް ޖައްސާކަށް ނުޖެހޭ. ޢަހަރެންގެ ދަރިން ގޮވައިގެން ދާނަން.
ޢަޅެދޯ
24 January 2022
ތިކަން ކޮށްގެންނުވަނެ!
ޑީދިބެ
24 January 2022
ކުޑަކުދިންނަށް އެއްވެސް ގެއްލުމެއް ނެތް ބައްޔެއްގައި އެކުދިންނަށް މިކަހަލަ ލާއިންސާނީ އަނިޔާދޭން ހެޔޮވާނީ ކިހިނެތް. އެކަމުވެސް ބައެއް ގަމާރުން ކުދިން ގޮވައިގެން ދާނެ ވެޖްސިން ޖަހަން.
އުސްމާނުބެ
24 January 2022
ތިބުނުއްވާ ގަމާރު ބޭފުޅާވެސް ތިވަރުވެފަ ތިހިރީ ވެކްސިން ނުޖަހާތޯ...................
ހަސަނު
24 January 2022
ވެކްސިން ނުޖަހާނީ ގަމާރު ވީމަ..
މޯޑު_މާލެ
24 January 2022
ޝުކުރިއްޔާ އިބޫ.
އަރާމަަގުަދޮންކަމަނަ
24 January 2022
ކޮބާހޭ ޗައެއްޗެއް ޖަހައިގެން ވީ ކަމެއް ......
5654
24 January 2022
މަރެއްނުވެއޯ! މަރުވި މީހުންނަކަށް ނޭނގޭ ވެކްސިން ޖަހައިގެން ކަމެއް ނުވަތަ އެހެންގޮތަކަށް ކަމެއް.
ޑރ. އަޒް
25 January 2022
ވެކްސިން ޖަހާ ފުރިހަމަ ކުރުމުން ކޮވިޑް ބަލި ޖެހިގެން މަރުވުން / ހޮސްޕިޓަލުގައި އެނދުދާން ކުރަން ޖެހުން / ސިވިއަރ ބަލި ޖެހުމުން ސަލާމަތްކަން ލިބޭ. އަދި މިނޫނަސް ފައިދާ ހުރޭ.
އުސާމާޟ
25 January 2022
މާދަމާވެސް ، ކަމެއް ދިމާވެގެން ކަރުބުޑުގަ ރަގަޅައް ރަހަލީމަ ދެން ހޭއަރާނީ، އެދުވަހުން ދެން ގޮވާނީ ހިދުމައި ދޭން ތިބޭމީހުން ހިދުމައި ނުދީގެން އެވާހަކަ. ރާއްޖެމީ ނިސްބަތުން ލިޔަން ކިޔަން ދަންނަމީހުން ނިސްބަތުން ރަގަޅު ތަނެކޯ، އެކަމަކު ހީވަނީ ކިޔެވި ވަރަކައް ގަމާރު ކަންނޭގެވަނީ