ރާއްޖޭގެ ފޮރިން މިނިސްޓަރު އަބްދުﷲ ޝާހިދުގެ ދައުވަތަކަށް ތުރުކީގެ ފޮރިން މިނިސްޓަރު މެވްލުތު ޗަވްޝޯލު މިއަދު ރާއްޖެ ވަޑައިގެންފި އެވެ.
ޗަވްޝޯލަށް ވެލާނާ އިންޓަނޭޝަނަލް އެއާޕޯޓުން މަރުހަބާ ވިދާޅުވީ ޝާހިދެވެ.
ޗަވްޝޯލްގެ މި ދަތުރުގައި މާދަމާ ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދާ ބައްދަލުކުރައްވާނެ އެވެ.
ތުރުކީ އާއި ރާއްޖެއާ ދެމެދު ރަސްމީ މަޝްވަރާ ބައްދަލުވުންތައް ބާއްވައި އެއްބަސްވުންތަކެއްގައި ސޮއިކުރަން ވަނީ ހަމަޖެހިފަ އެވެ.
ތުރުކީ އަކީ މިހާރު ރާއްޖެއާ ވިޔަފާރީގެ ގޮތުން ވެސް ގުޅުން ބަދަހިވަމުން އަންނަ އަދި ގިނަ އަދަދެއްގެ ދިވެހިން ޗުއްޓީ ހޭދަކޮށްލަން ވެސް ދާ ގައުމެކެވެ.
