ކޯޓުގެ ހުކުމާއެކު އަޑުބަރޭ މަގާމުން ވަކިކޮށްފި

އާސިމާ ނިޒާރު، މިހާރު

02 ފެބުރުއަރީ 2022 - 14:59

ކްރިމިނަލް ކޯޓުގެ ހުކުމާއެކު، ޔޫތު މިނިސްޓްރީގެ ސްޓޭޓް މިނިސްޓަރުގެ މަގާމުން އަސަދު އަލީ (އަޑުބަރޭ) މިއަދު ވަކިކޮށްފި އެވެ. މިއީ ޖިނާއީ ހުކުމަކާ ގުޅިގެން މި ފެންވަރުގެ ސިޔާސީ މަގާމެއްގައި ހުންނެވި ބޭފުޅަކު މަގާމުން ވަކިކުރެއްވި ފުރަތަމަ ފަހަރެވެ.

ރައީސް އޮފީހުގެ ޗީފް ކޮމިއުނިކޭޝަންސް ސްޓްރެޓަޖިސްޓް އިބްރާހިމް ހޫދު ވިދާޅުވީ ކުރީގެ ޓޫރިޒަމް މިނިސްޓަރު އަލީ ވަހީދު ރާއްޖެ އިން ބޭރަށް ވަޑައިގަތުމަށް ޖާމިނުވުމަށް ފަހު، އޭނާ އެނބުރި ރާއްޖެ ގެނެސްފައި ނުވާތީ 15 ދުވަހަށް ޖަލަށްލާން އަޑުބަރޭގެ މައްޗަށް އިއްވި ހުކުމާ ގުޅިގެން މަގާމުން ވަކިކޮށްފައިވާ ކަމަށެވެ.

ރޭޕާއި ޖިންސީ ގޯނާގެ ދައުވާތަކެއް އުފުލާފައި ވަނިކޮށް އަލީ ވަހީދު މިިދިޔަ އަހަރުގެ ފެބްރުއަރީ މަހު ބޭސްފަރުވާ އަށް އިނގިރޭސި ވިލާތަށް ވަޑައިގަތީ ހަތަރު މަހަށް ފަހު ރާއްޖެ ވަޑައިގަންނަވާނެ ކަމުގެ ޔަގީންކަމެއްގެ ގޮތުން އަޑުބަރޭ ކޯޓުގައި ޖާމިނުވުމުންނެވެ. އެކަމަކު، މިހާތަނަށް ވެސް އޭނާ އެނބުރި ވަޑައިގެންފައި ނުވެ އެވެ.

Ali Waheed ah jaaminuvi Adubarey 15 dhuvahah jalah

The most trusted news source in the Maldives

Mihaaru

އަލީ ވަހީދު ރާއްޖެ ގެންނަން އަޑުބަރޭ އަށް ކޯޓުން ކުރިން ދިން 72 ގަޑިއިރުގެ ތެރޭގައި ވެސް އޭނާ ގެނެސްފައި ނުވާތީ ކްރިމިނަލް ކޯޓުން މިއަދު ބޭއްވި އަޑުއެހުމުގައި އެ މައްސަލަ ބައްލަވާ ގާޒީ ހަސަން ސައީދު ވިދާޅުވީ އަލީ ވަހީދު ގެންނަން އަޑުބަރޭ ކުރި މަސައްކަތެއް އެނގެން ނެތް ކަމަށެވެ. އަދި އެ މުއްދަތުގެ ތެރޭގައި އަލީ ވަހީދު ރާއްޖެ ނުގެނައުމަކީ ކޯޓުގެ އެންގުމަކާ ޚިލާފުވެ، ކޯޓުގެ ހުރުމަތް ކެނޑުން ކަމަށް ގާޒީ ހަސަން ވިދާޅުވި އެވެ.

މިއަދުގެ ޝަރީއަތަށް، ސަބަބެއް ނާންގައި އަޑުބަރޭ ހާޒިރެއް ވެސް ނުވެ އެވެ. އެހެންވެ، އޭނާ އަށް ގާޒީ ޖަލު ހުކުމް ކަނޑައެޅީ ޣައިރު ހާޒިރުގަ އެވެ.

Covid ge haalathu rangalhuvi kamah bune Mahloof ge massala thaavalu kohffi

The most trusted news source in the Maldives

Mihaaru

ޔޫތު މިނިސްޓްރީގެ ދެވަނަ އަށް އެންމެ އިސް ސިޔާސީ މަގާމުގައި ހުންނެވި އަޑުބަރޭ ޖިނާއީ ހުކުމެއްގައި ތާށިވިއިރު، ޔޫތު މިނިސްޓަރު އަހުމަދު މަހްލޫފުގެ މައްޗަށް ޖިނާއީ ދައުވާއެއް ދައުލަތުން ވަނީ އުފުލައިފަ އެވެ. އެމްއެމްޕީއާރުސީގެ ހިޔާނާތުގައި ރިޝްވަތު ހިފި ކަމުގެ ދައުވާ މަހްލޫފުގެ މައްޗަށް ކޮށްފައިވާއިރު، އޭނާގެ ޝަރީއަތުގެ ފުރަތަމަ އަޑުއެހުން މި މަހުގެ 10 އަށް ކްރިމިނަލް ކޯޓުން މިއަދު ވަނީ ތާވަލު ކޮށްފަ އެވެ.

ވަޒީރެއްގެ މައްޗަށް ޖިނާއީ ދައުވާ އުފުލާފައިވާއިރު މަހްލޫފު އަދިވެސް މަގާމުގައި ބަހައްޓާތީ ސަރުކާރު ވަނީ ހޫނުފެނަށް ވެއްޓިފަ އެވެ.

އަސްހަދު އަލީ ސިޔާސީ މަގާމުތައް ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ ސްޓޭޓް މިނިސްޓަރުން ކްރިމިނަލް ކޯޓް އަލީ ވަހީދު، ކުރީގެ ޓޫރިޒަމް މިނިސްޓަރު އަލީ ވަހީދު ފުރުވާލުން

20 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަޒާނާ

02 February 2022

ތި ގެއްލުނީ މަހުލޫފްގެ ޖަރީމާ ހަޒާނާގެ ތަޅިދަނޑި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށަފަރު

02 February 2022

ގައުމެއްގެ ހާލަތު ދެން އޮޔާ ދާނީ މިވަރަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަބީހުށީކަބީގަމް

02 February 2022

މިހުންނަނީ ރަހުމަތްތެރީންގެ ނަމުގައި މީހުނަށްދޭ ބޮޑެތި އަނިޔާ.. އައްޔަ ހަނދާން ބަހައްޓާތި އަޑުބަރޭއަށް ތިޔަ ހެދި ގޮތް، ކަލޭގެ ފިނޑިކަމުން. ރައީސްގެ ނިންމުން ރަނގަޅު. ބަހުގައި އިތުބާރު ހުންނަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަފީރު

02 February 2022

ދެން އެވަރުގެ އިސްމަޤާމެއްގެ ހުރެފަ ވަކިކޮށްފައި 15 ދުވަހުގެ ޖަލުހުކުމުން ޖަލުގައި ބަސްއަހައިގެން ހުރީމާ އަޚްލާޤު ރަނގަޅުކަމުން ހުކުމުގެ ބާކީއޮތް ދުވަސްތަކުން ތިންބައިކޮށްފައި އެއްބައި ރައީސް މާފު ކޮށްދިނީމަ އެކަން އެނިމުނީނު. ދެން ވާންޖެހޭ ގޮތަކީ ޗީފް ސްޓޭޓް މިނިސްޓަރކަންވެސް ހަމަ ދެވިދާނެއެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯއި

02 February 2022

އަޑުބަރޭގެ ބައޮގްރާފީ ފޮތް ޝާއިއުކޮށްފިއްޔާ އެފޮތް ބާއްވާނެ ޖޮންރާއެއްވެސް ނިންނާނެކަންނޭގޭ..މިސްޓްރީ، ހޮރާރ، ތްރިލާ މިއިން ކޮންމެ ތަނެއްގައިވެސް ބޭއްވޭނެކަންނޭގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

02 February 2022

ދެން ޖަލުގެ ކޯޑިޓޭރުގެ މަޤާމުގެ ފެންވަރުގަ ބަހައްޓާ. އަދި ދޫކޮށްގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

02 February 2022

އިންޓަގްރިޓީ ކަމިޝަނުގެ ރައީސްކަން އިންޓަގްރިޓީ ނެތްކަމަށް ހުކުމްކޮށް ހުކުމް ތަންފީޒުކޮށްފައި ޖަލުންނިކުތް މީހަކަށް ދިން ބަޔަކު އަޑުބަރޭ ހުކުމްތަންފީޒުކޮށްފައި ޖަލުން ނުކުތުމުން މިނިސްޓަރު ކަން ދިނަސް އެއީ ހައިރާންވާންޖެހޭ ކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުލްބުލްބުލް

02 February 2022

ވެރިކަމަށް އަންނަ ބަޔަކުވެސް ވިސްނަންވެއްޖެ ކަންނޭގޭ ޕާޓީގެތެރޭން އަންނަ ކޮންމެ އެކްޓިވިސްޓަކީ ކޮންމެ ވަޒީފާއެއްވެސް ހައްގުބައެއްނޫން ކަމެއްކަން އެގެން. ކިޔަވަިއގެން ތިބި މޮޅުމީހުންގެތެރެއަށް ތަނެއް ދޮރެއް ނުދަންނަ ވައްދައިގެން ގައުމު ހަލާކުވަނީ. އެމީހުންގެ ވިޔާ ނުދާ އަމަލުން ގައުމުގެ އިޖުތިމާއީ ފޭރާން ގެއްލެނީ. އެކަހަލަ މާގާމު ދިނުމުގައިވެސް ހަރުދަނާ އުސޫލެއް ތިޕާޓީއަކުނެތްކަން މިއެގެނީ. ދެން މީހުން ކިހިނެތް ތިޕާޓީއަށް ތާއީދު ކުރާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދުލީބެއްޔާގެ ތެދުބަސް

02 February 2022

އަޑުބަރޭއަށްވެސް ރަނގަޅަށް ކާންދިން. އިތުރުގޮތެއްނެތީ ރައްޔިތުންގެ ޕުރެޝަރާހެދި. އެހެންނޫނީ އަދިވެސް ހުންނާނީ މަގާމުގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވެސް ތެދުބަސް

02 February 2022

ރައްޔިތުންގެ ޕްރެޝަރާއި ހެދިއެއް ނޫނެވެ. ކޯޓުން އޭނަގެ މައްޗަށް ޙުކުމެއް އައީމައެވެ. ރައްޔިތުންގެ ޕްރެޝަރަށް ބަލައިގެން ކަންކަމެއް ނުނިންމޭނެ އެވެ. ސަބަބަކީ އަބަދުވެސް އިދިކޮޅުގައި ތިބޭ ރައްޔިތުން، އެމީހުން ބޭނުން ކަމެއް ޙާޞިލް ކުރުމަށް ތިބޭނީ ޕްރެޝަރު ކޮށްކޮށް ކަމަށްވާތީ އެވެ.