ފިނޭންސް މިނިސްޓްރީ ބިލްޑިން. އެސްޑީއެފް ފަންޑުގެ ބެލެންސް 700 މިލިއަން ރުފިޔާއަށް އަރައިފި--ފޮޓޯ:މިހާރު
07 ފެބުރުއަރީ 2022 - 10:29
5 comments
ސަރުކާރުން ނަގާ ލޯނުތަކަށް އަނބުރާ ފައިސާ ދައްކަން ރައްކާ ކުރާ ސޮވެރިން ޑިވެލޮޕްމަންޓް ފަންޑު (އެސްޑީއެފް)ގައި މިހާރު ބާކީ ހުރީ 700 މިލިއަން ރުފިޔާ ކަމަށް ހިސާބުތަކުން ދައްކައިފި އެވެ.
ފިނޭންސް މިނިސްޓްރީން އާންމުކުރާ ތަފާސްހިސާބުތަކުން އެނގޭ ގޮތުގައި މިދިޔަ އަހަރު ނިމުނު އިރު އެސްޑީއެފް ފަންޑުގައި 1.1 ބިލިއަން ރުފިޔާ ހުއްޓެވެ. ނަމަވެސް މަހެއްގެ ތެރޭގައި އެ ފަންޑުގެ ބެލެންސުން 400 މިލިއަން ރުފިޔާ ވަނީ މަދުވެފަ އެވެ. ފިނޭންސް މިނިސްޓްރީން ބުނީ އެ ފަންޑުން ފައިސާ ނަގާފައި ވަނީ އިންވެސްޓް ކުރަން ކަމަށެވެ.
އެ ފަންޑުން އާންމުކޮށް އިންވެސްޓްކުރަނީ ސަރުކާރުން ވިއްކާ ޓީބިލަށެވެ. އެހެންވެ އެއިން ބޮޑު ބައި ހޭދަ ވަނީ ސަރުކާރުގެ ރިކަރަންޓް ހަރަދުތައް ހަމަޖެއްސުމަށެވެ.
އެސްޑީއެފް ފަންޑު އުފެއްދީ 2017 ވަނަ އަހަރު އެވެ. އެ ފަންޑަށް ވޭތުވެދިޔަ ފަސް އަހަރުގެ ތެރޭގައި 3.8 ބިލިއަން ރުފިޔާ ޖަމާކޮށްފައި ވެ އެވެ. ފަންޑުގައި މި ވަގުތު ބޭނުން ކުރެވެން ހުރީ ފަންޑަށް ޖަމާކުރި ފައިސާގެ 18 ޕަސެންޓެވެ.
އެސްޑީއެފް އުފެއްދީ ކުރީގެ ރައީސް އަބްދުﷲ ޔާމީންގެ ވެރިކަމުގައި، ދައުލަތުގެ ދަރަނި އަދާކުރަން ފައިސާ ރައްކާކުރާ ފަންޑެއްގެ ގޮތުގަ އެވެ. އެއީ އެމްއެމްއޭ އާއި ފިނޭންސް މިނިސްޓްރީއާ ދެމެދު ހަދާފައިވާ އެއްބަސްވުމެއްގެ ދަށުން މެނޭޖްކުރާ ގޮތަށެވެ.
އެސްޑީއެފް ފަންޑަށް ޖަމާކުރަނީ ވެލާނާ އިންޓަނޭޝަނަލް އެއާޕޯޓުން ފުރާ ފަސިންޖަރުން އަތުން ނަގާ ފީ އެވެ. މިއީ އިކޮނޮމީ ކްލާހުން ދަތުރުކުރާ ދިވެހިންގެ އަތުން ނަގާ 12 ޑޮލަރާއި ބިދޭސީންގެ އަތުން ނަގާ 30 ޑޮލަރެވެ. ބިޒްނަސް ކްލާހުގައި ދަތުރުކުރާ މީހުންގެ އަތުން 60 ޑޮލަރު، ފަސްޓް ކްލާހުން 90 ޑޮލަރު އަދި ޕްރައިވެޓް ޖެޓުތަކުން ދަތުރުކުރާ ފަސިންޖަރުން 120 ޑޮލަރު ދައްކަން ޖެހޭނެ އެވެ.
އެމްއެމްއޭ އިން ވަނީ އެސްޑީއެފް ފަންޑު އުފެއްދުމުގެ މަގުސަދު ހާސިލުކުރަން ކުރިއަށް އޮތް ތަނުގައި ބޮންޑާއި ސްކޫކަށް ފައިސާ ދެއްކޭ ވަރަށް އެ ފަންޑަށް ފައިސާ ޖަމާކުރުން މުހިއްމު ކަމަށް ދައުލަތަށް ލަފާ ދީފަ އެވެ. އެސްޑީއެފް ފަންޑު އޮތް ނަމަވެސް މިދިޔަ އަހަރު ސަރުކާރުން "ސަނީ ސައިޑް" ބޮންޑަށް 2.9 މިލިއަން ރުފިޔާ އަނބުރާ ފައިސާ ދެއްކީ ދަރުމަވަންތަ ހޮސްޕިޓަލް އެސެޓެއްގެ ގޮތުގައި ބޭނުންކޮށްގެން ވިއްކި ސުކޫކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަންޑޫ
07 February 2022
ކޮންމެ މީހަކު ކުރިޔަސް ރަނގަޅު ކަންކަން ވާނީ ރަނގަޅު ކަންކަމުގައި. ގޯސް ކަންކަން ވާނީ ގޯސް ކަންކަމުގައި. ކޮންމެހެން ވަކި މީހަކު ކުރި ކަމެއްވީތީ އެމީހާޔަށް ސަނާ ކިޔާ ނޫނީ ބަދު ބަސް ބުނުމެއްނޫން މަގޭ ބޭނުމަކީ. އެކަމު ލޯނު ދައްކަން ހުރި ފައިސާއިން ތިޔަ ބިލެއް ގަތީމާ، އަތުގަ ހުރި ލާރި ހަމަ ތިޔަ ބޭނުންކޮށްލަނީ. ތިޔަ ލާރިން އާމްދަނީ ލިބޭ ކަހަލަ މަޝްރޫއެއް ނުހިންގާ، މުސާރަދޭން ބޭނުންކޮށްފިޔާ އަނބުރާ ދައްކަން އުނދަގޫވާނެ، ރިބާޔާއެކީ
ސަންޕަދަރި
07 February 2022
ފުއްޕަފުއްޕާފަވެސް ޔާމީން އެޅި ބިންގާމަތީ ސަރުކާރު ހިންގާ ޔާމީން އެޅި ހޮސްޕިޓަލް މޯރގޭޖްކޮށް ލޯނުނަގާ ޔާމީން ބައިން މަހާޖައްރާފުން ކޮމަންޑޫ ދާއިރާގެ ގޮނޑި ހޯދާ ޔާމީން ތަރައްގީ ކުރި އެއަރޕޯރޓް އަށް ފްލައިޓް ޖައްސާ ޔާމީން ތަރައްގީ ކުރި ރިސޯރޓް ތަކުން ޑޮލަރު ހޯދާ ބޮޑުއަގުގަ ވިއްކާ އޭގެން ފައިދާ ނަގާ, ޔާމީން ބޭރުދުނިޔެއަށް ދައްކާލަދިން ރާއްޖޭގެ ތަރައްގީގެ ބޭނުންކޮށް ރާއްޖެ ވިއްކާލާ ޖީބުތައް ފުރާއިރު ރައްޔިތުން ތިބީ ނިދާފަ.
2021
07 February 2022
ޓީބިލް އަކީ ކޮން ބިލެއްތަ،
ހުޅުދެލީ އަލިފުޅު
07 February 2022
ޓްރެޒަރީ ބިލު / ޓްރެޒަރީ ބޮންޑުގެ ބިލު
ޑޫބެރި
07 February 2022
ކަރުދާސްކޮޅެއް، މިސާލަކަށް 100ރ ވިއްކާ ކަރުދާސް ގަތީމަ، ވިއްކިމީހާ އެކަރުދާސް އަނބުރާ ގަންނާނީ 6 މަސް ނޫނީ 1 މަސް ފަހުން 102ރ... ބޮޑު އަދަދު ގަތީމަ ލިބޭ އަދަދުވެސް ބޮޑުވާނެ.. ރޭޓް، ވަގުތު މި ކަންތަ ހުންނާނެ ގަތުމުގެ ކުރިން އެނގެން.