ގިނަ އަދަދެއްގެ ދޫނި މަރާލި މައްސަލަ ހޫނުވެފައި ވާއިރު މިއީ އޭގެ އިދިކޮޅު ވާހަކައެއް. މިއީ ކޮންމެ ދުވަހަކު ޖުމްހޫރީ މައިދާނަށް ގޮސް ކޮތަރަށް ކާންދީގެން އެސޮރުމެންގެ އެކުވެރިޔަކަށް ވެފައިވާ މީހެއްގެ ވާހަކަ.
ުޖުމްހޫރީ މައިދާނުގައި އުޅޭ ކޮތަރުތަކަށް ކާން ދިނުން އާދައަކަށް ހަދައި، އެސޮރުމެންނާ ގާތް ގުޅުމެއް އުފެދިފައިވާ އަބޫބަކުރު ސިއްދީގުގެ އަތުގައި ކޮތަރެއް އިށީނދެގެން. ފޮޓޯ: ފަޔާޒް މޫސާ / މިހާރު
12 ފެބުރުއަރީ 2022 - 07:03
14 comments
މިއީ ރާއްޖޭގައި ދިރިއުޅޭ ބަންގްލާދޭޝްގެ މީހެއް ކަމަށްވާ އަބޫބަކުރު ސިއްދީގް. ކަންނެލި ދޯންޏެއްގައި މަހަށް ގޮސްގެން އާމްދަނީ ހޯދާ ސިއްދީގު މާލޭގައި ހުންނަ ކޮންމެ ދުވަހަކު ވެސް ޖުމްހޫރީ މައިދާނަށް ގޮސް އެތަނުގައި އުޅޭ ކޮތަރުތަކަށް ކާން ދޭ. -- ފޮޓޯ: ފަޔާޒް މޫސާ / މިހާރު
އުމުރުން 53 އަހަރުގެ ސިއްދީގް ކޮންމެ ދުވަހަކު ވެސް ކޮތަރުތަކަށް ކާން ދޭން 2-3 ކިލޯ ހަނޑޫ ގަނޭ. މިއީ އޭނާ ވަރަށް ލޯބިން، ގަޔާވެގެން ކުރާ ކަމެއް. -- ފޮޓޯ: ފަޔާޒް މޫސާ / މިހާރު
ކޮތަރަށް ކާން ދިނުމަކީ ސިއްދީގުގެ އާދައަކަށް ހަަދައި އެކަން ގަވައިދުން ކުރަމުން އަންނަތާ މިހާރު ހަތަރު އަހަރު ވެދާނެ ކަމަށް އޭނާ ބުނޭ. އެހެންވެ ސިއްދީގު ފެނުމާ އެކު ކޮތަރުތައް ގޮސް އޭނާ ވަށާލާ. -- ފޮޓޯ: ފަޔާޒް މޫސާ / މިހާރު
ސިއްދީގަކީ ކޮތަރުތަކުގެ ގާތް އެކުވެރިއަކަށްވެ ކޮތަރުތައް ސިއްދީގުގެ އަތުން ކައި އުޅެނީ ޖެހިލުމެއް ނެތި. ކޮތަރުތައް ސިއްދީގާ ވަރަށް އޮޅު. -- ފޮޓޯ: ފަޔާޒް މޫސާ / މިހާރު
ކޮތަރުތަކަށް ކާންދޭން ޖުމްހޫރީ މައިދާނަށް ގޮސް އުޅޭ މީހުން ކޮތަރުތަކަށް އަތުން ކާން ދިނުމަކީ އެހާ އާންމު ކަމެއް ނޫނަސް ސިއްދީގު އަތުން ކޮތަރުތައް ކެއުމަކީ އާންމުކަމެއް. -- ފޮޓޯ: ފަޔާޒް މޫސާ / މިހާރު
ސިއްދީގު ބުނި ގޮތުގައި އޭނާއާ ވަރަށް އޮޅުކޮށް އުޅޭ ހައެއްކަ ކޮތަރު ފާހަގަވޭ. އެ ކޮތަރުތައް ސިއްދީގު ފެނުމުން ގޮސް އޭނާގެ އަތާއި ބޮލުގައި ވެސް އިށީނދެގެން ތިބެ ސިއްދީގުގެ އަތުން ކައިގެން ދޭ. -- ފޮޓޯ: ފަޔާޒް މޫސާ / މިހާރު
ސިއްދީގު، ކޮތަރުތަކާ އެކު ހޭދަކުރާ ވަގުތަކީ އޭނާ އަށް އުފާވެރި ވަގުތުކޮޅެއް. ސިއްދީގުގެ މޫނުމަތިން ފެންނަ އުފާވެރިކަމާއި ކޮތަރުތައް އުޅޭ ގޮތުން އެ ގުޅުމުގެ ހާއްސަކަން ފެނޭ. -- ފޮޓޯ: ފަޔާޒް މޫސާ / މިހާރު
ޖުމްހޫރީ މައިދާނަށް ސިއްދީގު ދިއުމުން ހުރިހާ ކޮތަރުތައް އޭނާ ކައިރިއަށް ޖަމާވޭ. ސިއްދީގު ކޮތަރުތަކަށް ބަހައްޓާ ގާތްކަން ކޮތަރުތައް އުޅޭ ގޮތުން ވެސް ފާހަގަވޭ. -- ފޮޓޯ: ފަޔާޒް މޫސާ / މިހާރު
ސިއްދީގު ބުނީ އޭނާ ކޮތަރުތަކަށް ކާން ދެނީ އަމިއްލަ އުފަލަކަށް ކަމަށް. ކޮތަރަށް ކާން ދޭން ދާ މީހުން ވެސް ކޮތަރުތަކަށް ގޯނާ ނުކޮށް، އެސޮރުމެންގެ މިނިވަންކަމުގައި އުފަލުގައި އުޅެން ފުރުސަތު ދޭން އޭނާ އެދުނު. -- ފޮޓޯ: ފަޔާޒް މޫސާ / މިހާރު
ކޮތަރަށް ކާންދޭން ގޮސް، ކާއެއްޗެހި ހުސްވުމުން އެތަނުން ދާން އުޅުނަސް ކޮތަރުތައް ހައިވެފައި ތިބޭ ނަމަ ސިއްދީގުގެ ފަހަތުން ކޮތަރުތައް އަންނަ ކަމަށް އޭނާ ބުނި. -- ފޮޓޯ: ފަޔާޒް މޫސާ / މިހާރު
ކޮތަރުތަކަށް ސިއްދީގަކީ ހާއްސަ މީހަކަށްވެ، އޭނާގެ އިންތިޒާރުގައި ތިބޭ. އޭނާ އެދެނީ ކޮތަރުތައް އުފަލުގައި މިނިވަންކަމާ އެކު އުޅެން ދޫކޮށްލައި އެސޮރުމެންނަށް ގޯނާ ނުކުރަން. -- ފޮޓޯ: ފަޔާޒް މޫސާ / މިހާރު
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
987654
12 February 2022
ދުނިޔޭގަ ކުރި އަރާފަ ވާގައުމުތަކުގަ މިގޮތައް ދޫނިތަކައް ކާންދިނުމަކީ މަނާކަމެއް.ނާތަހުޒީބު އަވައްތަކާ ގަުއުމުތަކު މިކަހަލަކަންތައް ކުރޭ.މަގުމައްޗައް ކުޑަކަމުދިޔުން, ކުޅުޖެހުން, ކުނިއެޅުން, މަގުމަތީ ޒުވާބުކޮއް އަޑުގަދަކޮށް އައުގުރާންނަށް ގޮވުމަކީ ނޫހުގަ ޖަހައިގެން ފަހުރުވެރި ވަންޖެހޭ ކަންމެއްނޫން.
ތިޖޫރި
13 February 2022
ތި ގޮތަށް ވާހަކަ ދައްކާ މީހުންނަކީ އާންމުކޮށް ތިކަހަލަ ކަންކަން އެންމެ ގިނައިން ކުރާ މީހުން
ހހެހެހ
13 February 2022
ކަލޯ ހީކުރީތަ މީކުރިއަާރާފަވާ ގައުމެކޭ؟ ހުވަފެނެއްދޯ
ޖާހިލު
14 February 2022
ކަލޭ ހުރެބަލަ އަމިއްލައަށް ތަހުޒީބުވެގެން. ކޮތަރުތަކާއި އަސްދޫނިތަކަށް ކާންދިނުމަކީ އެންމެ ތަހުޒީބު ޤައުމުތަކުގަވެސް ކުރާނެކަމެއް. މަނާކުރޭ ބައެއްކަހަލަ އެއްޗެހި ކާންދޭން.
ކޮރަލް
12 February 2022
ކިތަންމެ ރަނގަޅު ކަމެއް ކުރިއަސް އިދިކީލި ކޮމެންޓް އެއް ޖަހާ ނުލާ ގިނަ މީހުންނަށް ހިތް ހަމަ އެއް ނުޖެހެ އެވެ. ލިޔެފަ ހުންނަ ލިޔުމާ ނުގުޅޭ ނޫނީ އެހެން ފަރާތަކަށް ރައްދުވާ ކޮމެންޓް ވެސް ގިނަ އިން ލިޔެ އެވެ.
ތިޖޫރި
13 February 2022
ކަލޯ، އެންމެން ރުއްސައިގެން ދުނިޔެއަކު ނޫޅެވޭނެ.
ހުސެންް
12 February 2022
ޖުމްހޫރީ މައިދާން އެއޮންނަނީ ކޮތަރުގުއިން ތަތްތެޅިފަ. އެތަން ސާފުކުރާނެ މީހަކުނުވޭ. ތިކޮތަރުތަކަށް ކާންދޭގޮތަށް އެތަން ސާފުކުރާނަމަވެސް ރަނގަޅުދޯ. ހުރިހާ އެންމެންނަކީ ކޮތަރުދެކެ ލޯބިވާބައެއްވެސް ނޫން. ކުޑަދަރިންކޮޅު އެތަނަށް ގެންގޮސް ކޮތަރުގުއި މައްޗަށް ވެއްޓޭތަން ބަލަން ބޭނުމެއްނޫން. ތިސިޓީ ކައުންސިލުން ނަމަވެސް އެތަން ސާފުކޮށްލާނަމަދޯ.
ރަދީފްއޮފިޝިއަލް
12 February 2022
ކަލޯ ރަށުގހުރިނަމަ ތިހެން ނުވީސް.އޭރުން ރަށުގެ ބީޗްގަ ކުޅެން ހުރެވޭނެ.
ސަމާލުވާންޖެހޭ
12 February 2022
ކަރްނާޓަކާގެ ކަމާބެހޭ މާހިރުން ދިރާސާކޮށް ބެލި ގޮތުން ކޮތަރު ގުއިން 60 ވައްތަރުގެ ބަލިޖެހުމުގެ ފުރުސަތު އޮވޭ. އޭގެ ނަޖިހަކީ ވަރަށް ފަރުވާތެރިކޮށް ސާފުކުރަންޖެހޭ އެއްޗެއް. ކުޑަކުދިން އެތަނަށް ދޫކޮށްލައިގެން އުޅޭއިރު ސަމާލުވުން ވަރަށް މުހިއްމު.
ކުޑަބޮންދު
12 February 2022
އެންމެ ރަނގަޅި ސިއްދީގު އުޅޭ ގޭގެ (ނުވަތ ކޮޓަރީގ) ދާރަތަކަށާއި މުޅިތަނަށް ހަރާބު ކުރާނަމަ އެހާ ލޯބިން ކާންދޭނެބާ؟ ބައެއް މީހުން މިއީ 'އަޅުކަމެއް' ގޮތުގައި ކުރާކަން ގިނަބަޔަކަށް މީގެ ނުހޮރުއްޕާން ވަންޏާ ކޮބާބާ އެފައިދާއަކީ ކޮތަރު ވެސް ޖެހޭނީ އަމިއްލައަށް އުޅެން ދޫކޮށްލަން!
ބޯހަލާކު
12 February 2022
ބޮންދުމީހާ ބަރާބަރު ހުންނަނީ. ދޫނީގަ ކާންދެނީ, މަހަށްދަނީ, ކަންމަތީ ފިހާރަހަދަނީ ހޮޓާ ހިންގަނީ.. ޑޮލަރު ހަދަނީ ބަލިކުދިންނަށް ބޯންދެނީ..ހުރިހާ މަސައްކަތް ކުރަނީ..ސަރުކާރުބަލަނީ ދިވެހިމީހާ އަތުން ލާރިލިބޭތޯ އަހަރެމެން ހިރިހާ އޯޕަން ހުންނަނީ...
ކުޗީ
12 February 2022
އެގައުމެއްގެ މާހައުލުގައި ނުވެސް އުޅޭ ދިރޭތަކެތި ގެނެސް ޗޭނު ޖަހައިގެން ، ކޮށިކޮއްޓަށް ލައިގެން އުޅޭ އުޅުން ދިވެހިން ހުއްޓަން ވެއްޖެ. އަބޫބަކުރު ގެ ވިސްނުން ވަރަށް ރަނގަޅު.
މުރީދު
12 February 2022
މަގޭ ހިތަށް އަރަނީ ކޮތަރަަށް ކާންދިނުމުން މިހާ ބޮޑު ހިތްހަމަޖެހުމެއް ލިބޭއިރު އެސޮރުމެން ކެއުމަށްފަހު ވަށައިގެންވާ ސަރަހައްދު ނަޖިސްކުރާއިރު ކާންދޭ މީހާއަށް އެތަންތަން ސާފުކޮށްލަން ދާން ނުކެރެނީ ކީއްވެބާވައޭ. ޙަމަ މިގޮތަށް މަގުމަތީ އުޅޭ ބުޅާތަކަށް ކާންދޭ މީހަކުވެސް ފެނޭ. ޕޭވްމަންޓް މައްޗަށާއި މަގު މައްޗައް ކާއެއްޗެހި އަޅާލުމުން އެނިމުނީ! މަގުމަތީގަ ބުޅަލުގެ ނަޖިސް ހުުންނަތަން އޭނާއަށްވެސް ފެންނާނެ. ޢެކަމަކު ސާފުކޮށްލާކަށް ނުކެރޭ!
އަހްމަދު522
12 February 2022
ތިހެން ބުނާ މީހާ ވެސް ސާފު ކުރާނަމަ އެހެން ނުހުންނާނެ. ކޮންމެހެން އެހެން މީހުން ގެ ވާހަކަ ނުދައްކަމާ ތިމާ އަށް ނުވަންޔާ..