ކުއްޖަކު މަރާލާފައިވާ ސަރަހައްދު: އެ މައްސަލާގައި ދައުވާލިބޭ ކުއްޖާ ގޭ ބަންދަށް ބަދަލުކުރި ކުރުން ހައި ކޯޓުން ވަނީ ދަމަހައްޓާފައި --- ފޮޓޯ/މިހާރު
23 ފެބުރުއަރީ 2022 - 18:52
7 comments
ހުޅުމާލޭގައި ކުޑަކުއްޖަކު ރަހީނުކޮށް މަރާލި މައްސަލާގައި ދައުވާލިބޭ 17 އަހަރުގެ ކުއްޖާ ޖަލު ބަންދުން ގޭ ބަންދަށް ބަދަލުކުރި ކުރުން ހައި ކޯޓުން ވެސް މިއަދު ދަމަހައްޓައިފި އެވެ.
މިދިޔަ އަހަރުގެ ޖޫން މަހު އުމުރުން 13 އަހަރުގެ ކުއްޖަކު ރަހީނުކޮށް، މަރާލުމަށްފަހު ފޮށްޓަކަށް ލާފައި އެއްލާލާފައި އޮއްވާ ފެނުނު މައްސަލާގައި 17 އަހަރުގެ ކުއްޖާގެ މައްޗަށް ޖުވެނައިލް ކޯޓުގައި ދައުވާ ކޮށްފައި ވަނިކޮށް އެ ކޯޓުން އެ ކުއްޖާ ގޭ ބަންދަށް ބަދަލުކުރީ މިދިޔަ އަހަރުގެ ނޮވެމްބަރު މަހު އެވެ. އެ ނިންމުން މުރާޖާކުރަން ދައުލަތުން އެދުމުން މިމަހު ކުރީކޮޅު ވެސް ޖުވެނައިލް ކޯޓުން ނިންމީ ކުރީގެ ނިންމުން ދެމެހެއްޓުމަށެވެ.
އެ މައްސަލަ އިސްތިއުނާފް ކުރުމުން ހައި ކޯޓުން މިއަދު ކުރި ހުކުމުގައިވަނީ އެ ކުއްޖާގެ މައްޗަށް ކުރެވެނީ މީހަކު މަރުގެ ތުހުމަތެއް ކަމަށް ވިޔަސް، އަދި އޭނާގެ ފަރާތުން މުޖްތަމައުއަށް ނުރައްކަލެއް ވުމުގެ ފުރުސަތު އޮތަސް، ކުއްޖާގެ ހާލަތަށް ނުވަތަ ވަށައިގެންވާ ކަންކަމަށް ބެލުމަށްފަހު ކުއްޖާގެ ގޭ ބަންދަށް ބަދަލު ކުރެވިދާނެ ކަމަށެވެ. އަދި ކުޑަކުދިންގެ އަދުލުގެ ގާނޫނުން ވެސް އެކަމަށް ހުރަހެއް ނެތް ކަމަށް ހުކުމުގައި ބުނެފައިވެ އެވެ.
"އިސްވެ ބުނެވިދިޔަ ހާލަތްތައް ނުވަތަ ހާލަތެއް އޮތުމަކީ ކުޑަކުއްޖަކު ބަންދު ކުރުން ލާޒިމްކުރާ ކަމެއް ނޫނެވެ. އެ ހާލަތްތަކުގައި ވެސް ކުޑަކުއްޖަކު ބަންދު ކުރަންވާނީ މައްސަލައިގެ ވަށައިގެންވާ އެންމެހައި ކަންކަމަށް ރިއާޔަތްކޮށް، ބަންދު ކުރުން ނޫން ގޮތެއް ނެތިގެން.." ހުކުމުގައިވެ އެވެ.
ހުކުމުގައިވާ ގޮތުން އެ ކުއްޖާއަކީ މިހާރު ކޯހެއްގައި ބައިވެރިވެގެން ކިޔަވާ ކުއްޖެކެވެ. އަދި ގޭ ބަންދުގައި މިހާތަނަށް ހޭދަކުރި މުއްދަތުގައި ވެސް ގޯސްކަމެއް އޭނާގެ ފަރާތުން ފެނިފައިނުވާތީ އޭނާ ޖަލު ބަންދަށް ގެންދަންޖެހޭ ސަބަބެއް ނެތް ކަމަށް ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންސު
24 February 2022
18 އަހަރުން މަތީގެ މީހުން މީހުންނާއިނދެ ދަރިންހޯދާ ކޯހާއި ވަޒީފާއާއި އަދާކޮށްކޮށް ތިއްބާ ކުށްކޮށްގެން ހުރިހާ ކަމަކުން މަހުރޫމުވެ ޖަލަށްދަނީ. މި 17 އަހަރުގެ ކަލޭގެ ނުބައިވެގެންވާ ކުށެއްކުރީމަ ފުރިހަމަ ހިމާޔަތުގަ. 18 އަހަރުވީމަ ކިހިނެއް ހަދާނީ؟ ކުއްލިއަކަށް ޖަލަށް ބަދަލުވާންޖެހެނީތަ ހުރިހާ ކަމެއް ހުއްޓާލާފަ. ހުޅަނގުގެ އިންސާނީ ހައްގަކާއި ޑިމޮކްރަސީއެއް ބަލައިގެން މުޖުތަމައުތައްވާނީ ފަނާ. އިސްލާމީ ޝަރީޢަތް ތަންފީޒުވެގެންނޫނީ ހައްލެއްނެތް.
ވަހީދު
24 February 2022
މަރާލެވުނު ކުއްޖާ މަރުވެގެން ދިޔައީ. ޤާތިލުންގެ ތެރޭގައިވާ ކުއްޖާ ކޯސް ހަދައި ދުނިޔެ އާރާސްތު ކުރަން ގޭގައި. އަދުލު އިންސާފު އޮންނަންވާނެ ގޮތްތޯ މިއީ.
ޑިމޮކްރަސީ
24 February 2022
އާދެ! އެއީ އަޅުގަނޑު ދަންނަ އިންސާފަކީ. އެހެން އެއްޗެއް އޮވޭތަ؟
މަހަލްދީބް
23 February 2022
ހައި ކޯޓުން މިއަދު ކުރި ހުކުމުގައިވަނީ އެ ކުއްޖާގެ މައްޗަށް ކުރެވެނީ މީހަކު މަރުގެ ތުހުމަތެއް ކަމަށް ވިޔަސް، އަދި އޭނާގެ ފަރާތުން މުޖްތަމައުއަށް ނުރައްކަލެއް ވުމުގެ ފުރުސަތު އޮތަސް. އިއްޒަތްތެރިންނާއި އާއިލާއަށް ނުރައްކަލެއް ނެތިއްޔާ އޯކޭ ވާނެ. އެކަމު ހަރުކައްޓޭ ބުނާ ހިސާބުން ހެޔޮ މާކުރީގެ ފޮޓޯގަޑެއް ފޯނުން ނޫނީ ލެޕްއަކުން ފެނުނަސް، އެމީހަކު ސަލާމާތް ވާނީ ވަރަށް ހާލުން . ވަރަށް ވެދުން ހުރިހާ ވެރިންނަށް.
ފޫޖި
23 February 2022
ހެޔޮނުވާނެ. މީހަކު ރަހީނުކޮށް މަރާފަ އަދި ގަބުރު ފޮޑިގަނޑަކަށްލާފަ ކަނޑަށް އެއްލާލުމުގައި ބައިވެރިވި 17 އަހަރުގެ ޒުވާން މުޖުރިމެއްގެ ފަރާތުން މުޖްތަމައަށް ގެއްލުމެއް ނެތޭ ބުނުމުން ދެން އިތުރަށް ބުނާނެ އެއްޗެއްނެތް. ސަދޫމުގައިވެސް ހަމަ ކުރީ މިޒާތުގެ ހުކުމްތަށް. ދެރަ
ތޭރިއެމްވީ
23 February 2022
މީހަކު މެރުމުގައި ބައިވެރިވި މީހަކުވެސް މުޖުތަމަޢުއަށް ނުރައްކަލެއް ނުވި، އެހެނަސް ޢުމުރުން 16 17 އަހަރުގެ މީހަކު ޖިންސީ ގޯނާކުރިއްޔޭ ކިޔައިގެން ދައްކާލާ ވާހަކައަކުން ތުހުމަތުކޮށް ކިތައް މީހުންތޯ މިއަދު ބަންދުގައި ތިބީ. އޭނާ ކޯހެއް ހަދާތީ ކިޔަވާތީ، ބަލާ، މިބުނާ ކަންކަމުގައި އަދި އެހެނިހެން ކަންކަމުގައިވެސް ތުހުމަތުކޮށް ބަންދުގައި ތިބި މީހުންގެ އަނބިންނާއި ކުޑަކުދިންވެސް ތިބިކަން ހައިކޯޓަށް ރިޢާޔަތް ނުކުރެވެނީ ކީއްވެތޯ. ދެރަވަރުކަންކަން
ޢާދަނުބެ
23 February 2022
ސުބުހާނައްﷲ ކޯޓުތަ ކުން ހު ކުމް މި ކުރަނީ ކިހިނެތްތަ މީހަ ކު މަރާލީމަވެސް އެމީހާގޭގަ ކުކ ކުޅު ކާން މި ފިނުވަނީ އީޕީއޭ މާރަނގަޅުތާ ދޫނި ހިފީމަ މީހާ އުމުރުދުވަހު އޭގެން ސަލާމަށް ނުވާވަރު ބޮޑު ޖޫރި މަނާއެތް ކޮށްލާވިއްޔަ