06 މާޗް 2022 - 13:01
17 comments
ޖިންސީ ފުރައްސާރަ އާއި ރޭޕްގެ ދައުވާ ކޮށްފައިވާ ކުރީގެ ޓޫރިޒަމް މިނިސްޓަރު އަލީ ވަހީދު ރާއްޖެ އިން ބޭރަށް ފުރަން ޖާމިނުވެ، އޭނާ ޝަރީއަތަށް ހާޒިރުކޮށް ނުދީގެން 15 ދުވަހަށް ޖަލަށްލި، ޔޫތު މިނިސްޓްރީގެ ކުރީގެ ސްޓޭޓް މިނިސްޓަރު އަސްހަދު އަލީ (އަޑުބަރޭ) ހުކުމް ތަންފީޒުކޮށް ނިމިގެން މިއަދު މިނިވަން ވެއްޖެ އެވެ.
އަލީ ވަހީދުގެ އެންމެ ގާތް އެއް އެކުވެރިޔާ އަސްހަދަށް ޣައިރު ހާޒިރުގައި 15 ދުވަހުގެ ޖަލު ހުކުމެއް އިއްވީ މިދިޔަ މަހުގެ ދެ ވަނަ ދުވަހު އޭނާ އިނގިރޭސި ވިލާތުގައި ހުއްޓަ އެވެ. ނަމަވެސް މިދިޔަ މަހުގެ 19 ގައި އަސްހަދު ރާއްޖެ އައިސް އަމިއްލަ އަށް މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށަށް ދިޔައީ އެވެ.
ކަރެކްޝަންސްގެ އޮފިޝަލަކު "މިހާރު" އަށް ވިދާޅުވީ ހުކުމް ތަންފީޒު ނިމުމުން މިއަދުގެ ވަގުތެއްގައި އަސްހަދު ދޫކޮށްލާފައިވާ ކަމަށެވެ. އޭނާ 15 ދުވަހުގެ ހުކުމް ތަންފީޒުކުރީ ހުޅުމާލޭގައި ހުންނަ ޖަލުގަ އެވެ.
އަސްހަދުގެ މައްޗަށް ކުރި ހުކުމުގައި ވަނީ އަލީ ވަހީދު ގެންނަން ޖާމިނުވި މީހާ ކުރި މަސައްކަތެއް އެނގެން ނެތް ކަމަށެވެ. އަދި 72 ގަޑިއިރުގެ ތެރޭގައި އަލީ ވަހީދު ރާއްޖެ ނުގެނައުމަކީ ކޯޓުގެ އެންގުމަކާ ހިލާފުވެ، ކޯޓުގެ ހުރުމަތް ކެނޑުން ކަމަށް އެ މައްސަލަ ބެއްލެވި ގާޒީ ހަސަން ސައީދު ވިދާޅުވެފައިވެ އެވެ.
ކޯޓުގެ ހުރުމަތް ކެނޑި މައްސަލައެއްގައި އަސްހަދު މިހާރު 15 ދުވަހުގެ ޖަލު ހުކުމެއް ތަންފީޒު ކުރި ނަމަވެސް އަލީ ވަހީދަށް ޖާމިނުވުމުގެ އެއްބަސްވުމާ އަސްހަދު ހިލާފުވެފައި ވާތީ، އެއް އަހަރުގެ ޖަލު ހުކުމެއް އިއްވައިދޭން އެދިފައިވާނެ ކަމަށް ޕްރޮސިކިއުޓާ ޖެނެރަލްގެ އޮފީހުން ވަނީ ބުނެފަ އެވެ.
ޕީޖީ އޮފީހުގެ ޕަބްލިކް ޕްރޮސިކިއުޓަ އަދި މީޑިއާ އޮފިޝަލް އަހްމަދު ޝަފީއު މިދިޔަ މަހު ވިދާޅުވީ ޖާމިނު އެއްބަސްވުމާ ހިލާފުވި މައްސަލައިގައި ޖިނާއީ އިޖުރާއަތުގެ ގާނޫނުގެ ދަށުން ފިޔަވަޅު އަޅަން ލިއުމުން ދެ ފަހަރަށް ކްރިމިނަލް ކޯޓުގައި އެދިފައިވާ ކަމަށެވެ. އަދި ޝަރީއަތުގައި އަނގަބަހުން ވެސް އެދިފައިވާނެ ކަމަށް ވިދާޅުވި އެވެ. އެކަމާ ގުޅޭ ގޮތުން މިހާތަނަށް ގޮތެއް ނިންމާފައި ނުވާތީ ދެން އޮންނަ ޝަރީއަތެއްގައި ވެސް އެކަން ޕީޖީ އޮފީހުން އެކަން ހުށަހަޅާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކްސިް
08 March 2022
15 ދުވަސް ވެއްޖެޔާ ޖާމިނުވުން ބޮޑު ބިޒްނަސް އަކަށް ހަދާލަފާނެ.
ހަސަންކާރި
06 March 2022
އެވަރުކަމެކޭ.... މަވެސް ދެން މަގޭ އާއލާ މީހަކަށް ކަމެއް ދިމާވެއްޖިއްޔާ ޖާމިނު ވެލާނީ.. އެނިމުނީނު އެކަން.
ސަވާލޭ
06 March 2022
ތިކަން ތިނިމުނީނޫންބާ؟ އެންމެންގެޒިންމާ ތިއޮތީ އަދާވެނިމިފަނު. މައްސަލަ ނިމުނީނު.
އަހާލި
06 March 2022
އެސޮރަށް އެތަނު ހަތަރު ފާރުން އެތެރެ އަށް ރަނގަޅަށް ވަދެވުނުތަ އަޅެ.
ބޮޑުމީހާ
06 March 2022
ދެން ސްޓޭޓް މިނިސްޓަރުކަމާއި ގައުމީ ޓީމްގެ ކެޕްޓަންކަން ދީ
މުހިންދަ ވާލާ
06 March 2022
އަޑުބަރޭއަށް މިނިސްޓަރކަން ދީފި -- މި ސުރުޚީ އަންނާނީ ކޮންއިރަކުންބާ..
ހަސަން ކުރުސީ އަލް ހިންދުވީ
06 March 2022
އަޑުބަރޭ ހުކުންތަންފީޒުކޮށްގެން ނުކުތުމުގެ އުފަލުގާ އެމްއެންޑީއެފުން ހަވާއަރުވައިދޭންޖެހޭނެ.
ފަހުދު
06 March 2022
މަށައް ކޮވިޑު ޖެހިގެން ވެސް ތިޔައްވުރެ ގިނަދުވަހު ބަންދުގައި ހުރިން.
ކުރައްޕޭ
06 March 2022
އަޑުބަރޭއަކީ އެމްޑީޕީ މީހެއްވެސްނޫން. ކީއްވެތަ އެމްޑީޕީއާއި ސަރުކާރުން މިކަހަލަ ތާކުންތާކު ނުޖެހޭ މީހަކު ފަހަތުން ދުވަނީ. އޭނާ ސަލާމަތް ކުރަން އުޅުމުން ލިބޭގެއްލުންމާބޮޑު، ރައްޔިތުން އަންނާނީ ރުޅި އަޑުބަރޭއަތުން ލިބުނަސްލިބޭނީ އެންމެ ވޯޓެއް. ކުރަފި ސިކުނޑީގެ މީހުން އުޅެންޏާވާނީތިހެން
އޮނަރަބްލް އަފީފު ދީދީ
06 March 2022
ތިވީ ގޮތުން މިހާރު އަޑުބަރޭއަށްވެސް ޙައްޤު މިންވަރު ދައުލަތުގެ ޙަޒާނާއިން ދޭން ޖެހުނީ ނޫންތޯ. # ދެން ފެންނާނީ ޙުކުމާއި ވިދިގެން ބަދަލެއްގެ ގޮތުގައި އޭނާއަށް ޙުކުމުގައިވާ ކޮންމެ ދުވަހަކަށް މިކިޔަނެއްގެ ރޭޓުން 15 މިލިޔަން ޑޮލަރުގެ ބަދަލެއް ހަދިޔާ ކުރާތަން. # އޭރުން ބޯގަންވިޔާ ފައްޔާޒުގެ މަސްލަހަތުއޮތް ބިގަށް ލިބުނު ވަރު ނުލިބުނު ކަމުގައިވިޔަސް އަޑޭއަށްވެސް ހެޔޮވަރު ބޮނޑިވަރެއް ލިބޭނެ ނޫންތޯ.