ޕެވިލިއަން. ލެމަންގްރާސް އިން ހިންގާ ގޮތަށް އަންނަ ހުކުރު ދުވަހު ހުޅުވަނީ--ފޮޓޯ:ލެމަންގްރާސް
14 މާޗް 2022 - 15:55
12 comments
ރަސްފަންނު ޕެވިލިއަން ހިންގުން، މާލޭގެ މަޝްހޫރު އެއް ރެސްޓޯރަންޓް ލެމަންގްރާސްއާ ހަވާލުކޮށްފި އެވެ.
"ޕޮމެލޯ" ގެ ނަމުގައި ހިންގަން ނިންމާފައިވާ ޕެވިލިއަންގެ ރެސްޓޯރެންޓް އަންނަ ހުކުރު ދުވަހު ހުޅުވަން ނިންމާފައިވާއިރު، އެ ތަނުން ގާތްގަނޑަކަށް 400 މީހުންނަށް އެއްފަހަރާ ހިދުމަތް ދެވޭނެ އެވެ.
ލެމަންގްރާސް ގުރޫޕުން މިހާރު ފަސް ރެސްޓޯރަންޓެއް ހިންގާއިރު، އަލަށް ހުޅުވާ ޕެވިލިއަންގެ ރެސްޓޯރަންޓް ވާނީ އެ ގުރޫޕްގެ އެންމެ ޖާގަ ބޮޑުތަން ކަމަށް އެ ތަނުން ވާހަކަ ދެއްކެވި އޮފިޝަލަކު ވިދާޅުވި އެވެ.
ޕެވިލިއަންގެ ފުރަތަމަ ފްލޯ ހާއްސަ ކޮށްފައި ވަނީ ޕޭސްޓްރީ އާއި ލުއި ކާނާގެ ބާވަތްތަކަށެވެ. އޯޑަރު ދީގެން ކެއުމަށް ދެ ވަނަ ފްލޯ ހާއްސަ ކުރާއިރު ތިން ވަނަ ފްލޯގައި އިން ލިބޭނީ ކޮފީ އާއި ބުފޭގެ ހިދުމަތެވެ.
"ޕޮމެލޯ" ރެސްޓޯރެންޓް އަންނަ ހުކުރު ދުވަހު ހުޅުވަނީ. އެތަނުން އެންމެ ޒަމާނީ ކެޔުންތައް ލިބޭނެ--ފޮޓޯ: ފަޔާޒް މޫސާ/މިހާރު
ލެމަގްރާސްގެ މާކެޓިން މެނޭޖަރު އަހުމަދު ޝިރުހާން ވިދާޅުވީ، ތިން ބުރީގެ މި ރެސްޓޯރެންޓްގެ މެނޫގައި ހިމެނޭނީ ޒަމާނީ ކެއުންތައް ކަމަށެވެ. އެކަމަކު، އާންމުކޮށް ދިވެހިންގެ މެދުގައި އެންމެ މަގްބޫލު ކެއުންތައް ވެސް މި ރެސްޓޯރެންޓުން ލިބޭނެ އެވެ.
ޝިރުހާން ވިދާޅުވިގޮތުގައި، ލެމަންގްރާސްގެ އެހެން ތަންތަނާ ހިލާފަށް ޕެވިލިއަން ރެސްޓޯރެންޓުގައި ކުދި އިވެންޓްތައް ބޭއްވުމަށް ވަކިވަކި ބައިތައް ދޫކުރާނެ އެވެ.
"ވިއްސަކަށް މީހުންނަށް ވެސް ކުދިކުދި ގެދަރިންތަކަށް ޖާގަ ލިބޭނެ. މިއީ މި ތަނުގެ ވަރަށް ތަފާތު ކަމަކަށް ވާނެ،" އޭނާ ވިދާޅުވި އެވެ.
ޕެވިލިއަންގައި ލެމަންގްރާސް އިންި ހިންގާ ރެސްޓޯރެންޓް. އެތަނުގައި 400 މީހުންނަށް ކެޔުމުގެ ހިދުމަތް ލިބޭނެ--ފޮޓޯ:ފަޔާޒް މޫސާ/މިހާރު
ޕޮމެލޯ ރެސްޓޯރެންޓުގައި ކުޑަކުދިންނަށް ހާއްސަ ޕްލޭ އޭރިއާ އެއްވެސް ހަދާފައިވެ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި 13.9 މިލިއަން ރުފިޔާ ހަރަދުކޮށްގެން 2016 ވަަނަ އަހަރު ރަސްފަންނުގައި ހެދި ޕެވިލިއަންގެ ބޭނުމެއް ނުހިފި، ވީރާނާވަމުން ދަނިކޮށް ލެމަންގްރާސްއާ ހަވާލުކޮށް މަރާމާތުކުރަން ފެށީ މީގެ ހަތްް ވަރަކަށް މަސް ކުރިންނެވެ.
އެމްޑަބްލިއުއެސްސީން ބަލަހައްޓާ ޕެވިލިއަން އެންމެ ފުރަތަމަ ހިންގަން ހަވާލުކުރީ ސިބްކޯ ޕްރައިވެޓް ލިމިޓެޑާ އެވެ. ނަމަވެސް 2019 ވަނަ އަހަރު އެމްޑަބްލިއުއެސްސީން ވަނީ ސިބްކޯއާއެކު ހެދި އެއްބަސްވުން ބާތިލްކޮށްފަ އެވެ. އެކަމަކު އެއްބަސްވުން ބާތިލުކުރުން ފަސްކުރަން ފަހުން ކޯޓުން ނިންމީ އެވެ.
ޕެވިލިއަން ބަންދުކުރުމުގެ ކުރިން އެ ތަނުގައި ދިޔައީ މަޝްހޫރު ރެސްޓޯރެންޓްތަކެއް ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަހާފުތާ
16 March 2022
މާފަންނު ލެމަން ގްރާހުން އެދޭ އޮރެންޖު ޖޫސްކަހަލަ ތާޒާ މޭވާގެ ޖޫސްގެ އޮލަކަން ރަނގަޅުވާން އެބަޖެހޭ އެފަދަ މޭވާގަ ގިރާފަ ހުންނަ އިރު ދެނީ ފެންރަހަ މޭވާގެ ރަހައެއް ނުހުރޭ މިކަހަލަ ތަނެއްގަ ޚިދުމަތް ދޭނަމަ ކޮލިޓީ ޔައުނީ ރަހަ އިހުނަށްވުރެ ރަނގަޅުވާން ޖެހޭނެ
ސަޅިއޭ
15 March 2022
ވަރަށް ސަޅިޢޭ
ކުނިސިބްކޯ
15 March 2022
ހައްހައްހާ.. ސިބްކޯ މީހުންނަށް ރީތިވިއެއްނުން. މަކަރުން ކަންކަން ކުރަން އުޅޭ މީހުން ވެއްޓޭލެއް އަވަސް ވާނެ.
ސިބްކޯބެ
15 March 2022
ބްރޯ، އަދިވެސް ހަމަ ސިބްކޯ.
އަލީބެ
14 March 2022
އަދިވެސް ލެސީއަކީ ހަމަ ކުރިންވެސް ތިބި މީހުން، ލެމަންގްރާސްއަކާ އެމްޑަބްލިޔުއެސްސީ އިން ހަވާލުކޮށްފައޮތް ތަނެއް ނޫން… ތަން ކުރިން ވީރާނާވީ މިސަރުކާރުން އެގްރީމެންޓާ ކުޅެގަތީމަ
މަރޭ
14 March 2022
މިއީ ވަރަށް ކަމު ނުދާކަމެއް. މޫދުންލިބޭނެ ހިން ހަމަ ޖެހުން ވަރަށް ބޮޑަށް ގެންލޭނެ ކަމެއް.
ޝިފާ.
14 March 2022
މޫދުގައި އުޅޭކުދިން ސީބެޑުގައި ކައިރިކޮށްލީމަ ޚިދުމަތްދެވޭގޮތައް އޮންނަނީ.
ހަލީމ
14 March 2022
ކުޑަކުދިން މޫދައްއެރެޭ ތަނެއްގެމެދުގައި ސިންގިރޭޓު ބޯން ތިބޭ ކޭފޭއެއް ހެދުމުން ކޯޗެއް މިދޭހަވަނީ
ރާއްޖެ
14 March 2022
މާލޭގެ މަގުމަތިންނާއި އެހެން ކެފޭ ތަކުންނާއި، އޮފީސްތަކުން ނުފެންނަ މަންޒަރެއް ތިތަނުންވެސް ނުފެންނާނެ.
އިބިރިހިންކަލޯ
14 March 2022
ތިތަނުން އައްޑޫ ހުޅުދޫގެ އޯތެންޓިކު ރަަހައިގެ ހެދިކާ، އައްޑޫ ހަވާދު ރިހައިގެ އެކި ފްލޭވާ، އައްޑޫ ބޮނޑި، ކުރީޒަމާނު އައްޑޫމެޓާ ލިބޭނެކަމަށް އުންމީދުކުރަން.
ކުޗީ
14 March 2022
ތީ ޕޕ ކުދިން ގެ ތަނެއް ލިބޭނީ ވެސް ޕޕ ކުދިންނަށް.
ހެލެއިފޯރީކަން
14 March 2022
ރައްލާޖެހި އެމްޑީ ޕީ ބައެއްތީ