14 މާޗް 2022 - 21:10
21 comments
އދ. ގެ ސެކްރެޓަރީ ޖެނެރަލަކަށް ދެން އަންނަ ދައުރަކަށް އަންހެނަކު ހޮވުމަށް 76 ވަނަ ސެޝަންގެ ރައީސް އަބްދުﷲ ޝާހިދު މިއަދު ގޮވައިލެއްވުމުން ގިނަ ބަޔަކު އެ ކަމަށް ތާއީދު ކޮށްފި އެވެ.
އދ. ގެ ކޮމިޝަން އޮން ދަ ސްޓޭޓަސް އޮފް ވިމެންގެ 66 ވަނަ ބައްދަލުވުން ހުޅުވުމުގެ ރަސްމިއްޔާތުގައި ޝާހިދު ވިދާޅުވީ، އެ ޖަމާއަތުގެ 76 ވަނަ އަހަރުވީ ތާރީހުގައި އާއްމު މަޖިލީހުގެ ރައީސްކަން ކުރެއްވީ ހަތަރު އަންހެން ބޭފުޅުން ކަމަށާއި މިހާތަަނަށް ސެކްރެޓަރީ ޖެނެރަލަކަށް އެއްވެސް އަންހެނަކު ހޮވާފައި ނެތް ކަމަށެވެ.
އެހެންވެ، އެ ކަން ބަދަލުކުރަން ޖެހޭ ކަމަށް ރާއްޖޭގެ ފޮރިން މިނިސްޓަރުކަން ވެސް ކުރައްވާ ޝާހިދު ވިދާޅުވި އެވެ. އޭނާގެ އެ އިސްނެންގެވުމަށް މިއަދުގެ ބައްދަލުވުމުގައި ބައިވެރިވި ގިނަ މަންދޫބުންގެ ތާއީދު އޮތްކަން އަތްތިލަ ބަޑިއަކުން ހާމަކުރި އެވެ.
ޝާހިދު ވިދާޅުވި ގޮތުގައި ދެ ޖިންސުގެ ހަމަހަމަކަން ގާއިމު ކުރުމާއި އަންހެނުން ބާރުވެރިކުރުވުމުގެ "ގޯލްޑް ސްޓެންޑާޑް" ކަނޑައެޅުމުގެ ވާހަކަތައް ދައްކާއިރު އޭގެ މިސާލު އދ. ގައި ނުދައްކައި ނުތިބެވޭނެ އެވެ.
އެހެންވެ، އެކަމުގައި އިސްނަގައި ދެން އަންނަ ދައުރަކަށް އދ. ގެ ސެކްރެޓަރީ ޖެނެރަލްގެ މަގާމަށް އަންހެނަކު ހޮވުމަށް ބާރު އެޅުމަށް، މެމްބަރު ގައުމުތަކަށް އޭނާ ގޮވައިލެއްވި އެވެ.
ފަސް އަހަރުގެ ދައުރަކަށް އިންތިހާބުކުރާ އދ. ގެ ސެކްރެޓަރީ ޖެނެރަލްގެ މަގާމުގައި މިހާރު ހުންނެވީ އެންޓޯނިއޯ ގުޓެރެސް އެވެ. އެ އިިންތިހާބު ދެން އޮންނާނީ ފަސް އަހަރު ފަހުންނެވެ.
އދ.ގެ 76 ވަނަ ސެޝަންގެ ރައީސްގެ މަގާމާ ޝާހިދު ހަވާލުވެވަޑައިގެންނެވި ފަހުން އަންހެނުން ބާރުވެރިކުރުމާއި އަދި އެ ޖަމާއަތުގައި ވެސް އަންހެނުންގެ ދައުރު ފުޅާކުރުމަށް ގެންދަވަނީ ހާއްސަ އިސްކަމެއް ދެއްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
16 March 2022
ޝާހިދު ގައުމުން ބޭރުގަ އެހެން ވަޒީފާއެއް އަދާކުރަމުން ފޮރިންމިނިސްޓަރީ ހިންގޭތަ. މުސާރަދެނީ ބަޖެޓުން ހިދުމަތްކުރަނީ އެހެންތަނަކަށް. އިބޫސޯލިހު އެބަހުރި އަޅާވެސްނުލާ
ބައްލަވާ
15 March 2022
އަންހެނަކަށްވީތީ މަގާމު ނުދޭން އުޅޭ ފަދަ ތަނެއް ނޫން އދ. އަކީ. ތިޔަ ދެކެވެނީ އެންމެ ތަހުޒީބުނެވެ އޮންނަ ގައުމުތަކުގަ ކަންކަން ވާ ގޮތުގެ ވާހަކަ. އދ. ގެ މަގާމަކާ ހަމައަށް ގައުމުތަކުން ފޮނުވާ މީހުން ތިބޭނީ ދުނިޔެއަށް ލައްކަ ހޭލުންތެރިވެފައި. މަގާމު ލިބޭނީ އެމީހަކަށް ހައްގު މިންވަރުން، އެހެންނޫނީ އެހެން ކަންކަމުގަވެސް އޮންނަ ގޮތަށް ކޮރަޕްޝަން ނޫނީ އަޑިނޭގޭ ކުޅިގަނޑެއްގެ ތެރެއިން.
ރަމީލް
15 March 2022
ޝާހިދުގެ ކުޅޭކުޅޭ އެއްޗަކަށް ސަރުކާރު ހަދައިގެން ރައްޔިތުންގެ ޓެކުސް ފައިސާއިން އޭނާގެ ދުންޔަވީ "އެދުންތައް ފުއްދަމުން" ދާދިއުމުން ވެސް މި ސަރުކާރުގެ ނާގާބިލުކަން ހާމަވޭ. ރައްޔިތުންނޭ، ވިސްނަވާ! ހާދަ ގިނަ ފައިސާއެކޭ ޝާހިދަށް ސަރުކާރުން ޚަރަދުކުރަނީ. ފޮރިން މިނިސްޓަރު ކަމުގެ މުސާރަ، އދ ގެ ޚަރަދުތައް (އދ އިން އޭނާއަށް މުސާރަ ނުދޭ)، ހުރިހާ ދަތުރު ތަކުގެ ޚަރަދުތައް. ހާދަ ދެރައޭ. ދިވެހިން އެހީއަށް އެދި ސަލާން ޖަހަނީ. 5 އަހަރު ތެރޭ ޝާހިދަށް ބިލިއަނުން!
އެނދިމަރިޔަނބު
15 March 2022
ބަލަ ޝާހިދޫ، ތިފަދަ މަގާމަށް މީހުން ހޮވަނީ ވަކި ޖިންސަކަށް ބަލައިގެން ވަކި ޖިންސަކަށް ޚާއްސަކޮށްގެނެއް ނޫން. މީހާގެ ގާބިލުކަމަށް ބަލައިގެން، މީގެ ކުރިން ހޮވުނު 4 އަންހެނުން ހޮވުނީ ބަޔަކު ތަބަކަށްލާފަ ދީގެނެއް ނޫން. ހަމަހަމަ ކުރާށޭބުނެ ވަކި ޖިންސަކަށް ޚާއްސަކުރީމަ އެގެއްލުނީ ހަމަހަމަކަން، އަމިއްލަވާހަކަ ފުށުއަރަނީ، ހަމަހަމަ ކަމަކީ ފުރުސަތު ހަމަހަމަވުން، އަދަދު އެއްވަރުވުމެއް ނޫން. ދިފަދަ މަގާމަކަށް ޝާހިދު ކަމަކުނުދޭ. ހުސް ކޮސް ގޮވަނީ.
ޖަމަލު
15 March 2022
ވަކި ޖިންސަކަށް ވީމަ މަގާމު ހައްގު ވުމަކީ ތަފާތު ކުރުން. އެމްޑީޕީ އިން ގެނައި އިސްލާހާ އެކު އަމިއްލަ ދާއިރާ ކުރިމަތި ނުލެވެނީ ފިރިހެނަކަށް ވީމަ. މިއީ ތަފާތު ކުރުން
ސިލްވި
15 March 2022
ޝާހިދު، ދެން ކޮން ކަމެއް ތިޔައީ. މި އުޅެނީ ބޮޑު ހަނގުރާމައެއް ފެށުމުގެ ބިރެއްގެ ތެރޭގައި.
ފަހުދު
15 March 2022
ކިޔާނެ ނުކިޔާނެ އެއްޗެއް ނޭންގިގެން ކޮސްގޮވަނީ
މުސްތަފާ އަބްދުލް ކަރީމް ދެއްވަދޫ
15 March 2022
76 ވަނަ ސެޝަންގެ ރައީސް އަބްދުﷲ ޝާހިދުގެ ބަދަލު އެމަގާމަށް އަންހެން ބޭފުޅަކު ހަމަޖައްސަވަން ފެނޭ.
ދެރަކޮށްލާކަށްނޫން
15 March 2022
މީޑިއާތަކުން ކޮންމެވެސް ސަބަބަކާ ހުރެ ޝާހިދު ވަރަށް ޕްރޮމޯޓް ކުރާތަން ފާހަނގަ ވޭ. އެކަމް، ޝާހިދަކި އަނެއްހެން މަގުބޫލުކަން ހުރި މީހެއް ކަމަށް ނުފެނޭ.
ހޯއް
14 March 2022
ސަރުކާރު މިނިސްޓަރުންގެ ތެރެއިން ހެޑްލައިން ހަދާލަން އެންމެ މޮޅު އެއްބޭފުޅާ.