އުކުޅަހު ސްކޫލްގެ ތެރޭގައި ދުންބޯވުމުން ދަރިވަރުން ގެއަށް ފޮނުވާލަނީ.
22 މާޗް 2022 - 16:04
6 comments
އއ. އުކުޅަހުގެ ކުނިގޮނޑުން، އެ ތަނާ ކައިރީގައި ހުންނަ ސްކޫލަށް ދުމުގެ އަސަރުކޮށް މެންދުރު ފަހުގެ ދަންފަޅީގެ ދަރިވަރުން މިއަދު ގެއަށް ފޮނުވާލައިފި އެވެ.
އެ ސްކޫލުން ވާހަކަދެއްކި ޓީޗަރަކު ބުނީ، ސްކޫލްގެ އިންފާރާ ޖެހިގެން އޮންނަ ކުނިގޮނޑުގައި އާއްމުކޮށް ކުނި އަންދަނީ ރޭގަނޑު ކަމަށެވެ. ނަމަވެސް މިއަދު މެންދުރު ފަހުގެ ދަންފަޅީގެ ކިޔެވުން ފަށަން ވަރަށް ކައިރިވެފައި ހުއްޓައި ކުނިގޮނޑުގައި ރޯކޮށްލުމުން، އެ ދުމުގެ އަސަރު މުޅި ސްކޫލްތެރެއަށް ފޯރީ ކަމަށެވެ.
އެކަން އެޑިއުކޭޝަން މިނިސްޓްރީގެ ސަމާލުކަމަށް ގެނައުމުން، ދުމުގެ މައްސަލަ ހައްލުވަންދެން މެންދުރު ފަހުގެ ދަންފަޅީގެ ދަރިވަރުން ގެއަށް ފޮނުވާލަން އެންގި އެވެ.
އުކުޅަހު ސްކޫލްގެ ތެރޭގައި ދުންބޯވެފައި.
"ދުން ބޯވުމުގެ މައްސަލަ މި ވަގުތަށް ހައްލުވެއްޖެ. އެކަމަކު ސްޓާފްރޫމާއި އެކި ތަންތަނުގައި އެބަހުރި ދުން ވަސް ވަރަށް ބޮޑަށް،" އެ ޓީޗަރު ބުންޏެވެ.
"އިންޓަވަލަށް ފަހު 3:30 ގައި ސްކޫލަށް ހާޒިރުވާން ދަރިވަރުންނަށް އަންގާފައިވަނީ މިހާރު،"
އުކުޅަހު ސްކޫލް ތެރޭގައި ދުންބޯވެފައި.
އޭނާ ބުނީ މި ފަހުން ތިން ދުވަހެއްގައި ދުވާލު ގަޑީގައި ކުނި އަންދައިގެން ދަރިވަރުންނަށް ދަތިވި ކަމަށެވެ. އެކަމަކު، ސްކޫލުން ފޮނުވާލަން ޖެހޭ ވަރެއް މީގެ ކުރިން ނުވެ އެވެ.
"މީގެ ކުރިން ހަވީރު ވެސް ރޯކޮށްލަފާނެ ދަރިވަރުން ސްކޫލްގައި ތިއްބައި. ވަރަށް ޒަމާންވީ މައްސަލައެއް މިއީ،" އެ ޓީޗަރު ބުންޏެވެ.
ރޭގަނޑު ކުނި އެންދިއަސް އެކަމުގެ އުނދަގޫ ރަށުގެ އާއްމުންނަށް ކުރާ ކަމަށް، އުކުޅަހުން ވާހަކަދެއްކި ބައެއް މީހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިމް
22 March 2022
ތިވަރަށް ދުން އަރަންޏާ ރޭގަނޑުގެ ދުން ދުވާލަށް ސާފުވޭ؟ ކެތްގަދަ ހުވާ
ނޯ ސްމޯކް
22 March 2022
މީ ރާއްޖޭގެ އައިޓީ ހަބަކަށްވާނެކަމަށް ބެލެވުނު ރަށެއް، ކިހިނެއްބާވީ އެތަނުން އެކެއްގެ ބޮލުން ދުންއެރީތަ؟
އުކުޅަސް ސިކުޑިއެއްނެތް
22 March 2022
ރަށުގައި މާބޮޑަށް ގެސްޓްހައުސް ވިޔަފާރި ތަރައްގީވީދޯ
ކުދިން ނޭވާހިއްލަނީ
22 March 2022
ފުރަތަކަމަކަށް ސްކޫލް ކައިރީ ތިކަހަލަކަމެއް ކުރަން ހުއްދަދިނީ ކާކު، ކަންތައް ޕްލޭންކޮށް އިންޕްލިމެންޓްކުރާއިރު މިފަދަކަނަކަން މީ ވަރަށް ބޭސިކުކަންތައްދޯ
އުކުޅަސް
22 March 2022
މަ ހީކުރީ އުކުޅަހަކީ ކުނި މެނޭޖްކުރުމުގެ ނަމޫނާ ރަށެއް ކަމަށް.
އުކުޅަހު
22 March 2022
ޓުއަރިޒަމާއެކު މަސްވެރިކަމާ ކުނިވެރިކަން ވަރަށް ބޮޑަށް އެރަށުން ގެއްލިގެން ހިނގައްޖެ. އެހެން އެވީ މިސަރުކާރުން ވެސް ކުނީގެ ކަންތަކުގައި މާ ބޮޑު އަހައްމިއްޔަތެއް އެރަށަށް ނުދިނުމުން. ކުރިން އެމީހުންގެ އަގުވަޒަންކުރިގޮތަށް އެމްޑީޕީ ސަރުކާރުން ނުކުރޭ. އުކުޅަސް މީހުން އެމްޑީޕީއަށް ސަޕޯޓްކުރިއަސް، އެމްޑީޕީން މާ ބޮޑު ސަމާލުކަމެއް ނުދޭ. ރަށުގެ އާބާދީ ކުޑަވީމަ.