ޚަބަރު / މާލެ ސިޓީ ކައުންސިލް

މާލޭގެ މަގުތަކުން 1،360 ޕެލެޓް ނަގައިފި

މާލޭ ސިޓީ ކައުންސިލުން މާލޭގެ މަގުތަކުން ނަގާފައިވާ ޕެލެޓްތައް.-- ފޮޓޯ: މާލޭ ސިޓީ ކައުންސިލް

އިފްރާޒް އަލީ، މިހާރު

24 މާޗް 2022 - 10:18

15 comments

ޕާކްކުރަން ދަތިވާ ގޮތަށް މާލޭގެ މަގުތަކުގައި ބަހައްޓާފައި ހުރި 1،360 ޕެލެޓެއް މާލޭ ސިޓީ ކައުންސިލުން ނަގައިފި އެވެ.

ޕެލެޓްތައް ނަގަން ފެށިތާ ހަފުތާއެއް ފަހުން މިއަދު މާލޭ ސިޓީ ކައުންސިލުން ބުނީ މޭޔަރު ޑރ. މުހައްމަދު މުއިއްޒުގެ އަމާޒަކީ ރޯދަ މަސް ފެށުމުގެ ކުރިން އެ މައްސަލަ ހައްލުކުރުން ކަމަށެވެ. އެ މަސައްކަތް ފެށި ދުވަހު ހަ މަގަކުން 85 ޕެލެޓް ނެގި އެވެ.

ސިޓީ ކައުންސިލުން އާންމުކުރި ފޮޓޯތަކުން ފެންނަ ގޮތުގައި މަގުތަކުން އެންމެ ގިނައިން ނަގާފައި ވަނީ ލަކުޑި ޕެލެޓްތަކެވެ. ފުންޏަކަށް ޖަހާފައި ހުރި އެ ޕެލެޓްތަކުގެ ތެރޭގައި ކޮންމެވެސް ވަރަކަށް ޕްލާސްޓިކާއި ދަނގަޑު ޕެލެޓްތައް ވެސް ހުއްޓެވެ.

މާލެ ތެރޭގައި ޤަވާއިދާއި ޚިލާފަށް ބަހައްޓާފައި ހުރި ޕެލެޓްތައް ނެގުމުގެ މަސައްކަތުގެ ތެރެއިން ވޭތުވެ ދިޔަ 2 ހަފްތާގެ ތެރޭގައި 1360 އަށް ވުރެ ގިނަ ޕެލެޓް ނެގިފައިވޭ.މޭޔަރ @MMuizzuގެ އަމާޒަކީ ރަމަޟާން މަސް އައުމުގެ ކުރިން މި މައްސަލަ ހައްލު ކުރުން. pic.twitter.com/pdpniraAlS
— Male' City Council (@MaleCitymv) March 23, 2022

ގަރާޖު، ގުދަން، ވޯކްޝޮޕް އަދި ފިހާރަ ފަދަ ތަންތަނުގެ ކުރިމަތީގައި ޕެލެޓް ބަހައްޓައިގެން ޕާކިން ޒޯންތައް ބްލޮކްވާ ގޮތަށް މަސައްކަތް ކުރަމުންދާ ފަރާތްތަކުން ހުށަހެޅުމުން ޕާކްކުރުން މަނާކަން އަންގައިދޭ "ޑަބަލް ލައިން" އެ ތަނުގައި ކުރަހައިދޭން ސިޓީ ކައުންސިލުން ނިންމިޔަސް، އެ ހުއްދަ އަށް ބަޔަކު އެދުނު ކަމެއް އަދި ނޭނގެ އެވެ.

ގަވާއިދާ ހިލާފަށް މާލޭގެ މަގުތަކުގައި ބަހައްޓާފައި ހުރި ޕެލެޓްތައް ނެގުމުގެ މަސައްކަތް މާލޭ ސިޓީ ކައުންސިލްގެ މުވައްޒަފުން ކުރަނީ.-- ފޮޓޯ: މާލޭ ސިޓީ ކައުންސިލް

ސިޓީ ކައުންސިލް ބުނެފައި ވަނީ މުދާ އަރުވައި ބޭލުމަށް ޕާކިން ޒޯންތަކުގައި ޕެލެޓް ބަހައްޓާފައިވާ ސަރަހައްދުތައް ޗެކް ކުރުމަށް ފަހު، އެ ސްލޮޓް ހަމަޖައްސައިދޭނީ ކުލި ދައްކަން ޖެހޭ ގޮތަށް ކަމަށެވެ. ކައުންސިލުން ހުއްދަ ނުހޯދައި ޕާކިން ޒޯންތަކުގައި ޕެލެޓް ބަހައްޓާ ނަމަ، އެ އެއްޗެހި ނަގާނެ ކަމުގެ އިންޒާރު ވެސް ދިނެވެ.

Male' ge 6 magakun 85 palate nagaifi

The most trusted news source in the Maldives

Mihaaru

ހާއްސަކޮށް އެމްޕީއެލް އާއި ކަސްޓަމްސް ސަރަހައްދުން ބޭރު މަގާއި ހަވީރީ ހިންގުމުގެ އެކި ސަރަހައްދުތަކުގައި އެކި ފަރާތްތަކުން ޕެލެޓްތައް ބަހައްޓާފައި ހުރިއިރު، އެތައް ބަޔަކަށް އޭގެ ސަބަބުން ބޮޑެތި ދަތިތައް ކުރިމަތިވި އެވެ. ބައެއް މީހުންގެ ހަތަރުފުރޮޅުލީ ވެހިކަލްތައް ޕާކްކުރުމަށް އަމިއްލަ އަށް ޕެލެޓްތައް ޕާކިން ޒޯނުތަކުގައި ބާއްވާފައި ހުރީ އެހެން މީހުންނަށް އެ ޕެލެޓްތައް ނުނެގޭ ގޮތަށް ޗޭނުގަނޑަކުން ތަޅު ވެސް އަޅުވައިފަ އެވެ.

މާލެ މާލެ ސިޓީ ކައުންސިލް ޕާކިން ޒޯން ޕާކިން

15 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

55533

26 March 2022

މަ ކުއްޔަށް އުޅޭ ގޭގަ ޕާކިން ޒޯންގަ އޮންނަނީ ގޭގެ ވެރިމީހާގެ ކާރުކޮޅު ޕާކުކޮށްފަ.. ކާރުކޮޅު ނެތިއްޔާ ހުންނަނީ ޕެލެޓު ބަހައްޓާ ބަންދުކޮށްފަ..ކާރު ޕާކުކޮށްފަ ޕެލެޓު ގޭތެރޭގަ ފޮރުވާފަ.. މި ކާރުކޮޅަކާހެދި ސަރަހައްދުގަ އުޅޭ އާދައިގެ މީހުންގެ ސައިކު ޕާކުކުރަން ޖާގަ ނުހުރޭ.. އަމިއްލަ އެދުން ބޮޑުވިޔަސްދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުއްލާ

25 March 2022

ޕާކިނގް ޒޯނުން ޕެލެޓް ނަގަންވީ، އެކަަމަކު، ގެއަށް ނުވަދެވޭހެން ޕަކުކުރާތީ ގޭ ދޮރުމަތީ އަޅާފަ އޮންނަ ޕެލެޓް ނެގީމަ ވަރަށް ދަތިވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Ahmed Mohamed

25 March 2022

ޕާކު ކުރަން ދަތިވާ ވާތި ހަމައެކަނި ޕެލަޓިތަށް ނެގިޔަކަސް ނުވާނެ ދުނބުރިމިސްކިތާ ޖެހިގެން ޝާރިއުވަރުދީގަ ބަނގުލަދޭސް މީހުން ފޮށިބަހައްޓާގެން ކުރާވިޔަފާރިތަށް ފޮށިތަކާހެދި މިހިސާބުގަ ޕާކުކޮއްލާލެ ތަންކޮޅެއް ނުލިބެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަރު

25 March 2022

މަގުތަކަކީ "ވެހިކަލް" ދުއްވާމީހުންނަށް އެކަނި އޮތް ތަނެއްނޫން!! ކަންކަން ކުރަންވާނީ ހަމައާ އިންސާފުން!! މަގުތަކުގެ ފުރަތަމަ ބޭނުމަކީ، އިންސާނާއަށް އޭނާ ދާންވާތާކަށް "ހިގާފަ" ދިއުމުގެ ފުރުޞަތު އޮތުން. ތި ވެހިކަލް ތަކަކާ ހެދި، މަމެން ކަހަލަ މީހަކަށް ގޭން ނުކުމެވެނީކީ ނޫން، މަގުކޮޅުން ހުރަސްކޮށްލެވެނީކީ ނޫން، މިސްކިތަކަށް ވަދެވޭކަށް ނޯވޭ މިހެންގޮސް ކިޔާފަ ނުކިޔާނެ ކަމެއްނެތް. މަގޭގޭ ދޮރުމައްޗާ މަގޭ ގަރާޖަކީ، މީހުން ޕާރކްކުރަން އޮތް ތަނެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަދުބެއްޔާ

24 March 2022

އާން އަހަރުމެން އެދެނީ މުއީޒު މިކަހަލަ ކަންކަމުގައި އުޅުމަށޭ ކޮންމެހެން އަހަރުމެންނަށް ފުލެޓުއަޅައިދޭން ނޫޅުނަސް އެންމެ ރަގަޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިރިފިރި

24 March 2022

''ކައުންސިލުން ހުއްދަ ނުހޯދައި ޕާކިން ޒޯންތަކުގައި ޕެލެޓް ބަހައްޓާ ނަމަ، އެ އެއްޗެހި ނަގާނެ ކަމުގެ އިންޒާރު ވެސް ދިނެވެ.'' މީ ވަރަށް މަޖާ ވާހަކައެއް. އިންޒާރު ދިނުމެއްނޫން އޮތީ. އެބަޔަކާމެދު ފިޔަވަޅު އަޅަންވީ. ޕެލެޓެއް ނަގައިގެން އެމީހުންނަށް އޮތީ ކޮން ގެއްލުމެއް؟ އެކަހަލަ ކިތަންމެ ޕެލެޓެއް ހުންނާނެ އެމީހުން އަތު. ޑަބަލް ލައިނަށް ފައިސާ ނަގާގޮތަށް އޮތުން ސަޅި. ހަމައެގޮތަށް ޕެލެޓަށް ޓަބަލް ފައިސާ ނަގާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަލީ

24 March 2022

އުނގޫފާރަށް ތީގެ 6 ފެޕެޓް ފޮނުދީބަލަ! ރޯދައަށް އައްޓެއް އަޅަން ވެގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަހަހަހަ

24 March 2022

މަ ހީހީ ހަލާކު. މަޖާ ކޮމެންޓެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

9852886

24 March 2022

ދެން ޑަބަލް ލައިން ދެމީމަ އެތާ ޕާކުކުރާމީހުނަށް ސްޓިކާ ޖުރިމަނާ. ..ވެރިކަން ހޯދަން ވެގެން ރައީސް މާއަފް ކޮއްދެއްވާނީ......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުރަމާލެ

24 March 2022

މާލޭގެ މަގުތައް ރެގިއުލޭޓް ކުރެވޭނީ މަގުތަކުގައި ދުއްވާ ވެހިކަލްގެ އަދަދަށް ކޮންޓްރޯއެއް އައިސް، އެކަމަކު އެކަމެއް ކުރެވޭކަށްނެތް ބައެއްގެ ކާންބޯންކުރާ މަސައްކަތައް ހުރަސް އެޅިދާނެތީ. ދުވާލަކަު މަގުމައްޗައް އެތަކެއް އާއެޗެހި އެބަނެރޭ، ދުވަހުން ދުވަހަށް ޕާކިންޒޯލް ފުލްވެ އެއްޗެހި ބަހައްޓާނެ ތަނެއްނެތި ހުސްވަނީ. ސަރުކާރުން އެކަމަކަށް އެކަށޭނަ ސަމާލުކަމެއް ދޭހެނެއް ހީއެއްނުވޭ.