އެމްޓީސީސީން ގެންގުޅޭ އެންމެ ބޮޑު ޑްރެޖަރު "މަހާޖައްރާފު". މިއަށް ވުރެ ބޮޑު ޑްރެޖަރެއް ގައުމަށް އަންނަނީ މަސައްކަތް ކުރަމުން--ފޮޓޯ:އެމްޓީސީސީ
24 މާޗް 2022 - 12:16
34 comments
ރަށްރަށުގައި ހިންގާ ޕްރޮޖެކްޓްތަކުގެ ސްޕީޑު އަވަސް ކުރަން އެމްޓީސީސީން ގެންގުޅޭ "މަހާޖައްރާފު" އަށް ވުރެ ބޮޑު ޑްރެޖާއެއް ގެނައުމުގެ މަސައްކަތް ފަށައިފި އެވެ.
އެމްޓީސީސީގެ މެނޭޖިންޑިރެކްޓާ އާދަމް އާޒިމް ވިދާޅުވީ، ދެ ޑްރެޖަރެއް ގެނައުމުގެ މަސައްކަތް ކުރަމުން އަންނަ ކަމަށެވެ. އެކައްޗަކީ އާންމުކޮށް ރަށްރަށުގައި ހިންގާ ބަނދަރު ހެދުމާއި އެފަދަ ޕްރޮޖެކްޓްތަކަށް ބޭނުން ކުރަން ހާއްސަ ޑްރެޖަރެއް ކަމަށާއި، ދެން ހޯދަނީ ބިން ހިއްކުމުގެ ބޮޑެތި ޕްރޮޖެކްޓްތައް ހިންގުމަށް ބޭނުންވާ ޑްރެޖަރެއް ކްމަށް އޭނާ ވިދާޅުވި އެވެ.
އާޒިމް ވިދާޅުވީ، މަސައްކަތް ކުރަނީ މިހާރު އެމްޓީސީސީން ގެންގުޅޭ "މަހާޖައްރާފު" އަށް ވުރެ ބޮޑު ޑްރެޖަރެއް ގެންނަން ކަމަށެވެ.
އެމްޓީސީސީން މިވަގުތު ގެންގުޅޭ މަހާޖައްރާފަކީ 50 މީޓަރު އަޑިން ވެލި ނެގުމުގެ ގާބިލްކަން ލިބިފައިވާ، 92 މީޓަރަށް ވުރެ ދިގު އަދި 16 މީޓަރު ފުޅާ ބޯޓެކެވެ. ކޮންނަ ބޯޓުން އެއްފަހަރާ 3،700 ކިއުބިކް މީޓަރުގެ ވެލި ބަރުކުރެވެ އެވެ.
"މިއަހަރުގެ ތެރޭގައި މިދެ ޑްރެޖާ ވެސް ގެންނާނަން. އެކަމުގެ މަސައްކަތްތައް ވަރަށް ބާރަށް އެބަ ކުރިއަށްދޭ،" އޭނާ ވިދާޅުވި އެވެ.
ރާއްޖޭގެ ރަށްތަކުގެ އުމްރާނީ ތަރައްގީގެ ޕްރޮޖެކްޓްތައް ހިންގުމުގައި އެންމެ އިސް ދައުރެއް އަދާ ކުރާ އެއް ކުންފުންޏަކީ އެމްޓީސީސީ އެވެ. އެކުންފުނިން މިދިޔަ އަހަރު 27 މަޝްރޫއެއްގެ މަސައްކަތް ނިންމި އިރު 64 މަޝްރޫއެއްގެ އަމަލީ މަސައްކަތް އަންނަނީ ކުރަމުންނެވެ. މީގެ ތެރޭގައި ބަނދަރާއި ޕޯޓު ހެދުން، މަގު ހެދުމާއި އެއާޕޯޓް އެޅުން، ބިން ހިއްކުމާއި ގޮނޑުދޮށް ހިމާޔަތްކުރުން ހިމެނެ އެވެ.
މިދިޔަ އަހަރަކީ އެކުންފުނީގެ ދިގު ތާރީހުގައި ވެސް އެންމެ ބޮޑު ފައިދާއެއް ކުންފުންޏަށް ލިބުނު އަހަރެވެ. ކުންފުންޏަށް 264 މިލިއަން ރުފިޔާ ސާފު ފައިދާގެ ގޮތުގައި ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
26 March 2022
މަހާޖައްރާފަށް ވުރެ ބޮޑު ޑްރެޖަރެއް ހޯދުމަކީ މާބޮޑު އިސްރާފެއް. ކޮންމެސް ވައްކަމެއް ރާވާލަނީކަން ކަށަވަރު.
ޖައްރާފް
25 March 2022
މަހާ ޖައްރާފު ކީމަ ހީވަނީ ވަރަށް ބޮޑު އެއްޗެއްހެން މީ. އެހަމަކު ހަމަ އެންމެ އާދައިގެ ސައިޒު އެއްޗެއް. އެހެނެއްނޫން ތި ވެސް ގަނެފަ އޮވެދާނެ ދުނިޔޭގެ އެންމެ ބޮޑެތި ޑްރެޖަރތައް ވެސް ވިއްކާ އަގަށް.އަދިވެސް ލާރިދައްކާ ހަލާސް ނުކުރެވިގެން އެ އުޅެނީ. ޔާމީން އޮފީހުގައި އުފެއްދި ކޮންމެސް ކައުންސިލަކުން ނިންނައިގެން ގަތް އެއްޗެކޭ ކޮންމެސް ހަބަރެއްގަ ލިޔެފަ އޮތް ހަނދާނެއްވޭ. ދެން ވިސްނާ މިކަން ދާނެ ގޮތް. ވ ވެދުން
އަޙްމަދް
25 March 2022
ސިޔާސީ ޖާހިލުން ދެކަމެއް ފިޔަވާ ދައްނަ އެއްކަމެއްވެސް ނޯއްނާނެ އެއީ ޖެހިވަޅަށް ޖެހުމާއި ގުދޯއި ގުދޯއި ގޮވުމެވެ. މިފަދަ ޖާހިލުންގެ އަތްމައްޗައް ޤައުމެއްގެ ލަގަން ލިބިޖެނަމަ އެޤައުމެއް ފަނާވެ ދިއުން ނޫންކަމެއް ނުވާނެއެވެ. މިކަމުގެ ސާފުހެކި މިއަދު ޔުކުރޭނުން އެދަނީ ފެއްނަމުންނެވެ.
އާފުރޭ
25 March 2022
ތިމާވެށި ފައްކާވީދޯ
އައްޓަމަސް
24 March 2022
އިއްޔެ ބުނީ މީ ބޮޑު ބޮލުގައި ރިހުމެކޭ، ދަރަނި ދަންތުރައެކޭ ! އެކަމަކު އަނެއްކާ އެޔަށްވުރެން ބޮޑުއެއްޗެއް ހޯދަން ތިއުޅެނިއްޔޯ! އިތުރަށް ދަރަނިވެރިވާން
އިސްމާލި
24 March 2022
އަންނަ އަހަރު ވޯޓު އޮންނާނެ. ދެން ގެންނާނެ 20 ޖައްރާފަވެސް.
ބަދަވި
24 March 2022
މިއަހަރު ނިމެންވާއިރަށް ގެންނަކަމަށް ވަންޏާ ހަމަ ޔަގީނުންވެސް ގެނެވޭނީ ބާ ދަނގަނޑު ގަނޑެއްގަ ދަވާދު ލައިގެން
އެޑްމުންޑޯ
24 March 2022
ގަނެވޭނެތަ ؟؟؟ ގަނެވިއްޖިއްޔާ ، ކިތަންމެ ހާވެސް ރަގަޅު ،، މަށަކީވެސް ތިޔަކުންފުނީގެ ހިއްސާ އޮންނަ ، އެކަމަކު ހިއްސާފައިސާ ދުވަހަކުވެސް އަދި ނުލިބޭ މީހެއް ،،،،
ކޭބަލްގެ ތެލެފޯނުން
24 March 2022
އާއެއްޗެއް ބަންނަންޏާ ތިކަން ޙަވާލު ކުރަންވީ އިކޮނޮމިކް މިނިސްޓަރީ އަށެވެ އެތަނުގައި ހުންނަވަނީ މާ ހިންގާލާ ވަޒީރެކޯލައއވެ އެކަމަކު ފިހާރަތަކުގަ ނުތާހިރު ނުގަވައިދު ކަންތައް ފުނިޖެހި ހުނިޖެހިފައެވެ 80 ރަށަށް ދަތުރުކޮށް ނުވާއެއްޗެހި ވާއެއްޗިއްސަށް ހަދަމުން އެގެންދަނީއެވެ
ފަލި
24 March 2022
އާދަނު ޒިންދާބާދު
ކުކުޅުކަހާނީ ގާތަށް ދުރަކަށް ނުކަހާނެ ބަލާބަލަ
24 March 2022
ތި ޖައްރާފަށް ވީގޮތް އެނގޭ ބަޔަކު ތިބޭނެ އެވެ. ތީއްޗެއް ބަންނަން ކުރި ޚަރަދާ ބަނދެގެން ގެނާއިރު ބޮނބި އޮޑިއެއްގެ ސިފާގަ އޮތީމަ އެދެން އެކަން އެކުރި ބަޔަކު އެކުރީކީ ރަނގަޅު ކަމެއް ނޫނެވެ. އޭގެ ސިފަ ހުތުރުވެފާ ކަމީނާކަންވެސް އިންތިހައެެވެ. އެކަމަކު އެކަމަށް ކުރެވުނު ޚަރަދަކީ ނުބައްދަލް މިންވަރުގެ ޚަރަދެކެވެ.