ތިނަދޫން މީހުން ބޭލި މައްސަލާގައި ބަޔާން ދޭނެ މީހުން މަދުކަމުން، މާލޭގައި ބާއްވާ އަޑުއެހުން ފަސްކޮށްފި
އިންތިގާލީ އިންސާފުގެ އޮފީހުން ބޭއްވި ނޫސްވެރިންގެ ބައްދަލުވުމުގައި އެ އޮފީހުގެ މެމްމަބަރުން.
24 މާޗް 2022 - 18:31
31 comments
ކުރީގެ ރައީސް އިބްރާހިމް ނާސިރުގެ ވެރިކަމުގައި 1962 ވަނަ އަހަރު، ގދ. ތިނަދޫން މީހުން ބޭލި މައްސަލައާ ގުޅިގެން މާލޭގައި ބާއްވަން ތާވަލުކުރި އަޑުއެހުންތައް ފަސްކޮށްފި އެވެ. އިންތިގާލީ އިންސާފުގެ އޮފީހުން ބަލަމުން އަންނަ އެ މައްސަލައިގެ އަޑުއެހުންތައް ފެށީ މިދިޔަ ހޮނިހިރު ދުވަހު ތިނަދޫގައި ހުންނަ ގައުމީ ޔުނިވާސިޓީގެ ކެމްޕަހުގަ އެވެ. އެކި ދުވަސްތަކަށް ބަހާލައިގެން ކުރިއަށް ގެންދިޔަ އެ އަޑުއެހުންތަކުގައި ތިނަދޫގެ ދުވަސްވީ ބައެއް މީހުން ވަނީ އޭރުގެ ރައީސްް އިބްރާހިމް ނާސިރު، ސަރުކާރުގެ ވަފުދާ އެކު ގދ. ތިނަދު އަށް ވަޑައިގެން އެ ރަށު މީހުންނާ މެދު އަމަލުކުރި ލާއިންސާނީ އަނިޔާތައް ވަރަށް ތަފްސީލާ އެކު ކިޔައިދީފަ އެވެ.
އާންމުކޮށް ހުޅުވާލައިގެން ފުރަތަމަ ފަހަރަށް އެ އޮފީހުން ކުރިއަށް ގެންދާ އެ އަޑުއެހުންތަކާ ގުޅިގެން އިންތިގާލީ އޮފީހުގެ ޗީފް އޮމްބަޑްސްޕާސަން އަބްދުއްސަލާމް ސޮއިކުރައްވައި މިއަދު ނެރުނު އިއުލާނެއްގައި ވަނީ މިމަހުގެ 27 ގައި މާލޭގައި ބާއްވަން ނިންމި އަޑުއެހުންތަކުގައި އެކަށީގެންވާ މިންވަރަށް ބަޔާންދޭނެ ބަޔަކު ނެތުމުން އަޑުއެހުންތައް ފަސްކޮށްފައިވާ ކަމަށެވެ.
"މާލޭގައި ބާއްވާ ޕަބްލިކް ހިއަރިން ބާއްވާނެ ތާރީހުތަކާއި ގަޑިތައް ފަހުގެ ތާރީހެއްގައި އިއުލާންކުރާނެ ވާހަކަ ވެސް ދަންނަވަމެވެ." އިންތިގާލީ އިންސާފުގެ އޮފީހުން ކުރި އިއުލާނުގައި ބުންޏެވެ.
އިންތިގާލީ އޮފީހުން ބަލާނީ ހާދިސާ ހިނގި ގޮތް ހޯދައި ސުލްހަކުރެވޭތޯ އެވެ. އެ އޮފީހުން ބަލައި މައްސަލަތަކުގައި އެއްވެސް ބަޔަކަށް ބަދަލު ދޭން އަދި ނިންމާފައި ނުވާ ކަމަށް އެ އޮފީހުން ބުނެފައިވެ އެވެ.
އެކަމަކު އެ މައްސަލައިގައި ތިނަދޫގައި ބޭއްވި އަޑުއެހުންތަކުގައި އެކި ގޮތްގޮތުން އަނިޔާ ލިބުނު މީހުން ވަނީ އެމީހުން ކުރި ހިތި ތަޖުރިބާގެ ބަދަލު ބޭނުންވާ ކަމަށް ބުނެފަ އެވެ.
ތިނަދޫން މީހުން ބޭލުވި ހާދިސާއާ ގުޅިގެން ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ވެސް މައްސަލަ ބެލި އެވެ.
މީގެ ދެ އަހަރު ކުރިން ފާސްކޮށް، އަމަލުކުރަމުން އަންނަ އިންތިގާލީ އިންސާފުގެ ގާނޫނުގައި އޮތް ގޮތުން އެ ގާނޫނުގެ ދަށުން އިންސާފު ހޯދޭނީ ޖެނުއަރީ 1، 1953 އިން ނޮވެމްބަރު 17، 2018 އާ ހަމަ އަށް ހިންގާފައިވާ ކަންކަމަށެވެ. އެ މުއްދަތުގައި ދައުލަތުންނާއި މުއައްސަސާތަކުން ހިންގާފައިވާ އިންސާނީ ހައްގުތަކާއި އަސާސީ މިނިވަންކަމާ ހިލާފު އަމަލުތައް ބަލައި ތަހުގީގުކޮށް ހަގީގަތް ހާމަކޮށް، އިންސާފު ހޯދައިދިނުން ގާނޫނުން އެ އޮފީހަށް ލާޒިމްކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1111111111
26 March 2022
ތިތަނަކުން ލިބޭނީ ކޮން އިންސާފެއް؟ ވީކަމެއް ނުވާކަމަކަށް ހެދޭތަ؟ އަނިޔާވެރިންނަށް ހައްގު އަދަބު ލިބޭނެ ދުވަހަށް އަހަރެމެން އީމާންވަން.
ކަހީނު
25 March 2022
މިސަރުކާރަކީ ދައުލަތުގެ މިލްކިއްޔާތު ބަދަލުގެ ގޮތުގައި ދޭ ސަރުކާރުއް.އެއުޅެނީ ބަދަލު ދޭން.ތިނަދޫ ރައްޔިތުންނަށް.ބުނީމަ ވީ ބަދަލުގެ ގޮތުގައި މިތަކެއް މިލިޔަން ރުފިޔާ ދީފީމޭ.ދިނީ ކޮންބަޔަކަށް ކަމެއް ކިހާވަރެއްކަމެއް ނޭގޭނެތާ؟ކޮވިޑާއި ގުޅިގެންވެސް އިންކަމް ސަޕޯޓްގެ ގޮތުގައިވެސް މިލިޔަނުން މިލިޔަނުން ފައިސާދީފީމޭ ބުނިތާ..ރިސްކް އެލަވްންސްވެސް ދީފީމީ ބުނިތާ މިލިޔަނުން މިލިޔަނުން.ގައުމު ދަވާލަން ރަނގަޅު އުކުޅެއް.ގައްދޫ މީހުންގެ ހައްގު ކޮބާ؟
ޙިނި
25 March 2022
ޥެރިކަން ބަދަލުވާއިރު އާންމު މީހުން އަތުން ދިވެހި ސަރުކާރުގެ ސިއްކަޖަހައި ފޭރުނު ގޯތިތަކާ މުދަލައް ތިގޮތައް 3-6 ގެ ވިންޑޮޢެއް ގެތެރޭ މައްސަލަ އުށައެޅޭތަ. މިދައްކަނީ 2-3 ޖީލު މަރުވެ ނިމިދިއުމުގެފަން، ކިހިނެއް ހެކިހޯދާނީ، ސަރުކާރުގެ އަރުޝީފުގަ، ރަށުއޮފީސް ނުނީ މާލޭ މުނިސިފަލްޓީ އަދި ކޯޓުތަކުގެ ކިޔެކިއުން ތަކުގަ މިކަހަލަ ކޭސްތަކުގެ ހެކިތައް ފޮރުވިފަ ހުރީ. ސަރުކާނުން އަރުށީފުން ބޭނުން މީހަކަ މިހެކި ހޯދުމުގެ ފުރުސަތު ތަނަވސް ކޮއްދޭންޖެހޭ.
ގިރާވަރު ޑަޔަސްޕޯރާ.
25 March 2022
ގިރާވަރު މީހުން ތަހައްމަލްކުރަންޖެހުނު އިހްސާސްތައްވެސް ބަލާދިނުން އެދެން. ގިރާވަރުން، ހުޅުލެއަށް. ހުޅުލެއިން މާލެއަށް. މިއަދު ގިރާވަރު ހެރިޓޭޖާ، ގިރާވަރު ކަލްޗަރ، ގިރާވަރުގެ ތާރީހް ވަނީ ގެއްލިފަ. ގިރާވަރު އެއީ ހަމައެކަނި ޓޫރިސްޓް ރިސޯޓެއްގެ ގޮތުގައި އޮތުމަކީ ވަރަށް ބޮޑު ބޭއިންސާފެއް. ރާއްޖޭގައި ހިނގާފަހުރި މިފަދަ ކަންކަން ހިނގީ ޖުމްހޫރީ ވެރިކަންތަކުގަ.
ދޮން މަނިކު
25 March 2022
އިންތިގާލީ އިންސާފު ޕްރޮގްރާމަކީ ސަރުކާރައް އެޅުނު ޅައެއްޗެއް ކަމުގައި ދެކެން. މިކަމުގެ ސަބަބުން ހިނދިފައިވާ އެތައްމައްސަލައެއް ކެކި އަރައި، ދައުލަތުގެ ދާއިރާތަކުން ބޭކާރު މަސައްކަތް ތަކެއްގެ ތެރެއައް ވަދެވިއްޖެ.
އަބުލްބަރކާ
25 March 2022
ތިނަދޫ މީހުންނަށް ލިބުނުއަނިޔާގެ ވާހަކަ ދައްކައިގެން ތިކަންނިއްމާނުލެވޭނެ.ދައްކަންޔާ ހުވަދޫ ބަގާވާތުންފަށާ. ގައްދޫ ތިނަދޫއަކީ މުޅި ދިވެހިދައުލަތުގެމާލިއްޔާ ވުރެ މުއްސަދި އިގުތިސާދީ ގޮތުން ފުދުންތެރި ރައްޔިތެއް އުޅެމުން އައިތަނެއް، މިހާރު ޔުކްރެއިން އަށް ނޭޓޯއިން ނޫނީ ހުޅަނގު ގައުމުތަކުގެ ޕޮރޮޕެގެންޑާގައި ބަޔަކު ޖެހި، ދާޚިލީ ހަނގުރާމަ ވަކިސަރުކާރެއްގެ ސިއްކަޖެހި، ހިތިނިމުމެއް އައީ.ގައްދޫ ރައްޔިތުންގެ ހަމްދަރުދީ އަަބަދުވެސް ތިނަދޫ މީހުންނަށްއޮވޭ،
ރިޝްވަތު ޒަކީ / ވެލިދޫ
25 March 2022
ކުރީގެ ލިޔެކިޔުންތައް ބަދަލްކޮށްގެން މިހާރުވެސް ކޯޓުން ހުކުމް ހަދައިގެން، ކޯޓްހުކުމް ތަންފީޒްކުރުން ކައުންސިލަށް މަޖްބޫރުވާނޭ ކިޔައިގެންނާ އޮޅުވާލައިގެން ކަތީބުން (މިހާރު ޑިރެކްޓަރުުން) ލައްކަ އަަނިޔާ ރައްްޔިތުންނަށް ދޭތަށް އެބަފެނެ. ކައުންސިލަރުން ތިބެނީ ދޯމަޅީގަ ޕާޓީވެފަ"ކުރީގެ ކަންތައް އެގޭނީ ކަތީބަށޭ ބުނެލާފަ" އަދުވެސް ރަށްތަކުގަ ހާވާއެއްޗެއް ހާވަނީ މުސްކުޅިކަތީބުން ބޭނުންގޮތަކަށް. މީހުންގެ ގެދޮރު ގަސްބުން އަނެކުންނަށްދީ ތަޅާސުންނާފަތިކުރަން.
ނާސިރުގެ
25 March 2022
ތިނަދޫ މައްސަލަ ހިނގި އިރު ނާސިރަކީ ރައީސެއް ނޫން. ބޮޑު ވަޒީރު
މުހައްމަދު ސުވައިދު
25 March 2022
ރަނގަޅު ވާހަކައެއް. ނާސިރަކީ، އޭރު ބޮޑުވަޒީރު. އެކަމަކު އޭރުގެ މަޖިލީހުން އެ މައްސަލަ ނިންމުމުގެ ބާރު ދީފައިވަނީ އޭނަޔަށް. އޭނައަކީ، އޭރު ސަރުކާރު ހިންގުމުގެ އެންމެ އިސްވެެރިޔާ. އަދި ވަރަށްނުފޫޒު ގަދަ މީހެއް.. އެހެންވީމާ އޭނާ ކަންތައްކުރީ ވަރަށް ލާ އިންސާނީކޮށް.. އަދަބު ދިނީ ކުށްވެރީންނަށް އެކަންޏެއްނުން.
ދުއްލިސާ
25 March 2022
ބަގާވާތްކުރުމަކީ ހާދަ ބޮޑުވެގެންވާ ނުބައި ގައުމަށް ނުރައްކާތެރި ކަމެކޭ....އަފީފި ވިޔަސް އަހައްމަދު ވިޔަސް ލުތުފީ ވިޔަސް ބަގާވާތް މަށަށް ކަމަކުނުދޭ
ޑަބަލް ސްޓޭންޑަރޑް
25 March 2022
ބަޣާވާތޭ ކިޔާއިރު މިގައުމުގެ މިހާރުގެ ވެރީންނަކީ 3 ނޮވެމްބަރު 1988 ގެ ބަޣާވާތާއި ގުޅޭ ބާޣީން. އިހަށް ދުވަހު ލުތުފީވެސް ދޫކޮށްލީ. ލުތުފީއާ ދޭތެރޭ ކަންތައް ކޮށްފައިވަނީ ތިނަދޫ މީހުންނާއި ދޭތެރޭ ކަންތައް ކުރިގޮތަކަށް ނޫން. ލުތުފީގެ ސަބަބުން އެދުވަހު ބަޔަކު ޝަހީދުވި. އެކަމަކު ތިނަދޫ މީހުންނާ ހެދި އެކަކަށްވެސް އަނިޔާ ނުވޭ. ބަޣާވާތް ކުރުމުގައި އެންމެ ބޮޑު ދައުރެއް އަދާ ކުރީ އައްޑޫއިން. އެކަމަކު އައްޑޫ ރައްޔިތުންނަށް ޝަރީއަތެއް ނުހިންގޭ.
މުޙައްމަދު ސުވައިދު
25 March 2022
އައްޑޫ ހުވަދޫ މީހުން ކުރީ ބަޣާވާތެއްނުން. އެމީހުން އުޅުނީ ދިވެހި ދައުލަތުން ވަކިވެ އާ ވެރިކަމެއް ޤާއިމުކުރަން. އެކަމަކު އެއީ ރަނގަޅު ކަމެއް ނުން. އެކަމަށް ވެސް އަދަބު ލިބެންޖެހޭ.. އެހެނަސް އެކަމުގައި ބައިވެރިނުވާ މުސްކުޅިންނާއި އަންހެނުންނާ، ކުޑަކުދިންނަށް އަދަބު ދިނީމާ ނާސިރަކީ އަނިޔާވެރިއެކޭ މިކިޔަނީ.. ބަޑި ބުރާސްފަތި، އޮގަސްޓް 12،13، މީގެ އިތުރުން ފެބުރުއަރީ 7، 8. ފެބުރުއަރީ 1، މޭޑޭ.
ޙަސަން އަޙްމަދު
24 March 2022
ތިނަދޫ ރައްޔިތުންނަށް އެބުނާ އަނިޔާއެއް ދިންކަމަށް ބުނާ ބޭފުޅާއަކީ އޭގެ ފަހުން ހުރި ވެރިޔާގެ އަނިޔާގެ ޝިކާރައަކަށްވެ ސިންގަޕޫރަށް އަރުވައިލެވިފައި ހުންނެވި މިނިވަންކަމުގެ ބަތޮލުކަމަގައި ސިފަކޮށް އޭނާ ބެރުދުންމާރިތާޅަފިލީގައި ވަޅުލައި އިއްޒަތް ދިނުމަށް ފަހު މިހާރު ދެން މިމީހުން ކުރަން މިއުޅެނީ ކީއްބާ؟ މަރުވެ ދިޔަބައެއްގެ ހިސާބު ބައްލަވައި އިންސާފު ހޯދަދޭ ބަޔަކީ ވެސް ތިމާމެންކަމަށް ހީވީބާ؟
މުހައްމަދު ސުވައިދު
25 March 2022
އެކަން މިހާރު ބެލުމުގެ މާނައެއް ނެތް. އެކަމަކު ނާސިރަކީ އަނިޔާވެރިއެއް.. ނާސިރު އިސްވެހުންނަވައި މިނިވަންކަން ހޯއްދަވައި ދެއްވުމަކީ، ރަނގަޅުކަމެއް.. އެކަމަކު މިނިވަންކަން ލިބުނު އިރު ރާއްޖޭގައި ރަސްކަލެއް ވެސް ހުންނެވި..