މިފްކޯގެ ސީއީއޯ އިސްމާއިލް ފައުޒީ: މަސް ދަޅު އިފައްދަން ބޭނުންކުރާ ތެލުގެ އަގު 100 ޕަސެންޓް ބޮޑުވި ކަމަށް ވިދާޅުވި-- ފައިލް ފޮޓޯ: ނިޝާން އަލީ/މިހާރު
26 މާޗް 2022 - 21:06
25 comments
ދުނިޔޭގެ ބާޒާރުގައި ތެލުގެ އަގަށް އައި ބަދަލާ އެކު މަސް ދަޅު އުފައްދަން މިފްކޯއިން ކުރާ ހަރަދު 40 ޕަސެންޓް އިތުރުވެއްޖެ ކަމަށް އެ ކުންފުނީގެ ސީއީއޯ އިސްމާއިލް ފައުޒީ މިއަދު ވިދާޅުވެއްޖެ އެވެ.
ފަސްމީރުގެ އާ މަސްދަޅުތައް ތައާރަފު ކުރުމަށް ހުޅުމާލެ ދެވަނަ ފިޔަވަހީގައި ބޭއްވި ރަސްމިއްޔާތުގައި އިސްމާއިލް ވިދާޅުވީ ދުނިޔޭގެ ބާޒާރުގައި ތެލުގެ އަގު އުފުލުމުން އެ ކުންފުންޏަށް ވެސް ގޮންޖެހުންތަކާ ކުރިމަތިވެފައިވާ ކަމަށެވެ. މަސް ދަޅު އުފެއްދުމަށް ބޭނުން ކުރާ ތެލުގެ އަގު ވެސް، ކުރިއާ އަޅާ ބަލާއިރު 100 ޕަސެންޓް އުފުލިފައިވާ ކަމަށް އޭނާ ވިދާޅުވި އެވެ.
"ދުނިޔޭގެ ބާޒާރުގައި ތެލުގެ އަގު ހުރި ގޮތުން ގޮންޖެހުން އެބަހުރި. ދަޅަށް އަޅުގަނޑުމެން މިއަޅާ ތެލުގެ އަގު މިހާރު ވަނީ 100 ޕަސެންޓް ބޮޑުވެފައި. އޭގެ ސަބަބުން ޕްރޮޑަކްޝަން ކޮސްޓް 40 ޕަސެންޓަށް މިވަނީ އިތުރުވެފައި،" އިސްމާއިލް ވިދާޅުވި އެވެ.
މަސްދަޅު އުފެއްދުމުގެ ހަރަދު ބޮޑުވި ނަމަވެސް މިފްކޯގެ ރޯދަ ޕްރޮމޯޝަން ނިމެންދެން އަގު ބޮޑު ނުކުރާނެ ކަމަށް އިސްމާއިލް ވިދާޅުވި އެވެ. މިފްކޯ ރޯދަ ޕްރޮމޯޝަން ނިމޭނީ މެއި މަހުގެ 31 ގަ އެވެ.
ދުނިޔޭގެ ބާޒާރުގައި ތެލުގެ އަގު އުފުލިފައި ވަނީ ރަޝިއާއިން ޔޫކްރޭނަށް ދެމުން އަންނަ ހަމަލާތަކާ ގުޅިގެންނެވެ. އޭގެ ސަބަބުން ޕެޓްރޯލާއި ޑީސަލްގެ އިތުރުން ކައްކަން ބޭނުން ކުރާ ތަފާތު ބާވަތްތަކުގެ ތެލުގެ އަގު ވެސް ވަނީ އުފުލިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބުނާ
28 March 2022
ހިންގަން ނޭގުނީމާ ތިކަހަލަ ވާހަކަ ދައްކާނެ، މަސްނުބޭނުނީމަ ކަނޑު ގޯސްވާހެން. ބޭކާރު މީހުންތަކެއް މަތީމަޤާމުތަކަށް ލައިގެން އުޅެންޏާ ވާނީ ގެއްލުން،
ޙައްބޭ
27 March 2022
މަހަކީ އެންމެން ޚާއްސަކޮށް ނިކަމެތިން ބޭނުން ކުރާ އެއްޗަކަށްވީމަ 100 ރުފިޔާއަށް މަސްދަޅެއްގެ އަގު ޖައްސާލިޔަސް ވިކޭނެ. ކޮންމެހެން ތެލެކޭ އެއްޗެކޭ ކޮޔާނެ ކަމެއް ނެތް. ނިކަމެތިން ފެލާލެވޭނެ ގޮތެއް އޮވެއްޖިއްޔާ އަދިވެސް އެކަމެއް ކޮށްލާ. ކަލޭމެންގެ އިނޮވޭޓިވް އައިޑިއާ އެއްނެތީމާ ކުންފުންޏަށް ދެން ލިބޭ ގެއްލުން ފޫބައްދަން އިންނާނެ ގޮތަކީ ޒަރޫރީ ބޭނުމަށް އެންމެން ބޭނުންކުރާ އެއްޗެއްގެ އަގު މަތިކޮށްލުން. ތިއީ އޭގެ ކަމެއް.
އެންމެ ރަނގަޅުވަގުތު
27 March 2022
ތިތަން ހިންގަން ބޭނުންވާ ކަރަންޓުގެ ބޮޑުބައެއް އިރުގެ ހަކަތައައް ބަދަލުކޮއްލަން މިއައްވުރެ މުނާސަބުވަގުތެއް ނުލިބޭނެ. ކުރާ ހަރަދު މަދު އަހަރުކޮޅަކުން ދެކޮޅުޖެހި ފައިދާވާންފަށާނެ.
އުސްމާނުބެ
27 March 2022
މިފްކޯގެ އުމުރުގައި ވީދުވަހެއްގެ ގެއްލުން ޗަލުވާލަން ރަގަޅު ފުރުސަތެއް.....
ރަޔާން
27 March 2022
މަސްދަޅެއް 100ރ އަށް ޖައްސާލަން ދައްކާ ބަހަނާއެއް. މި މީހުނަށް ނިކަމެތި ރައްޔިތުން ފެންނަނީ " ފައިސާ ގޯންޏެއް " ގެ ސިފައިގަ ހެންހީވަނީ.
ސަސ
27 March 2022
އަވަހަށް އަގު ބޮޑު ކުރޭ، ކުންފުނި ނުހިންގުނަސް ވެރިން ވާނެ 50000 ހާސް ރުފިޔާގެ މުސާރަ ނަގަންވާނެ
ދަޅޭ
27 March 2022
ތިހާ ޚަރަދު ބޮޑު ކަމެއް ކުރާނެ ކަމެއް ނެތް. ހުއްޓާލާ އަވަހަށް.
މުހައްމަދު...
27 March 2022
ރަޝިޔާ ޔޫކްރެއިނަށް އެރީމާ މިފްކޯއަށް ބަލަދު އަރާފަ ހުރި ކޮންސަލްޓެންޓުގެ ބެނެފިޓްސް އާއި މުސާރަ ބޮޑުވީބާ އަނެއްކާ؟
ގެދޮރު ނެތް މާލޭމީހާ
27 March 2022
ތީ ކުރީގަ އަހަރަކު އެއް ފަހަރު އަންދާލާ ތަނެއް. ގަބޫލު ކުރެވެނީ ރެކޯޑުތައް ނައްތާލަން ކުރާ ކަމެއްގެ ގޮތުގައި. މިހާރު ދެން އެހެން ގޮތަކަށް ކަންތައްތައް ފޮރުވާނެ
ބޮޑުމީހާ
27 March 2022
މިރާއްޖޭގައި އުފައްދާ މަސްދަޅުތައް މިގައުމަށްވުރެ އެހެން ގައުމުތަކުންވެސް ބައެއްފަހަރު މާއަގުހެޔޮ