ދެ މީހަކަށް އެކުގައި އެއް ޓުވީޓެއް ކުރެވޭނެ "ކޯ އޯދާ" ފީޗާއެއް ތައާރަފުކުރުމަށް ޓުވިޓާ އިން ޓެސްޓްތައް ހަދަން ފަށައިފި އެވެ.
ޓެކްނޮލޮޖީގެ ޚަބަރުތައް ގެނެސްދޭ ޓެކް ކްރަންޗް އިން ރިޕޯޓްކުރި ގޮތުގައި، މިދިޔަ އަހަރުގެ ޑިސެމްބަރު މަހުން ފަށައިގެން ޓުވިޓާ އިން އަންނަނީ އެ ފީޗާ ޓެސްޓްކުރަމުންނެވެ.
ހަމަ އެ ކަހަލަ ފީޗާއެއް އިންސްޓަގްރާމުން ވެސް މިދިޔަ އަހަރު ތައާރަފުކޮށްފައިވެ އެވެ.
ރިޕޯޓްތައް ބުނާ ގޮތުގައި، ދެ މީހަކަށް އެކުގައި އެއް ޓުވީޓް ކުރެވޭނީ ދެމީހުން އެކައުންޓް ވެސް ނަމަ އެވެ. އަދި ދެ މީހުން އެކަކު، އަނެކަކަށް ފޮލޯކުރަން ވެސް ޖެހެ އެވެ. އަދި އެކުގައި ޓުވީޓެއް ކުރުމަށް ފުރަތަމަ ޖެހޭނީ، ދެވަނަ މީހާ އަށް ދައުވަތު ދޭށެވެ. ޓުވީޓް ކުރެވޭނީ އޭނާ އެ ދައުވަތު ގަބޫލުކުރުމުންނެވެ.
އެ ޓުވީޓް ކުރުމުން ދެ މީހުންގެ ޕްރޮފައިލް ފޮޓޯ އާއި އައިޑީއާ އެކު ފެންނާނެ އެވެ.
އެ ފީޗާ އާންމުކޮށް ދޫކޮށްލާނެ ތާރީހެއް އަދި އިއުލާންނުކުރެ އެވެ.