ލަންކާގެ ބޮޑުވަޒީރު މަހިންދާ އާއި ރައީސް ގޯޓާބޭ: ސަރުކާރަށް ޕާލަމެންޓުގެ އަޣިުލަބިއްޔަތު ވަނީ ގެއްލިފައި. --ފޮޓޯ:އޭއެފްޕީ
05 އެޕްރީލް 2022 - 15:02
9 comments
ކޮލަމްބޯ (އެޕްރީލް 5) - ކޯލިޝަނުގައި ހިމެނޭ ބައެއް ޕާޓީތައް ވަކިވުމާ ގުޅިގެން ސްރީ ލަންކާގެ ރައީސް ގޯޓާބޭ ރާޖަޕަކްސާ އަށް ޕާލަމެންޓުގެ އަޣުލަބިއްޔަތު ގެއްލިއްޖެ އެވެ.
ސަރުކާރު ހިންގާ ކޯލިޝަނުގެ މަައި ޕާޓީގެ ގޮތުގައި ސްރީ ލަންކާ ޕޮޑުޖަނާ ޕެރަމުނާ (އެސްއެލްޕީޕީ) އޮވެ، އެއްދުވަސްވަރެއްގައި ވަރަށް ބާރުގައި ހުންނެވި ގޯޓާބޭގެ ސިޔާސީ ބާރުވެރިކަން ގެއްލިގެން ދިޔައީ ތަކެތީގެ އަގުބޮޑުވެ ރައްޔިތުން މުޒާހަރާ އަށް ނުކުތުމުން، ސިޔާސީ ޕާޓީތަކުން ވެރިކަންކުރާ ކޯލިޝަނާ ފެޔަށް ޖެހުމުންނެވެ.
ކޯލިޝަނުގެ ބައެއް ޕާޓީތައް ސަރުކާރު ދޫކޮށްލި ފަހުން މިއަދު ބޭއްވި ޕާލަމެންޓުގެ ފުރަތަމަ ބައްދަލުވުމުގައި ބައެއް ޕާޓީތަކުން ވަނީ ރަސްމީކޮށް އެކަން އިއުލާންކޮށްފަ އެވެ. އޭގެ ތެރޭގައި ވެރިކަންކުރާ އެސްއެލްޕީޕީގެ 16 މެންބަރުން ވެސް ވަނީ ކޯލިޝަނުން ވަކިވެ، ވަކިފަރާތަކަށް ނުޖެހޭ މެންބަރުންގެ ގޮތުގައި މަސައްކަތްކުރާނެކަން އިއުލާންކޮށްފަ އެވެ.
ކޯލިޝަނުން ޕާޓީތައް ވަކިވުމާ ގުޅިގެން 225 މެންބަރުން ހިމެނޭ ޕާލަމެންޓުގެ އަޣުލަބިއްޔަތަށް ވުރެ ފަސް ގޮނޑި ސަރުކާރަށް މަދުވެ އެވެ. ނަމަވެސް ރައީސްއާ ދެކޮޅަށް އިތުބާރު ނެތްކަމުގެ ވޯޓެއް ނަގަން މެންބަރުން މަސައްކަތް ކުރާކަން ސާފެއް ނުވެ އެވެ.
ގޯޓާބޭ އާއި އޭނާގެ ބޭބެ މަހިންދާ ރާޖަޕަކްސާ ބޮޑުވަޒީރުކަން ކުރައްވާ ސަރުކާރުގައި ބައިވެރިވުމަށް އިދިކޮޅު ޕާޓީތަކުން ވަނީ ދެކޮޅު ހަދައިފަ އެވެ. މުޒާހަރާ އަށް އާއްމުން ނުކުތުން ކޮންޓްރޯލް ކުރުމަށް ސަރުކާރުން އިއުލާންކުރި ކުއްލި ނުރައްކަލުގެ ހާލަތަށް ޕާލަމެންޓުގެ ރުހުން ނުލިބިއްޖެ ނަމަ، އަންނަ ބުރާސްފަތި ދުވަހު، ކުއްލި ނުރައްކަލުގެ މުއްދަތު ހަމަވާނެ އެވެ.
ރައީސް އާއި ބޮޑުވަޒީރު ފިޔަވައި ލަންކާގެ ކެބިނެޓް އާދިއްތަ ދުވަހުގެ ރޭ އިސްތިއުފާ ދިނުމުން ކެބިނެޓަށް އިއްޔެ ހަމަޖެއްސި ހަތަރު މިނިސްޓަރުންގެ ތެރޭން ފައިނޭންސް މިނިސްޓަރު މިއަދު ވަނީ އިސްތިއުފާ ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައިމަން
05 April 2022
ސިލޯނާއި ޕާކިސްތާނުގެ ސިޔާސީ މަސްރަހުން އެނގޭ އެއްކަމަކީ ހުޅަނގާ އިދިކީލި ވިސްނުން ގެންގުޅޭ ގައުމުތަކަށް އެމެރިކާގެ އިގުތިސާދީ ނުފޫޒުން ސަލާމަތް ނުވެވޭކަން. ޗައިނާ އާއި ރަޝިޔާ އަށް ގޮސް ހުސްވުމަކީ ގޯހެއް.. ހަމަހަމަ ހާރިޖީ ސިޔާސަތެއް ނުގެންގުޅޭނަމަ ގައުމު އިނދަ ޖެހޭތަން މިފެންނަނީ..
786 ވިޖޭ
07 April 2022
ކައިމަން މިއީ އިންޑިއާ އިން ސީދާ ފަންޑް ކޮއްގެން ލަންކާ ގައި ހިންގާކަމެއް އިންޑިއާ ގެ ދާޚިލީ ވަޒީރު އަމިތް ޝާހް ވަނީ 2023 ކުރިން ލަންކާގައި ބީޖޭޕީ މިހާރު އިންޑިއާ ގެ ވެރިކަން ކުރާ ޕާރޓީ ގެ ސަރުކާރެއް އުފައްދާނެ ކަމައް ބުނެފައި .މިއަދުވެސް މި ރިކޯރޑް ފެންނަން ހުންނާނެ އިންޑިއާ އިން އަވަށްޓެރި ގައުމުތަކައް ވެރިވެ ގަތުމައް މިހާރުބޭނުންކުރަމުންދާ ޕޮލިސީ މިއީ..
މަޑުމައިތިރި ސާލިމް
05 April 2022
އެއް އާއިލާއަކުން ހުރިހާ މަގާމެއްގަ ތިބީމަ ވާގޮތް. މަޖިލިސް ރައީސާއި ނައިބު ރައީސް އެއް އާއިލާއެއް. އައިޖީއެމްއެޗު ހިންގުން ރޯޔަލް ފެމިލީގެ ސްޓޭޓް މިނިސްޓަރަކާ ހަވާލުކޮށްފަ. އައިޖީއެމްއެޗު ސީއީއޯ ކުޑަ ބަންދޭއަކީ ތިމާގެ މީހެއް. އެޗްޑީސީ އެމްޑީ ސުހޭލަކީ ތިމާގެ މީހެއް. އެމްއެމްޕީއާރުސީ އެމްޑީއަކީ ތިމާގެ މީހެއް. މައިގަނޑު ދެތިން އާއިލާއަކުން ރާއްޖެ ހިންގަނީ https://endhimariyambu.wordpress.com/2012/02/05/maldivian-government-its-a-family-affair
އާދަނު2
06 April 2022
މަޖްލިސް މެމްބަރުންނަކީ ރައްޔިތުންގެ ވޯޓުން ހޮވޭބައެއްދޯ!. އެއްއާއިލާއެއްވިޔަސް ވޯޓުން އެކަން ނިންމާފައެއޮތީ!
ޙަބީބު
05 April 2022
ހަމަމިގޮތައް ހިޔާފު ލެޓު ކު ލިކުޑަނުކުރެވޭނަމަ އިބޫއައް ދެވަނަފޭސްގެ ވޯޓު ހަރާންވާނެ އަދި އެމްޑީޕީޔައްެސް ހީނުކުރާތި އަންނި މިކަމުން ސަ ލާމަތްވާނޭ ނުވާނެ
އަލީ!
06 April 2022
ހިޔާފުލެޓު ހިލޭ ދިނަސް ކަލޭމެންގެ ހިތެއްނުފުރޭނެ.
ޑޮކްޓާރ. ބަނާނާ
05 April 2022
ތިޔާ ގައުމުގެ ހުރިހާ ރައްޔިތުން އަސާސީ ހިދުމަތުން މަހުރޫމް ކޮއްލާ އެމީހުން ބަނޑަށް ޖައްސާރައްޔިތުން ރިފިއުޖީން ނަށް ވާއިރުއަދިސް ތިޔާ އުޅޭނީ އިސްތިއުފާ ނުދީ އަޢުލަބިއްޔަތު ހޯދައިގެން ވަރިކަމުގައި ބަގުޑިބެއްދޭތޯ؟ ވަޓްސް ރޯންގް ވިތް ޔޫ މރ. ގޯޓިބޭ ؟
ކޮރަލް
05 April 2022
20 މިލިަނައް ވުރެ ގިނަމީހުންއުޅޭ ލަންކާގެ މަޖްލީހުގަ 225 ގަނޑީ އެވެ. 5 ލައްކަ ހަމަ ނުވާ ރާއްޖޭގަ 87 ގޮނޑި އެވެ. މިއީ މާ ގިނަ އަދަދެކެވެ. ކޮންމެ 5 އަހަރަކުން އާބާދީ ބޮޑު ވާ ވަރަކަށް ގޮނޑި ދަނީ އިތުރު ވަމުންނެވެ.
ސގޖދ
05 April 2022
ދެންވެސް އިސްތިއުފާ ދޭން އުޅެބަލަ. މުޅި ލަންކާ ފުޑާލައިފިއަެ