މިދިޔަ ހަފުތާގެ ބުރާސްފަތި ދުވަހުން ފެށިގެން ހަލަބުން 34،000 މީހުން ނުކުމެފައިވާ ކަމަށް އދ. އިން ބުނޭ. --ފޮޓޯ:އޭއެފްޕީ
23 ޑިސެމްބަރ 2016 - 01:00
1 comments
ދިމިޝްގު (ޑިސެމްބަރު 23) - އިދިކޮޅު ހަނގުރާމަވެރިންގެ ބާރުގެ ދަށުގައި އޮތް ސީރިއާގެ ހަލަބު ސިޓީގެ ފުރިހަމަ ކޮންޓްރޯލް ހޯދާފައިވާ ކަމަށް ސީރިއާ ސިފައިން މިރޭ އިއުލާން ކޮށްފި އެވެ.
ހަލަބު ސިޓީގެ ކޮންޓްރޯލް ސަރުކާރުން މި ހޯދީ އެ ސިޓީގެ އިރުމަތީގައި ކުރަމުންދިޔަ ހަނގުރާމަ ނިމުމަކަށް ގެނެސް އާއްމުންނާއި ހަނގުރާމަވެރިން ނުކުތުމަށް ފުރުސަތު ދިނުމަށް ފަހު އެވެ. އދ. ގެ އޮފިޝަލަކު ބުނެފައި ވަނީ މިދިޔަ ބުރާސްފަތި ދުވަހުން ފެށިގެން ހަލަބުން 34،000 މީހުން ނުކުމެފައިވާ ކަމަށެވެ.
ހަލަބު ސިޓީ މިނިވަން ކުރުމަކީ ސީރިއާގެ ރައީސް ބައްޝާރުލް އަސަދުގެ ސަރުކާރަށް ލިބޭނެ ބޮޑު ކާމިޔާބެކެވެ. ސީރިއާގެ ހަނގުރާމަ 2011 ވަނަ އަހަރު ފެށުމުގެ ކުރިން ހަލަބަކީ އެ ގައުމުގެ ސިނާއަތުގައި އެންމެ މުހިންމު ރަށެވެ.
ހަލަބު މިނިވަންވިކަން ސީރިއާގެ ގައުމީ ޓީވީން އިއުލާން ކުރަމުން ސިފައިން ބުނީ މި ކާމިޔާބީއަކީ އެއް ގޮތަކުން ބަލާއިރު ސީރިއާގެ ފަސް އަހަރުވީ ހަނގުރާމައިގައި ޓެރަރިޒަމާ ދެކޮޅަށް ލިބުނު ނަސްރެއް ކަމަށާއި އަނެއް ގޮތަކުން ބަލާ ނަމަ ޓެރަރިސްޓުން ބަލިކޮށްލުން ކަމަށެވެ. ސަރުކާރާ އިދިކޮޅު ހަނގުރާމަވެރިންނަށް ސީރިއާ ސަރުކާރުން މުހާތަބު ކުރަނީ ޓެރަރިސްޓުންގެ ގޮތުގަ އެވެ.
އިދިކޮޅު ހަނގުރާމަވެރި ޖަމާއަތެއް ކަމަށްވާ އަހުރާރު އަލް ޝާމުގެ މެންބަރެއް ކަމަށްވާ އަހުމަދު ގުއްރާ އަލީ ބުނީ ހަލަބުގެ އިރުމަތީގައިވާ އިދިކޮޅު ހަނގުރާމަވެރިންގެ އެންމެ ފަހު ގްރޫޕް ވެސް މިހާރު ނުކުމެފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ
23 December 2016
ސީރިޔާ ހަނގުރާމަ ނިމުމުގެ ކޮޅުމަތި ފެންނަން ފަށައިފި. ކުރިންވެސް ވެރިކަމުގަ ހުރީ ބައްޝާރުލް އަސަދު، އޭގެ ކުރިންހުރީ ހާފިޒުލް އަސަދު. ސުންނީންނާ ޝިއައީންވެސް ސީރިޔާގަ ހަމަޖެހިގެން އުޅުނު. ދެންވެސް އުޅެވޭނެ. މައްސަލައަކީ މެދުއިރުމައްޗައް ޑިމޮކްރަސީ ގެންނަން އެމެރިކާ އުޅުން. އެމެރިކާ ރުހޭ ބައެއް ވެރިކަމުގެ ތިބޭނަމަ ޑިމޮކްރެސީ މުހިންމެއްނުވާނެ.