އިންޑިއާގެ އަސްކަރީ ޖެޓެއް. އަސްކަރީ ބޯޓުތައް ބަހައްޓާނެ ތަންތަން ގާއިމު ކުރުމުގެ މަސައްކަތް ކުރަމުން އަންނަ ކަމަށް ޑިފެންސް މިނިސްޓަރު މިއަދު ވިދާޅުވި. -
23 ޑިސެމްބަރ 2016 - 14:47
38 comments
ރާއްޖޭގައި ވައިގެ އަސްކަރީ ހިދުމަތް ފެށުމަށް ބޭނުންވާ އަސްކަރީ މަތިންދާބޯޓުތައް ނުގެނެވި ލަސްވަނީ ބަހައްޓާނެ ތަން ނުހެދޭތީ ކަމަށް ޑިފެންސް މިނިސްޓަރު އާދަމް ޝަރީފް ރޭ ވިދާޅުވެއްޖެ އެވެ.
ރާއްޖޭގެ ވައިގެ އަސްކަރީ ހިދުމަތް ވަރުގަދަ ކުރަން އަވައްޓެރި އިންޑިއާ އާއި ޕާކިސްތާނުން ހަނގުރާމަމަތީ މަތިންދާބޯޓުތަކެއް ރާއްޖެ އަށް ދިނުމަށް ވަނީ ނިންމައިފަ އެވެ. މިއީ އެމްއެންޑީއެފްގެ ހިދުމަތް ފުޅާކުރަން އަސްކަރީ މަތިންދާބޯޓުތަކެއް ރާއްޖެ ގެންނަ ފުރަތަމަ ފަހަރެވެ.
"މިހާރު" އަށް ދެއްވި އިންޓަވިއުއެއްގައި މިނިސްޓަރު ވިދާޅުވި ގޮތުގައި ދެ ގައުމުން ހަދިޔާ ކުރާ މަތިންދާބޯޓުތައް ރާއްޖެ ގެނައުމަށް ކުރަން ޖެހޭ ބައެއް ކަންކަން ވަނީ ނިމިފަ އެވެ.
"އެކަމަކު މަތިންދާބޯޓުތައް ބަހައްޓާނެ ހެނގަރެއް ނުލިބިގެން މި އުޅެނީ، ހެނގަރު ގާއިމު ކުރުމުގެ މަސައްކަތް ވަރަށް ހަލުވިމިނެއްގައި މި ދަނީ ކުރަމުން،" އާދަމް ވިދާޅުވި އެވެ.
މިނިސްޓަރު ވިދާޅުވި ގޮތުގައި އިންޑިއާ އިން ހިލޭ ހަދިޔާ ކުރަން ނިންމި މަތިންދާބޯޓު ރާއްޖެ ގެނައުމަށް އެ ގައުމުން ވެސް ދަނީ އެދެމުންނެވެ. އިންޑިއާ އިން ދޭން ނިންމީ ތިން ފައިޓާ ޖެޓާއި މަތިންދާބޯޓެކެވެ. އެކަމަކު ފައިޓާ ޖެޓްތައް ރާއްޖެ ގެނައުމަށް ގިނަ ދުވަސްތަކެއް ނަގާނެ ކަމަށް އޭނާ ވިދާޅުވި އެވެ.
ޕާކިސްތާނުން ދޭން ނިންމާފައި ވަނީ ވައިގެ އަސްކަރިއްޔާގައި ބޭނުންކުރާ ދެ މަތިންދާބޯޓެވެ. ނަމަވެސް ކްރެޑިޓް ފެސިލިޓީއެއްގެ ދަށުން ޕާކިސްތާނުން ދޭން ނިންމާފައިވާ ދެ މަތިންދާބޯޓާ ގުޅޭ އެއްބަސްވުމުގައި ދިވެހި ސަރުކާރާއި ޕާކިސްތާނު ސަރުކާރާ ދެމެދު އަދި ސޮއެއް ނުކުރެ އެވެ.
މީގެ އިތުރުން އިންޑިއާ ސަރުކާރުން ވަނީ ވައިގެ ސިފައިން ތަމްރީނު ކުރުމުގައި އެހީތެރިވުމަށް ނިންމައިފަ އެވެ.
ވައިގެ އަސްކަރީ ހިދުމަތް ފެށުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ލ. ކައްދޫގައި ގާއިމްކުރި ސިފައިންގެ އަސްކަރީ ވައިގެ މަރުކަޒު ހުޅުވައި، އަސްކަރިއްޔާގައި ބޭނުންކުރާ ހުރިހާ ވައިގެ އުޅަނދެއް އެ ތަނުގައި ބެހެއްޓުމަށް ވަނީ ނިންމައިފަ އެވެ.
ޑިފެންސް މިނިސްޓްރީން ބުނީ ވައިގެ އަސްކަރީ ހިދުމަތަށް ހާއްސަކޮށްގެން ގެންނަ އުޅަނދުތައް ބޭނުން ކުރާނީ ރާއްޖޭގެ އިގްތިސާދީ ސަރަހައްދު ބެލެހެއްޓުމަށް ކަމަށެވެ. އަދި މި އުޅަނދުތަކުގެ ސަބަބުން ރާއްޖޭގެ ރައްކާތެރިކަން އިތުރަށް ކަށަވަރުވެގެން ދާނެ ކަމަށް ވެސް މިނިސްޓްރީން ބުންޏެވެ.
އިންޑިއާ އިން މީގެ ކުރިން ވަނީ އެމްއެންޑީއެފަށް ދެ ހެލިކޮޕްޓަރު ހަދިޔާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން އާމިރު
25 December 2016
އަނެއްކާ މިއުޅެނީ ދިވެހިންގެ ބޮލަށް ބޮންއަޅަންތަ...
ނަސީމް
25 December 2016
ފައިޓަރ ޖެޓަކީ ސީދާ އެހެން ޤަވްމަކާ ހަނގުރާމަ ކުރަންބޭނުން ކުރާނެ އުޅަނދެއް. ސަވެެއިލަންސް އަށް ފައިޓަރ ޖެޓް ބޭނުމެއް ނުކުރެވޭނެ ދިވެހި ރާއްޖެ އަކުން އެއްވެސް ޤަވްމަކާ ހަނގުރާމަ ކުރާކަށް ދުވަހަކުވެސް ނުޖެހޭނެ! ޑިފެންސް މިނިސްޓަރ ހެއްދެވި ތިންކްޓޭނކް އާއި މަޝްޥަރާކުރައްވައިގެން އަންމޭންޑް 4 އޭރިައަލް ވެހިކަލް ރާްއްޖޭގެ 4 ސަރަހައްދު ކޯސްޓގާޑްގެ 4 ވެސަލް އާއި ކޯޑިނޭޓްވާ ގޮތައް ހަމަޖައްސަވާ.! ޚަރަދް ކުޑަވެފަ އެހެން މީހުންގެ ތައްޕާހަށް ނުވެެއްޓި މާރަގަޅަށް ސަރލެއިލެންސް ކުރެވޭނެ
ނޫމަރާ
25 December 2016
ނަސީިމް ތީ ރަގަޅު ވާހަކައެއް ނުން ޚޮންމެވެސް ނާޖާއިޒް ފައިދާގަނޑެއް ނުހިންގޭނެ ތިހެން ހަދައިފިއްޔާ
ދޫނި
24 December 2016
މުސްތަގުބަލުގައި 1 އެއަރޕޯޓްގައި އަސްކަރީ މަތިންދާ ބޯޓު ނުބެހެއްޓުމަށް ގޮވާލަން.
ޢަލީ
24 December 2016
ޢަލީ ތިބުނީ ރަނގަޅު ވާހަކައެއް މުޅިރާއްޖެ މިއޮތީ ބަގާވާތުގެ ސަބަބުން މިހާބޮޑައް ދެކޮޅުވެރިކަން އުފެދިފަ އޭރު މަވެސް ހީކުރިން ރައްޔިތުންގެ ދިރިއުޅުމުގެ ހާލަތު ރަނގަޅު ވާނެކަމައް ނަމަވެސް ފޭދޫފިނޮޅުވެސް މަސްކިލޯއެއްގެ އަގައް ދީފައެވަނީ ވީމާ ރާއްޖެ ދެން އަތުލެވޭނީ ހުރިހާރައްޔިތުން ވަރައް ހިތްވަރާއެކު ނިކުމެ ވޯޓުލާންވީ ނަފްސުވިއްކާނުލާންވީ
ޢަލީ
24 December 2016
ރައްޔިތުންގެ ޕެންސަން ފަންޑު ދަވާނުލައިފިއްޔާ ރަނގަޅު
ޢަލީ
24 December 2016
ރާއްޖޭގެ އަސްކަރިއްޔާ ވަރުގަދަ ވުމަކީ އެދޭގޮތެއް ނަމަވެސް ބަގާވާތްކުރި މީހުންއެތާ މަތިފަޑީގަ ތިބޭހާދުވަހަކު ރައްޔިތުން ދެކޭނީ ތީހަމަ ޖަޒުބާތުގަ ޖެހިބަޔަކު ބޮލައްބޮންވެސް އަޅާފާނެ ބައެއްކަމައް އެއްވެސް އިތުބާރެއް ނުކުރެވޭނެ ވީމާ މިކަމުން ސިފައިންގެ ސާފުތާހިރު ކުރުމައް 500 ރުފިޔާއައް ވޯޓުވިއްކާ ނުލަންވީ ތިމާގެ އަމިއްލަ ސިކުނޑިން ވިސްނަންވީ 5 އަހަރު ދުވަހު ވެރިމީހާ ބުނާއަދަދައް ކަރަންޓު ބިލައްފައިސާ ދައްކާނީތޯ ކާޑު އަގުބޮޑަސް އަނގަމަތީ މަލަންތަތްކޮއްގެން ހުންނާނީތޯ ޑޮލަރުހޯދަން ސަލާންޖަހާނީތޯ ފުލެޓައްވަންނަން 2 މިލިޔަން ބޭނުންވޭތޯ
1234
24 December 2016
މާލޭގަ މިއުޅެނީ ޕާކުކުރާނެ ތަންކޮޅެއް ނެތިގެން އުޅޭއިރު މިވެރިން މިއުޅެނީ ޖެޓް ނުގެނެވިގެން
ޙައްމާދު
24 December 2016
ބޭކާރު ކަމެއް ހަމަ މިތަނުގަ އުޅޭ ރައްޔިތުން އަނގަޔާ އަތާ ދިމާ ނުވާއިރު މިފާޑު އެއްޗެހިގެނެސް މިއުޅެނީ ވަކި ބައެއްގެ ބޮލަށް ބޮން އަޅާނަމޭ ހިތާކަން ޔަގީން!!
ޢުމަރު
24 December 2016
ޢެމްއެންޑީއެފްގައި ދުރުވިސްނޭ ބޭފުަޅުން ކޮބާ؟ މިނޫން ކަމެއް ކުރަން ނޭނގެނީތޯ؟ ބޭކާރު ޚަރަދު. ޅަދުން ބޯހަލާކު.
އަލީ
24 December 2016
ދުރުވިސްނޭމީހުންގެ ބަސްވިކޭތަނެއްނޫން!
ޝިޔާމް
24 December 2016
ތިކަމަށް ކުރާނެ ޙަރަދު ހޯދާނީ ކޮންތަނަކުންްބާ؟ މަސައްކަތު ސިވިލްސާރވަންޓުން ނެތް. ތަނުގެ ސާފުތާހިރުކަންގެެއްލިފައި. ރިޓަޔާ ކުރަންތިބި މީހުން ރިޓަޔަރމަންޓް ފައިސާ ހަމަނުޖެހޭތީ ރިޓަޔަރ ނުކުރެވިފައި. ފައިސާނެތިގެން ޕްރިމޯޝަން ނުދެވިފައި. ރިޓަޔަރމަންޓް ޤަވައިދު ބަދަލުގެނެސް ގަދަކަމުން ރިޓަޔަރމަންޓް އުމުރު ހަމަނުވަނީސް ރިޓަޔަރ ކުރުވަނީ ރިޓަޔަރމަންޓް ފައިސާ ދޭންނުޖެހޭގޮތަށް. މަސައްކަތްތަށް ކުރަން ޓޫލްސް ނެތިގެން އަމިއްލަ ތަކެތީގައި ކުދިން މަސައްކަތް ކުރަނީ. ޢަދިވެސް ފައިޓަރު ޖެޓް ގެނެވޭތޯ. ވަރަށް ސަލާމް!