އެމެރިކާގެ އެކްޓްރެސް ޖެނިފާ އެނިސްޓަން.
20 އެޕްރީލް 2022 - 07:45
3 comments
އެމެރިކާގެ މަޝްހޫރު ހިޓް ކޮމެޑީ ޝޯ "ފްރެންޑްސް" އިން ގިނަ ބައެއްގެ ލޯބި ހޯދި އެކްޓްރެސް، ޖެނިފާ އެނިސްޓަން އަކީ ނިދުމުގައި އުނދަގޫތަކެއް ތަހައްމަލުކުރަމުން ދާ މީހެއް ކަމަށާއި ރަނގަޅަށް ނުނިދޭތާ މިހާރު އެތައް އަހަރެއް ވެފައިވާ ކަމަށް އޭނާ ބުނެފި އެވެ.
އުމުރުން 53 އަހަރުގެ ޖެނިފާ ސީއެންއެން އަށް ދިން އިންޓަވިއުއެއްގައި ބުނީ، އޭނާ އަށް ނިދަން އުނދަގޫވާތާ މިހާރު 20 އަހަރަށް ވުރެ ގިނަ ދުވަސް ވެއްޖެ ކަމަށެވެ.
"އެންމެ ފުރަތަމަ ނިދުމަށް އުނދަގޫވާން ފެށިއިރު، އުމުރުން 30 އަހަރު ވެސް ނުވާނެ. އެކަމަކު ނިދަން އުނދަގޫވާ ކަމުގެ އަސަރުތައް ޒުވާން އުމުރުގައި އެހާ ފަސޭހައިން ނޭނގޭނެ،" އޭނާ ކިޔައިދިނެވެ.
ޖެނިފާ ބުނީ ނިދަން އުނދަގޫވުމުގެ ސަބަބުން "ސްލީޕް އެންޒައިޓީ" އުފެދުނު ކަމަށެވެ. އެކަމާ މެދު ވިސްނަން ފަށާއިރަށް ވަރަށް ކަންބޮޑުވާ ކަމަށާއި އެކަމާ ހުރެ ވެސް މީހާ އަށް ނުނިދޭ ކަމަށެވެ.
އޭނާގެ "ސްލީޕް އެންޒައިޓީ" މިހާރު އިތުރަށް ގޯސްވެ، އިންސޮމްނިއާ އަށް ބަދަލުވެފައިވާ ކަމަށް ވެސް ބުންޏެވެ.
އޭނާގެ ހާލަތު އިތުރަށް ގޯސްވާތީ، ވަރަށް ފަހުން އިންސޮމްނިއާ އަށް އެހީއެއް ހޯދުމަށް އެ ކަމާބެހޭ މާހިރަކާ ވެސް ވާހަކަދެއްކި ކަމަށް ބުންޏެވެ. އަދި އެއަށް ފަހު އެކި ކަހަލަ އުކުޅުތައް ދަސްކޮށްފައިވާ ކަމަށެވެ. އަދި ޖެނިފާ ބުނީ، ނިދުމުގެ ކުރިން އޭނާ ޔޯގާ ހަދައި، ސްޓްރެޗްކޮށް އުޅުމުން ނިދުމަށް ކޮންމެ ވެސް ވަރަކަށް ފަސޭހަވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮލޮޮޮ
21 April 2022
އަހަރެންވެސް ދަރިޔަކު ލިބުން ފަހުން ހަމަ ނިދި ނުނިދޭތާ އެތައް ދުވަހެއް ވެއްޖެ.
ސްލީޕިންމޭން
20 April 2022
ދެން އަހަރުން މިއުޅެނީ ރަގަޅަށް ނިދައިގެންތަ! ދަރިންނައްޓަކައި، ޑިއުޓީ ބަހައިގެން ނިދަން ޖެހޭ ކިތައް އާއިލާ އެބައުޅޭ؟ އަހަރުންނަށް ވަރިހަމަ އެ މީހުން ނުނިދިޔަސް. އުޅެނީ އުޅޭނެހާގޮތަކަށް.
ޑޮކްޓަރ ނިދި
20 April 2022
މީހަކާ އިނދެގެން ހަރުލާތޯ ބަލާ އޭރުން ތިލަމަށް ހައްލު ލިބުނީ. ދުވާލު ބުރަކޮށް އުޅެ ނިދަން އެނދަށް އަރާ ތަނުން ލޯންލިނެސް ފީލް ވާތީ ތިހެން ތި ވަނި