11 މެއި 2022 - 12:30
10 comments
އިކޮނޮމިކް މިނިސްޓަރު ފައްޔާޒް އިސްމާއިލްގެ އިތުބާރު ނެތް ކަމުގެ މައްސަލަ ހުށަހެޅުއްވި މެމްބަރުން ނުކުމެ އޭނާ އަށް ތާއީދުކުރާ މައްސަލައިގައި، މެދު ހެންވޭރު ދާއިރާގެ މެމްބަރު އަލީ އާޒިމް ފާޑު ވިދާޅުވެއްޖެ އެވެ.
އެމްޑީޕީގެ ޗެއާޕާސަން އިންތިހާބަށް ދެ ދުވަހަށް ވެފައި ވަނިކޮށް، އާޒިމް މިއަދު ކުރެއްވި ޓުވީޓެއްގައި ވިދާޅުވީ އެ އިންތިހާބުގައި ވާދަ ކުރައްވާ ފައްޔާޒް ވަކި ކުރުމަށް އެމްޑީޕީގެ 33 މެމްބަރުން ސޮއި ކުރައްވައި މަޖިލީހަށް މައްސަލައެއް ހުށަހެޅުމަށް އޭނާ އާ ހަވާލު ކުރެއްވި ކަމަށެވެ. އެ މައްސަލައިގެ ލިޔުން ވެސް އޭނާ މިއަދު އާންމުކުރެއްވި އެވެ.
ފައްޔާޒަށް އެމްޑީޕީ ހިންގާލެވޭނެ ކަމަށް ބުނަމުން އަންނަނީ ވެސް އޭނާގެ އިތުބާރު ނެތް ކަމުގެ މައްސަލާގައި ސޮއި ކުރެއްވި މެމްބަރުން ކަމަށާއި އެއީ އެމްޑީޕީގެ އާންމު މެމްބަރުންނަށް ވެވޭ ބޮޑު އޮޅުވާލުމެއް ކަމަށް އާޒިމް ވިދާޅުވި އެވެ.
"ހިންގާލަން" އަކީ ޗެއާޕާސަން އިންތިހާބުގައި ފައްޔާޒް ބޭނުން ކުރާ ކެމްޕެއިން ސްލޯގަން އެވެ.
MDP ޕ ގްރޫޕުގެ 33 މެންބަރުން ސޮއިކޮށް މިނިސްޓަރ ފައްޔާޒުގެ އިތުބާރުނެތްކަމަށް ބުނެ، މަޖްލީހަށް ހުށަހެޅުމަށް ވަނީ އަޅުގަނޑާ ހަވާލުކޮށްފައި. މިއަދު ހަމަ އެމެންބަރުން ފައްޔާޒައް ޕާޓީ ހިންގާލެވޭނޭކަމަށް ބުނާ ބުނުމަކީ MDP ގެ އާއްމު މެންބަރުންނަށް ވަރަށްބޮޑު އޮޅުވާލުމެއް. pic.twitter.com/Cdt04jP2JH
— 𝐀𝐥𝐢 𝐀𝐳𝐢𝐦 (@aliaazim) May 11, 2022
އޭނާގެ އިތުބާރު ނެތް މައްސަލައެއް މަޖިލީހަށް ހުށަހަޅަން މަސައްކަތް ކުރީ މިދިޔަ އަހަރުގެ ތެރޭ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފައްޔާޒަށް ވަރަށް ބޮޑަށް ފާޑު ވިދާޅުވެ، ތުހުމަތުތަކެއް ކުރައްވާފައި ވަނިކޮށެވެ.
ނަމަވެސް މިނިސްޓަރެއްގެ އިތުބާރު ނެތް މައްސަލައެއް މަޖިލީހަށް ހުށަހެޅޭ ވަރަށް ސޮއި ހަމައެއް ނުކުރެވުނެވެ.
ޗެއާޕާސަން އިންތިހާބުގައި ފައްޔާޒާ ވަދާ ކުރައްވަނީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) އެވެ.
އިންތިގެ ކެމްޕެއިން ޓީމުގެ ފަރާތުން އަންނަނީ ފައްޔާޒަށް ނުފޫޒާއި ކޮރަޕްޝަންގެ ތުހުމަތުތައް ކުރަމުންނެވެ.
އެމްޑީޕީގެ ރައީސް ނަޝީދު ވެސް ތާއީދު ކުރައްވަނީ އިންތި އަށެވެ. ނަމަވެސް އަދި ފާޅުގައި އިންތި އެންޑޯޒެއް ނުކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސްޓާ ސީޑް
12 May 2022
ޕަކްސާއައް ހަދާލި ގޮތް މިބައިގަޑައް ނުފެންނަނީ ބާ ، ރައޔިތުން ދަވާލަން ބޮޑައް ރަގަޅީ ކާކުތޯ ބަލަން މިތެޅެނީ .. ބަލަ ދުނިޔެ އޮންނަނީ ވަށް ކޮށޭ ،، ހޭ އަރާ ބަލަ،، ވަގުތު ފާއިތު ވުމުގެ ކުރިން،،،
ދުނިޔެ
11 May 2022
މިޒަމާނުގެ މަޖިލީހު މެންބަރުންނަކީ ހުސް ލަނޑާ.. ފެހިކާނީ އެއްގަލަކުން. ފައްޔާޒުވިޔަސް، އިންތިވިޔަސް އަދި ޚުދު ޢާޒިމްވިޔަސް ރަނގަޅުފިތަށް ފިތޭނީ ދޭމަތިންނެއްވެސްނޫން އަތަށްދިނީމަ. ފަހުން ކޮންމެއެއްޗެކޭ ބުނިނަމަވެސް ގޯނިގޯންޏަށް ލާރިއަޅައިގެން ބެހިވާހަކަ ފާޅުގައިއޮތީ ތަޅުމުގަގޮވާފަ. އެއީ މިނަންލިބުނު މިންގަނޑެއް. ފައްޔާޒު ދުރުކުރަން މިހާރުތިއުޅެނީވެސް ކޮންމެވެސްކަމަކާއިގުޅިގެން އަތަށްލިބޭތީ. ތީގެތެރޭގަ ލަފާ އެކަކު ހުރިނަމަވެސް ޙަމްދުހުރި.
ކުޗީ
11 May 2022
މެމްބަރުންނަކީ ހަޔާތް ކެނޑިފެ ތިބޭ ބަޔެއް .. ލާރި ދިންވަރެށް އޮންނާނީ. ޕޕ ، މޑޕ ކިޔާނެ ކަމެއް ނެތް.
މުލޭ
11 May 2022
ތިޔަ 33 މެންބަރުންގެ ތެރެއިން ގިނަ މެންބަރުންނަކީ އާޒިމުމެން ދޮގު މަޢުލޫމާތުދީ އޮޅުވާލަައިގެން ސޮއިކުރުވި މެންބަރުނެއް ނޫންތަ! ކޮބާހޭ ކަޅު ދަބަހުގައި ގެންދިޔަ ލިކުއިޑް ކޭޝް.
އުދުހޭ
11 May 2022
އާޒިމު އަންނިއަށް ވިކުމަކީ ވަރަށްބޮޑު އިހުމާލެއް. އެކަހަލަ 6 ވަރަކަށް މެންބަރުން އެބައުޅޭ.
މުލޭ
11 May 2022
އެކީގައިތިބެ ކުރެވުނު ކަމެއްގެ ސަބަބުން ދުރުވެވެން ނެތީކަމަށްވުން ވަރަށް ގާތް. މިދޭތެރެއަކުން ސަރުކާރުފަޅިއާ ގާތްވާން އުޅުނުތަން ފެނުނު. ސަރުކާރު ފަޅިއާ ދުރަށް ދިއުމަށް މަޖުބޫރުވެގެން އުޅެނީ ބްލެކްމެއިލަށް ހުށަހެޅިފައިވުމުންކަމަށް އެކަށީގެންވޭ. އަންނި ފަޅިން ގެންގުޅޭ އުކުޅެއް އެއީ.
އާދަނާ
11 May 2022
ހަމަ އެގޮތަށް ތިބޭފުޅުން މައުމޫނަށް އެތިވަރުގޮވާ އެތައްކެއް ޖެއްސުން ކުރީމުނޫންތޯ؟ އެހެނަސް މައުމޫނާއެކު ނުކުމެ، މައުމޫނުވެސް ކޮނޑަށް ލައިގެންނޫންތޯ އިންތިހާބު ކާމިޔާބު ކުރީ!
ރަދީފު ބިން ރަފައިދާ
11 May 2022
އެވަރަށް ހަމަލާނުދީ. މީހަކު މަރުވެދާނެ.
އެކްސްޕީ
11 May 2022
މިހާރު ދެން އެކްސްޕަޔާރ ވެގެން ގޮސް އުކާލަންވެފަ ހުރީ މި ޕްރޮޑަކްޓް
ވަފީން
11 May 2022
ނަޝީދު ނުރުހޭ މީހުން ބޭރުކުރާ އުސޫލުން ފައްޔާޒްއާއި މެދު ކަންކުރީ.. އެމްޑީޕީގައި ނުހުރެވޭނެ އެއްމެ މީހަކު ނުގަބޫލު މީހެއްނަމަ..ޑިމޮކްރަސީއޭ ގިވާނެ ކަމެއްނެތް..ތިޔަ ޕާޓީއަކީ ނަޝީދުގެ ތަރިކަމުދާހެން އޮތް ޕާޓީއެއް..އެހެން މީހަކުކުރި ކަމެއްވެސްނެތް ނަޝީދުގެ ބަހުން..