ހުޅުމާލެ ދެވަނަ ފިޔަވަހިން ބަހެއް ދަތުރު ކުރަނީ. ފޭސް ޓޫގައި ބޭނުން ކުރަން 15 ބަސް ވަނީ އެމްޓީސީސީން މާލެ ގެނެސްފައި--ފޮޓޯ:މިހާރު
12 މެއި 2022 - 11:02
10 comments
ހުޅުމާލޭގެ ދެވަނަ ފިޔަވައްސަށް ހާއްސަ ކޮށްގެން، ޑަބަލް ޑެކްގެ 15 ބަސް އެމްޓީސީސީން ގެނެސްފި އެވެ.
އެ ކުންފުނީގެ މެނޭޖިން ޑިރެކްޓަރު އާދަމް އާޒިމް މިއަދު ވިދާޅުވީ، އެ ބަސްތަކުގެ ދަތުރުތައް އަންނަ މަހު ފަށަން ތައްޔާރުވަމުން އަންނަ ކަމަށެވެ. ހުޅުމާލޭގެ އާންމު ދަތުރުފަތުރަށް އިތުރު 15 ބަސް ބޭނުންކުރުމުގެ ނަތީޖާއަކީ ދަތުރުފަތުރުގެ ހިދުމަތް ލަސްވުމުގެ މައްސަލަ އަށް ވަރަށް ބޮޑު ހައްލެއް ލިބުން ކަމަށް އޭނާ ވިދާޅުވި އެވެ.
"އާ ބަސްތަކާ އެކު ބަސް ދަތުރުކުރާ ފްރިކުއެންސީ އަވަސް ވާނެ. ބަސް ޑިލޭ ވެގެން ގިނަ އިރު މަޑުކުރަން ޖެހޭ މައްސަލައަށް ހައްލެއް ލިބޭނެ،" އެމްޑީ ވިދާޅުވި އެވެ.
އާޒިމް ވިދާޅުވިގޮތުގައި، ވިލިމާލޭގެ ސްކޫލާއި މާލޭގެ ގިނަ ސްކޫލުތަކެއްގައި ކިޔަވާ ކުދިން ހުޅުމާލޭގެ ދެވަނަ ފިޔަވަހީގައި ދިރިއުޅޭއިރު، އާ ބަސްތަކާއެކު ދަތުރުކުރުމަށް އިތުރު ފަސޭހަތައް ލިބޭނެ އެވެ.
އަލަށް ގެނައި ޑަބަލް ޑެކްގެ 15 ބަހުގައި ގާތްގަނޑަކަށް 80 މީހުން އެއްފަހަރާ އުފުލޭނެ އެވެ. މާލެ އާއި ހުޅުމާލެއާ ދެމެދު އެޅި ބްރިޖްގައި ދުއްވަން އެންމެ ފުރަތަމަ ޑަބަލް ޑެކް ބަސް ގެނައީ 2018 ގަ އެވެ. އެ ފަހަރު 22 ޑަބަލް ޑެކް ބަސް ގެނަ އެވެ.
ހުޅުމާލޭގެ ދެވަނަ ފިޔަވަހީގެ ހިޔާ ފްލެޓް ސަރަހައްދުން މާލެ އަށް ސީދާ ބަސްދަތުރުތައް ފެށީ މިދިޔަ މާޗް މަހު އެވެ. ދެވަނަ ފިޔަވައްސަށް ކޮންމެ 10-15 މިނެޓާ ދެމެދު ދަތުރު ކުރެ އެވެ. ދެވަނަ ފިޔަވަހީގައި 20،000 އަށް ވުރެ ގިނަ މީހުން ދިރިއުޅޭ އިރު، އެންމެ ބޮޑު އެއް މައްސަލައަކީ ދަތުރުފަތުރު ކުރުމުގެ ދަތިތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިބަހަށް ތިހެން ނުހަދާށޭ.....
12 May 2022
މިހާރަކަށް އައިސް ނޫސް ތަކުގެ ޝުރުޚީގައި ހުޅުމާލޭގެ ފޭސް ދޭއްގެ ޚަބަރެއް ލިޔަންޏާ ފެންނަނީ (ދެއަކަށް) މިގޮތަށް ނުަބައިކޮށް ލިޔެފައި އޮއްވައެވެ. އޭގެ ރަނގަޅު ގޮތަކީ (ދޭކަށް) މިއެވެ.
ކާއްޓޭ
12 May 2022
ތިޔަ ތަނުގައި އުޅެނީ ހުސް ފަގީރުން ކަމަށް ކިޔަނީ، ފުލެޓް ލުބުމުން ތަން ހަދާއިވަނީ ޔޯރަޕުގެ މިޑުލްކުލާސް ފެންވަރަށް، ޤާނޫނަކަށް ޤަވާޢިދަކައް ބޯލެބުމެއް ނެތް، ކުނިވެސް ޖެހުނުތަކަށް އަޅަނީ މުޑުދާރު ކަމުގެ ހައްދެއްނެތް ތިޔަތަނުގައި ޅަދަރިން ގެންޣުޅެން ހެޔޮނުވާ ލިފްތެރޭގައި ކުޑަ ކުދިން ތިއްބަސް ބޭއަދަބީ ބަހުން ވާހަކަ ދައްކަނީ
ހަސަންދީ
12 May 2022
2018ގައި ގެނައީ ސިންގަލްޑެކް ބަހާއި ޑަބަލްޑެކް ބަސް އެކު ޖުމްލަ 22 ބަސް
ހިޔާފުރޭތަ
12 May 2022
ކޮންމެ އެޕާރޓްމެންޓަކަށް ބަހެއް ނުގެންނަނަމަ ކުލިދެއްކުން ހުއްޓާލަންޖެހިދާނެ. ކިހިނެއް 15 ބަހުން މިކަން ވާނީ. މަމެން ނިކަމެތި ވީމަ ހަދާނެ އެއްޗެއް މި ހަދަނީ.
އުމަރުބެ
12 May 2022
ކޮބާތަ މާލޭގަ ދުއްވަން ގެންނަންބުނި ކުދި ބަސްތައް؟ މާލޭން ޓެކްސީއެއް ލިބެނީ އެހާ އުދަގުލުން، އެހާ ބޮޑު އަގުގަ. ޓެކްސީތަކުން އެހާ އަގުބޮޑުކުރަނީ ޑިމާންޑް އޮތީމަ. ވެއްޖެނު ރައްޔިތުންނަށްޓަކާ މިކަންކޮއްދޭން. އެމްޓީސީސީ އަށް ވާނެ.
ޖާދަލޭ
12 May 2022
މުޅި ދައުލަތް ތި ބޭކަލުންގެ އެދުންތަކަށް ހުސްކުރުން ހުއްޓާލުމަށް އެދެން. ބެލެންސެއް ގެންގުޅުން ރަނގަޅީ. ބަނޫ އިސްރާއީލު މީހުން ފާޑަށް އުޅޭ ބައެއް ތީ. ޝަކުވާ ޝަކުވާ ޝަކުވާ. ހެޔޮ އެއްގޮތެއްވެސް ނޯންނާނެ
އިލި
12 May 2022
އެވަރުންވެސް ތިތާ އުޅޭ ބައިގަނޑު ހިއްނުފުރޭނެ ....ވަކިވެގަނެގެން އުޅެން ބޭނުންވާ ބަޔެއްތީ އަފުގާނިސްތާނުގެ ކަންދަހާރުގަ އުޅޭހެން ......ދިވެހި ދައުލަތައްވުރެން ވަރުގަދަވެގެން އުޅެން އުޅެނީ އެއުޅޭ ސިޔާސީ ހިޔާ ޔޫނިޔަން
އިސްމާލި
12 May 2022
ތިޔަ ބަސް ތަކުގެ ފޮޓޯ ގަނޑެއް ޖަހާލި ނަމަ
ސުމެއް
12 May 2022
80މީހުންގެ ކެޕޭސީޓީ ބޮޑެތި ބަސް އޮފްޕީކް ގަޑީ ބޮޑުބައި ހުސްކޮން 20މިނެޓެން ދަތުރުމުގެ ބަދަލުގައި ކުދި ބަސްގެނެސް ބަސް ފްރިކުއެންސީ 10މިނެޓުން ބަދަލުކުރުމުން ގިނަމީހުނަށް ފަސޭހަވާނެ. ގިނައިރު ބަހަށް މަޑުކުރަންޖެހުމުން ހާދަވަގުތެކޭ ގެއްލެނީ. ކުންފުންޏަށް ގެއްލުން ވަންޏާ ބޮޑުބައި ހުސްކޮށް ދަތުރުކުރާ ފެރީތަށް ހުއްޓާލާ. ރަށްރަށަށް ދާ ފެރީތަކަށް ޖާގަނެއްއިރު ބޮޑު ޓާމިނަލެއް ހުސްކޮށް. އެހެން ތަންތަނަށް ދަތުރުކުރާމީހުނަށް އެޓާމިންލް ޚާއްސަކުރޭ
ށަވިޔަނި
12 May 2022
މިހާރު ރާއްޖެއަކީ ހުޅުމާލެ ފޭސް 2 ހެން ހީވާން ފަށައިފި