ވަގުތު އިތުރު ކުރުމުން އިންތިހާބުގެ ސައްހަކަމާމެދު އިންތިގެ ޓީމުން ސުވާލު އުފައްދައިފި

މޫސާ ރަޝީދު، މިހާރު

14 މެއި 2022 - 18:22

އެމްޑީޕީގެ ޗެއާޕާސަން އިންތިހާބުގައި ވޯޓު ލުމުގެ ވަގުތު އިތުރު ކުރުމުން އެ މަގާމަށް ވާދަ ކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި)ގެ ކެމްޕެއިން ޓީމުން އިންތިހާބުގެ ސައްހަ ކަމާމެދު ސުވާލު އުފައްދައިފި އެވެ.

އެމްޑީޕީގެ ޗެއާޕާސަނަކު ހޮވަން އެ ޕާޓީގެ 17 އަހަރުގެ ތެރޭގައި ކުރި އެންމެ ވާދަވެރި ކެމްޕޭނަށް ފަހު އިންތިހާބުގެ ވޯޓު ލުން ކުރިން ހަމަޖެހިފައި އޮތީ މިއަދު ހަވީރު 4:00 ހާއިރު ނިންމާލުމަށެވެ. ނަމަވެސް މޫސުން ގޯސްވުން ފަދަ ދަތިތަކާ ހެދި އިރުއޮއްސި 6:00 އަށް ވަނީ ގަޑި އިތުރުކޮށްފަ އެވެ.

އެކަމާ ގުޅޭ ގޮތުން ކަންބޮޑުވުން ފާޅު ކުރައްވައި އިންތިގެ ކެމްޕެއިން ޓީމުގެ ވަކީލުންގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ވަކީލް މުހައްމަދު ނިޝާން އިބްރާހިމް ވިދާޅުވީ ވޯޓު ލާ ވަގުތު އިތުރު ކޮށްފައިވާ ކަމަށް ޕާޓީން އެންގީ ވޯޓު ލާ ވަގުތު ހަމަވީ ފަހުން ކަމަށެވެ. އެއީ ގާނޫނީ ގޮތުން ކުރެވޭނެ ކަމެއް ނޫން ކަމަށާއި ހުރިހާ ސަރަހައްދަކުން ވޯޓު ލުން ހުއްޓާލުމަށް އެދިފައިވާ ކަމަށް ނިޝާން ވިދާޅުވި އެވެ.

"ދުނިޔޭގެ އެއްވެސް ތަނެއްގައި މުއްދަތު ހަމަވާ ފަހުން އެކްސްޓެންޑެއް ނުކުރޭ،" ނިޝާން ވިދާޅުވި އެވެ. "އޭގެ ނަތީޖާއަކީ ބައެއް ސަރަހައްދުތަކުގައި ވޯޓު ފޮށި ބަންދުކޮށް ސީލް ކޮށްފި، އެކަމަކު އަނެއްބައި ތަންތަނުގައި އަދިވެސް ވޯޓު ލުން ކުރިޔަށް އެބަގެންދޭ. އެއީ އެއްވެސް ގޮތެއް ނޫން."

އެމްޑީޕީ ސެކެޓްރިއޭޓްގެ ރަސްމީ ޓުވިޓާ އެކައުންޓުން، ވޯޓު ލާ ވަގުތު އިތުރު ކުރިކަން ޓުވީޓު ކުރީ 4:01 ގަ އެވެ. ނަމަވެސް އޭގެ ކުރިން "މިހާރު" ނޫހުން ވަނީ އިންތިހާބުގެ އޮފިޝަލަކާ ހަވާލާދީ، ވޯޓު ލާ ވަގުތު އިތުރު ކޮށްފައިވާ ކަމުގެ ހަބަރު ޖަހައިފަ އެވެ.

އެ މައްސަލައިގެ އިތުރުން ވޯޓުލާ ވަގުތު ހަމަވީ ފަހުން ފައިސާ ބެހުމާއި އައިޑީކާޑު ގަތުމާއި ނުފޫޒު ފޯރުވުމުގެ ޝަކުވާތައް ލިބެމުން އަންނަ ކަމަށް ނިޝާން ވިދާޅުވި އެވެ.

ނިޝާން ވިދާޅުވީ ހަތަރު ވޯޓު ފޮއްޓެއްގައި ހިންގި ކަންކަމުގެ ސަބަބުން ނަތީޖާ އަށް ވެސް އަސަރު ކުރާނެ ކަމަށެވެ. ނަމަވެސް އެއީ ކޮން ފޮއްޓެއް ކަމާއި ކުރި ކަމެއް އޭނާ ވިދާޅެއް ނުވި އެވެ.

އެ މައްސަލަތައް ވަނީ އިންތިހާބުގެ ޝަކުވާ ކޮމިޓީ އަށް ހުށަހަޅައިފަ އެވެ.

ޗެއާޕާސަން އިންތިހާބުގައި ވޯޓުލުމުގެ ވަގުތު މިހާރު ވަނީ ހަމަވެފަ އެވެ.

އެމްޑީޕީ މެމްބަރު އިމްތިޔާޒް ފަހުމީ ފައްޔާޒު އިސްމާއިލް (ކުރީގެ މިނިސްޓަރު)

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒުލްފިގާރު

14 May 2022

ވަގުތުއިތުރުކުރުމަކީ ހުރިހާ އިންތިހާބެއްގަވެސް ކޮށް އުޅޭކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލުމުގެހައްދު

14 May 2022

ލަންކާއިން ރާއްޖެއަށް ފިލާވަޅު: ނަޝީދުއެކޭ އެއްގޮތަށް ރާޖަޕަކްސާ ވެރިކަމަށް އައީ އިންސާނީ ހައްގުތަކާ ޑިމޮކްރަސީ އާ އިންސާފު ގެންނާނެކަމަށް ބުނެ ދަޅަ ދައްކައިގެން. ވެރިކަމަށް އާދެވުމުން އާއިލާ އާއި ގާތް ރައްޓެހިންގެމެދުގަ ވެރިކަމާއި، ޖުޑީޝަރީއާ، މަތީ މަގާމުތަކާ، މިނިވަން މުއައްސަސާތަކާ، ސަރުކާރު ކުންފުނިތަކާ، ސިވިލް ސާރވިސް މަގާމުކަތާ، ރައްޔިތުންގެ ފައިސާ ބަހާލި. ޖޯޖް އޯވެލް ބުނިހެން އޯލް އެނިމަލްސް އާ އީކުއަލް، ބަޓް ސަމް އެނިމަލްސް އާ މޯ އީކުއަލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމޭ

14 May 2022

ވަގުތުއިތުރުކުރުމާއި އެކަން ވަގުތުޖެހުމުގެކުރިން އިއުލާނުކުރުމާއި މިހުރިހާކަމެއްގެ ހުންގާނުގަހުންނެވީ އިންތިއަށް ތާއީދުކުރުއްވަވާ ރައީސް ނަޝީދުގެ އަރިސްބޭފުޅެއް. އެއްގޮތަކީ ޓެކުނިކަލް ލަސްވުމެއް ދިމާވީ. އަނެއްގޮތަކީ އިންތި ހޮވިދާނެކަމާއިމެދު ޝައްކުއޮތުމުން ބާތިލުކޮށްލުމަށް މަގުފަހިކޮށްދިނީ. ވަރަށް ސުވާލުއުފެދޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

14 May 2022

އިންތިޚާބު ބާތިލްކޮށްފާ ޕާޓީގެ ވާރުތަމުދާ ބަހާންއުޅޭ. އެއީ އެންމެ ސުލްހަވެރިގޮތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިކް

14 May 2022

ވަގުތު އިތުރު ކުރުން މި ރާއްޖޭގަ އަލަށް ކުރިކަމެއްތަ؟؟ މާކުރިން ބަލި ޤަބޫލުކޮށްފަ ތިއޮތީ އިންތި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

14 May 2022

ވަގުތު ހަމަވާއިރު ކިޔޫގައި މީހުންތިބިނަމަ އެމީހުން ވޯޓުލާނިމެންދެން ވޯޓުލުމަކީ ކުރިންވެސްކުރާކަމެއް. ފިހާރަ ބަންދުކުރާ ގަޑިޖެހުމުން އިތުރު ބަޔަކު ނުވައްދައި އެތެރޭގައި ތިބި މީހުން ނިމެންދެން ކުރިއަށް ދިއުމުގައިވެސް މައްސަލައެއް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލިވެއްޖެނަމަ ބަލިގަބޫލް

14 May 2022

އިންތިހާބުން ބަލިވެއްޖެނަމަ އެންމެ ފުރިހަމަ ގޮތަކީ ބަލިގަބޫލުކުރުން، ބަލިވެދާނެކަމައްބަލާ ކުރިއްސުރެ ޖައްސާނެ މައްސަލަތައް ހޯދުމެއްނޫން. އިންތިހާބުގަ ވޯޓުލުމައް ވީހާގިނަމެންބަރުންނައް ފުރުސަތުލިބުމަކީ އެއްވެސް ކެންޑިޓޭޓަކު އެކަމާ މައްސަލައެއްޖައްސަންވީކަމެއްނޫން އިތުރުއެހެން ބޮޑެތިމައްސަލަތަކެއް ފެންމަތިނުވާހާހިނދަކު.