މިނިސްޓަރު މަހުލޫފް މަޖިލީހުގައި މެމްބަރުންގެ ސުވާލުތަކަށް ޖަވާބު ދެއްވަނީ -- ފޮޓޯ: މަޖިލިސް
08 ޖޫން 2022 - 10:29
37 comments
އޭނާ ވެސް މާލޭގެ ފުޓްސަލް ދަނޑަކަށް ކުޅުއްވަން ވަޑައިގަންނަވަނީ 6،400ރ. ގެ ފީއެއް ދައްކަވައިގެން ކަމަށާއި ދަނޑުތައް ކުއްޔަށް ދޫކުރާ އަގު ކޮންޓްރޯލް ކުރައްވަން މަސައްކަތް ކުރައްވާ ކަމަށް ސްޕޯޓްސް މިނިސްޓަރު އަހުމަދު މަހުލޫފު މިއަދު ވިދާޅުވެއްޖެ އެވެ.
"މިހާރު އަޅުގަނޑު ވެސް ކުޅެން ދަނީ 6،400ރ. ވަރު ދައްކާފައި ހަފުތާއަކު ދެ ރޭ. އެހާ އަގު ބޮޑު. ބައެއް ތަންތަނުން އެބަ ނަގާ 9،000ރ.،" ފުޓުބޯޅަ ކުޅެން ބޭނުންވާ މީހުންނަށް މާލޭގެ ދަނޑުތައް ލިބުން ދަތިވާ މައްސަލާގައި ހެންވޭރު އުތުރު ދާއިރާގެ އެމްޑީޕީގެ މެމްބަރު އިބްރާހިމް މުއިއްޒު ރައްޔިތުންގެ މަޖިލީހުގައި މިއަދު ކުރެއްވި ސުވާލެއްގެ ޖަވާބުގައި މަހުލޫފު ވިދާޅުވި އެވެ.
"އެ އަށް ވުރެ އަގު ހެޔޮކޮށް މިކަން ކުރެވޭނެ ގޮތެއް ހޯދަން އެބަ ޖެހޭ."
ދަނޑުތަކުގެ ޑިމާންޑު ބޮޑުވެ، އެ ތަންތަން ހޯދަން ދައްކަންޖެހޭ ކުލި ވެސް ބޮޑު ކަމަށާއި އެ ކަމަށް އެއްވެސް ޕްލޭނެއް އޮތްތޯ މުއިއްޒު ސުވާލު ކުރެއްވި އެވެ.
މަހުލޫފް ވިދާޅުވީ، ފުޓްސަލް ދަނޑުތައް ބޮޑު އަގުގައި ކުއްޔަށް ދޭ މައްސަލަ އަށް ހައްލެއް ހޯދުމުގެ ގޮތުން އެކި ފަރާތްތަކާއެކު މަޝްވަރާ ކުރަމުން އަންނަ ކަމަށާއި މި އަހަރުގެ ތެރޭގައި ހައްލެއް ގެނެވޭނެ ކަމަށް އުންމީދު ކުރައްވާ ކަމަށެވެ.
މާލެ ސަރަހައްދުގެ ދަނޑުތައް ހޯދަން އޮންލައިންކޮށް ބުކް ކުރެވޭ ގޮތް ހަމަޖެއްސުމަށް ވެސް މަޝްވަރާ ކުރަމުން އަންނަ ކަމަށް މަހުލޫފް ވިދާޅުވި އެވެ.
މާލޭގައި ސަރުކާރުގެ ހަރަދުގައި ހަދާފައިވާ ފުޓްސަލް ދަނޑުތައް އަމިއްލަ އެކި ފަރާތްތަކުން ކުއްޔަށް ދޫކުރާ މައްސަލަ ބޮޑުވެފައި އޮންނަތާ ކިތަންމެ ދުވަހެކެވެ. ހާއްސަކޮށް، އެ ދަނޑުތަކުން ބޮޑު އަގެއް ނަގާ ކަމުގެ ޝަކުވާ އިންތިހާ އަށް ބޮޑެވެ. ނަމަވެސް މިހާތަނަށް ސަރުކާރަށް އެއްވެސް ހައްލެއް އެ ކަމަށް ހޯދައި ދެވިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮދޭ
12 June 2022
ހެންވޭރުގައި އޮންނަ ދަޑެއްވެސް އެއީ އަނަސް ކިޔާ މީހެއްގެ ތަރިކައައަކައް ވެފައި އޮތީ މިޔައީ ވެސް މަޖާކަމެއް
ސްމޭޝް ފުވައްލައް
09 June 2022
މަޚުލޫފު ވެސް އެބައިގަނޑުގެ ދަށުވެފައި... ހިމާޔާތް ހޯދާފައިވަނީ އެބައިގަނޑުން. ދެން ދައުލަތުގެ މުދާ ބަޔަކު ކުށްޔަށްދީގެން ބޮޑު ފައިދާ ނަގާއިރު އެކަން ނުހުއްޓުވެން ވީ އިތރު ކޮން ސަބަބެއް އޮވެގެންބާ؟
ބަލަދުއެރިސުޕުން
09 June 2022
މިއާ ޚލާފަށް ބާސްކެޓްބޯލްގައި ސަރުކާރު ބަޖެޓް ހުސްކުރަނީ 25އަހަރު ވަންދެން ސުޕުންކިޔާ ކޯޗަކަށް މަހަކު 60000 ރުފިޔާ ދޭން. ކުރާކަމެއް ހަރާން.
ސެޑޭ
08 June 2022
ރާއްޖެގައި އޮވެ ގޭންގްތައް ހުއްޓުވުމާ ބެހޭ ޤާނޫނެއް. އެ އަކަށް އަމަލެއް ނުކުރެވޭ. ކްލަބުތަކުގެ ބޯޑު އަޅުވައިގެން ޔޫތު މިނިސްޓްރީގައި ރަޖިސްޓްރީވެގެން އުޅޭ ގޭންގްތައް ރޫޅާލަންޖެހޭ. މިއަދުން މިއަދަށްވެސް ކްލަބުތަކުގެ ނަމުގައި ރަޖިސްޓްރީ ވެފައިވާ ގޭންގްތަގެ ރަޖިސްޓްރީ ބާޠިލުކުރަންވީ. މަޚްލޫފުގެ އިޚްލާސްތެރިކަމެއް ހުރި ނަމަ މިކަން ކުރާނެ. މިކަން ނުކޮށް މަޙްލޫފު ހުންނަ ހުރުމަކީ ގޭންގްތައް ހިންގުމުގައި މިނިސްޓްރުގެ ހައިސިއްޔަތުން ބައިވެރިވާވުން.
ފޮނިޓައްޕު ހަސަނު
08 June 2022
ދައުލަތުގެ ބިމެއްގައި ދައުލަތުން ޚަރަދުކޮށްްގެން ދަނޑު ހަދާފައި ބިޑަކާއި ނުލައި އަގަކާއި ނުލައި ހަވާލު ކޮށްްލަނީ މިނިސްޓަރެއް ނުވަތަ ސިޔާސީ ނުފޫޒު ގަދަ މީހަކާއި ގުޅިފައި އޮތް ގޭންގަކާއި. އެގޭންގުން ދަނޑު ކުއްޔަށްދީގެން ލިބޭފައިސާއެއްގެ ބައެއް އެ ދަނޑު ހޯދައއިދިން މިނިސްޓަަރު ނޫނީ ސިޔާސީ ނުފޫޒު ގަދަމީހާއަށް ދޭންޖެހޭ. ހަގީގަތަކީ މީ.
ޑޮކްޓާރ. ބަނާނާ
08 June 2022
މާލޭގެ މަގުތަކަކީ ވެސް ދާއިމީ ކާރުގަރާޖު ތަކަކަށް ހަދާފަ ތިގޮތަށް މަގުތައްވެސް ވަނީ ވަކިބަޔަކަށް ވިއްކާލައިފަ. މިހާރު ކުޑަވަގުތު ކޮޅަކަށް ވެސް މިގޮތަށް ހުރި މަގުތަކުގައި ވެހިކަލެއް މަޑުކޮށްލެވެން ނެތް.! މިގައުމުގައި ހުރިހާކަމެއް ހުރީ މަހުލޫފަށް ދަނޑު ލިބޭ އުސޫލަށް.! ޥަރަށް ސަލާމް
ޖުބޭދު1
08 June 2022
ކިހިނެއްތޯ މިަވނީ. ސަރުކާރުން އަމިއްލަ ބައެއްގެ ބިންތަކެއްގަ ޚަރަދުކޮށްގެން ދަނޑުތަކެއް ހަދާދިނީ،، ދެން އެމީހުން އެދަނޑުތައް ކުއްޔަށް ދެނީއޭ. އަމިއްލަ ބިންތަކެއްގަ ސަރުކާރު ޚަރަދުގަ ދަނޑުތަކެއް ހެދުން މިއި ކޮންގޮތަކުން ހިނގައިގެން އުޅޭ ކަމެއްތޯ ކޮން ސަރުކާރަކުންތޯ.
ފޮނިޓައްޕު ހަސަނު
09 June 2022
އަމިއްލަ އެއް ބިމެއް ވެސް ނޯންނާނެ. ރަނގަޅަށް މައުލޫމާތު ހޯދައިގެން ކޮމެންޓު ކޮށްބަލަ.
ސިފް
08 June 2022
ދަންޑުހޯދަން ދާންޖެހެނީ ގޭންގުތައް ކައިރިޔަށް ތީ ދައުލަތުގެ ބައިތުލްމާލަޢް ހިޔާނަތްތެރިވުމެއްނޫންތޯ
ވަހީދު
08 June 2022
މައިން ބަފައިންގެ މުދަލެއްގެ ގޮތުގައި ވާރުތަ ވެފައި ނެތް، ދައުލަތުގެ ތަންތަން އޮންނަން ޖެހޭނީ އެންމެނަށް ވެސް ހަމަހަމަ އުސޫލެއް. ވަކި މިނިސްޓަރަކަށްވާތީ ހިލޭ ލިބޭކަށް ނުޖެހޭނެ. އެޒަމާން ގޮސްފި.
ވައްތަރި
08 June 2022
އަގު ކޮންޓްރޯލްކުރާ ވާހަކަ ބުނީމަ ހިންޏައިގެން މި ހަލާކުވަނީ. ތިތަންތަނަށް ހިނގި ހަރަދުގެ 100 ގުނަ މިހާރު ހުންނާނީ ލިބިފަ. ދަނޑު ހެދުމަށް އެންމެ ގިނައިން ހަރަދުވާނީ 6 ލައްކަ ރުފިޔާ. ދުވާލަކު 10 ޓީމަށް 10 ގަޑިއިރަށް 6400 ރުފިޔާގެ ރޭޓުން ދަނޑު ކުއްޔަށް ދިނީމާ ހަލައްކަ ސާޅީސްހާސް ރުފިޔާ. ބޮޑު ކޮރަޕްޝަނެއްގެ ވަސްދުވަނީ. މިސާލަކަށް މަގޭ ޖީބުން ހަރަދުކޮށްފަ، ވަލުދޮރާސީން އޭގެ ދިހަގުނަ ލިބެންޏާ އޯކޭ. ތިކަމެއް ހައްލެއް ނުވާނެ ނުވެސް ކުރާނެ.