ބާ އިމްތިހާނާ ގުޅިގެން ގާނޫނު އިސްލާހުކުރަން ހުށަހަޅައިފި

ވިލިމާލޭ ދާއިރާގެ މެމްބަރު އަހުމަދު އުޝާމް- ފޮޓޯ: ރައްޔިތުންގެ މަޖިލިސް

މާއިދާ މުހައްމަދު ރަޝާދު، މިހާރު

16 ޖޫން 2022 - 19:37

ރާއްޖޭގެ ގާނޫނީ ފަންނުގެ ގާނޫނު އިސްލާހު ގެނައުމުގެ ބިލެއް މޯލްޑިވްސް ނޭޝަނަލް ޕާޓީ (އެމްއެންޕީ)ގެ ޕާލިމެންޓަރީ ގްރޫޕުން ވިލިމާލޭ ދާއިރާގެ މެމްބަރު އަހުމަދު އުޝާމް ރައްޔިތުންގެ މަޖިލީހަށް މިއަދު ހުށަހަޅުއްވައިފި އެވެ.

އެމްއެންްޕީން ބުނީ އެ ބިލު ހުށަހެޅީ ރާއްޖޭގެ ގާނޫނީ ފަންނުގެ ގާނޫނަށް އެއް ވަަނަ އިސްލާހު ގެނައުމުގެ ގާނޫނުގެ ދަށުން އެ ގާނޫނުގެ 1-33 ވަނަ މާއްދާގެ (ބ) އޮތް ގޮތުން 1-33 ގެ (ރ) ގެ ދަށުން ގާނޫނީ ވަކީލުކަމުގެ ހުވާކޮށްފައިވާ ފަރާތްތަކަށް ދޫކޮށްފައިވާ ހުއްދައަކީ އެ މާއްދާގެ (ބ) ގައި ބަޔާންކޮށްފައިވާ "ބާ ކައުންސިލުން އެންމެ ފުރަތަމަ ބާއްވާ ބާ އިމްތިހާނު" ގައި ބައިވެރިވުމަށް ޝަރުތުކޮށް ދީފައިވާ ހުއްދައެއް ކަމަށް މާނަކުރެވޭތީ ކަމަށެވެ.

އެ ގާނޫނުގެ 1-33 (ބ) ގައި ހުވާ އާކުރުމަށްޓަކައި ބާ އިމްތިހާން ހެދުމަކީ ގާނޫނުން އުފައްދާފައިވާ ހަމަނުޖެހޭ އިލްތިޒާމެއް ކަަމަށާއި އެކަމަކު ސަބަބުން 2020 ވަނަ އަހަރު ބާ ކައުންސިލުން ހުއްދަދީފައިވާ ގިނަ އަދަދެއްގެ ވަކީލުންތަކެއްގެ ގާނޫނީ ވަކީލުކަމުގެ ހުއްދަ، މިމަހުގެ 25 އަށް ތާވަލުކޮށްފައިވާ ބާ އިމްތިހާނުގައި ބައިވެރިނުވެއްޖެ ނަމަ، ބާތިލްވެދާނެ ފަދަ ހާލަތެއް ކުރިމަތިވެދާނެ ކަމަށެވެ.

އެ ހުށަހެޅުމުގައި ވަނީ ގާނޫނު މިހާރު އޮތްގޮތުން އެ މާއްދާގައި ބަޔާންކޮށްފައިވާ ގޮތަށް ގާނޫނުގެ ދަށުން ބާއްވާ ފުރަތަމަ ބާ އިމްތިހާނުގައި ބައިވެރިނުވުމަކީ ގާނޫނާ ހިލާފުކަމެއް ކަމަށް މާނަކުރެވިދާނެތީ އެ ގާނޫނު އޮޅުންފިލުވުމަށް ގާނޫނަށް އިސްލާހު ގެނައުމަކީ މުހިއްމު ކަމެއް ކަމަށް ފެންނަ ކަމަށެވެ.

ދިގު މުއްދަތެއް ފާއިތުވެގެން ދިޔައިރުވެސް ގާނޫނީ ވަކީލުންނަށް ވަކީލުކަމުގެ ހުއްދަ ހޯދުމަށް ދިމާވެފައިވާ ދަތިތަކަށް ބާ ކައުންސިލަށް ހައްލެއް ހޯދައި ނުދެވުނު. ގާނޫނީ ދާއިރާއިން ކިޔަވައިގެން ތިބި އެތައް ސަތޭކަ ވަކީލުން މަގުމަތިވުން ހުއްޓުވުމަށް ގާނޫނަށް އިސްލާހު ގެންނަންޖެހޭ. https://t.co/nBHcpzWEv4
— Ahmed Usham (@a_usham) June 16, 2022

އެމްއެންޕީން ބުނީ އެ ގާނޫނު ފާސްކުރިއިރު ކިޔަވައި ނިމި ހުއްދަ ލިބިފައި ނެތް ދަރިވަރުންނަށާއި ގާނޫނީ ވަކީލުކަން ކުރުމަށް އޭރު ކިޔަވަމުންދިޔަ ދަރިވަރުންގެ މައްޗަށް ގާނޫނުން ފުރިހަމަކުރަންޖެހޭ ބާ އިމްތިހާނާއި ތަމްރީނުގެ ފުރުސަތުތައް ލާޒިމުކުރުމަކީ ހަމަޖެހޭ ކަމެއް ނޫން ކަމަށެވެ. އަދި ގާނޫނުގައި ބުނާ ބާ އިމްތިހާނާއި ތަމްރީނު ފުރިހަމަ ކުރުމަށް ލާޒިމުކުރާ މާއްދާތައް ތަތުބީގުކުރެވޭނީ އެ ގާނޫނަށް އަމަލުކުރަން ފެށި ފަހުން ކިޔެވުން ފަށާ ދަރިވަރުންގެ މައްޗަށްކަމަށް ކަނޑައަޅައި ގާނޫނުގެ އިންތިގާލީ ބާބުގައި އެކަން ހިމެނުމަށް ވަނީ ހުށަހަޅައިފަ އެވެ.

ބާ ކައުންސިލްގެ ފުރަތަމަ އިމްތިހާނަށް ޝަރުތުހަމަވާ ގިނަ ބަޔަކު ތިއްބަސް ރަޖިސްޓްރީވި މީހުން މަދުވުމުގެ ސަބަބުން އެ ސަބަބު ދެނެގަނެ ހައްލު ހޯދުމަށް އެ އިމްތިހާނު ފަސްކޮށްދޭން ކައުންސިލްގެ އިންތިހާބީ އެކްސްކޯ އިން ވެސް ވަނީ އެދިފަ އެވެ.

އެ އިމްތިހާނުގައި 1000 އަށް ވުރެ ގިނަ މީހުން ބައިވެރިވާން ތިއްބަސް ރަޖިސްޓްރީވީ އެންމެ 200 އެއްހާ މީހުންނެވެ. އެ އިމްތިހާނަށް ކަނޑައަޅާފައި ވަނީ 10،000ރ. ގެ ފީއެކެވެ. އެކަމަކު އެ އަދަދު ބޮޑުވުމުން ވަގުތީ ލައިސަންސްގައި މަސައްކަތްކުރަމުން އަންނަ ލޯޔަރުންނާއި އިމްތިހާނަށް ޝަރުތު ހަމަވާ ގިނަ ބަޔަކު ވަނީ ކަންބޮޑުވުން ފާޅުކޮށްފަ އެވެ.

ރައްޔިތުންގެ މަޖިލިސް ވަކީލުން ބާ އެސޯސިއޭޝަން އަހުމަދު އުޝާމް (އެޓާނީ ޖެނެރަލް)

6 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކޮއި

17 June 2022

ބާ އިމްތިހާން ހެދުން ހުއްޓާލާފަ އާ އިމްތިހާން ހަދަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟުހާނާ މުހައްމަދު

17 June 2022

ރައްޔިތުންގެ އެތައް ބައެއްގެ މަސްލަހަތު ހިމެނޭ މި އިސްލާހަށް މަޖްލިހުގެ ފުރިހަމަ ތާއީދު ލިބޭނެ ކަމާމެދު ޝައްކެއްނެތް. ޝުކުރިއްޔާ ހުރިހާ އެމްޕީންމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަމި

17 June 2022

މަޖުލީހުގެ މެންބަރުންގެ އިހްލާސްތެރިކަން އެބަ ފެނޭ. ތި އިސްލާހް މަޖްލިހުން ފާސްކޮށްދެއްވައިފިނަމަ އެތަށް އާއިލާއަކަށް ހިނިތުންވުން ލިބޭނެ. 10 ހާސް ދައްކަން ޖެހި އެތިބީ ދަރިންނަށް ވަޒީފާ ނުލިބުމުން މާޔޫސްވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހހހހ

17 June 2022

ވ ވިސްނުން ނުބަހައްޓާ ހަދާފަ އޮތް ގާނޫނެއް. ޢިސްލާހު ތިއޮތީ ވ.ރަނގަޅަށް. ވުޖޫދުގައި ގާނުނު ނެތި ކިޔެވަންފެށި ދަރިވަރުންނަށް އިސްތިސްނާ ދިނުމަށް މެންބަރުން ތިކަން ކުރައްވަން ނިންމެވިކަމީ މަޖްލިހުގައި އަދުލުވެރިންވެސް ތިބިކަން އަންގައިދޭ ހެތްކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންފަނުއިބްރާހީމް

16 June 2022

އިމްތިހާނު ހަދަން ހުށަހެޅި ކޮންމެ ކުއްްޖެއ އަތުން 10،000 ރުފިޔާ ވަނީ ނަގާފަ. 200 ވަރަކަށް ކުދިން ޓެސްޓް ހެދީމަ އެއީ 2 މިލިޔަން ދިވެހި ރުފިޔާ. މި ފައިސާ އަށް ވާގޮތް ވަރަށް ރަގަޅަށް ބަލަންޖެހޭ! އިމްތިހާނު ހަދާ ކުދިންނަށް ކިޔަވަން ފުރުސަތެއްވެސް ނުދީ، ތައްޔާރުވާން ބޭނުންކުރާނެ އެއްޗެއްވެސް ނުދީ އިމްތިހާނަށް 3 މަހަށް ވެފަ އޮއްވާ 2 މިލިއަން ރުފިޔާ ނަގައިގެން އަވަސް އަރުވާލައިގެން ޓެސްޓު ނުބޭއްވިގެން އުޅޭތީ ބޮޑުގޯހެއް އުޅޭކަމާމެދު ވަރަށް ޝައްކުއެބަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

16 June 2022

ކުރިން 1 މަސްވަންދެން ތަމްރީނުތަކެއް ހައްދުވާފައި އިމްތިހާނެއް ބާއްވައި ވަކީލު ކަމުގެ ހުއްދައެއް ދީފި 1،000 ރުފިޔާގެ ފީއެއް ނަގައިގެން. އެހުއްދައިގަ މިއޮންނަނީ މިއީ ވަގުތީ ހުއްދައެކޭ، މީގެ މުއްދަތު ހަމަވާނެއޭ ދެން އޮންނަ ބާކައުންސިލް އިމްތިހާނަށް. ވަރަށް ހިއްވަރު ކޮށްފައި އެބުނި އިމްތިހާނަށް ތައްޔާރު މިވީ، އެކަމަކު މިފަހަރު މިޖެހުނީ 10،000 ރުފިޔާ ދައްކަން. އެހެންވެ ﷲ އާ ވަކީލު ކޮށްފައި ހުއްޓާލީ އެވަރު ނެތީމަ.