ދިވެހި ފައިސާގެ ނިޝާން. މި ނިޝާން ޑިޒައިން ކުރީ ހުސެއިން ސުޖާއު--ފޮޓޯ:ފާޔާޒް މޫސާ/މިހާރު
03 ޖުލައި 2022 - 15:42
90 comments
ދިވެހި ފައިސާގެ ނިޝާނުގެ ގޮތުގައި ތާނައިގެ "ރ" އެއް ހިމެނޭ ނިޝާނެއް ތައާރަފްކޮށްފި އެވެ.
މިއަދު އެމްއެމްއޭގައި ބޭއްވި ރަސްމިއްޔާތުގައި ދިވެހި ފައިސާގެ ނިޝާން ލޯންޗުކޮށްދެއްވީ އެންވަޔަރުމަންޓް މިނިސްޓަރު އައިމިނަތު ޝައުނާ އެވެ.
މި ނިޝާން ފަރުމާކުރީ، މ.ސްޕޮޓްލައިޓް، ހަސަން ޝުޖާއު އެވެ. މިދިޔަ އަހަރު އެމްއެމްއޭ އިން ދިވެހި ނިޝާން ފަރުމާކުރުމަށް ހުޅުވާލުމުން 70 ހުށަހެޅުމެއް ލިބިފައިވެ އެވެ. ސުޖާއުގެ ޑިޒައިން، ދިވެހި ފައިސާގެ ނިޝާންގެ ގޮތުގައި ކަނޑައެޅީ އެކަމަށް ހާއްސަކޮށްފައިވާ ފަންނީ ޖަޖުންގެ ޕެނަލަކުންނެވެ.
ދިވެހި ފައިސާގެ ނިޝާންގައި ތާނަ އަކުރު "ރ" ގައި ކައްޗަށް އިތުރު ރޮނގުބުރިއެއް އިނދެ އެވެ.
އެ ރަސްމިއްޔާތުގައި ޝައުނާ ވިދާޅުވީ، ދިވެހި ފައިސާގެ ނިޝާނުގައި ތާނަ އަކުރެއް ބޭނުން ކުރުމަކީ ލިބުނު ފަހުރެއް ކަމަށެވެ. މި ނިޝާން ވީހާ ވެސް ފަސޭހައިން ބޭނުން ކުރެވޭނެ ގޮތްތައް ފަހިކުރުން ވަރަށް މުހިއްމު ކަމަށް އޭނާ ވިދާޅުވީ އެވެ. އެކަން ކުރުމަށް ޑިޖިޓަލް ޕްލެޓްފޯމުތަކުގައި ވެސް މި ނިޝާން ބޭނުން ކުރެވޭނެ ގޮތްވުން ވަރަށް މުހިއްމު ކަމަށް އޭނާ ވިދާޅުވި އެވެ.
އެންވަޔަރުމަންޓް މިނިސްޓަރު އައިމިނަތު ޝައުނާ. އޭނާ ވިދާޅުވީ، ދިވެހި ފައިސާގެ ނިޝާނުގައި ދިވެހި ތާނަ އަކުރެއް ބޭނުން ކުރުމަކީ ލިބުނު ފަހުރެއް ކަމަށް--ފޮޓޯ:ފަޔާޒް މޫސާ/މިހާރު
ޝައުނާ ވިދާޅުވީ، ފައިސާގެ ނިޝާން ކަނޑައަޅާފައިވަނީ ދުނިޔޭގެ 50 ވަރަކަށް ގައުމުން ކަމަށްވާ އިރު އެގައުމުތަކުގެ ލިސްޓަށް ރާއްޖެ އައުން މިއީ ލިބުނު އިތުރު ފަހުރެއް ކަމަށެވެ.
"ދިވެހި އަކުރުގެ ސިފަ މިއަދުމި ތައާރަފް ކުރެވުނު ނިޝާންގައި ފެންނަން އެބަހުރި. މި ނިޝާން އަޅުގަނޑުމެންގެ ދިރިއުޅުމުގެ ތެރެއަށް ވެއްދުމަށް އެންމެން ވެސް މަސަައްކަތް ކުރުމަކީ ވަރަށް މުހިއްމު ކަމެއް،" އޭނާ ވިދާޅުވި އެވެ.
އެމްއެމްއޭގެ ގަވަރުނަރު އަލީ ހާޝިމް ވިދާޅުވީ، މި ނިޝާނަށް އާންމުން އަހުލުވެރިކޮށް، ވީހާ ވެސް ގިނަ ބަޔަކު ބޭނުންކުރާ އެއްޗަކަށް ހެދުމަށް ސަރުކާރުގެ ކަމާ ގުޅޭ އިދާރާތަކާ އެކު މަސައްކަތްތައް ފަށާފައިވާ ކަމަށެވެ. އޭނާ ވިދާޅުވީ، މި ނިޝާން އިންޓަނޭޝަނަލް ފެންވަރެއްގައި ބަލައިގަންނަ "ޔުނިކޯޑް ސްޓޭޑާޑް" ހޯދުމުގެ މަސައްކަތްތައް ކުރަމުން އަންނަ ކަމަށެވެ.
ދިވެހި ފައިސާގެ ނިޝާން ތައާރަފްކުރުމަށް ބޭއްވި ރަސްމިއްޔާތުގެ ތެރެއިން. ގަވަރުނަރު އަލީ ހާޝިމް އަދި މިނިސްޓަރު އައިމިނަތު ޝައުނާ--ފޮޓޯ:ފަޔާޒް މޫސާ/މިހާރު
ގަވަރުނަރު ވިދާޅުވީ، ކުރިއަށް އޮތްތަނުގައި ޕްރިންޓް ކުރާ ފައިސާގައި ވެސް މި ނިޝާން ހިމަނާނެ ކަމަށެވެ.
"ނިޝާން ފަރުމާކުރުމުގައި އަޅުގަނޑުމެން ބެލީ އާންމުންނަށް ފަސޭހައިން ބޭނުން ކުރެވޭނެ ފަދަ ޑިޒައިނެއް ހޯދުމަށް. ސުޖާއުގެ ޑިޒައިނުން އެކަންކަން އެބަ ހާސިލުވޭ،" އޭނާ ވިދާޅުވި އެވެ.
އަލަށް ތައާރަަފްކުރި ނިޝާނާ އެކު ލިޔުމުގައި ފައިސާގެ ނަން ލިޔުމުގެ ބަދަލުގައި ބޭނުންކުރާނީ މި ނިޝާނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދު.
05 July 2022
ހަމަ ތިބެ ތިބެފަ ކޮންމެވެސް އެއްޗެއް ދައްކާލާފަ މީ ދިވެހިރުފިޔާ ގެ ނިޝާނޭ ބުނެލަން ވަރަށް ފަސޭހަ. ތާނަ އަކުރު ގެ ރ އިންނަ ރީތި ބައްޓަމެއްވެސް ތިޔަ ނިޝާނަކުނެއް. ރީތި ބައްޓަމަށް އިންނަ ރ އަށްވެސް މިހާރު ތިއޮތީ ހަޖޫޖެހިފަ. ކުކުޅު މުޅިއެއް ދައްކާފަ މީ މީގެފަހުން ދިވެހި ރުފިޔާ ރަމްޒުކޮށްދޭ ނިޝާނޭ ބުނުމެކޭ މާބޮޑު ތަފާތެއްނެއް.
ލިޔުން
05 July 2022
މި ނިޝާން ކީބޯޑުގައި ލިޔާނެގޮތް އެއްވެސް ބޭފުޅަކަށް އިނގިލައްވާތޯ؟ ޕްލީޒް ޝެއަރ...
އަހައްމަދޫ
04 July 2022
ތިހީވަނީ ހޯނެއްހެން. އިންނަނީވެސް އެކުލައިގަ
ފިނރުޓޭ
04 July 2022
ކީކޭ ދެން ފަހެ އަޅެ ބުނާނީ ވިއްޔާ! މި ގައުމުގަ އުޅޭ ކުރިއަޓީވް ކުދިންގެ ބައެއް ހުށަހެޅުންތައް އެބަ ދައުރުވޭ ސޯޝަލް މީޑިޔާގަ! މި އަށް ވުރެ ހިތްގައިމު، ދިވެހިވަންތަ އަދި ދިވެހި ރުފިޔާ މާ ބޮޑަށް ރަމްޒު ކޮށްދޭ ނިޝާންތައްވެސް ދެކެފިން! މީ އަޅެ ފަހެ ކޮންބަޔެއް ނިންމި ނިންމުމެއްތަ! އަޅެ ފަހެ ޒަމާން ތަކަކަށް ދެމިގެންދާނެ ވިއްޔަ މި ނިޝާން! މި ވަރު ކަމެއް ކުރާ އިރު އާއްމުންގެ ހިޔާލެއް އަޅެ ހޯދާލި ނަމަހީވެސް ދޯ! ކީކޭ ދެން އަޅެ ފަހެ ބުނާނީ!
އޮރެންޖް
04 July 2022
މި ވައްތަރި "ނޮޓް އީކުއަލް" ސިމްބަލްއާ. އަދި މާ ކަތިކޮށް އެހެރީ. ތާނައަކީ ކަތިކޮށް ލިޔާ އަކުރަކަސް، ތާނައަށްވުރެވެސް ކަތިކޮށްލާފަ އެހެރީ. ދުނިޔޭގެ އެހެން އެއްވެސް ކަރަންސީ ސިމްބަލްއެއް ނެތް އޭގެ ޑިފޯލްޓް ކަތިކޮށްފައެއް. ސިމްބަލްއަކީ ތެދަށް ހުރެފަ ކުޑަކޮށް ކަތިކޮށްލިއަސް (ބައެއްމީހުން އިގިރޭސިން ލިޔާއިރު ކަތިކޮށްލިއަސް) މާނަ ނުގެއްލޭ ސިމްބަލްތަކެއް. ނަމަވެސް ޑިފޯލްޓް ކަތިކޮށްހުރުމުން، ތި ތެދުކޮށްފިއްޔާ މާނަގެއްލޭނެ.
ހަސަދު
04 July 2022
މިނިންމުން ނިންމެވީ ކޮންބަޔެއްތޯ. ހާދަ ދަށް ނިށާނެކެވެ. އެއްވެސް ޓެކްނިކަލް ބެފުޅަކު މިކޮމޮޓީގައި ނިހިމެނުނީ ކީއްވެބާ!!!. ދިވެހިން ދުހަކަށް ވުރެ ދަށަސް ދަނީބާ!!!.
ނަޖްވާ
04 July 2022
ހިޔެއް ނުވޭ އެއްވެސް ފާޑުވެރިކަމެއް ހުރި ބަޔެއްހެނެއް ތިޔަ ނިޝާން ހޮވި ކޮމިޓީގަ ތިބީކީ! މި ބުނީ އެކާވީސް ގަރުނުގަ މީހުންގެ ލޮަލަށް ބަލާލަންވެސް ހިތްގައިމު ދިވެހި ވަންތަ ނިޝާނެއް ދޯ ހިޔާރު ކުރަންވާނީ! ވަރަށް ބަލާލަންވެސް ހުތުރު! އަދި އެހެން ގައުމުގެ ތަކުގެ ފައިސާގެ ނިޝާންތަކާ އެއްތަނެއްގައި އިންނަ އިރު ވަރަށްވެސް ނުގުޅޭ ނިޝާނެއް! ކަމަކު ނުދޭ އެއްގޮތަކަށްވެސް! ކޮބާތަ ދެން ހުރި ހުށަހެޅުންތައް! އާއްމުންނަށް ދައްކާލަބަ އަޅެ!
ނަޖްވާ
04 July 2022
މީ ލިޔަން ފަސޭހައަކަށޯ ނިޝާން ހިޔާރު ކުރީ؟ ޕަކާސް! މީހުން މިހާރު އަތުން ފައިންތަ އެއްޗެތި ލިޔަނީ! ކީކޭ ބާ ބުނާނީ! ކޮމްޕިޔުޓަރު ކިޔާ އެއްޗެއް ހުންނަކަންވެސް ނޭނގެނީހެން ހީވަނީ! ކޮބައިތަ ދެން ކުރެހި ކުރެހުންތައް! އަހަރުމެންނަށް ފެންނަހެން ދައްކާލަބަލަ! މިހާރު މީސްމީޑިޔާގަ ހިޔާލުތައް ހުރި ގޮތުން ގިނަބަޔަކަށް ހިޔެއް ނުވޭ ތި ނިޝާން ކަމުދާ ހެނެއް! ތިޔަށް ވުރެ ލޮލަށް ހިތްގައިމު ދިވެހި ވަންތަ ކުރެހުން ކުރަހާފަވެސް ހުރެދާނެނު!
ހަސީނާ
04 July 2022
ތިޔަ ނިޝާން ޔުނިކޯޑު ކުރާއިރު ބޮލި ފޮންޓު ބަދަލުވޭތޯ ބަލައިދެއްޗޭ. ފޯނުގެ ދިވެހި ކީ ޯޯޯޑު ބ ހާދަ ހަޑިއޭ
ފަހީމު
04 July 2022
ފާޑުވެސް ކިއިދާނެއެވެ. އިތުރު އިއްތިފާގެއް އޮތަސް ރ އަކީ ރާއްޖެވަންތަކަމާ ރުފިޔާވެސް ރަމްޒުކޮށްދޭ ދިވެހި އަކުރެވެ. ބޭރުފައިިސާގެ ނިޝާންތަކުގައި ރޮނގުބުރި ހިމެނިއަސް އަހަރެމެންނަށް ވާނަމަ ކުރީގެ ދިވެހި އަކުރުގެސާފު ރ އެއްބޭނުން ކުރެވިދާނެ ކަމަށް ފެނެއެވެ.