މީހެއްގެ ގަޔަށް އިންޖެކްޝަނެއް ޖަހަނީ: އައްޑޫ ފޭދޫ ހެލްތު ސެންޓަރުގައި ބަލި މީހެއްގެ ގަޔަށް ނުބައި އިންޖެކްޝަނެއް ވަނީ ޖަހައިފައި -- ފައިލް ފޮޓޯ: ނިޝާން އަލީ | މިހާރު
03 ޖުލައި 2022 - 20:32
1 comments
އައްޑޫ ފޭދޫ ހެލްތު ސެންޓަރުގައި ދިވެހި އަންހެނެއްގެ ގަޔަށް މިއަދު ނުބައި އިންޖެކްޝަނެއް ޖަހައިފި އެވެ.
އައްޑޫ އިކުއިޓޯރިއަލް ހޮސްޕިޓަލް (އޭއީއެޗް) އިން ކުރި ޓުވީޓެއްގައި ބުނީ ފޭދޫ ހެލްތު ސެންޓަރުގައި ޑޮކްޓަރު ޖަހަން އިރުޝާދު ދެއްވި އިންޖެކްޝަން ނޫން އެހެން އިންޖެކްޝަނެއް ބަލި މީހެއްގެ ގަޔަށް ޖަހާފައިވާ ކަމަށެވެ.
"އެއާ އެކު ބަލިމީހާގެ ހާލު ގާތުން ބެލުމަށް އޭއީއެޗް އަށް ގެނެސް އެނދުމަތި ކުރެވުނު،" އެ ހޮސްޕިޓަލުން ބުންޏެވެ.
އެ ހޮސްޕިޓަލުން ބުނީ ބަލި މީހާގެ ހާލު އަދި ރަނގަޅު ކަމަށެވެ.
އެ މައްސަލަ މިހާރު ރިވިއު ކުރަމުން އަންނަ ކަމަށާއި އެ މައްސަލައިގެ މައުލޫމާތު ނާސިން ކައުންސިލަށް ވެސް މިހާރު ހިއްސާކޮށްފައިވާނެ ކަމަށް ހޮސްޕިޓަލުން ބުންޏެވެ.
މިފަދަ ބައެއް މައްސަލަތައް މީގެ ކުރިން ފެންމަތިވި، އިހުމާލުވި މީހުންނަށް ފިޔަވަޅު ވެސް އަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައި އޭމް ފިކުރީ
04 July 2022
ކިހިނެއް ޙައްލު ވާނީ !!!!!!! 1.މިހާރު މައްސަލަ ބަލަމުންދާ ކަމަށް ނޫހުގައި ލިއެފި. * ވީމާ އަހަރެން ބޭނުން ހަމަ މިމައްސަލަ ނިމުނު ގޮތް މިނޫހުން ކިޔާލަން. އޭރުން މިޚަބަރު ފުރިހަމަ ކުރެވުނީ ކަމުގައި ވާނީ. ނޯޓް: މިހެން މިދެންނެވީ މިކަހަލަ މައްސަލަ ބަލްން ފަށާފަ އޮށްބާލަނީ. ދުވަހަކު ނުނިމޭނެ ބެލުމެއް . ހިނގާ ބަލަންތިބެމާ.