ރާއްޖެއިން ތެލަށް ކުރާ ހަރަދު 95 ޕަސެންޓް އިތުރުވެއްޖެ

އެފްއެސްއެމް ޕެޓްރޯލް ޝެޑެއްގައި ވެހިކަލަށް ތެޔޮއަޅައިދެނީ: މިއަހަރު ރާއްޖެއިން ތެލަށް ކުރި ހަރަދު ޑަބަލް ބޮޑު ---ފޮޓޯ: މިހާރު

އަހުމަދު އަރުޝަމް، މިހާރު

26 ޖުލައި 2022 - 15:54

9 comments

މި އަހަރުގެ ދެވަނަ ކުއާޓަރު ނިމުނު އިރު ރާއްޖެއިން ތެލަށް ކުރި ހަރަދު 95 ޕަސެންޓް އިތުރު ވެއްޖެ އެވެ.

ކަސްޓަމްސްގެ ތަފާސްހިސާބުތަކުން ދައްކާގޮތުގައި، ޖޫން މަހުގެ ނިޔަލަށް ރާއްޖެއިން ހަ ބިލިއަން ރުފިޔާ ތެލަށް ހަރަދުކޮށްފައިވެ އެވެ. މިދިޔަ އަހަރުގެ މި މުއްދަތުގައި ތެޔޮ އެތެރެކުރަން ހޭދަވީ 3.1 ބިލިއަން ރުފިޔާ އެވެ.

ޔޫކްރެއިން-ރަޝިއާ ހަނގުރާމައާ އެކު ދުނިޔޭގެ ބާޒާރުގައި ތެލުގެ އަގު ވަނީ ވަރަށް ބޮޑުތަނުން އުފުލިފަ އެވެ. އެހެންވެ، މިއަހަރުގެ ދެވަނަ ކުއާޓާގައި އެކަނި ވެސް ރާއްޖެއިން ތިން ބިލިއަން ރުފިޔާ ތެލަށް ހޭދަކޮށްފައިވެ އެވެ.

ރާއްޖެއިން އާންމުކޮށް އެތެރެކުރާ ތެލުގެ ބާވަތްތަކުގެ ތެރޭގައި ހިމެނެނީ ޑީސަލް، ޕެޓްރޯލް އަދި ޖެޓް ފިއުލް އެވެ.

މިއަހަރު ދުނިޔޭގެ ބާޒާރުގައި ސާފުނުކުރާ ތެލުގެ އަގު ރަމްޒުކޮށްދޭ ޗާޓެއް: އެންމެ ބޮޑަށް އުފުލުނީ މާޗު މަހު

މިއަހަރު ފެށުނުއިރު ދުނިޔޭގެ ބާޒާރުގައި ސާފުނުކުރާ ތެޔޮ ފީފާއެއްގެ އަގަކީ އެވްރެޖްކޮށް 79 ޑޮލަރެވެ. ރަޝިއާ-ޔޫކްރެއިން ހަނގުރާމަޔާ އެކު ފީފާއެއްގެ އަގު 123 ޑޮލަރަށް މަތިވި އެވެ. ދެވަނަ ކުއާޓާ ނިމުނުއިރު ތެޔޮ ފީފާއެއްގެ އަގު އުޅުނީ ގާތްގަނޑަކަށް 103 ޑޮލަރަށެވެ. މިއަދު ސާފުނުކުރާ ތެޔޮ ފީފާއެއްގެ އަގު އުޅެނީ 98 ޑޮލަރަށެވެ. ސާފުނުކުރާ ތެލުގެ އަގު ސަތޭކައިން ދަށްވެފައި އެވަނީ ދެ މަސް ފަހުންނެވެ.

ދުނިޔޭގެ ބާޒާރުގައި ތެލުގެ އަގު އުފުލުމާގުޅިގެން މި އަހަރުގެ ތެރޭ އެސްޓީއޯއިން ވަނީ ތެޔޮ ވިއްކާ އަގަށް ދެ ފަހަރަކު ބަދަލުގެނެސްފަ އެވެ. އެގޮތުން، އަހަރު ފެށުނު އިރު ޕެޓްރޯލް އަދި ޑީސަލް ލީޓަރެއް ގާތްގަނޑަކަށް 11 ރުފިޔާ އަށް ހުރި ނަމަވެސް، މާޗު މަހުގެ ތެރޭގައި ވަނީ 14 ރުފިޔާ އަށް ބޮޑުކޮށްފަ އެވެ. އަދި ޖޫން 24 ވަނަ ދުވަހު އެ އަގު ވަނީ 16 ރުފިޔާ އަށް ލީޓަރެއްގެ ރޭޓަށް ބޮޑުކޮށްފަ އެވެ.

ކަސްޓަމްސް ޕެޓްރޯލް އިމްޕޯޓް/އެކްސްޕޯޓް އިމްޕޯޓް މުދާ ޑީސަލް

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިރު ސައި

26 July 2022

އެތެރެކުރި އަދަދު ނުބުނެ ރައްޔިތުން އޮޅުވާލަން ޚަބަރު ނުފަތުރަބަލަ. ނޫސްވެރިކަންވެސް ޒިއްމާދާރުކޮށް ކުރަންވެއްޖެދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

26 July 2022

ވ ދެކޮޅު ނުޖެހޭ ވާހަކަ އެކެވެ. ރާއްޖެ އަށް ތެޔޮ އެތެރެ ކުރަނީ އެސްޓީއޯއިންނެވެ. އެސްޓީއޯ އަށް އެންމެ ބޮޑު ފައިދާ އެއްވަނީ ތެލުންނެވެ. ދެން ތެލަށް ކުރާ ހަރަދު ބޮޑުވާ ވަރަކަށް ފައިދާ ވެސް ބޮޑު ވާނެ އެވެ. ސަބްސިޑީ ދޭން ވީ ނިކަމެތީންނަށްވެ. އޭގެ ތެރޭގައި ރިސޯޓް އޯނަރުންނާ ބޮޑެތި ވިުަފާރި ކުރާ މީހުން ހިމަނާކަށް ނުޖެހެ އެވެ. އޭރުން ނިކަމެތި މީހާ އިތުރަށް ނިކަމެތި ވާނެ އެވެ. އުޅެނީ އެހެން މައްސަލަ އެކެވެ. ހެސްކިޔާފަ ބިލިއަނުން ލޯން ނަގައިފިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

26 July 2022

ވަރަށް މުހިންމު ފިޔަވަޅެއް.. ހަރަދު ކުޑަކުރަން ޖެހޭ އާންމު ރައްޔިތުންވެސް. ޙަރަދު ކުޑަ ކުރުމަކީ ތަކެތި ބޭނުންކުރާ އަދަދު މަދު ކުރުން.. އަގު ބޮޑުވީމާ ކަރަންޓު ބެނުން ކުރާ މިންވަރު މަދު ކުރަނީ.. ބޭކާރު ކަންކަމު ސައިކަލު ދުއްވާ މިންވަރު މަދު ކުރާނީ. ސައިކަލު ވިއްކާލާފަ ހިނގާފަ އުޅޭނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

28 July 2022

ބޭކާރު ސައިކަލު ބުރު ޖަހަން ގިނައިން އުޅެނީ ގޭންގްސްޓާރުން، ކުލިން އާމްދަނީ ލިބޭ މީހުން، މަސްތުވާތަކެތި ޑީލް ކުރާމީހުން، މިހެން ގޮސް . . . . ! މަސައްކަތެއް ކޮށްގެން އާމްދަނީ ހޯދާ މީހާ އަށް ބޭކާރު ބުރު ޖަހާނެ ވަގުތެއް ނޯންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުންކުރާކަމެކޭ

26 July 2022

ރާއްޖެއިން ތެލަށް ކުރާ ހަރަދު 95 ޕަސެންޓް އިތުރުވެއްޖެ ނަމަ މިއިން އަންގާދެނީ އެއީ ސަރުކާރުން ޕްރޮޕެގެންޑާ ފަތުރައިގެން މިދިޔަ 30 އަހަރު ސޯލަރ ޕަވަރ އަށް ކުރި އިންވެސްޓްމެންޓް އެއީ ތާކުން ތާކު ޖެހޭ އެއްޗެއް ނޫން ކަން މަމެން ހުވައޭ ރާއްޖެތެރޭގައި ވެސް އަދި މާލޭގައި ވެސް ގާއިމް ކޮށްފައިވާ އެއްވެސް ސޯލަރ ޕެނަލަކުން އިންޖީނުގެއިން އަންދާ ތެލުން އެންމެ ލީޓަރު ޑީސަލެއް ވެސް ނެތޭ ސަލާމަތް ވެފައި މީ ސީދާ ހަކަތައިން ވައްކަން ކުރުމަށް ޓަކައި ކެނެރީގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަނޑޫ

26 July 2022

ތެޔޮނޫންގޮތެއް ހޯދަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

28 July 2022

މިޤައުމު ތަރައްޤީކުރަންވީ ދަތުރުފަތުރު މަދުވާނެ ގޮތަކަށް، ދެކޮޅުޖެހޭ އާމްދަނީގެ ވަޒީފާތައް ހުރިހާ ސަރަޙައްދަކަށް ބެހެންވީ! އަސާސީ ކަންކަމު 1 ސަރަޙައްދުން އަނެއް ސަރަޙައްދަށްވެސް ދާން ނުޖެހެންޏާ ލައްކަ ތެޔޮ ސަލާމަތް ވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

26 July 2022

ރާއްޖޭގައި ކަނޑުން ހަކަތަ އުފެއްދޭނެ. އެކަމަކު އެއްވެސް ސަރުކާރަކުން އެކަމަކާ ނޫޅޭ. ބޭނުންވަނީ ހަމަ ތެޔޮ އަންދައިގެން ހަކަތަ އުފައްދަން. އެކަމަކު ކޮންމެ ސަރުކާރަކުންވެސް އުޅެނީ ތިމާވެށިގެ މެޑަލް ޖަހަން.