އިންތިގާލީ އިންސާފުގެ އޮމްބަޑްސްޕާސަންގެ އޮފީހުގެ އިސްވެރިން-- ފޮޓޯ: ރައްޔިތުންގެ މަޖިލިސް
09 އޯގަސްޓް 2022 - 14:05
44 comments
ކުރީގެ ބޮޑުވަޒީރު އިބްރާހިމް ނާސިރުގެ ވެރިކަމުގައި 1962 ގައި ގދ. ތިނަދޫން މީހުން ބޭލުވި ހާދިސާއާ ގުޅިގެން މާލޭގައި ބާއްވަން އުޅުނު އަޑުއެހުންތަކަށް ބަޔާން ދޭނެ މީހުން ނުވެ، އެތައް ދުވަހެއް ފާއިތުވަމުންދާތީ، އެ ހާދިސާގެ ހަގީގަތް ހޯދުމަށް ފުރުސަތު ދިނުމަށް އާންމުން އަޑުއެހުންތައް އަމާޒުކުރާނެ ދާއިރާ އަށް ބަދަލުގެނެސްފި އެވެ.
އިންތިގާލީ އިންސާފުގެ އޮފީހުން އެ މައްސަލައިގެ އަޑުއެހުންތައް ފެށީ މި އަހަރުގެ މާޗު މަހުގެ 19 ގައި ތިނަދޫގަ އެވެ. އެ ރަށުގެ ބައެއް ދުވަސްވީ މީހުން ވަނީ ސަރުކާރުގެ ވަފުދަކާ އެކު ނާސިރު، ތިނަދު އަށް ވަޑައިގެން އެ ރަށު މީހުންނާ މެދު އަމަލުކުރި ލާއިންސާނީ އަނިޔާތަކުގެ ވާހަކަ ވަރަށް ތަފްސީލުކޮށް އެ އަޑުއެހުންތަކުގައި ކިޔައިދީފަ އެވެ. ބަޔާން ދީފައިވާ މީހުންނަކީ އެ ހާދިސާ ހިނގިއިރު ކުޑަކުދިންނެވެ.
ތިނަދޫގައި ލައިވްކޮށް ބޭއްވި އެ އަޑުއެހުންތަކުގައި ވަނީ އެ މީހުންގެ މައިންބަފައިންނާއި ގެދޮރަށް ދިން ގެއްލުމުގެ ވާހަކަތަކަށް ރޮމުން ކިޔައިދީފަ އެވެ.
ތިނަދޫގައި ބޭއްވި އަޑުއެހުންތަކަށް ފަހު މާލޭގައި މާޗު 27 ގައި ބަޔާން ނަގަން ނިންމިޔަސް އަޑުއެހުންތައް އޭރު ފަސްކުރަން ޖެހުނީ ބަޔާން ދޭނެ މީހުން ނުވެގެންނެވެ.
އޭގެ ހަތަރު މަސް ފަހުން، މިއަދު އެ އޮފީހުން ކުރި އިއުލާނެއްގައި ބުނީ ތިނަދޫން މީހުން ބޭލި ހާދިސާގެ ހަގީގަތް ހޯދުމަށް އިތުރު ފަރާތްތަކަށް ފުރުސަތު ދިނުމުގެ ގޮތުން ޕަބްލިކް ހިއަރިން އަމާޒުކުރާނެ ދާއިރާއަށް ބަދަލު ގެނެސްފައިވާ ކަމަށެވެ.
މާލޭގައި ބާއްވާ އަޑުއެހުމުގެ މައުލޫއުގެ ގޮތުގައި ކަނޑައަޅާފައި ވަނީ "1962 ވަނަ އަހަރު ތިނަދޫން މީހުން ބޭލި ހާދިސާގައި އިންސާނީ ހައްގުތަކާއި އަސާސީ މިނިވަންކަމާ ހިލާފަށް ހިންގާފައި ހުރި ކަންކަން ދެނެގަތުމާއި އެ ހާދިސާ ހިނގަން މެދުވެރިވި ސަބަބުތަކާއި އެކަންކަމުގެ ހަގީގަތް ހޯދުން" ކަމަށެވެ.
އެ އޮފީހުން ބުނީ އަޑުއެހުމަށް ބަޔާން ދިނުމަށް ނަން ނޯޓުކުރުމަށް ކުރިން ހުޅުވާލި ފުރުސަތުގައި އެކަށީގެންވާ އަދަދަކަށް ނަން ނޯޓުކޮށްފައިނުވާ ކަމަށެވެ. އެެހެންވެ، މިހާރު ފުޅާކުރެވިފައިވާ މައުލޫއު އަށް އަމާޒުކޮށްގެން ބާއްވާ އަޑުއެހުންތަކަށް ބަޔާން ދޭން ބޭނުންވާ މީހުން މިމަހުގެ 31 ގެ ނިޔަލަށް ނަން ނޯޓުކުރުމުގެ ފުރުސަތު ހުޅުވާލާ ކަމަށް އެ އޮފީހުން ބުންޏެވެ.
އެ މައްސަލައާ ގުޅޭ އެއްވެސް މައުލޫމާތެއް އެނގޭ ނަމަ، އެ އޮފީހަށް ގުޅައި އެކަން ހިއްސާކުރުމަށް ވެސް އެދިފައިވެ އެވެ.
ތިނަދޫން މީހުން ބޭލުވި މައްސަލަ މި ސަރުކާރުން ބަލަމުން އަންނައިރު ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ވެސް އެ މައްސަލަ ބެލި އެވެ.
އަލުން މި ސަރުކާރުން މައްސަލަ ބަލަން ފަށާފައި ވަނީ މީގެ ދެ އަހަރުކުރިން ފާސްކުރި އިންތިގާލީ އިންސާފުގެ ގާނޫނުގެ ދަށުން ތިނަދޫ ކައުންސިލުން އެ މައްސަލަ ބަލަން އެދިގެންނެވެ. އެ ގާނޫނުގެ ދަށުން އިންސާފު ހޯދޭނީ ޖެނުއަރީ 1، 1953 އިން ނޮވެމްބަރު 17، 2018 އާ ހަމަ އަށް ހިންގާފައިވާ ކަންކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޗް އެމް.
10 August 2022
ގިނަ ޒަމާންތަކެއްވެފައިވާ ކަންކަމުގެ ހަގީގަތް އެގި ހޯދޭނީ، ލޯމަތިން މިހާރުވެސް ފެނި ޔަގީންވާ ކަންކަމަށް ގޮތެއް ހޯދި އިންސާފު ލިބިގެންނޫންތަ؟ ތިޔައީ ގައުމުގެ ފައިސާ ފޮށީގަހެދި އިތުރު ބާތަކެއް. އެވެސް މިހާރު ފުރޭންޏަކަށް ވެނިމިއްޖެ. އެއަކު އެކައްޗެއްވެސް ހަރުނުލާ!
އިސްމާލު
10 August 2022
ބަޔަކު ކުޝެއްކުރީމަ ހުރިހާރައްޔަތުންގެ މުދައު ފޭރި ހުޅުޖަހައި ރަޝުންބޭރުކުރީމަ ދާނެތަނެއްނެތި ފުޅުރަށްތަކުގައި ބަނޑަށްޖެހިގެން ކިތައްމީހުން މަރުވިތޯ ގައްދޫ މީހުންނާސިރާއިގުޅިގެން ތިނަދޫމީހުންގެ މުދާފޭރި ހުޅުޖެހުމުގައި އިސްކޮށް އުޅުނީ ތިނަދޫއަކީ އެއިރު ރާއްޖޭގެ އެއްމެ މުއްސަނދި ރަށައްވާތި އެކަމުގެ ހަސަދަބޭލީ އިގިރޭސިން ދައުލަތް ހަދަންތިބީ އައްޑޫގައި އިސްކޮށް އުޅުނީ އަފީ ކީއްވެތޯ އައްޑުއަށް އަރައި އަފީފު ހައްޔަރުނުކުރީ އޭގެބަދަލުގައި ތިނދޫގެ މުއްސަނދިން ޖަލަށްލައި މުދާތައްފޭރި މެރީ
ސައިޚް
10 August 2022
ވަގުތާ، ފައިސާއާއި، ބޭކާރު ކުރަން ކޮން ކަމެއް، ކެރެންޏާ ނިކަން 2012 ގަ ހިންގި ހަރާމް ބަޣާވާތްބަލަބަލަ، އެއޮތީ މައްސަލަ ވެސް ހުށައަޅާފަ. ކޮންމެކަމެއް ތިކުރަނީ ތިފާޑައް.
އިސްމާލު
10 August 2022
ތިނަދޫގައި އަޑުއެހުން ބޭއްވުމުން ތަރުހީބުލިބުމުން މާލޭގައި ބަޔާންނެގީމައި 80 މަތީ އުމުރުގެމީހުން ބަޔާންދޭން މާލެ އައްނާނެތޯ މިއީ މިކަންނުބަލަން ކުރިކަމެއް އެހެނީ ދިވެހިދައުލަތުން އަނިޔާވެރިކަމާއިކު ތިނަދުއަށްއަރައި މުދަލުގައި ހުޅުޖަހައި ރަށުންބޭރުކުރުމުން ފަޅުރަށްތަކުގައި އެތަށްބަޔަކު ބަނޑަށްމަރުވުމުގެ ޒިންމާ ނަގަންޖެހޭ ބަޔަކު ކުޝެއްކުރުމުން މުޅިރައްޔަތަށް އަދަބުދިނުން މިއީކޮން ހަމަޔެއްތޯ
މުންޖިޗޭ
10 August 2022
އަނިޔާވެރިންގެ މައްޗަށް ﷲ ސުބުޙާނަހޫ ވަތަޢާލާގެ ކޯފާއާއި ޢަޛާބު ވާކަމީ ކީރިތި ޤުރުއާނާއި، ރަސޫލުﷲ ޞައްލަﷲ ޢަލައިހި ވަސައްލަމަގެ ޙަދީޘް ބަސްފުޅުތަކުން އެނގި ކަށަވަރުވާކަމެއް، އަނިޔާ ލިބުނު ފަރާތްތަކަށް ﷲގެ ހަޟްރަތުގައި ފުރިހަމަ ޢަދުލުވެރި ބަދަލެއް ލިބޭނެކަމީ ޝައްކެއްނެތި އެނގޭ ކަމެއް، ވީއިރު އެތައްޒަމާނެއް ވެފައިވާ ބޮޑު ކަންތައްގަޑެއްގެ ވާހަކަ ނަގައި ކޮޅަށްޖަހައި ދައުލަތުން ބޭކާރު ޚަރަދެއް މިކުރަނީ ވަކިބަޔަކަށް މަންފާ ހޯދައިދޭން ކަމަށްޤަބޫލުކުރެވޭ
ާއަލިމޯޑު
10 August 2022
މިރާއްޖޭގެ ތާރީހުގައިވެސް އެއްވެސް ސަރުކާރަކަށް ނުލިބޭވަރުގެ ސުޕަމެޖޯރިޓީ މަޖިލީހަކާއެކު ވެރިކަން ކުރަން ލިބުނީމަވެސް މިއެމްޑީޕީގެ ސަރުކާރުން ކުރަނީ މިކަހަލަ ކަނޑުކޮސް ކަންކަން.ތިނަދޫ މީހުން ބޭލި މައްސަލަ އާ ރައީސް އަމީން މަރާލި މައްސަލަ ބަލއިގެން ވާނެ ފައިދާއެއް އޮތީއެއް ނޫން. އެއަށްވުރެ ގައުމަށް ފައިދާ ވާނެ އެމްޑީޕީ ގެ ސަރުކާރު ބަޣާވާތަކުން 2012 ގަ ބަދަލުކުރިކަމަށް އެމްޑީޕީ އިން އެކުރާ ތުހުމަތު ބެލިއްޔާ
ވަރަށް ސާފު
09 August 2022
މީ ރައްޔިތުންެ ފައިސާ އިސްރާފުކޮށް ދައުލަތުން ބަލަދު އަރާ ބަޔަކަށް ފައިސާ ދިނުންތޯ؟ މި އޮފީހާއި މަގާމްތައް ވަގުތުން ވަގުތަށް އުވާލާ. 2023 ހަނދާން ނައްތާލާ.
ޑޮންކީ
09 August 2022
އަހަރެމެން އިތުރަށް އަނގަގޮއްވަން ނޫޅޭ
ދޫދުޕީޓޫ
09 August 2022
ރައްޔިތުންގެ ފައިސާ އިސްރާފް ކުރަން އުފައްދައިގެން އުޅޭތަނެއް. ކޮން އިންތިގާލީ އޮފީހެއް. ޕޯޗުގީޒުން މިގައުމުގެ ރައްޔިތުންގެ ކަރަށް ހަމަ އަސްލުގަ ވެސް ރާއެޅިތޯއާއި, ތަކުރުފާނު އަސްލުންވެސް އަނދިރީން ގަޔަށް ބަޑި ޖެހިތޯ ބެލުމަށް ތިޔަ އިންތިގާލީ އޮފީހަށް ގޮވާލަން. އެވެސް ހަގީގަތް އެގެން ޖެހޭ ކަމެއް.
ހޭބަލިވީދޯ
09 August 2022
ތިބުނާދުވަހު އުފަންވީ ކުއްޖެއް ހުއްޓަސް އުމުރުން 62 އަހަރުވީ! އަމިދުން ބާލިޣު ފުރާއަށް ކިރިޔާ އެރި މީހަކުވިއަސް 75 އަކުން މަތީގައި. ހާބީލު އާ ގާބީލުގެ މައްސަލަވެސް އަލުން ތަހުގީގުކުރަމާ. ކަމެއްބެތި ދެއަތް އުރާގެން ދޯ މިތިބެނީ؟