ފަސިންޖަރުންނަށް ނުރައްކާވާ ފަދަ ކަމެއް ފާހަގަވެއްޖެ ނަމަ އެކަން ތަހުގީގުކޮށް ފިޔަވަޅު އަޅާނަން: އައިލެންޑް އޭވިއޭޝަން

މޯލްޑިވިއަންގެ ފްލައިޓަކަށް ބަލިމީހަކު އަރުވަނީ: ފަސިންޖަރުންގެ ރައްކާތެރިކަން ކަށަވަރުކުރާނެ ކަމަށް އައިލެންޑް އޭވިއޭޝަނުން ބުނޭ

އަހުމަދު އަރުޝަމް، މިހާރު

10 އޯގަސްޓް 2022 - 13:51

10 comments

"މޯލްޑިވިއަން"ގެ ފްލައިޓުތަކުން ދަތުރުކުރާ ފަސިންޖަރުންނާއި ކްރޫންގެ ރައްކާތެރި ކަމަށް ބުރޫއަރާ ކަހަލަ ކަމެއް ފާހަގަވެއްޖެ ނަމަ އެކަން ބަލައި ތަހުގީގުކޮށް، އަޅަންޖެހޭ ފިޔަވަޅުތައް އަޅާނެ ކަމަށް އައިލެންޑް އޭވިއޭޝަނުން ބުނެފި އެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކާއި ކުރާ ތުހުމަތުތަކާ ގުޅިގެން އައިލެންޑް އޭވިއޭޝަނުން މިއަދު ނެރުނު ބަޔާނެއްގައި ބުނީ އެ ކުންފުންޏަކީ ރާއްޖޭގެ ސިވިލް އޭވިއޭޝަންގެ ގަވައިދުތަކާ އެއްގޮތަށް ހިންގަމުން އަންނަ ކުންފުންޏެއް ކަމަށެވެ.

"އަޅުގަނޑުމެންގެ ބޯޓުތަކުން ދަތުރުކުރާ ފަސިޖަރުންނާއި ކްރޫންގެ ރައްކާތެރިކަމަކީ އެންމެ ބޮޑު އިސްކަމެއް ދޭ ކަންތައް،" އެ ބަޔާނުގައި ބުންޏެވެ.

އަޅުގަނޑުމެންގެ ބޯޓުތަކުން ދަތުރުކުރާ ފަސިޖަރުންނާއި ކްރޫންގެ ރައްކާތެރިކަމަކީ އެންމެ ބޮޑު އިސްކަމެއް ދޭ ކަންތައް -- އައިލެންޑް އޭވިއޭޝަން

މޯލްޑިވިއަންގެ ސީޕްލޭން ބޯޓެއްގެ އެއް އިންޖީނު ނިއްވާލައިގެން އުދުހުނު ކަމަށް ތުހުމަތުކޮށް އިއްޔެ ސޯޝަލް މީޑިއާގައި މީހަކު ވަނީ ވީޑިއޯއެއް އާންމުކޮށްފަ އެވެ. އެ ވީޑިއޯ އަޕްލޯޑު ކުރި ފަރާތުން ބުނި ގޮތުގައި، ކެޕްޓަން ވަނީ ބޯޓުގެ އެއް އިންޖީނު ނިއްވާލުމަށް ފަހު ތެޔޮ ކަނޑާލައިފަ އެވެ.

ދެ އިންޖީނުގެ ފްލައިޓުތަކުން އެއް އިންޖީނު ނިއްވާލުމަކީ ރާއްޖޭގެ ގާނޫނާ ހިލާފުކަމެއް ކަމަށް ވިޑިއޯ ލާފައިވާ ފަރާތުން ބުނި ނަމަވެސް، އެކަން ދޮގުކޮށް، އިންޖީނު ހޫނުވުން ފަދަ ބައެއް ކަހަލަ ހާލަތްތަކުގައި އެފަދަ ފްލައިޓުތަކުގެ އެއް އިންޖީނު ނިއްވާލުމަކީ ރައްކާތެރިކަމުގެ ގޮތުން ކުރަންޖެހޭ ކަމެއް ކަމަށް އެ ކަމުގެ ތަޖުރިބާކާރުން ބުނެ އެވެ. އަދި އެއްއިންޖީނުގައި ދުއްވުމަކީ އެ ވަގުތަކަށް އެއްވެސް މައްސަލައެއް ނޫން ކަމަށާއި އެއީ ޓްރޭނިންތަކުގައި ވެސް ކިޔައިދޭ ގޮތް ކަމަށް ތަޖުރިބާކާރުން ވިދާޅުވެ އެވެ.

އެފަދަ ހާލަތްތަކުގައި އެއް އިންޖީނު ނިއްވާލުމަކީ ހާއްސަ ތަމްރީނުތަކަކާ އެކު ދުރާލާ ރާވައިން އަބަދުވެސް ޕައިލެޓުން ކުރާ ކަމެއް ކަމަށާއި އޭގެ ސަބަބުން ފަސިންޖަރުންނަށް އެނގުމެއް ނުވާނެ ކަމަށް ވެސް، މި ނޫހަށް މައުލޫމާތު ދެއްވި ބޭފުޅަކު ވިދާޅުވި އެވެ.

މޯލްޑިވިއަން ފްލައިޓެއްގެ ކެޕްޓަނަކު ކޮކްޕިޓް ތެރޭގައި ސިނގިރޭޓު ބޯ ކަމަށް ބުނާ ވީޑިއޯއެއް ވެސް ދާދި ފަހުން ވަނީ އާންމުވެފަ އެވެ. އެކަމާ ގުޅޭގޮތުން މޯލްޑިވިއަނުން ބުނީ އެ މައްސަލައިގައި ބަލަންޖެހޭ ކަންކަން ބަލައި، އަޅަންޖެހޭ ފިޔަވަޅު އަޅާފައިވާނެ ކަމަށެވެ. އޭގެ އިތުރު ތަފްސީލެއް ހިއްސާ އެއް ނުކުރެ އެވެ.

އައިލެންޑް އޭވިއޭޝަން ސިވިލް އޭވިއޭޝަން މޯލްޑިވިއަން އެއާލައިން

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންދެލި

11 August 2022

ގައުމީ އެއާލައިން ހިންގަން މި ލިބުނީ ދެބޭފުޅެކެވެ: ފުރަތަމަ ދައްތާފުޅުގެ ދޮންދަރި އެވެ. ދެން ސޯބިރާ ގެ ދޮށީ ސޮރެވެ. ދެމީހުންކުރެ މީހަކަށް މަތިންދާބޯޓެއް ދެއްކިޔަސް އެއީ ކޯޗެއް ކަން ވެސް އިނގޭނެހެން ހިއެއް ނުވެއެވެ. ހިތާމައިގެ ކޮޅެއް ވެސް ނެތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާހިނު ކަބުލޭގެ

10 August 2022

މަބުނީ އެމްއޭސީ އެލް އަށް ދައްކަން އޮތް ތެލުގެ ލާރި އަވަހައް ދައްކާށޭ.......ބޯނަސް ނުލިބޭތާ ވަރަށް ދުވަސް ވެއްޖޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

10 August 2022

ޙަބަރު ކިޔާލުމުން Aerospace Engineering އާއި ސީޕްލޭނާއި ބެހޭ އެއްވެސް އެއްޗެއް ނޭގުނު ކަމުގައިވިޔަސް "މޯލްޑިވިއަން އޮތީ ބޮޑި ބޮއިފަ" ކަން ވަރަށް ރަނގަޅަށް ހާމަވެއްޖެ. # ވީޑިއޯ ލާފައި މިކަން ސަމާލުކަމަށް ގެނައިފަރާތުން ބުނެފައެއްނުވޭ މިއީ "އިމާރޖަންސީ ހާލަތް ތަކުގައި" ކުރުން މަނާ އަދި ކޮށްގެން ވާނެ ކަމެއް ނޫނެކޭ. އޭނާ ބުނެފައި އޮތީ "އާންމު ދަތުރުގެ ހާލަތް ތަކުގައި" މިގަޮތަށް މިކަން ކުރާކަށް ސިވިލްއެވިއޭޝަން ޤާނޫނު ހުއްދައެއް ނުކުރެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުއަލޯ

10 August 2022

ވީޑިއޯކޮށް ޓްވީޓްކުރީ ގްރޭޑް 10 އަކުން ކަނޑާލާފަ ހުރި ސޮރެއް. ގޭމުތަކުން އެސޮރަށް ފްލައިޓް ފެނިފަ ހުންނާނީ. ލޮލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަންދޫރީ

10 August 2022

ބައެއް މީހުނަށް ކަންކަން ދިމާވެފަ ހުންނަ ގޮތުންވެސް ކަންނޭނގެ އަނެކުންނާމެދު ހެޔޮކޮށް ވިސްނަން ނޭނގެނީ. ދެން މިލަނީ ވީޑިއޯކޮށްފައި ތަންތަނަށް، މިވެނި މީހަކު އެވެނިކަމެއް ކޮށްފިޔޭ، އެއީ ތިމަންނަ ލައްކަ ކަންބޮޑުވާ ކަމެކޭ، މިވެނި ސަބަބަކާހުރެޔޭ އެކަމެއް އެކުރީ. ނަމަވެސް ދަންނަ މީހެއް ގާތު އަހާލަން ނޫނީ އެކަމާމެދު ރަނގަޅު ދިރާސާއެއްކުރާކަށް ނުވިސްނޭ. އެކި ކަހަލަ ބޯޓުގައި ތަފާތުވާނެ ޢަމަލުކުރާގޮތް. ބޮޑެތި ބޯޓުފަހަރާ ރާއްޖޭގަ ދުއްވާ ބޯޓުތައްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

10 August 2022

ތިޔަކަހަލަ ބަޔާންތައް ނެރެން ކުންފުނީގަ ހުންނާނެ ވަރަށް ޤާބިލް މީހެއް ދާއިރާގެ ފުންނާބްއުސް ތަޖުރިބާ ލިބިފައި ހުރި މީހެއް އެއީ ޖެނިފާ ލަތީފް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޑިޔައްތޮކިނަބާ

10 August 2022

އިންޖީނު ބާވެ، ފުލައިޓް ބާވެއްޖެއްޔާ އުދުހުމުގެ ހުއްދައެއް އެ ފުލައިޓަކަށް ނޯންނާނެއެވެ. ފުލައިޓްތަކުގެ ރޯޑްވާދީނަސް މާވަރުގަދަވާނެއެވެ. ހީވަނީ މިއީ މާލޭގެ މަގުމަތީގައި ދުއްވާ ޓެކްސީއެއްހެން ދޯ! ޓެކްސީތަކުގެ ރޯޑުވާދީނަސް ހަދާނެވެ. އެކަމަކު އޭތި ދުއްވާފައި ދާއިރު ސައިލެންސަރުން ދުންއާރާވަރުން މަގުމަތީގައި ހިނގާމީހުންނަށް އެހާ އުދަގޫވެއެވެ.