އެމްޕީއެލްގެ ސީއީއޯ ޖުނައިދު (މ)ގައި ނޫސްވެރިންނާ ވާހަކަދައްކަވަނީ: މެރީޑިއަމާ އެކު އޮތް އެއްބަސްވުމަކީ ބޯޑުން ފާސްކުރި އެއްބަސްވުމެއްް ނޫން ކަމަށް ޖުނައިދު ވިދާޅުވި-- ފޮޓޯ:ނިޝާން އަލީ /މިހާރު
04 ޖެނުއަރީ 2017 - 11:29
18 comments
މޯލްޑިވްސް ޕޯޓްސް ލިމިޓެޑް (އެމްޕީއެލް) އަށް ތެޔޮ ގަތުމަށް މެރީޑިއަމް ކުންފުންޏާ އެކު ހަދާފައި އޮތް އެއްބަސްވުން ދަމަހައްޓަން ކޯޓުން ހުކުމް ކުރިޔަސް އެއީ ބާތިލް އެއްބަސްވުމެއް ކަމަށާއި ކޯޓުގެ ހުކުމް އިސްތިއުނާފް ކުރާނެ ކަމަށް އެމްޕީއެލް އިން ބުނެފި އެވެ.
ރައްޔިތުންގެ މަޖިލީހުގެ ވިލުފުށީ ދާއިރާގެ މެމްބަރު ރިޔާޒު ރަޝީދުގެ މެރީޑިއަމް ކުންފުނިން އެމްޕީއެލް އަށް ތެޔޮ ގަތުމަށް އެއްބަސްވުން ހަދާފައި ވަނިކޮށް އެމްޕީއެލް އިން މި އަހަރު ވަނީ އެ އެއްބަސްވުން ބާތިލްކޮށްފަ އެވެ. އެ މައްސަލަ މެރީޑިއަމުން ކޯޓަށް ހުށަހެޅުމުން މިދިޔަ މަހު ކޯޓުން ހުކުމްކުރީ އެ އެއްބަސްވުން ދެމެހެއްޓުމަށެވެ.
އެމްޕީއެލްގެ ސީއީއޯ މުހައްމަދު ޖުނައިދު ވިދާޅުވި ގޮތުގައި އެ އެއްބަސްވުން ދަމަހައްޓަން ކުރި ހުކުމް ހައި ކޯޓުގައި އިސްތިއުނާފް ކުރާނެ ކަމަށާއި އެ އެއްބަސްވުމަކީ އުފެދުނު އިރު ވެސް ބާތިލް އެއްބަސްވުމެއް ކަމަށެވެ. ސަބަބަކީ ވަކި އަދަދަކަށް ވުރެ ބޮޑެތި މަސައްކަތްތައް ހަވާލު ކުރެވޭނީ ކުންފުނީގެ ބޯޑުން ފާސްކޮށްގެން ކަމަށްވިޔަސް މެރީޑިއަމާ އެކު ހެދި އެއްބަސްވުމަކީ އެމްޕީއެލްގެ ބޯޑުން ފާސްކުރި އެއްބަސްވުމެއް ނޫން ކަމަށްވާތީ ކަމަށް ޖުނައިދު ވިދާޅުވި އެވެ.
"އަޅުގަނޑު ޗެއާމަނަކަށް ހުއްޓައި މިކަމެއް ހިނގީ. އޭރަކު ހަމަ ގައިމު ވެސް ބޯޑަކަށް ނާދޭ އެއްބަސްވުން ފާސް ކުރާކަށް،" ޖުނައިދު "މިހާރު" އަށް ވިދާޅުވި އެވެ.
ޖުނައިދު ވިދާޅުވީ އެއްބަސްވުން ދަމަހައްޓަން ނެރުނު ވަގުތީ އަމުރު އިސްތިއުނާފްކޮށްފައި ވަނިކޮށް އެ މައްސަލައިގެ ހުކުމް އައުމުން ހައިރާންވާ ކަމަށެވެ. މެރީޑިއަމުން އެމްޕީއެެލް އަށް ތެޔޮ ވިއްކަނީ ބާޒާރުގައި ވިއްކާ އަގަށް ވުރެ ބޮޑު އަގުގައި ކަމަށާއި އެފަދަ ހުކުމްތައް ކުރާ އިރު "ބަލާލަން އެބަޖެހޭ" ކަމަށް އޭނާ ވިދާޅުވި އެވެ.
"އަޅުގަނޑުމެން ވަގުތީ އަމުރު އިސްތިއުނާފް ކުރީމަ އެ މައްސަލަ ހައި ކޯޓުން ނުނިމެނީސް ދަށު ކޯޓުގެ މި އަންނަނީ ހުކުމެއް އެއްބަސްވުން ދަމަހައްޓާށޭ. ކިހިނެއްތޯ ނެތް އެއްޗެއް ދަމަހައްޓާނީ؟ އެއީ ބާތިލް އެއްބަސްވުމެއް،" ޖުނައިދު ވިދާޅުވި އެވެ.
އެކަމަކު ޖުނައިދުގެ އެ ވާހަކަތައް މެރީޑިއަމުން ދޮގު ކުރި އެވެ. މެރީޑިއަމްގެ އޮފިޝަލަކު ވިދާޅުވި ގޮތުގައި އެ އެއްބަސްވުން ހެދީ އެމްޕީއެލްގެ ބޯޑަށް ހުށަހަޅައި، އެ ބޯޑުން ފާސް ކޮށްގެންނެވެ. އެއްބަސްވުން ހެދީ ބޯޑުން ފާސްކޮށްގެން ކަން ކޯޓުގެ ހުކުމުން ވެސް އެނގޭނެ ކަމަށާއި އެމްޕީއެލް އިން ކަންކަން އޮޅުވާލަނީ ކަމަށް އޮފިޝަލް ވިދާޅުވި އެވެ.
"ބޯޑުން ފާސްކޮށްގެން އެއްބަސްވުން ހަދާފައި އޮންނާނީ. ޖުނައިދު އޭރު ހުންނާނީ އެމްޕީއެލްގެ ޗެއާމަނަށް. ހުކުމުގައި އޮންނާނެ ބޯޑުން އެކަން ފާސްކުރި ވާހަކަ ވެސް ބުނެފައި،" އޮފިޝަލް ވިދާޅުވި އެވެ.
މެރީޑިއަމްގެ އޮފިޝަލް ވިދާޅުވި ގޮތުގައި އެމްޕީއެލް އިން މަސައްކަތް ކުރީ ސަރުކާރާ ގުޅުން އޮންނަ އެހެން ބަޔަކާ ގުޅިގެން ތެޔޮ ކުންފުންޏެއް އުފެއްދުމަށް ފަހު އެ ކުންފުންޏާ އެ މަސައްކަތް ހަވާލު ކުރާށެވެ.
"މެރީޑިއަމުން އަގު ބޮޑުކޮށް ތެޔޮ ވިއްކަނީއޭ ބުނާ އިރު މެރީޑިއަމުން ހުށަހެޅި އަގު ކުޑަ ވީމަ މެރީޑިއަމަށް އެ ބިޑް ކާމިޔާބު ކުރެވުނީ. އަދި އެއްބަސްވުމުގައި އޮންނާނެ ބުނެފައި ބާޒާރުގައި ތެލުގެ އަގު ބޮޑުވާ ވަރަކަށް ބޮޑުކޮށޭ ވިއްކާނީ، ހަމަ އެގޮތަށް ބާޒާރުގައި އަގު ދަށްވެއްޖެ ނަމަ ދަށް އަގުގައޭ ވިއްކާނީ. މިގޮތަށް ވެސް އޮންނާނެ،" އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަނެލީ
04 January 2017
މޫސުން ބަދަލުވެއްޖެ
ކުޑޫ
04 January 2017
އެމްޕީއެލްގެ ސީއީއޯ މުހައްމަދު ޖުނެއިދަކީ ވަރަށާް ހިތްވަރު ގަދަ ބޭފުޅެއް. ޖުނެއިދު އެ މަސައްކަތްކުރަނީ ދައުލަތުގެ ކުންފުންޏަކަށް ނަހަމަ ގޮތުގައި ކޮންމެ މަހަކު ބޭރުވެގެންދާ ފައިސާތަކެއް ސަލާމަތްކުރަން. ސާބަސް ޖުނެއިދު.
ސަޓޯ
04 January 2017
މީ އަޅެ އަރަތެއް ވިދާޅުވާ ސީ އީ އޯ އެއްތަ؟ ބަލަ އެގްރިމަންޓް ބާތިލް ކަމަށް ތިޔަ ބޯޑުން ނޫނީ އީ ވައިސީ ން ނިންމާލީމަ ނިމުނީ ނޫންތަ؟ ދެއިރު ދެ ދަޅަޔަށް މީންގެ އަނގަ ގޮއްވަން ދޯ. ދެރަ ނުވާން ވެގެން ވިއަސް ތީ ދެން ބޮޑުވަރު ވިއްޔަ.
ސާތިރު
04 January 2017
ހަގީގަތް ވާނީ ހަގީގަތަށް. ކަނޑައެޅިގެން ދައުލަތުގެ ކުންފުންޏަކަށް ގެއްލުވަމުންދާ ކަމަކާ ދެކޮޅަށް ތެދުވުމަކީ އެންމެ ރަނގަޅު ގޮތް. ޖުނެއިދުގެ ހިތްވަރަށް ސާބަސް. ތި ޖަރީމާ ހުއްޓުވަން ޖެހޭނެ.
ސުޕާރީ
04 January 2017
ރާއްޖެ އަށް ތެޔޮ އެތެރެ ކުރާ ކުންފުނި އެސް. ޓީ. އޯ ވެސް އޮއްވާ، މެރީޑިއަން ކުންފުނިން އެމް.ޕީ.އެލް އަށް ތެޔޮ ގަންނަން އެގްރީމެންޓް އެއް ހަދަން ޖެހޭ ރަނގަޅު އެއްވެސް ސަބަބެއް އަޅުގަނޑަކަށް ނުވިސްނޭ!!
މޫސަ
04 January 2017
އެހެންވެތާ އެކަން ހުއްޓުވަން އެމްޕީއެލް އިން އެ މަސައްކަތްކުރަނީ. އެތައް މިލިއަން ރުފިޔާގެ ގެއްލުން ތަނަށް ވާއިރު ވެސް ކޯޓުން އެ ނިންމީ އެއްބަސްވުން ދަމަހައްޓަންޖެހޭނެ ކަމަށް. އެމްޕީއެލް އިން މި ކަމުގައި ނެގި ސްޓޭންޑަށް ތާއީދުކުރަން
ފަޤީރުކަލޯ!
04 January 2017
ޖުނައިދުގެ ވާހަކަ ދެކޮޅު ދިމާނުވަނީ ކީއްވެބާ؟ ޖުނައިދު އޭރުވެސް ހުރީ ޗެއާއަކަށް ވީއުރު ބޯޑުގެ ނިންމުމަކާ ނުލައި އެގޮރީމަންޓެއްކޮށް އެ އެގްރީމަންޓްގެ ދަށުން މިހާތަނަށް ދެފަރާތުން އަމަލުކޮށްކޮށް ހުރެފައި ކުއްލިއަކަށް ބާތިލު އެގްރީމަންޓަކަށް ވާން ޖެހުނީ ކީއްވެތޯ؟ ބޯޑުގެ އެނގުމަކާ ނުލައި ހެދި އެގްރީމަންޓްގެ ޒިންމާ އެމްޕީއެލް އިން ވާންޖެހެނީ ކާކުތޯ؟ އެކަމުގައި އެކަމުގައި ޖުނައިދު ޒިންމާވާން ނުޖެހޭނަމަ ތި އެގްރީމަންޓް އުވައިލުމަކަށްވެސް ޖުނައިދުއަށް އެޅޭނެ ބާރެއް ނޯންނާނެއެވެ. ޖުނައިދު ޗެއާމަނަކަށް ހުރިއިރު ހަދާފައިވާ ބާތިލު އެގްރީމަންޓްގެ ޒިންމާ އުފުލަން ޖެހޭފަރާތަކީ ހަމައެކަނި މެރީޑިއަމް ކަމުގައިވާނަމަ ޖުނައިދުގެ މައްޗަށާއި މެރީޑިއަމްގެމައްޗަށް ކޮރޮޕްޝަނުގެ ދައުވާ ކުރެވެން އެބަޖެހޭ ބޮޑަށްވަށްތަރީ ކަޓު ނުލިބިގެން ކަޓުލިބޭ އެހެން ކުންފުންޏަކާ އަނެއްކާވެސް ބާތިލު އެގްރީމަންޓެއް ހަދަންވެގެން ތެޅޭ ތެޅުމަކާއެވެ. ވައްސަލާމް!!!
ބޯލަބޭ
04 January 2017
ދެބޯގެރީގެ ވައްތަރެއް މީވެސް. އެގްރިމެންޓްގައި ސޮއިކޮށްފައޮތީކާކު؟ ބޯޑުން ފާސްނުކޮށް އޮތްކަމަކަށް އެގްރިމެންޓް ހަދައި ސޮއިކުރިމީހާ ކޮބާ؟ އޭނަޔާދެކޮޅަށް ދަޢުވާކުޜޭ؟ ނުކެޭނެދޯ؟
ޝާކިރު
04 January 2017
ފަގީރު ކަލޯ އަށް ފަހަރެއްގައި ކުންފުނިތައް ހިނގާ ގޮތް ނޭނގެނީ ކަންނޭނގެ. ބޯޑުގެ ޗެއާމަންކަަމަކީ ކުންފުނީގެ ދުވަހުން ދުވަހުގެ ހިންގުމަށް ބާރު ފޯރުވޭނެ މަގާމެއް ނޫން. ކުންފުނީގެ ބޯޑަށް ހުށަހަޅާ ކަންތައްތަކުގައި ބޯޑަށް ބާރު ހިންގިދާނެ. އެކަމަކު މިއީ ހިންގާފައި އޮތް ޖަރީމާއެއް. މި ކަމުގައި ޒިންމާ ނަގަންޖެހޭނީ އޭރު ކުންފުނީގެ މެނޭޖްމަންޓުގައި ތިބި ފަރާތްތައް
ސުޕާރީ
04 January 2017
ބޯޑުން ފާސް ކޮއްފިއްޔާ އޮންނަންވާނެ ބޯޑް މެމްބަރުން ސޮއިކޮއްފަ އޮތް "ބޯޑް ރެޒޮލިއުޝަން" އެއް!
މިންމި
04 January 2017
ޖުނޭދު ގެ ބުރަ މަސައްކަތް ތަކަށް ކާމިޔާބު ލިބޭނެ
އައްޔަ
04 January 2017
ކުރިން ތިވާހަކަ ވިދާޅުނުވެ މިހާރު ކުއްލިއަކަށް ހަދާންވީތޯ؟ މިއޮއްހާތައްދުވަހު ކުރި ވިޔާފާރިތަކަށް ދެންވާނީ ކިހެނެއްތޯ ތިޔަކަމުގައި މަނިކުފާނު ފިތި ބާރުނުވެ ސަލާމަތްވެއްޖިޔާވާރަގަޅު... ބާތިލު އެއްޗަކަށް ފައިސާދޫކުރީމުތޯ ކޮބައިތޯ މާލިއްޔަތު ގާނޫނު ދެލޯރަގަޅަށް ފޮހެލާފަ ކިޔާލާ.. އަނެއްކާ ތިޔަދެބޭފުޅުން ޒާތީކަމެއް އުޅެނީތޯ ނޫނީ މަނިކުފާނު ތެލުގެ ވިޔާފާރި ފެއްޓެވީތޯ.. ފަހަރެއްގައި އެއްބަސްވެފައިވާ ކަޓް މެމްބަރު ނުދެއްވަނީ ކަމަށްވެދާނެ..
މޫސާ
04 January 2017
ބާތިލު އެއްބަސްވުމަކަށް ބާތިލް އެގްރިމެންޓަކަށް ފައިސާ ދޫކުރިކަމުގެ ތުހުމަތު މަނިކުފާނުގެ މައްޗަށް ސާބިތުވޭ އެހެންވީމާ މަރީޑިއަމްއަށް މިހާތަނަށް ދުކޮށްފައިވާ ފައިސާއަކީ ގަވައިދާ ކިލާފަށް މާލިއްޔަތު ގާނޫނާ ޚިލާފަށް ދޫކޮށްފައިވާ ފައިސާ ކަމަށްވާތީ ޖުނޭ ވީއެންމެ އަވަހަކަށް މިފައިސާ ސަރުކާރަށް ދެއްކުމަށް އަޅުގަޑު ލަފާއަރުވަމެވެ، އަދި ކޮންމެވެސް އުގޫބާތެއްގެ ދަށުން ފިޔަވަޅެއް އެޅުމަށްވެސް ލަފާއަރުވަމެވެ.
މިނާ
04 January 2017
ޖުނޭދު އަކީ ޙައްޤު ބަސް ބުނާ މީހެއް ކަމަށް ގަބޫލު ކުރެވޭ.