މާލޭގެ މަގުތަކުގައި ޕެލެޓްތައް ބަހައްޓާ ނަމަ ޖޫރިމަނާކުރަނީ

މާލޭގެ މަގެއްގައި ޕެލެޓްތައް އަތުރާލާފައި: ސެޕްޓެމްބަރު އެކަކުން ފެށިގެން ޕެލެޓްތައް ނެގުމަށް ނަސޭހަތް ދިނުމަށް ފަހު ޖޫރިމަނާކުރަން ކައުންސިލުން ވަނީ ނިންމާފައި.-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

14 އޯގަސްޓް 2022 - 12:25

41 comments

ޕާކުކުރަން ދަތިވާ ގޮތަށް މާލޭގެ އެކި މަގުތަކުގައި ގަވާއިދާ ހިލާފަށް ޕެލެޓްތައް ބަހައްޓާ ނަމަ، އަންނަ މަހުގެ އެއް ވަނަ ދުވަހުން ފެށިގެން ޖޫރިމަނާކުރަން ނިންމާފައިވާ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.

ގަރާޖާއި ގުދަނާއި ފިހާރަތައް ހިންގާ ފަރާތްތަކަށް ފުރުސަތު ދިނުމަށް ފަހު، މާލޭގެ އެކި މަގުތަކުގައި ބަހައްޓާފައިވާ ޕެލެޓްތައް ނެގުމުގެ މަސައްކަތް މިދިޔަ މާޗު މަހު ކައުންސިލުން ކުރި އެވެ. އެ މަސައްކަތުގެ ދަށުން ހަފުތާއެއްހާ ދުވަހުގެ ތެރޭގައި 1،300 އަށް ވުރެ ގިނަ ޕެލެޓް މަގުތަކުން ނެގި އެވެ.

ޕެލެޓްތައް ނަގާއިރަށް އެ ތަނުގައި އެހެން ޕެލެޓެއް ބާއްވާތީ އެ މައްސަލަ އޮތީ މިހާތަނަށް ވެސް ހައްލު ނުވެ އެވެ.

ބޮޑެތި ވެހިކަލްތައް ޕާކުކުރުމަށް ކުރިއާލައި މަގުމަތީގައި ޕެލެޓްތައް ބަރިބަރިއަށް ޖަހާފައި ހުންނާތީ އޭގެ ސަބަބުން އެހެން ވެހިކަލްތައް ޕާކުކުރުމަށް ދަތިވެ ޝަކުވާ ބޮޑުވި އެވެ.

އެކަމާ ގުޅިގެން "މިހާރު" އިން ސުވާލުކުރުމުން ކައުންސިލުން މިއަދު ބުނީ ޕެލެޓް ނެގުމުގެ މަސައްކަތް އެ ކައުންސިލުން މިހާރު ވެސް ކުރަމުން އަންނަ ކަމަށެވެ. އަދި ކައުންސިލާއި ފުލުހުން ގުޅިގެން މި ފަހުން ތައާރަފުކުރި ޕޮލިސް ކޮންސްޓެބިއުލަރީ ފޮނުވައިގެން ވެސް މީހުންނަށް ނަސޭހަތްދީ، ޕެލެޓް ނަގާފައި ހުންނާނެ ކަމަށް ކައުންސިލުން ބުންޏެވެ.

އެކަމަކު ކައުންސިލުން ބުނި ގޮތުގައި ޕެލެޓްތައް ނެގިޔަސް 2-3 ދުވަހުގެ ތެރޭގައި އަނެއްކާ ވެސް މަގުތަކުގައި ޕެލެޓްތައް ބަހައްޓަ އެވެ.

މާލޭގެ މަގެއްގައި ޕެލެޓްތައް އަތުރާލާފައި-- ފޮޓޯ: ނިޝާން އަލީ/ މިހާރު

އެހެންވެ، ޕެލެޓްތައް ނަގަން އެންގިޔަސް މައްސަލަ ހައްލު ނުވާތީ އެކަމަށް ދާއިމީ ހައްލެއް ހޯދުމުގެ މަސައްކަތް ކުރާ ކަމަށް ކައުންސިލުން ބުނެ އެވެ.

ކައުންސިލުން ބުނިގޮތުގައި، ޕެލެޓްތައް ބަހައްޓާ މީހުންނަށް ނަސޭހަތް ދިނުމަށް ފަހު، އެކަން ރަނގަޅުނުކުރާ ނަމަ، އަންނަ މަހުގެ އެކަކުން ފެށިގެން އެ ފަރާތްތައް ޖޫރިމަނާކުރަން ވަނީ ނިންމާފަ އެވެ. އެކަމަކު އެ ޖޫރިމަނާކުރާނެ އަދަދެއް އަދި ހާމައެއް ނުކުރެ އެވެ.

Photo story: Parking zone thah palette thakun furifai!

The most trusted news source in the Maldives

Mihaaru

ދަގަނޑާއި ލަކުނޑި ޕެލެޓްތަކުން ޕާކިން ޒޯނުތައް ފުރި ޝަކުވާ ބޮޑުވިއިރު އެ މައްސަލަ އެމްޕީއެލާއި ކަސްޓަމްސް ސަރަހައްދުން ބޭރު މަގާއި ހަވީރީ ހިންގުމުގެ އެކި ސަރަހައްދުތަކުގައި ވަރަށް ބޮޑެވެ. ހަތަރުފުރޮޅުލީ ވެހިކަލްތައް ޕާކުކުރުމަށް ބައެއް މީހުން ޕާކިން ޒޯނުތަކުގައި ޕްލެޓްތައް ބަހައްޓާފައި ހުރީ ޕެލެޓްތަކުގައި ޗޭނުގަނޑު އެޅުވުމަށް ފަހު އެހެން މީހުންނަށް އެ ނުނެގޭނެ ގޮތް ހެދުމަށް ފަހު އެވެ.

މާލެ ސިޓީ ކައުންސިލް ޕާކިން ޕާކިން ޒޯން މާލެ

41 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

134545

15 August 2022

މާލެއަށް މީހުން ޖަމާނުކޮށް އެހެން ހިސާބުތައްވެސް ތަރައްގީ ކުރެވޭތޯ ބަލަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

15 August 2022

މައްސަލައަކީ ސައިކަލެއްނޫން އަދި ޕެލެޓެއްވެސްނޫން. މައްސަލައަކީ ނުކަތާވަރަށް މީހުން މާލެގައި ދިރިއުޅުން. ޔާމީނު އުޅުނީ އިތުރަށް އަދިވެސް މާލޭގައި ފްލެޓް އަޅަން. ކުރަންވީ ކަމަކީ ސަރުކާރު އޮފީސްތަށް ހުޅުމާލެއަށް ބަދަލުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

15 August 2022

ބަސް ސްޓޮޕުހެދުމައްމުޅިމާލޭގެ ބޮޑަތިހުރިހާމަގެއްގަ ޕާކުކުރުންބަންދުކުރަންޖެހޭތޯއެވެ.ކޮންމެ15ފޫޓުން15ފޫޓުންބަސްސްޓޮޕުބަހައްޓަންޖެހެނީތޯ?ބަސްމަޑުކުރަންބޭނުންވާހިސާބުތަކުން,އެކަމައްބޭނުންވާވަރައްޖާގަދީގެން ޢާޒިމް ޤަބޫލެއްނުކުރިތޯއެވެ.ތިވެސްހީވަނީ މުޢިއްޒުގެންގުޅޭސަރުކާރުދެކެ ރައްޔިތުން ރުޅިއެރުވުމުގެޕޮލިސީގެތެރެއިންހިންގިކަމެއްހެން ދެންޕާކުކުރާނީކޮންތާކުތޯއެވެ.??

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެލެޓް

15 August 2022

ތިޔަ ޕެލެޓްތަކަކާހެދި މިހާރު ޢާންމު އުނދަގުލަކަށް ވެއްޖެ! ބޮޑެތި ޕިކަޕް ދުއްވާމީހުުން އޮންނަނީ ސައިކަލް ޒޯނުތައްވެސް ހިސޯރުކޮށްފަ! ނުވިތާކަށް ސައިކަލްތައް ޒޯނުގަ ޕާކުކޮށްފަ ހުއްޓަވެސް ދަމާ ކޫއްތާފަ އެއްވެސް ބަލާލުމެއް ކަމެއްނެތި މީހުންގެ އަގުބޮޑެތި އެއްޗެހި ނަގާ އެއްފަރާތްކޮށް ޕިކަޕުތައް އެހުންނަނީ ޕާކުކޮށްފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޅުދާންޏަށްނުސިހޭއިބުނިކައްޓަފުޅި

14 August 2022

ވިއަސް ނުވިއަސް މިއީ ކުރަންޖެހޭކަމެއް. ސުވާލަކީ ކައުންސިލުގައި އެވަރުގެ ހިތްވަރެއް ގަޓެއް އެބަހުރިބާއޭ. ފުރަތަމަ ގޭދޮރުމަތީ ނުވަދެވޭގޮތަށް ޕާކުކޮށްފަ ހުންނަ ތަކެއްޗާއި ޕޭމަންޓަށް އެއްފަޅި އަރުވައިގެން ޕާކުކޮށްފައި ހުންނަތަކެއްޗާއި ބައެއް ފިހާރަތަކުގެ ކުރިމަތިން އޮންނަޕޭމެންޓުގެ މިލްކުވެރިކަމާއި ގޯޅިތަކުގެ ކަންކަންމަތީގަ ބައެއް ޕާކިންޒޯންތަކުގަ ފައްތިޔަލަ ލައިގެން ހަރުކޮށްގެން ތިބޭ ބޮންދުން ހަމަޔަކަށް އެޅިގެންނޫނީ ޕެލެޓާއި ހިސާބަށް ދެވޭނެބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންދެން

14 August 2022

ތީ މިހާރު ޤައުމީ ބޮޑު މައްސަލައަކަށް ވެއްޖެ. އަދި ނުވިތާކަށް ޕޭމަންޓް މަތި ހިސާރުކުރާ މައްސަލައަކީވެސް ކުޑަ މައްސަލައެއްނޫން. މީހަކަށް ހިނގާލެވޭ ވަރުގެ ޖާގައެއްވެސް ނޯވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

14 August 2022

ތިހެން ބިރުދެއްކިޔަސް ބަންގާޅީން ބިރެއްނުގަންނާނެ. އެހެންނޫނަސް އެމީހުން ތިބޭނީ ކުޑަކުޑާއިކޮށް ގާނޫނަށްވުރެ މަތީގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލޭކަ ދައިތަ

14 August 2022

މިކަހަލަ އާޓިކަލްތަކަށް އެބަޖެހޭ ފޮޓޯ ލެވޭގޮތްހަދަން. މާގިނަ ވާހަކަ ނުދައްކާ ފޮޓޯއަކުން ލައްކަ ބައިވަރު ބުނެވުނީހެއްނު. ހަނިމަގެއްގެ ގޯއްޗައްވަންނަން އިންނަ ކަންމަތީ ފިހާރައެއް، ފިހާރަޖެހިގެން އިމާރާތެއްގެ ދެބަޔަކަށް ވަންނަން ދެ ދޮރު. ގިނަވެގެން ދެ ޕެލެޓްއިން ފުއްދާލެވޭނެ. އެކަމް ކޮންމެ ބަޔަކުވެސް ޕެލެޓެއް އަޅައިގެން އިއްޒަތުގަ ނިކުންނަން 4 ޕެލެޓް އަޅާފަ. އުސްފައިވާނުގަ ބިރުންހުރެ ފީވެފަ ހުންނަ ޕެލެޓްމަތިން ހިގަން މިޖެހެނީ ފިހާރަތަކަށް ވަންނަން.