ވ. މާގުޅީ: އިންޑިއާއިން ހިލަ ހިފައިގެން ވ. ރަކީދު އަށް ދަތުރުކުރަނިކޮށް "އޭއެމް އާގަމް" އެރީ އެ ރަށުގެ އުތުރުގައި އޮންނަ ފަރަކަށް.
15 އޯގަސްޓް 2022 - 13:41
18 comments
އިންޑިއާއިން ހިލަ ހިފައިގެން ވ. ރަކީދު އަށް ދަތުރުކުރަނިކޮށް، އެ އަތޮޅުގައި އޮންނަ ފަޅުރަށެއް ކަމަށްވާ މާގުޅީ ފަރަށް އެރި ބާޖެއް 100 މިލިއަން ރުފިޔާއިން މިއަދު ޖޫރިމަނާކޮށްފި އެވެ.
މިދިޔަ މެއި މަހު އެކެއްގައި، އޭއެމް އާގަމް ނަމަކަށް ކިޔާ އެ ބާޖު ފަރަށް އެރީ، މާގުޅީ ފަޅުގެ އުތުރުން އޮންނަ ކަނޑުއޮޅި ހުރަސްކުރަން އުޅުމުގެ ތެރޭގަ އެވެ. އެ ބާޖު ދަތުރުކުރީ އޭއެމް އަލްޕެޓް ކިޔާ ޓަގު ބޯޓަކާ ވެސް އެކުގަ އެވެ.
އެންވަޔަރަންމަންޓަލް ޕްރޮޓެކްޝަން އެޖެންސީ (އީޕީއޭ) އިން ކުރި އިއުލާނެއްގައި ބުނީ އެ ބާޖު ފަރަށް އެރުމާއި ގުޅިގެން އެ ފަރުގެ މާހައުލަށް ލިބުނު ގެއްލުންތަކަށް، ތިމާވެއްޓަށް ދޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދުގެ ދަށުން، 100,000,000ރ. އިން އެ އުޅަނދުގެ ވެރިފަރާތް ޖޫރިމަނާކޮށްފައިވާ ކަމަށެވެ.
އެއީ އެ ގަވާއިދުގެ ދަށުން ކަނޑައެޅޭ އެންމެ ބޮޑު ޖޫރިމަނާ އެވެ.
ޖޫރިމަނާ އަށް ވާ ފައިސާ 30 ދުވަހުގެ ތެރޭގައި އެ އެޖެންސީ އަށް ދެއްކުމަށް އެ އުޅަނދުގެ ރާއްޖޭގެ އޭޖެންޓު، މެއިންލޭންޑް ޝިޕިން ޕްރައިވެޓް ލިމިޓެޑަށް މިއަދު އަންގާފައިވާ ކަމަށް ވެސް ބުންޏެވެ.
"މި ބާޖު ފުންކޮށް ނިމުމުން އެ ސަރަހައްދުގެ ތިމާވެއްޓަށް ލިބުނު ގެއްލުންތައް ބެލުމަށް މި އެޖެންސީ އާއި އެ އުޅަނދުގެ ވެރިފަރާތުން ގުޅިގެން އެ ސަރަހައްދު ބަލައި، ޖޮއިންޓް-ސާވޭއެއް ކުރެވިފައިވެ އެވެ. މިގޮތުން، ބެލިބެލުމުން އެ ފަރުގެ 6،054 އަކަމީޓަރުގެ ސަރަހައްދަކަށް ބޮޑެތި ގެއްލުންތަކެއް ލިބިފައިވާކަން ވަނީ ފާހަގަކުރެވިފަ އެވެ،" އެ އިއުލާނުގައި ބުންޏެވެ.
އީޕީއޭ އިން ބުނީ ތިމާވެއްޓަށް ލިބުނު ގެއްލުންތައް ބަލައި ވަޒަންކޮށް ކަނޑައެޅުނު ޖުމްލަ ޖޫރިމަނާ އާއި ބަދަލުގެ އަދަދަކީ 152,569,800ރ. ކަމަށެވެ. ނަމަވެސް، ގަވާއިދުގައި އޮންނަ ގޮތުން ޖޫރިމަނާގެ ގޮތުގައި ކަނޑައެޅޭ އެންމެ ބޮޑު އަދަދަކީ 100 މިލިއަން ރުފިޔާ ކަމަށް ވާތީ އެ އަދަދު އެ ކުންފުނި ޖޫރިމަނާކޮށްފައިވާ ކަމަށެވެ.
އެ ބާޖު ފަރަށް އަރައިގެން ފަރަށް ލިބިފައިވާ ގެއްލުމުގެ ބަދަލު، ޝަރީއަތް މެދުވެރިކޮށް ހޯދުމުގެ މަސައްކަތް އޭޖީ އޮފީހާއި އެކުގައި ފެށިފައިވާ ކަމަށް ވެސް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެނޮނިމަސް
17 August 2022
ވ.ކައުންސިލަށް ލިބެންޖެހޭ ލާރި. ނޮޓް އީޕީއޭ!!!
ބޮޑުމީހާ
16 August 2022
ދައުލަތުގެ ބަޖެޓްގަ ޖަހައިގެން ތިކަން ކުރަންވީ. މިހާރު ރާއްޖޭގެ އިކޮނޮމިކް އެކްޓިވިޓީތަކަކީ ޓޫރިޒަމް، މަސްވެރިކަން، ސައިކަލް ޖޫރިމަނާ ދެން ފަރުފަރުގެ ޖޫރިމަނާ!
އިސްމާލި
16 August 2022
ހާހާ. ތިކަމެއް ނުވާނެ ނައީމްބެއަކަށް. އިންޑިއާ އާއި ބެހޭ ކަމެއް ވެއްޖެއްޔާ ދާނީ ޗޮކުން. މިހާރުވެސް އިންޑިއާ އިން އަންނަ މީހުނަށް ބިޒްނަސް ވިސާ ނަގަންވެސް ވަކި ކެޓެގަރީ އެއް އޮންނަކަން އެނގެނީ ކިތަށް މީހުނަށްބާ؟ އަދި ނުވިތާކަށް އިންޑިއާ މީހުނަށް ބިޒްނަސް ވިސާ ނަގަން ވިސާ ފީ ދައްކަން ނުޖެހޭކަން އެނގެނީ ކިތަށް މީހުނަށް ބާ. މި ކިޔަނީ މިތަނަކީ އިންޑިއާގެ އިކޮނޮމިކް ޓެރިޓަރީ އެކޭ.
މާގިރި
16 August 2022
ދައުލަތަށް އާމްދަނީ ހޯދަން ރަނގަޅު ގޮތެއް
އެޑަމް
16 August 2022
މަސްއަލަޔަކީި ތިޔަރައް,ރިސޯޓު ތަރައްގީކުރަންދޫކުރިކަން އަތޮޅު ކައުންސިލްކުދިން ކަޑޫކާން ބޭއްވިނަމަމާރަގަޅުވީސްތިވަރުކުޑަރަށެއްގެ ތިންބައިކުޅަދެބައިގަކަޑޫފާއޮންނައިރުއެތަނައްވެލިނާޅާރިސޯޓުތަރައްގީކުރާނެ އާއީޖާދެއްކައުންސިލުންބުނެދޭންވީނު އެމީހުންއެރައްނެގީ ކަނޑޫކާން,އެގުރިކަލޗަރުންތަ?ނުވަތަޓުއަރިޒަމްމިނިސްޓުރީން ރިސޯޓުތަރައްގީކުރަންތަ!!
މަށައް
16 August 2022
އީޕީއޭ މީހުންނަށް ކަމެއް ދަސްވެގެން މިއުޅެނީ…މި މާލޭގެ ފަޅުތެރެ ސާފްކުރަން ދޭބަލަ ފުރަތަމަ..100 މިލިއަން ބަހާލާ ދެން.
ިސިސޖޖސ
15 August 2022
ރާއްޖެ ނެތިދާވަރުގެ ގެއްލުންދޯ ލިބިފާ ހުރީ؟؟
މޮހޯ
15 August 2022
އަސްލު ގިރިއަކަށް ދޯ މިވެސް އެރީ؟
ކަމާލް
15 August 2022
މި މީހުން މިކިއާ އަގު ތަކަކީ އެއްޗެއްް އެނގިގެން ކިއާ އަގެއް، ނޫން.. ވިސްނާލަބަލަ، އެވާގްރީން ސުޢޭޒް ކަނަލް އައް ބީހިގެން 900 މިލިއަން ޑޮލަރުން ޖޫރިމާނާ ކުރި ފަހުން މި އީޕީއޭ މީހުން އެހެން އެހަދަނީ، މީގެ ކުރިންވެސް ބީހޭ، ދުވަހަކުވެސް އެއްސެވިންތޯ މިހާ ބޮޑެތި ޖޫރިމަނާ އެއްކުރި ؟ އީޕީއޭ މީހުން ކައިރީ އަހާބަލަ 100 މިލިއަނު އިންނަނީ ކިތައް ސުމެއްތޯ ! ލޮލް
ސައުތު
15 August 2022
ނޭގޭ ވާހަކަ ނުދައްކަ ބަލަ. ހެޔޮނުވާނެ
ވަހީދު
15 August 2022
މި ކަމާލު އެންމެ ކުޑަމިނުން މިޚަބަރު ކިޔާވެސް ނުލާ. ކީއްކުރާނީދޯ؟
ހޯދާ
16 August 2022
އެވާ ގްރީން އެއް ސުއެސް ކެނަލް ގަ ނުބީހޭ. އެވަރ ގިވެން ހުރަސްވީ.
އިސްމާލި
16 August 2022
ކަމާލް: ދައްކާ ވާހަކައިންނާއި ނަމުން ވައްތަރީ އިންޑީއާ މީހަކާ.
ކުޗީ
15 August 2022
މީވެސް އަޅެ ހާދަ މަޖާ ކަމެކޭ. އަބަދުވެސް 100 މިލިޔަން ، އެންމެ ލޯލާރިއެއްވެސް ނުލިބޭ. އެބަޔަކަށް ދެވޭނެ ވަރެއްގެ އަދަދެއް ކިޔާނަމަ. އެންމެ ފަހުން ރަސްފަރީ ފަރަށް އެެރި މީހުންވެސް އޭޖެންޓް ބޮލުގަ އަޅުވާފަ ބޯޓު ގެންގޮސްފި. މިހާރު އޭޖެންޓް އެދަނީ ކޯޓަށް.
ސައުތު
15 August 2022
މިކަން މަޖަލަކީ ނޫން. މިއީ އެންމެ މަތިން ގާނޫނުން ލިބިދޭ މިންވަރު. މިޔަށްވުރެން ލިބޭ ގެއްލުން ބޮޑު ހަގީގަތުގަ
ކިރު ސައި
15 August 2022
އެކަމަކު ރަށަކާ އެރަށުގެ ފަރު މަހުޖަނުން 50 އަހަރަށް އެ ކަޓުވާލަނީ އެއްޗެއް ކަޅެއް ދީފަ.