އައްޑޫން ޓޫރިޒަމްގެ ބޭނުމަށް ދޫކުރި ބިންތަކުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި އައްޑޫގެ މޭޔަރު އަލީ ނިޒާރު، ބިމެއް ކާމިޔާބުކުރި ފަރާތަކަށް އެކަމުގެ އެއްބަސްވުން ހަވާލުކުރައްވަނީ -- ފޮޓޯ: އައްޑޫ ސިޓީ ކައުންސިލް
16 އޯގަސްޓް 2022 - 12:02
8 comments
އައްޑޫގެ ޓޫރިޒަމް ޒޯނުތަކުގައި ގެސްޓް ހައުސް އާއި ޓޫރިސްޓް ހޮޓާ ހިންގުމަށް 23 މީހަކަށް ކުލީ ބިންތައް ދޫކޮށް، އެކަމުގެ އެއްބަސްވުމުގައި އިއްޔެ ސޮއިކޮށްފި އެވެ.
ބީލަން ކާމިޔާބުކުރި މީހުންނާއެކު، އެކަމުގެ އެއްބަސްވުމުގައި ސޮއިކުރީ އައްޑޫ ސިޓީ ކައުންސިލްގެ އިދާރާގައި ބޭއްވި ރަސްމިއްޔާތެއްގަ އެވެ.
އެ ކައުންސިލުން ބުނީ ޓޫރިޒަމްގެ ބޭނުމަށް ދޫކުރީ ހިތަދޫން ހަ ބިމަކާއި ފޭދޫން ދެ ބިމަކާއި ހުޅުދޫން އަށް ބިމެއް އަދި މީދޫން ހަތް ބިމެއް ކަމަށެވެ. ނަމަވެސް އެ ބިންތަކާ ގުޅޭ ތަފުސީލެއް އަދި އެ ކައުންސިލުން އާންމެއް ނުކުރެ އެވެ.
އެ ބިންތަކަށް ކުރިމަތިލާން ހުޅުވައިލީ މިދިޔަ އަހަރުގެ އެޕްރީލްގަ އެވެ.
އައްޑޫން މީގެ ކުރިން ވަނީ ޓޫރިޒަމަށް 3،000 އަކަފޫޓުގެ ފަސް ބިމަކާއި 5،000 އަކަފޫޓުގެ ބިމެއް އަދި 2،400 އަކަފޫޓުގެ ދެ ބިން ވެސް ދޫކޮށްފަ އެވެ.
އައްޑޫގައި ޓޫރިޒަމް ފުޅާކުރުމަށް ސިޓީ ކައުންސިލުން ވަނީ މިދިޔަ އަހަރު ހާއްސަ ކޮންސެޕްޓެއް ވެސް އެކުލަވާލައިފަ އެވެ. އައްޑޫގައި އަލަށް ތަރައްގީކުރަން ރާވާފައިވާ ރިސޯޓުތަކާއި ހޮޓާތަކާއި އަދި އަވަށްތަކުގެ ޓޫރިޒަމް ޒޯންތަކުގެ ޕްލޭން ވެސް އެ ކޮންސެޕްޓްގައި ހިމަނާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންތޯ
16 August 2022
ފޮޓޯ ތަކުން އެބަ ފެނޭ އައްޑޫ ހޮސްޕިޓަލްގެ ސީއީއޯ ވެސް.
ހށނ
16 August 2022
މާލެ ޒޯން ބާއްވާފަ ދެން ތިބި ހުރިހާ އަތޮޅެއް، މީހުނާއެކު 100 އަހަރަށް ދުނިޔޭގެ މުއްސަދި ކުންފުނިތަކަށް ވިއްކާލަންވީ.
އެމްސް
16 August 2022
ޒަމާނުއްސުރެ މިޤައުމު ހިނގީ: "1 ރަަށް|1 ޤައުމު" މި ޝިޢާރަށް! އަދިވެސް މިޤައުމު މި ހިންގެނީ: "1 ޤައުމު|1 ސިނާޢަތު" ގެ މައްޗަށް! ދެންވެސް ޒަމާނަށް ލޯހުޅުވިފަ ތިބި ބަޔަކު ޤައުމުގެ އިސް ސަފަށް ނެރޭކަށް ނުވޭބާ؟
ދިރިމެޓާ
16 August 2022
ބުރޯ ކޮބާތަ އެއްކަލަ 6000 އެނދު.
އޮނަރަބްލް އަފީފު ދީދީ
16 August 2022
ދައުލަތުގެ ކުންފުނިތަކަށާއި އަމިއްލަ ފަރާތް ތަކަށް "ޙިޔާލީ މެގަ ޕްރޮޖެކްޓްތަކަށް" ބިން ދޫކޮށް އައްޑޫސިޓީގެ ބިމުގެ ބޮޑުބައެއް މިހާރު އޮތީ މިފަދަ ގޮތްގޮތަށް އެކިއެކި ކުންފުނިތަކާއި މީސްމީހުންގެ އަތްދަށުގައި. # ކުރީގެ މޭޔަރާއި މިހާރުގެ މޭޔަރަކީވެސް ވަރަށްބޮޑަށް "ބިމާއި ދޯހަޅި މޭޔަރުން ކަމަށްވާތީ" އަބަދުވެސް މިމީހުން އުޅެނީ ކޮންމެވެސް ބިމެއްގެ ކަމެއް ހަމަނުޖެހުގެން. ދުވަހަކުވެސް ދޫކުރި ބިމަކުން ރައްޔިތުނަށް ސިޓީއަށް ކުރިއެރުމެއް ނުލިބޭ.
އެމްސް
16 August 2022
މޭޔަރުންނަށް ތި ހޮވެނީ ޒަމާނަށް، ދުނިޔޭގަ ކަން ހިނގާ މަގަށް ލޯ ހުޅުވިފަ ތިބި ބަޔަކު ބާ؟
އޮނަރަބްލް އަފީފު ދީދީ
16 August 2022
އައްޑޫގެ ޓްއަރިޒަމަށް ބިން، އައްޑޫގެ ހޮސްޕިޓަލާއި އިސްކޫލް ފެކަލްޓީ ތަކަށް ބިން، އައްޑޫގެ ކޭނަރިން ޕްލާންޓާއި ޑިސެލިނައިޓެޑް ފެން އުފެއްދުމަށް ބިން، އަދި އިހައްދުވަހު ވަޒީރު ފައްޔާޒު UNDP އާއި ގުޅިގެން ގާމެންޓް ފެކްޓަރީ އެއް އުފައްދަންވެގެންވެސް އެތައް ހާސް އަކަފޫޓް ބިމެއް އަތްދަށު ލައިފި. # ސުވާލަކީ މިކަންކަމަށް އައްޑުގެ ބިން ވަކިކޮށް ކަޑަޖެހުމުން "ބައިތުލް މަޤްދިސް ބިނާކުރިގޮތަށް" ޖިންސި ޝޮއިތާނުންތޯ މިކަން ކުރަނީ؟!
އޮއޢޮނުކެނޑިބެ
16 August 2022
ހޮޅިޔޯ ނުކިޔަ ރަށަ އް އާދޭ މާލޭގަ ހުރެގެން ހަޅޭ އްނުލަވަ